عدم السماح للركاب بحمل السوائل

[6moo7]

السلام عليكم ورحمة الله وبركاته
بنات .. حبيت أستفسر عن القرار اللي طلع العام تقريباً
من وزارة الداخلية .. بعدم السماح للركاب (المسافرين) على طائرات
الكويت بحمل أية سوائل معهم .. من مثل العطور والأشياء هذي حتى لاتشكل أي خطر عليهم
بإستثناء الأدوية
مادري هل صحيـح هالقرار وطبق ولا لأ ؟
منو سافرت جريب .. تقدر تفيدنا ... ؟
آنا أذكر شفت هالخبر .. على قناة الوطن .. بس حبيت أتأكد
ويعطيكم العافية​

 

[بنت جنيف]

بعد الكويت طبقوها والله ماعندي خبر

 

[غيـ الناس ـر]

اي حبيبتي

ما تقدرين تدخلين معاج الطياره اي شي سائل فيه اكثر من 50 مل .. ولازم يكون مجيس بالجنطه ..

بس تقدرين تحطين بالشحن عادي ..

لا تجازفين وتحطين ادويتج بالهاندباق لان كل شي ينقط ..

فنصيحه خلي كل السوائل بالجناط الكبيره ..

هالشي صار بروحتي لاوروبا العام وهالسنه رحت الامارات هم صارت معاي هالحركه والحمدالله كل اللي معاي بجنطة ايدي كان اقل من 50 مل ..
وان شالله اكون افدتج

 

[6moo7]

يعني مسموح
أقل من 50 مل و (مجيّس)

ok
:: غيـ الناس ـر ::
مشكورة حـبـيـبـتي ماقصرتي الله لايقصر بعمرج
ويجزاج كل خير

:eh_s(8):​

 

[الحب لك وحدك]

( قوه بنات هذا اهو القرار )
تقوم الإدارة العامة للطيران المدني بالتنسيق مع إدارة حماية المطار التابعة لوزارة الداخلية بالإستعداد لتطبيق إجراءات أمنية جديدة أوصت بها منظمة الطيران المدني الدولي (الإيكاو) لتحديد كميات المواد السائلة والهلاميات(جل) والايروسول(بخاخ) التي يمكن حملها على متن الطائرة للركاب المغادرين من مطار الكويت الدولي.
- سوف يبدأ العمل بهذه الإجراءات إعتباراً من (2008/01/01 ) وتشمل هذه الإجراءات على ما يلي:
يسمح للراكب بحمل السوائل والهلاميات(جل) والايروسول(بخاخ) في أوعية لا تتعدى سعة كل منها ( 100 مل).
لايسمح بنقل اي من المواد المذكورة أعلاه في أوعية تزيد سعتها على (100 مل) حتى لو كانت معبأة جزئيا فقط.
يجب أن توضع الأوعية المعبأة بالمواد المذكورة أعلاه في كيس خاص بلاستيكي شفاف قابل لإعادة الغلق بإحكام لا تزيد سعته القصوى على لتر واحد (20سم20xسم).
يسمح لكل راكب بحمل كيس واحد فقط وان يقدمه بشكل منفصل عند نقاط التفتيش الأمني.
تخضع هذه المواد لكل أنواع الضوابط الأمنية والفحص الأمني المتبعة ، بما في ذلك التفتيش اليدوي العشوائي للركاب وأمتعتهم اليدوية.
يعفى من هذه القيود أفراد طاقم الرحلة الجوية والأشخاص بالزي الرسمي أثناء تأديتهم مهامهم الرسمية في يوم السفر.
تشمل الاستثناءات : الادوية ( على المسافر تقديم دليل على ضرورة إستخدام هذه الأدوية خلال الرحلة في حال الطلب منه ) والحليب وطعام الاطفال والمأكولات الحميوية الصحية(الرجيم) بكميات معقولة تكفي حتى نهاية خط سير الرحلة إضافة لإحتمالات التأخير أو تحويل الرحلات والمستلزمات والمواد الطبية الاخرى ،وأنها تخضع لتقييم أفراد التفتيش الأمني عند نقاط التفتيش.
جميع المواد السائلة والهلاميات(جل) والايروسول(بخاخ) المشتراة من السوق الحرة ومنافذ البيع بالتجزئة في المطارات أو على متن الطائرات يسمح بمرورها عبر نقاط التفتيش الأمني مهما كان حجمها إذا كانت في أكياس أمنية خاصة شفافة ويكون على الكيس رمز للدولة أو شركة الطيران ويوضع بها إيصال الشراء بمكان ظاهر وتكون وجهته مرئية من الخارج وإغلاق الكيس بشريط لزق أو أداة أمنية سهلة التكسر يسهل كشف العبث بها ومحمية من التدخل الغير مشروع.
تحتفظ الإدارة العامة للطيران المدني بالحق بإعادة النظر أو وضع قيود أمنية أكثر تشدداً بخصوص الإجراءات المتعلقة بحمل السوائل والهلاميات والإيروسول بما في ذلك اجراءات بيعها في الأسواق الحره وعلى متن الطائرات .

