عرايس .. تعالوا شويّ :$

[مَاندُولينْ]

يسعدلي صباحكم :$
شخباركم صبايا ؟

أنا جديده عالمنتدى بس لي سنه أتابعكم من بعيد
فقلت يا بنت توكلي على الله وسجلي منها أفيد وأستفيد

مالكم بالطويله
أنا عرسي بعد 3 شهور تقريباَ
ببالي صالون حنان دشتي - البستكي
رانيا مكياج بس احترت بالشعر بين زينب وعربيه
أنتوا شرايكم من الأحسن ؟
وبالنسبه لكريم الجسم عندي سؤال
هو كامل ولا بس الصدر والظهر ؟

سؤال أخير ،
رحت للخبر قبل فتره طويله حيل بس ما أذكر فيها شي
أبي محلات للعبي وجذي تكون فخمه وسعرها معقول :eh_s(22):
وبس

الله يوفقكم أجمعين :eh_s(7):​

 

[عروسة اكتوبر]

اهلين وسهلين وحياج الله بيننا

الله يتمملج ع خير يارب

انا عجبتني رانيا بالنسبة للمكياج وزينب للشعر لان عربية يقولون نفسية وتنا كلمت زينب وارتحتلها وان شاء الله بحجز عندهم قريب

اما بالنسبه للخبر رحتلها شهر 6 عبيهم جدا غاليه وما تستاهل عبينا احلى وافخم وسعرهم معقول عندج إلي اذكره بس محل العيسائي للعبي ممكن تحصلين شي فيه للاسف الورقه إلي كاتبه كل شي فيها قطيتها وانا نسايه والله ولا جان قلتلج كل شي عن الخبر السموحة

وربي يوفقج ويسهل امرج

 

[مَاندُولينْ]

اهلين وسهلين وحياج الله بيننا

الله يتمملج ع خير يارب​

انا عجبتني رانيا بالنسبة للمكياج وزينب للشعر لان عربية يقولون نفسية وتنا كلمت زينب وارتحتلها وان شاء الله بحجز عندهم قريب​

اما بالنسبه للخبر رحتلها شهر 6 عبيهم جدا غاليه وما تستاهل عبينا احلى وافخم وسعرهم معقول عندج إلي اذكره بس محل العيسائي للعبي ممكن تحصلين شي فيه للاسف الورقه إلي كاتبه كل شي فيها قطيتها وانا نسايه والله ولا جان قلتلج كل شي عن الخبر السموحة​

وربي يوفقج ويسهل امرج​

الله يبقيج

إي سمعت عن عربيه ونفسيتها

عاد كلش ما أتحمل هالنوعيه :eh_s(4):
بس يهمني الشغل بضمير ​

مسموحه الله يعطيج العافيه

آمين ويتمم للجميع بخير يارب :eh_s(17):​

 

[beautyrose]

هلا حبوووبه ..

بالتوفيق يارب الله يتمم عليك ..

بخصوص الكوافير ماعندي خلفيه " لاني سعوديه :$


بالخبر انا اخذ من محل اختيارك بالسويكت واتعامل معاه على طول والحلو فيهم ان كل اسبوعين ينزلون كولكشن عبايات جديد

 

[الأوركيد~]

مو سعودية
و لا كويتية

فيا رب البنات يساعدونج

بس ما حبيت اطلع بدون لا ادعي لج
يتمم لج الرحمن على خير و سعادة يا رب


:eh_s(17):

 

[Rayooma_q8]

بالنسبة للخبررر انا ماعندي فكره بس سمعت انهم زادوا الاسعار بعد ماصاروا يتعنون لهم ناس من كل مكان بالمملكة او حتى من الكويت والبحرين ..وانا اشوف ان احنا عندنا اشياااء وايد حلووه بالكويت روحي حراير او روعه ويمدحون شادو والشهد او شوفي الانستغرام شكثرهم اللي مبطلين مشاغل عبي وشفت جم موديل حلوين واول وتالي انتي تختارين اذا تبين ناعم او شغل ومووووفقه حيااااتي :yaaaaaarb:​

 

[Rayooma_q8]

ايي وبالنسبة لحنان دشتي اخذي زينب وانتي مرتاحه​

 

[قاهره عذالي]

الله يوفقج وتطلعين احلى عروس

 

[مَاندُولينْ]

ّّ

الله يعطيكم العافيه ،
ويوفقكم أجمعين ياربي
بس محد جاوبني بخصوص كريم الجسم عند حنان
هو للجسم كامل ولا بس صدر وظهر :$ !
لأن أبي يتوحد لون جسمي كامل بالكريم ​

 

[قاهره عذالي]

هو كريم الجسم الكتوف الايدين الظهر والصدر بس

 

[M!SS.LOBY]

بالتووووفيق يارب

 

[<miss botamba>]

كريم الجسم يحطونه لنص الظهر و الصدر و الايد كامله

بس انا ما احبه


والعبايات عندج سويكت ما اذكر شفت شي فخم فخم مادري الفخم ماله مو ذوقي سوالف كشاكش ومادري شنو

والناعمين حلوين وسعرهم حلو يطلعون بحدود 15 - 35 دينار

وللاسف ما اذكر اسم المحل الي اخذت منه بس يصير داخل مجمع صغير مو عالشارع

 

[فوزيه الراسي]

حنان دشتي وموفقه ياعروس

 

[مَاندُولينْ]

تسوقت من الخبر رديت منهم أمس
والله عندهم أشياء حلوه حيل خاصة بمجمع فينيسيا ​

الله يعطيكم العافيه يَ حلوات :eh_s(7):​

 

[Mzmz91]

مرة رحنا بنشوف المكياج في بستكي ولا اشوف وحدة تسوي الشعر وتتحلطم وشعر العروس يلوع الجبد والله جنه كاب فوق راسها مو شعر والله شعرها خويصه وهي مضايقه البنت يوم سالنا منو هذي الي تسوي الشعر قالو عربية

ماعجبتني كلش شوفي غيرها

 

[مذهلة2013]

انا حطيت بعرسي عند نجمه على مااظن اتينن والكل يقولي المكياج اينن

والتسريحه عند زينب حلوووووه

اما الكريم حلو الجتف و الايد كامله والصدر