عرفت السر الخطير ياكويتيات ..... عرفته.. عرفته

[jolie_q8]

رد : عرفت السر الخطير ياكويتيات ..... عرفته.. عرفته

انا من راي نفيشه
المفروض تسكرونه

 

[نور بنت ابوها]

عرفت السر ياكويتيات - ليش سكرتوا الموضوع

بنات صباح الخير على عيونكم كلكم ...... ( صج كويتيات ما فيكم صبر ) خواتي العزيزات .. عنابه - fulla - بنت الكويت العسل- moonl.ght - دنيا الوله- جولي- زمن العجايب- الامل الخير- كويتانه- نفيشه- غدير الجنان- الخنساء- ام علاوي ( مشكوره كنتي معي ) - شمسوقمر( ماقصرتي)- شاهه- كويتيهمول- لمووو-ريحانه+ كويتية - عضوه مميزه - رفرف - عذاري - جولي (مشكوره ) مشكورين وايد على الرد ... بس والله يا بنات انا ما عندي كمبيوتر في البيت وانا كنت اكلمكم من الدوام وكان يوم الاربعاء لما خلصت شغل كتبت لكم بس كان الرد قليل منكم وكنت قاعده انطر .... وبعدين ياني شغل وقاعده اخلصه ليما انتهى الدوام .. وتعرفون يوم الاربعاء ودنا نطلع بسرعه ......... بس والله العظيم مو مطنشتكم وتفاجاة جدا لما شفت الردود لما فتحت اليوم الصبح الكمبيوتر وقريت الردود وشفت الموضوع مسكر جدا تضايقة ... وارد اقول انا اسفه جدا جدا جدا جدا

 

[جوريه]

رد : عرفت السر ياكويتيات - ليش سكرتوا الموضوع

شالسالفه؟!!!

 

[السفيرة عزيزة]

رد : عرفت السر ياكويتيات - ليش سكرتوا الموضوع

انزين عيل قوليلنا شنو السر

احنا قاعدين ننطر

 

[حبنا الله عليه]

رد : عرفت السر ياكويتيات - ليش سكرتوا الموضوع

عزيزتي .. بنت ابوها

الله يهداج سويتي لنا حلقات كلها من نفس الموضوع

لو تقولين لنا السر وتستريحين وتريحين

أفضــــل ، واحنا بانتظارج

 

[شهد_الكويت]

رد : عرفت السر ياكويتيات - ليش سكرتوا الموضوع

حتي انا بعد اقولكم شسالفه لاني مو فاهمه شي كلششش

عن شنو اتكلمون

 

[نور بنت ابوها]

رد : عرفت السر ياكويتيات - ليش سكرتوا الموضوع

بنات انا قلت لكم اني راح اسال وادور مره انا كنت معزومه على عرس كنت متوقعه اني راح اشوفها وفعلا لقيتها كانت قاعده بعيد ورحت وسلمت عليها وقعدت يمها وعلى العشاء قلت لازم اسالها قلت لها انتي ماشاء الله بشرتك جدا صايره حلوه اكيد انت مسوسه تقشير قالت لا والله وتقعد تحلف ( خرعتني كني قايله شيء منكر ) انها ابدا ما سوت تقشير قتلها عيل شنهو السر بشرتك فارقه على وايد وصايرة صغيره ( امدحها علشان تقول ) بس عاد اهي الصراحه طيبه وايد بس يمكن خواتها يقول لا تقولين على الرغم انها موصغيره بالعمر .... بس تعرفون بعض الحريم ودها تحتفظ بكل شيء لنفسها حتى تكون متميزه .المهم قالت انا استعمل كريم يسويه دكتور من الخبر يعني اهو يخلطة وهي مثل الخلطات الي تستعمل للتبييض بس ما فيها زئبق ولا المواد الي اذا نسيتي تحطينها او مالك خلق او مريضه يصير ويهج اسمر يعني كلها طبيعية .... بنات انا ترى ما احب خلطات التبييض مالت الحريم وقلت لها وي هذا السر قالت لا والله هذا الكريم غير غير المهم قلت لها ممكن اشوفه قالت بكره راح اجيبه لك مع السايق وفعلا يابنات يابته وشفته ريحته مثل كريمات التبييض الي ناخذها من الحريم اتصلت عليها وخبرتها انه نفس ها الكريمات قالت لا هذا غير وهي وخواتها يروحون حق الدكتور ويسوي لهم طلبيه كبيره وهم الخوات يقسمونه بينهم يحطونه في علب الكريمات الخاصه مالتهم المنتهيه مثل ( كرستين ديور وبايوت وشانيل ) كان الكريم في علبة كرستيان ديور ..... انا الصراحة حلفتها اذا كان فيه كرتزون قالت والله العظيم انه ما فية والسعوديات الطبقة الهاي عندهم كله يستعملونه بالخش والدس .... عاد انا قلت ليش ما اجربه وطلبة منها تجيبلي قالت اهمه ما يجيبون الا كميه لهم ويتقاسمونها وقالت راح اعطيك علبه من علبي جربيه اذا عجبك راح نجيب لك معانا ...... والله انا يابنات صار لي اليوم 10 ايام اجربه والله حلو بس اهي تقول بعد اسبوعين راح تشوفين فرق ...... وبس هذا هو سر ( والله العظيم ان بشرتها تينن تعرفون اشلون تينن ) وانا راح اجرب واشوف حدي شهر .... وسلامتكم

