عروسه متورطه تبغا نصايحكم وتجاربكم من خلطات وغيره

[مبدعه طيبه]

سلام علي الناس الحلوه الي اموت علي منتداهم واستفيد كثييييييييرررر
بنات ابغا مساعدتكم مررررررررررررررررررررم محطمه ونفسيه اتش ومقفله
اول شي انازواجي بعد سنه تقريبا بس ببدأ اشتغل علي نفسي بدري لاني يبغالي اعاده تصنيع من البلاوي الي فيني
ابغي خلطات انتم مجربينها للجسم وتوحيد لونه واهم شي الابط والرقبه والاكواع والركب
اللي يخليكم
وبعد بقلكم شي بس مرررررررررره محرجه
اعاني من سمار شديد في المنطقه الحساسه مره معقدني من غير الشي الي مأرقني الي هي الافرازات متعبتني ومستحيه مرره اروح لدكتوره ابغا خلطات واشياء تفيدني من هالناحيه
والطااااااااااااامه الي مسببتلي هم احس خطيبي ماراح يتقبلني لاني اعاني من تشققات بيضا مررررررررره مشوه جسمي وقديمه تعبت مالقيت علاج وانتم عارفين بهالمعانه بطني وظهري ويدي مررررررررررره مشوهتني مين جرب شي ونفع معاها
حمدلله انا واثقه بنفسي ماعلي حلوه وشياكه بس برضو الهم ذابحني من هالوناحي
بس ابغا تجاربكم وشي ثقه استخدمه
سااااااااااااااعدوني وماراح انساكم من دعواتي ابد في حرم المدينه

 

[((غلاي))]

اول شي الله يوفقج ان شاء الله

المناطق السمرا بالجسم محتاجه عنايه و ترطيب دايمن
استخدمي خلطات بس لاتحطين كرتزون نصيحه نصيحه نصيحه
سوي خلطات انتي بايدج
الكرتزون دمار و ما منه فايده
و تشققات الجسم راح احط موضوع عنه

و عندج سنه كامله اهتمي بنفسج و صيري احلى عروس ان شاء الله
و لاتنسين الحمام المغربي

مووووووووفقه

 

[mi corazon]

مبروك عروستنا

وي عليج سنه جدامج تقولين متورطه عيل شنقول احنا يللي شهرين وشهر

الله يتمملنا ولج عله خير يارب

شوفي حبيبتي بقول لج عن واقع تجربتي ماودي اتفلسف .. لأن وايد اشياء حابه اجربهم بس ستل ماجربتهم .. فا ما اقدر احكم واوصيج فيهم

شوفي من واقع تجربه .. ليزر الشعر فتح لي المنطقه بشكل كبييييييييييير ..جربت كل شي الليمون والدهانات المضاده والبيكنق صودا ووووووو وايد سوالف

الليزر وبس .. نعومه وتفتيح مو طبيعي

للاباط .. الليمون عجيب خصوصا بعد الشيره بيوم .. سويله سنفره وحطي عقبها كريم مضاد مثل الدكوين او سودو

التشققات جربت المساج السحري والخلطه الافريقيه من تاجره بالمنتدى نسيت اسمها .. النتيجه وايد مرضيه بس تعيزت وما استمريت .. لأني لقيت البديل السريل

لكل المشاكل .. بس مؤلم

( الرولر)

اهو بكره فيها ابر .. طلبتها تاجره لي من امريكا .. استخدمتها مرتين لشعري وللامانه والله شاهد احس ماني محتاجه بعد لأن الشعر نبت .. بس بعد مده ..يعني استخدمته من شهر مع الصبار لطازج وزيت الاملا والثوم .. بعد شهر لاحظت الشعر طولان بس ماكنت منتبهه

وبشرتي ماجربت .. اختي اللي يابته معاها جربته وايد فرق .. لاحظتها .. الويه يمتلي والكريمات اللي تستخدمهم يبين مفعولهم بسرعه

حاليا استخدم كريم اختي مسويته من المندى من العضوه داهية مطير .. دوري الموضوع وسويه

صج صج مبين الفرق علي احطه بالليل عله ويهي ورقبتي وايدي وركبي وريولي .. وبما اننا الحين بالبرد نلبس ٢٤ ساعه دلاغات تعالي شوفي ريولي شلون صارت لون واحد

ركبتي بعد يبيلها لأنها ناشفه دايمن فا يبيلها وقت وترطيب


واخيرا وليس اخرا مادري العكس !!!!

