اليوم أول مشاركه لي وإن شاء الله تعجبكم
عرايس من صنع إيدي
المقادير تكفي 5 أشخاص
على فكرة آنا أحب العرايس مليانه ( متروسه )
1- كيلو لحم مفروم ناعم ( 1/2 كيلو غنم + 1/2 كيلو عجل ) وتقدرون تختارون صنف واحد
2- بطاطا حجم متوسط مفيوح ومهروس
2 بصل مقطع صغير
2 ثوم مهروس
1 - شدة كزبر + 1 - شدة بقدونس ( يفرم ناعم )
1 - طماطا مقطعة قطع صغيرة
1 - جيس خبز المطاحن الثقيل
الطريقه
تخلط جميع المقادير ويضاف لها
5 ملاعق أكل زيت زيتون
1 ملعقة اكل ملح ( حسب رغبتج )
1/2 ملعقة صغيرة كاري
1/2 ملعقة صغيرة كركم
1/4 ملعقة صغيرة فلفل أسود ( وإلي يبي حار يضيف فلفل أحمر معاه )
1/2 ملعقة صغيرة بهارات مشكلة
تخلط كلها وتحشى بأنصاف الخبز اللبناني الثقيل مال المطاحن
وتصفينها بالفرن حتى تتحمر
مع العرايس تجيبين جم قوطي حمص من كناري
وإتسوين لج سلطه بس مقطعه صغير
وإلي تسويها وتعجبها تدعيلي وتدعي إن ولدي يجيب نسبه حق التخرج
وعليكم بالعافية