 

[نور بنت ابوها]

رد : عرفت السر ياكويتيات - ليش سكرتوا الموضوع

حبيبتي مشرفة ادبيات وكويتيه 26 - والسفيره عزيزه - حبيباتي اعذروني اذا تاخرت او طولتها لاني في الدوام كل ساعة اييني شغل علشان جذيه اخليكم شوي وارجع لكم مره ثانيه والبيت ما عندي كمبيوتر ... واي استفسار انا حاضره وقاعدة ليما الساعة 1:30 ظهرا ... بـــــــــــــــــــــــــــــاي

 

[وردة الكويت]

رد : عرفت السر ياكويتيات - ليش سكرتوا الموضوع

ما تقصرين اختي نور
بس شنو اسم الدكتور
وذا نفع معاج لا تنسين تقولين لنا شنو صار وياج
وسلامتج

 

[ديحانية+كويتية]

رد : عرفت السر ياكويتيات - ليش سكرتوا الموضوع

وبس هذا الموضوع ذبحتون علية
شفيكم بناتاللة ماكثر الكريمات بالكويت حتي بالجمعيات بنات اللة يهديكم شتبون بالشي السريع اللة يخلي الليمون والسكر والزيت والحمامات المغربية

واللة ياخوفي فية مواد كميائية وتهوهقون لخليتوة
المهم اختي انتي جربية واسأل رفيجتج جم صارلها تستعملة ومافكرت تخلية لان اعتقد التبيض بس دة محددة وخلاص موطول عمرج

المهم عليكم بالعافية وارجو الافادة بالموضوع
شكراا

 

[مُناي]

رد : عرفت السر ياكويتيات - ليش سكرتوا الموضوع

بنات

خالة عذاري تييب هالكريم

واللي تسويه صيدلانيه

ومافيه كورتيزون

وانا بصراحه طلبته

 

[الغلاااااااكله]

رد : عرفت السر ياكويتيات - ليش سكرتوا الموضوع

يعني يبيض الوجه
؟!!

مناي وين عذذذذذاري
ساكته كل هالوقت
وماقالت لنا

زين اذا تبيعه حلوووو
بس خالة عذوره تجيبه من السعوديه يعني؟؟ ولا تسويه ؟؟

وبجم طلبتيه




كثرت الاسئله

 

[Raveena]

رد : عرفت السر ياكويتيات - ليش سكرتوا الموضوع

ظلمتو البنت

 

[نور بنت ابوها]

رد : عرفت السر ياكويتيات - ليش سكرتوا الموضوع

صباح الخير يابنات // اشلونكم .... نور الكويت _ والله ما اعرف اسم الدكتور او مكانه حسب كلامها انه دكتور وفي الخبر انا بعد ما اقدر اسالها وين وشحقه وليش اذا عجبني راح اوصيها واعطيها فلوس لاني ما راح اروح الخبر ( اش لي بالعباله )
واختي .. ديحانيه+ كويتيه - اهي لها سنه وهي تستعمله وتقول انه ما فيه اي مواد كيماويه بدليل انها تقهد بعض المرات اسابيع ماتستعمله ويظل وييها مثل ما هو ( تقول ساعات امل كل ليله احطه ) الدكتور قايل انه فية جولاجين طبيعي وفيتامبنe واعشاب طبيه طبيعيه .... انا راح اجربه واشوف لمده شهر .... وذا انتي متعوده على اليمون والسكر والحمام المغربي استمري عليه احسن لك من شي مو شايفته او مجربته ...

 

[نور بنت ابوها]

رد : عرفت السر ياكويتيات - ليش سكرتوا الموضوع

يا بعد قلبي يا Raveena احساس راقي وقلبك طبيب وايد الله يوفقك جبرتي بخاطري ( والله كان مكسور خاطري ) بعد عمري

 

[Dancing^Queen]

رد : عرفت السر ياكويتيات - ليش سكرتوا الموضوع

مشكوره نور انج شاركتي المعلومه مع البنات ماقصرتي
وهذا العشم فيجج حبيبتي
وادري انج خذيتي بخاطرج ان الموضوع تسكر بس مثل منتي عارفه هالاسلوب ممكن ايسبب مشاكل بين البنات وفي ناس تاخذه بحساسيه جدا جدا جدا وتتنرفز وممكن اتغلط ، واحنا مانبي نوصل لين هالمرحله
وهالشي في حمايه لحقج وحق غيرج
وماقصرتي حبوبه وانشالله نشوف مشاركاتج ويانا اكثر واكثر
وياريت تييبين لنا نتايج هالكريم وبجم وشلون اذا احد بغاه؟

 

[^^دموع الكويت^^]

رد : عرفت السر ياكويتيات - ليش سكرتوا الموضوع

هلا وغلا اختي


مشكوووووووووورة على السر بس لو قايله السر في بداية الموضوع ولا انج تعلقين البنات وانتي تدرين انه ما عندج جهاز كمبيوتر بالبيت وما تقدرين تشبكين الا بالدوام لو قايله السر من البدايةجان ما خليتي البنات يتضايقون ويسألون هالكثر على العموم انا راح افتح الموضوع وادمجه مع القديم