يبت بودرة الكولاجين من تاجره بالمنتدى

صج صج صج حبيتها مع اني امل من هالسوالف وماحب استمر .. بس مع هالبودر احس المسامات بخدي خفت وشبه راحت

الحين بكمل على التشققات اللي في المؤخره والاجناب والظهر باستخدام الرولر .. ادعولي اتحمل العوار


شوفي اللي قتلج اياهم بس الاشياء اللي يابت معاي نتيجه .. علما بأني سمره .. يعني النتيجه تطلع علي ابطأ .. اتوقع تبين عليج اسرع بإذن الله


ودكل ما تسوين شي حتى لو مامنه فايده سمي وقولي يارب ابي فايدته ياري جملني بنظر زوجي


وموفقه ياعروستنا

 

[معزوفة عشق&]

ماشاء الله ماقصرو اللي قبلي
*بقولك عنايتي انا استخدم لبشرة وجهي مجموعه اولاي بالتوت البري تحتوي على ( غسول + كريم النهار + كريم الليل )
ويوم الجمعه لا تحطين ع وجهك ولا شي خلي البشرة ترتاح خلال اسبوعين بتفتح بشرتك وبتصير صافيه باذن الله
ومره وحده في الشهر سوي تقشير لوجهك او مره كل شهرين
*الاماكن الغامقه في جسمك استخدمي ( كركم الجسم + فازلين) اخلطيهم وادهني الاكواع والركب لمده ربع ساعه وبعدين اغسليها باصابونة البابايا والنتيجه تبان من اسبوعين
*اذا رموشك صغار وتتقصف 3 ايام في الاسبوع حطي عليها فازلين شوي في اصبعك وافركيه وحطيه ع رموشك كانك تحطين مسكره بس لا تكثرين لو كثرتي النتيجه بتكون سلبيه .
*سنفره للجسم في الشهر مره او دلكه
لليدين ترطيب + تبيض استخدمي ( ليمون - زيت بيبي اويل - فازلين = زيت زيتون ) اخلطيهم كلهم في علبه وافركي يدك فيها قبل النووم مع شويت ملح لمده خمس دقتيق بعدين اغسلي بصابونه البابايا ونشفي ايدك وحطي كرين فازلين الوردي للعنايه باليد والاظافر
امممممم هذا اللي عندي حاليا و اذا تبين شي حنا نعين ونعاون ان شاء الله
دعواتك لي بتيسر امور زواجي ^^

 

[mi corazon]

ماشاء الله ماقصرو اللي قبلي
*بقولك عنايتي انا استخدم لبشرة وجهي مجموعه اولاي بالتوت البري تحتوي على ( غسول + كريم النهار + كريم الليل )
ويوم الجمعه لا تحطين ع وجهك ولا شي خلي البشرة ترتاح خلال اسبوعين بتفتح بشرتك وبتصير صافيه باذن الله
ومره وحده في الشهر سوي تقشير لوجهك او مره كل شهرين
*الاماكن الغامقه في جسمك استخدمي ( كركم الجسم + فازلين) اخلطيهم وادهني الاكواع والركب لمده ربع ساعه وبعدين اغسليها باصابونة البابايا والنتيجه تبان من اسبوعين
*اذا رموشك صغار وتتقصف 3 ايام في الاسبوع حطي عليها فازلين شوي في اصبعك وافركيه وحطيه ع رموشك كانك تحطين مسكره بس لا تكثرين لو كثرتي النتيجه بتكون سلبيه .
*سنفره للجسم في الشهر مره او دلكه
لليدين ترطيب + تبيض استخدمي ( ليمون - زيت بيبي اويل - فازلين = زيت زيتون ) اخلطيهم كلهم في علبه وافركي يدك فيها قبل النووم مع شويت ملح لمده خمس دقتيق بعدين اغسلي بصابونه البابايا ونشفي ايدك وحطي كرين فازلين الوردي للعنايه باليد والاظافر
امممممم هذا اللي عندي حاليا و اذا تبين شي حنا نعين ونعاون ان شاء الله
دعواتك لي بتيسر امور زواجي ^^

صح عن تجربه الفازلين يطول الرموش

 

[ارنوبه الاموره]

اب لعيونج
والله يوفقج يارب

 

[دآآآنــه]

و عليكم السلام
زين انك فكرتي بالعنايه قبل الزواج بفتره
و باعطيك طريقه تستخدمينها اذا بغيتي تحفين المنطقه الحساسه
لان الحف سبب في سمار المنطقه ​

