عرسي والتجهيزات . . . ؟! نصايحكم وتجاربكم (ساعدوني)

[أحلام ورديـہ]

مساآ الورد يا كويتيآت

:eh_s(22):

عرسي بإذن الله في شهر مارس يعني تقريباً باقي عليه 6 شهور

متى أبدأ التجهيزات وشلون وشنو آخذ وشنو مآ آخذ

ابي أعرف شنو الأشيآء الي بحتاجها من ملابس داخلية وقمصان النوم الطويلة والقصيرة وبجايم وبدل والأشيآء الثانية ومن كل شيء كم قطعة ؟

ابي اعرف بالتفصيل الممل مع العلم بسكن عند أهل زوجي إن شاء الله ولي شقة منفصله عنهم

شغلة وحدة خلصت منهآ بس وهي اني أخذت لي الخامات الي بسوي منها دراعات وجلابيات

2 شيفون يمكن أسويهم قصات وحركات

2 حراير بسويهم مغربيات

1 بروكار (قطن مع مخمل) مفكرة أسويها مغربية فخمة

10 قطن (6 تطريز فخم - 4 خفيف )

,

وبالنسبة لليزر كم جلسة أحتاج قبل العرس ؟ وكم المدة بين كل جلسة والثانية وناوية إن شاء الله أسوي جسمي كله

وابي منكم دعوه حلوة بالتوفيق وربي يتمم لي على خير

ولكم مني هذي الدعوه

ياآرب ارزق كل بنت الزوج الصالح وارزق كل متزوجة الذرية الصالحة

:eh_s(17):

 

[Angel_store]

اب اب اب

 

[لوفيه]

عسى ربي يتمم عليج ويسهل لج امورج والف مبروك ان شاء الله

شوفي دام انج بشقة منعزله فالمطلوب منج تبدعيييييين تخلين زوجج ينبهر بكشختج واناقتج

قمصان النوم خليهم ذربين وخري عن المكشكش واللي فيهم شك طالع لي برا لالالا ابتعدي عن الدفاشه

واخذي نوعهم حراير وستان هذا بالنسبة حق غرفة النوم ولمن تتزوجين تعرفين ليش *_*

وبصالتج لا تعتمدين على لوك واحد

قمصان طويلة قصاتهم صوب الصدر والظهر اهم شي

شوراتات وبديات تكون ألوانهم فرايحيه وكبسات ذربة وسمبل حق الشعر

تيشيرتات ضييييجه وبنطلونات لبسي معاهم اكسسوارات ناعمه

لاتفكرين وايد بالبجامات تو الناس عليهم اخذيلج ٣ كافي ترى موحلو للعروس في بداية الزواج بجامات لاااحقه

وان شالله اذا نسيت شي يذكرونج البنات

وجلسات الليزر مو الحين تسوينهم تو النااااس وشوفيلج عيادة زينه

موفقه ياقلبي

 

[لآ بيرلآ]

انا قبلج بشهر و حدي متدودهاااا لووول بس ببلش بلبس الشقة واشتري خام و هالاشياءات و شهر12 اسوي البدل و اشتري الميك اب و العطورات

بس الليزر يبيلج 4 - 6 جلسات و بين كل جلسة و جلسة شهر باجر حطي لج موعد بلشي من هالاسبوع لا تنطرين اهم شي عنايتج عشان يمديج تجابلين عمرج و تسويين حمامات و خلطات

و شغل اول ليل من بدلة و صالون و مصورة اهم شي تخليله ميزانية و تخلصين منه اول مع التناتيف اللي مالها موضة معينة
و لا تخلين شي بخاطرج خصوصا الاشياء اللي مو دايما تحلصينها سواء اكسسوارات قمصان بدل مالها موضة اشتري و خشي و سجلي بالنوت

و ربي يوفقنا :*

 

[قلبهـ 86]

اممممم


خلصي بجايم اللحين وشورتات لان راح ينزلون البضاعه الشتويه ورااح تشوفين كل شي ثقيل

 

[الـــغـــلآ]

