عرج النسا تجاربكم لوسمحتو

[ii DareeN ii]

شلونكم بنات صارلي اسبوع اعاني من الم في ضهري رحت الطبيب وقال التهاب في عصب النسا وعطاني حبوب مسكنة وحولني على العيادة بس ليلحين ماحطيت موعد الي عندها تجربة ولا احد تعرفة قريب منها له تجربة في العلاج او تعرفون مكان علاج طبيعي ياريت تقولون لي لان صج قاعدة اعاني منة

 

[нάγoηά cнεмίsтяγ]

حبيبتي ماتشـوفين شر انشاءالله
أمي وعليـه فيها عرج نسـا ( الديسـك ) وما تقدر تتحرك لا ياهـا العوار
كانت تاخذ أبر مسكنـه بعدهـا سوت علاج طبيعي بمستشفـى خاص
وايد خـف العوار بس ماستمرت سوت بس 10 أيام
لو مستمـره يمكن نفع حيل معـاها وايد يمدحـونه
بس والله نـاسيه اي مستشفى انشالله اسألها وارد عليـج

 

[فز1عه]

عرق النسا ماينفع معه الا الكوي بالنار

وانا جاني وراح من الكوي ولله الحمد

وعموما هو عباره عن عين ماتروح الا بالنار

لان فيه ايه قرانيه تقول ملعقه من عسل او حرف من قران او لذعه من نار


وتفكرو فيها ترا العلاج بكلهم سبحان الله

 

[ii DareeN ii]

والله صاجة عين من طلعت من عرس مو مترقعة لا من دمي ولا من ريولي مشكورة اختي بس اخاف من الكوي

 

[فز1عه]

الله يشفيج بس مايروح الا بالكوي

 

[ii DareeN ii]

عفوا اختي فزاعة وين سويتية وين يجون

 

[فز1عه]

هلا اختي دارين انا رحت لشيخ اسمه ابو محمد معروف على مستوى الكويت

واذا تبين رقمه اطرشه لج بالخاص

 

[ii DareeN ii]

شكرا اختي ممكن رقم تليفونه ولا عليج امر

 

[حمام شاقني فنه]

مثل ماقالت فزاعه مالج الا الكي

 

[حناينq8]

الله يعينج دارين


انا اول ماصار معاي كان لا ليلي ليل ولا نهاري نهار
وايد عانيت منه ولا ازال


رحت حق وايد دكاتره د. مساعد السعيد و د.حذيفه بن نخي ودكتور امريكي زائر بمستشفى السلام


اذا الحين فيه الم انصحج تشترين حبوب اسمهم سيليبريكس وايد زينين ويخففون الالم
واذا حسيتي انج تعابنه وايد انسدحي على ارض يابسه

ولاي استفسار انا حاظره



( ديري بالج من الكي ما انصحج فيه )