و هذي طريقة حف حلوه و اذا استمريتي بتفتح لك المنطقه
اشطفي المنطقة بالماء ونظفيها زين ثم اخلطي نشا وحليب طازج
و حطيه على المنطقة الين يجف ثم استخدمي الموس والخلطه موجودةعلى المنطقة
الى ان تخلصي من حلقة ثم اشطفيه جيدا وشوفي بياض المنطقة مع الاستمرار
و هذي خلطه منقوله من منتدى ثاني
و انا استخدمها هالايام
و مكوناتها حليب بودره و نشاو بابونج و صابون تفتيح
و زيت ليمون و زيت عنب
انا مالقيت زيت العنب و استبدلته بزيت اللوز
طبعا لما تروحين للعطار بتلقين زهرة البابوننج وزيت العنب وزيت الليمون
المهم لما تروحين البيت جيبي شوية من نبات البابوننج وإغليه علي لترين ماي
وخليه يغلي على النار وبعدين طفي النار واتركيه يبرد وبعدين صفيه من الشوائب وفضي
ه في علبة زجاج نظيفة لها غطاء محكم عشان يبقي عندك كمية كل ما تيجين تسوين الخلطة تاخدي منها وتحفظيها بالثلاجة
جيبي ملعقة كبيرة نشا -وملعقة كبيرة حليب بودرة نيدو -ملعقة صغيرة زيت عنب وملعقة صغيرة زيت ليمون -وشوية ماء بابوننج
المهم تحكمي بالنسب بحيث يكون عندك عجينة لها قوام مائل للغلاظة يعني بس ما تكون سائله
لما تدخلي الحمام جيبي أي صابونة تفتيح بترتاحين عليها وبتحسين إنها فعلا بتفتحك
وإغسلي بها المنطقة الحساسة ورغي المنطقة عدل يعني غطي المنطقة برغوةكثيفة من هذه الصابونة
بس لازم تكوني مرغيتها بماي بابوننج مو بماي عادي ...يعني كانك سويتي ماسك مكون من ماء بابوننج وصابونة تفتيح
وإتركي الرغوة الكثيفة علي المنطقة لمدة نص ساعه وبعدين إشطفيها عادي بماي وكملي إستحمامك
ولما تنشفي جسمك وتطلعي من الحمام ..إلبسي جلابية تكوني مخصصاها للخلطات ولا تلبسين حاجه تحتها .
وإدخلي الغرفه وجيبي الماسك اللي سويتيه في البداية وإفتحي رجليكي وجيبي مراية عشان تعرفي تدهني الأماكن الغامقة إلي عندك و سمي بالله
وضعي الماسك على المنطقة الداخلية كلها و بين الفخوذ و الارداف و خلك فاتحه رجولك عشان ما تنمسح العجينه ..
و غطي نفسك بالجلابية بس لا تخلينها تلمس المكان وإسترخي و تفرجي على التلفزيون أو إقري مجلة
أو أي شئ أو إعملي باديكير لأظافر يدك المهم إتركيها لمدة ساعة..المهم لما تخلص الساعة إدخلي الحمام
وإغسليها بصابونة التفتيح بماء فاتر مائل للبرودة ....ولما تطلعي من الحمام نشفي المنطقة ..
و سوي هالخلطه بالليل عشان الكريم اللي بتدهنينه ما ينفع كل شوية تدخلي الحمام وإلا بينمسح ...
جيبي كريم كينول من الصيدلية ...وإدهني المنطقه كلها
و دعواتك لي بالتوفيق و السعاده ​

 

[دلوعه غناتي]

الحمدالله عندج سنه كامله يمديج الخلطات واااااايد هني بالمنتدى

 

[لمى الهاجري]

الافرازات اهتمي بدورتج شربي زنجبيل وعشبة المدينة

 

[گـحِـلْ |~]

الافرازات لازم تراجعين دكتور واهتمي بالمنطقه لا تخلينها مبلله
استخدمي الغسول
عالجي الافرازات بعدين التفتيح

الملابس الداخليه لازم تكون 100% قطن
والله يوفقج والبنات ماقصروا بخلطاتهم

 

[^لغموضي معاني^]

عليكم السلام ورحمه الله وبركاته


سنه مده زينه وكافيه

اول شي ابتعدي عن السليب والبي سروال نص فخذ قطن اهم شي

ثاني شي كثري من شرب الماي واهتمي بدورتج لاتخربطين بالاكل

بعدها استخدمي غسول للمنطقه الحساسه البابونج




بعدها استخدمي خلطه انل ولاتسخدمين اشياء واجد عشان لايطلع النتيجه عكسيه عليج

استخدميها لجسمج كله ماعدا وجهج

http://www.q8yat.com/t736530.html


وهذا لوجهج

http://www.q8yat.com/t727208.html


وبجذي كل جسمج مع وجهج خلصنا منه


والخلطتين مضمونه ومجربينها اكثر من وحده وانا من ضمنهم

واي سؤال لايردج ع الخاص

 

[نسيم المحبة]

الافرازات : اهتمي بنفسج وقت الدورة
توحيد لون الجسم : الحمام المغربي استمري عليه

 

[قلبهـ 86]

اب


اب