قوه حياتو

شوفي انا قبلج بشهر و لبس الشقه خالسه منه الحمدلله لاني كنت اجهز من زمان عشان ما يتراكم علي و اصير مزحووومه
و من الحين سويلج بدل الاستقبال و البدل الفخمه لا تقولين بعدين لا المفروض قبل العرس بشهر تكونين فاضيه و ما عندج شي و مرتاحه
و خلسي الحين البجايم بعد ترا اليوم كنت باويشو و البجايم الشتويه ماخذه نص المحل و انتي عرسج بالصيف او بالربيع يعني مو شتوي
و اشتري الذهب مال اول ليله من الحين و اذا تبين طقم ثاني بعد اشتريهم من الحين
لاا تتهاونين و تقولين بعدين شوفي انا باديه من زمان و مع هذاا زهقققققت لان الطلعه الوحده نقعد نفر و نطول و نتعب
القمصان جيبي من 20-25 قصير و الطوال جيبي 3-5 كافي
و البجايم بحدود الـ 20-25
لبس الشقه شورتات و بناطيل و لقنزات اشكال و الوان و بلايز و قمصان و نفانيف و حراير نوووعي لا تركزين على شي واحد بس
الاطقم الداخليه الستيان و السليب جيبي 20 طقم يكووون مو غير عن بعض و بعدين بتعرفين ليش
و اشتري طبعا ستيانات سليب قطن او شورتات قطن كثري منهم
و لا تنسين و المصوره اذا تبين احجزيها من الحين
و الساعات اشتري ساعة اول ليله و اشتري الالوان الاساسيه الاسود و الفضي و الذهبي و البني و الابيض و اذا شفتي نفسج عندج فلوس زايده و بخاطرج الوان هني اشتري
و سوالف الشقه من سليبرز و ماشات و شباصات و ستريت و فير و استشوار للشعر
و الارواب طقم لج و لزوجج و الهيلاهوبات << اتعب انا ع الجمع خخخخخخ
و الدلاقات الشفافه و دلاغات الدوره
هذول كلهم تقدرين تشترينهم من الحين و احسن لج والله
و العطورات و المكياج خليهم اخر شي قبل العرس بشهر و نص تقريبا عشان لا يخربون
و اغراض الجمعيه قبل العرس بشهر او اقل
و اشتري الحين صناديق للاكسسوارات و الساعات و الفواحات تلقينهم بسنتر بوينت و علب للمكياج و المقسمات و هالسوالف من ايكيا


هذا اللي يطري في بالي الحين و مووووفقه

 

[نيكون]

اي الحين ينزلون شتوي خلصي الصيفي ودوري فيه تنزيلها وفرصه وشتري بدلات سهرهو٢ لا اتكثرين والجواتي على حسب بدلاتج وحاولي انه تأمرين ألوان أساسيه وراقيه النفس الوقت وبالنسبة للميكب لا اتكثرين مثلي عقب ما اتزوجت هم رحت خذيت كلشي لا اتكثرين لانج عقب الزواج هم بدشين السوق *

 

[قآنون كيفكـ!!]

ماقصرت الغلا معاها ..
ابدي من لحين احسن لج تفضين قبل عرسج وترتاحين من هم المحاتاه ,,

 

[زهره الجلنار]

اب اب

 

[حلآآآتي غير]

مااقصروا البنات جزاهم الله خير

ابـ ابـ

 

[أحلام ورديـہ]

عسى ربي يتمم عليج ويسهل لج امورج والف مبروك ان شاء الله

شوفي دام انج بشقة منعزله فالمطلوب منج تبدعيييييين تخلين زوجج ينبهر بكشختج واناقتج

قمصان النوم خليهم ذربين وخري عن المكشكش واللي فيهم شك طالع لي برا لالالا ابتعدي عن الدفاشه

واخذي نوعهم حراير وستان هذا بالنسبة حق غرفة النوم ولمن تتزوجين تعرفين ليش *_*

وبصالتج لا تعتمدين على لوك واحد

قمصان طويلة قصاتهم صوب الصدر والظهر اهم شي

شوراتات وبديات تكون ألوانهم فرايحيه وكبسات ذربة وسمبل حق الشعر

تيشيرتات ضييييجه وبنطلونات لبسي معاهم اكسسوارات ناعمه

لاتفكرين وايد بالبجامات تو الناس عليهم اخذيلج 3 كافي ترى موحلو للعروس في بداية الزواج بجامات لاااحقه

وان شالله اذا نسيت شي يذكرونج البنات

وجلسات الليزر مو الحين تسوينهم تو النااااس وشوفيلج عيادة زينه

موفقه ياقلبي

شكرا لوفيه ع المساعده والنصايح :eh_s(9): بس بالنسبة للبجايم أحس اني احتاج أكثر :bbbiu: مادري يمكن لأني متعوده ع البجايم الحين واحبهم ويتغير علي الوضع بعدين لول​

 

[أحلام ورديـہ]

انا قبلج بشهر و حدي متدودهاااا لووول بس ببلش بلبس الشقة واشتري خام و هالاشياءات و شهر12 اسوي البدل و اشتري الميك اب و العطورات

بس الليزر يبيلج 4 - 6 جلسات و بين كل جلسة و جلسة شهر باجر حطي لج موعد بلشي من هالاسبوع لا تنطرين اهم شي عنايتج عشان يمديج تجابلين عمرج و تسويين حمامات و خلطات

و شغل اول ليل من بدلة و صالون و مصورة اهم شي تخليله ميزانية و تخلصين منه اول مع التناتيف اللي مالها موضة معينة
و لا تخلين شي بخاطرج خصوصا الاشياء اللي مو دايما تحلصينها سواء اكسسوارات قمصان بدل مالها موضة اشتري و خشي و سجلي بالنوت

و ربي يوفقنا :*

هههههههههههههههه بالعكس عيل أنا أحس فيه وقت يمكن انتي لازم تشدين الهمّه وتبدين من الحين

