عرس بالشيراتون

[ام خدود ورديه]

السلام عليكم
شلونكم عرووسات


بنات منو فيكم سوت عرسها بالشيراتون ؟


انا اذا بعزم 250 شخص اقدر اسوي فيها ؟ وجم راح تكلفني تقريباا؟؟

 

[ღ مذهلة ღ]

الشيراتون فيه اكثر من قاعة واتوقع البوفيه يبدي من 18 دينار
ان شاء الله البنات يفيدونج بعد و مبروك حبيبتي

 

[lymona87]

اب اب
ان شالله ينفعونج البنات

 

[Toulin RTN]

الشيراتون فيه اكثر من قاعة واتوقع البوفيه يبدي من 18 دينار
ان شاء الله البنات يفيدونج بعد و مبروك حبيبتي

عدل

ومبروك
:aha:

وأي خدمة انا حاضرة
:balo:

 

[ام خدود ورديه]

ثانكس بنات

يعني شلون 18؟

يعني لو بعزم 200 شخص
اضرب 18 اب 200 واشووف جم يكلفني ؟ هيك ؟

 

[داريني]

عندج قاعده الدانه بالشيراتون تشيل 250 شخص
والسعر على حسب نوع البوفيه
اتوقع يبدي من 20 لي فوق
و حسبي مثلا النفر ب20 وضربيهم بعدد المعازيم

بس صراحه الشيراتون خدمه واكلهم لا يعلى عليه

 

[ام خدود ورديه]

والله اسعارهم حلووه
فندق والشيراتون وب25
اذا القاعه اللي بمشرف نفس السعر
مشكوره قلبو

 

[ام خدود ورديه]

رحت قبل جم يووم وانصدمت شويه
عندهم السعر على حسب نوع البوفيه قالي اقل شي 25
لا وبعد انا انقي الاكل واهوا يحسب عاد وقالي اذا تبين 200 شخص حطي ميزانيه 5500 لي 7 الاف
حسيتها وايد لانه القاعه مو وايد كبيره اتوقع وماقدر اشوفها لانه كان فيه حفله

منو شاف القاعه ؟ يقولي الرخام فيه لون ازرق؟! استغربت اللي شافت القاعه اتقولي اسمها الدانه

 

[برنسيسة زمااني]

حق 200 الى 250 شخص


يعطيج قاعة الدانة اللي فوق معها قاعة العشا

و الشخص اقل شي 25 دينار و انا مره قالي اخذي 200 وانا احسبلج حق 250 شخص

يعني سوالي عرض 50 شخص مجانا

بس القاعه صغيره مو الماسيه

والله يوفقج يارب

 

[لـولـيـتـا]

حبيبتي احنا عرس اختي سوينا بالشيراتون كلفنا حوالي 15 الف دينار
وفي قاعتين قاعة الدانه هذي تشيل من 200 الى 350 شخص بس
والقاعه الماسيه تشيل من 500 وفوق ..

والمينيوات .. للاشخاص
تبدي الشخص بـ19
وفي الشخص بـ24
وفي الشخص بـ30

واحنا اخترنا الشخص بـ30 لان كان مينيو البوفيه ماله وااايد احلى وموفرين انواع اكثر
اما بالنسبه للحجز احنا لما حجزنا حق 250 شخص .. وعطونا 100 كرسي زياده .. عشان كنا حاجزين اغلى مينيو عندهم
وطبعا كان في سويت مجاني للمعاريس

واختي حطت المكياج من عندهم بعد


وطبعا التكاليف مو مثل ماقلت لج انا حسب التكاليف كامله .. مع الدي جي والكوشه والحلو .. والتصوير وكل شي

اما حجز قاعة الفندق بروحها طلعت علينا حوالي 7 الاف ونص

واي اسئله ثانيه انا حااااضره وبالشوووفه

 

[روحي تحب]

شوفي حبوبه حتى لو مو عاجبتج الدانه اخذي الملكيه اللي اصغر من الماسيه واكبر من الدانه بس لازم يصادف انه مايكون فيه عرس بالماسيه لانهم يحطون فيها البوفيه

وقبل فتره حضرت عيد ميلاد فيها كانت روعه احس ديكوراتها احلى من الدانه بصراحه

وعادي ترى اذا عندج معارف يخصمون و يعطونج البوفيه الاغلى ب18 اغلب الناس يدورون واسطه بالشيراتون حتى هالسوالف دخلت فيها الواسطات خخخخخ

 

[زبــــــــدة]

انتي شايفه مكانه الشيراتون

شوفي هوليدي ان شرق حلوة قاعاتهم...

 

[Toulin RTN]

انا بصراحة ماحبيت قاعة الدانة كلش ..
صغيييييرة وايد والحمام صاير خارجي يعني لازم الوحدة تلبس عشان تروح الحمام
يعني بصراحة اللي بتسوي بالشيراتون (عشان بس اسم الشيراتون) ماتسوى انها تسويها بالدانة حسافة الفلوس فيها
فندق ثاني او صالة راقية وايد احسنلها

 

[sweet heart]

انا بصراحة ماحبيت قاعة الدانة كلش ..
صغيييييرة وايد والحمام صاير خارجي يعني لازم الوحدة تلبس عشان تروح الحمام
يعني بصراحة اللي بتسوي بالشيراتون (عشان بس اسم الشيراتون) ماتسوى انها تسويها بالدانة حسافة الفلوس فيها
فندق ثاني او صالة راقية وايد احسنلها

صاااااااجه اتفق معاج..

 

[ام خدود ورديه]

مشكورين بنات والله ماقصرتوو كفيتو او وفيتو
بس توني ادري انه في قاعه ملكيه ؟ ماقالي عنها ؟
يبيلي روحه ثانيه واقولكم
تسملووون