إن شاء الله بالنسبة لليزر ناوية أبدي من أول اكتوبر بإذن الله

وربي يتمم لنا على خير ان شاء الله تسلمين يالغاليه :eh_s(7):​

 

[أحلام ورديـہ]

اممممم


خلصي بجايم اللحين وشورتات لان راح ينزلون البضاعه الشتويه ورااح تشوفين كل شي ثقيل

:eh_s(11):

من الحين نزلت البضاعة الشتويه وأحس بدري ع التشري من الحين ​

 

[أحلام ورديـہ]

قوه حياتو

شوفي انا قبلج بشهر و لبس الشقه خالسه منه الحمدلله لاني كنت اجهز من زمان عشان ما يتراكم علي و اصير مزحووومه
و من الحين سويلج بدل الاستقبال و البدل الفخمه لا تقولين بعدين لا المفروض قبل العرس بشهر تكونين فاضيه و ما عندج شي و مرتاحه
و خلسي الحين البجايم بعد ترا اليوم كنت باويشو و البجايم الشتويه ماخذه نص المحل و انتي عرسج بالصيف او بالربيع يعني مو شتوي
و اشتري الذهب مال اول ليله من الحين و اذا تبين طقم ثاني بعد اشتريهم من الحين
لاا تتهاونين و تقولين بعدين شوفي انا باديه من زمان و مع هذاا زهقققققت لان الطلعه الوحده نقعد نفر و نطول و نتعب
القمصان جيبي من 20-25 قصير و الطوال جيبي 3-5 كافي
و البجايم بحدود الـ 20-25
لبس الشقه شورتات و بناطيل و لقنزات اشكال و الوان و بلايز و قمصان و نفانيف و حراير نوووعي لا تركزين على شي واحد بس
الاطقم الداخليه الستيان و السليب جيبي 20 طقم يكووون مو غير عن بعض و بعدين بتعرفين ليش
و اشتري طبعا ستيانات سليب قطن او شورتات قطن كثري منهم
و لا تنسين و المصوره اذا تبين احجزيها من الحين
و الساعات اشتري ساعة اول ليله و اشتري الالوان الاساسيه الاسود و الفضي و الذهبي و البني و الابيض و اذا شفتي نفسج عندج فلوس زايده و بخاطرج الوان هني اشتري
و سوالف الشقه من سليبرز و ماشات و شباصات و ستريت و فير و استشوار للشعر
و الارواب طقم لج و لزوجج و الهيلاهوبات << اتعب انا ع الجمع خخخخخخ
و الدلاقات الشفافه و دلاغات الدوره
هذول كلهم تقدرين تشترينهم من الحين و احسن لج والله
و العطورات و المكياج خليهم اخر شي قبل العرس بشهر و نص تقريبا عشان لا يخربون
و اغراض الجمعيه قبل العرس بشهر او اقل
و اشتري الحين صناديق للاكسسوارات و الساعات و الفواحات تلقينهم بسنتر بوينت و علب للمكياج و المقسمات و هالسوالف من ايكيا


هذا اللي يطري في بالي الحين و مووووفقه

ما شاء الله عليج ^_* شطورة

بشوف إن شاء الله كل ما رحت محلات ولقيت فيها ملابس وبجامات وشورتات وحركات باخذلي خصوصاً وقت التنزيلات فرصه ما تتعوض والأسعار نااار

وبالنسبة للدراعات والتفصيل بخلص منه بدري إن شاء الله هالفترة عشان يبقالي اشتري الجاهز وبس :eh_s(9):

طقم أول ليلة على ما اعتقد بيكون على أهل زوجي :eh_s(10):

وباقي الأشياء بسجلها عندي إن شاء الله ^_^ شكراً يالغلا ما قصرتي

يبيلي آخذ الصناديق من الحين وأخليها لووول عشان كل ما آخذلي شي اقطه فيهم ​

 

[أحلام ورديـہ]

اي الحين ينزلون شتوي خلصي الصيفي ودوري فيه تنزيلها وفرصه وشتري بدلات سهرهو2 لا اتكثرين والجواتي على حسب بدلاتج وحاولي انه تأمرين ألوان أساسيه وراقيه النفس الوقت وبالنسبة للميكب لا اتكثرين مثلي عقب ما اتزوجت هم رحت خذيت كلشي لا اتكثرين لانج عقب الزواج هم بدشين السوق *

:eh_s(15)::eh_s(15)::eh_s(15)::eh_s(15):

ربي يوفقج ويهنيج يارب ويتمم لي وباقي العروسات على خير​

 

[أحلام ورديـہ]

اب اب اب

ماقصرت الغلا معاها ..
ابدي من لحين احسن لج تفضين قبل عرسج وترتاحين من هم المحاتاه ,,

اب اب

مااقصروا البنات جزاهم الله خير

ابـ ابـ

وباقي البنات ^_^ شكراً حبيباتي ما قصرتوا :eh_s(7)::eh_s(7):​