http://www.kuwait-airport.com.kw/ <<المصدر

 

[6moo7]

::الحب لك وحدك::
هلا حـبـيبتي ومشكورة على النص الحرفي
عاد تصدقين سويت سيرج عليه وماحصلته !!
معني هم دورت في موقع المطار
بس الحين ماعرفنا .. 50 مل ولا 100 ؟ ​

 

[الحب لك وحدك]

هلا يالغاليه


لازم ايكون اقل من 100 مل !!!!


و الادويه غير مسموح فيها بالطياره الا في حالت انج مضطره تاخذينها بالطياره

 

[6moo7]

Merci

اهـا ..

طيب مشكورين بنات ويعطيكم العافية ​

 

[الحب لك وحدك]

ديرو بالكم لاتاخذون اي شى معاكم باليد انا خذوا كل مكياجي توني شاريته من سيفورا خذوه مني في مطار باريس حتي علبة العسل ماخذتها من الكويت صادروها حتي في دبي كنت مجرد ترانزيت عندهم صادروا بخاخ للجسم 100 م ولا في اعتبارات ان جوازج دبلوماسي او رويال فاميلي وقالوا هذي اوامر الكويتيه توه هالكلام قبل اسبوعين

 

[جاكليت]

يعني ممكن نحط عطر أقل من 100 مل ويانا ؟؟

 

[bnt_7waa]

بنات يعني حتى بالشحن مايصير اشتري واحط بجنطتي ولا قصدكم بالطياره !!


مافهمت بليز ؟؟

 

[6moo7]

آنا أحس إني ضعت شوي
انزين " الحب لك وحدك "
ليش خذوا مكياجج كله ..
ليش ماخذوا السوائل بس !​

 

[غيـ الناس ـر]

والله انا اقولج اللي شفته .. حتى غرشة الدهن عود الصغيره .. كنت حاطتها بجنطتي .. وكنت بالمانيا .. قالت لي ما تدخلينها ورحت فجيت جنطتي وحطيتها داخل ..


فانتي اخذي الطريج الامن خلي كل شغلج من مكياج وخلافه داخل الجنطه الكبيره

عشان ما تتوهقين خاصه باوروبا يعاسرونج على كل شي

 

[الحب لك وحدك]

مكياجي عباره عن بخاخات حجم كبير برونزاج وفاونديشن توه نازل للوجه حسافه عليهم وكريمات للجسم وعسل معجزة الشفاء كله خذوه بس اللي بالجنطه في الشحن مالهم شغل فيه

 

[6moo7]

الحب لك وحدك

يلا هاردلك .. هالأشيا تتعوض ​

 

[توت عنكبوت]

انا العام بماليزيا صادرو مني عطورات وحتى بطل ماي الصحة اخذوه وحتى التونيك للشعر اخذوه ديرو بالكم

 

[اميرة الغيد]

الشغله هذي مو بس على الكويتيه انا رحت الصيف اللي فات على الاماراتيه ، رحنا لاوروبا عن طريق دبي يعني دبي ترانزيت نفضونا ماخلوا معانا شي الصابون والشامبو وكريمات الجسم كل شي وحتى باوروبا كل مارحنا مطار نفظونا ، انا بطبعي كنت ما احب احط هالاشياء بالجنطه الرئيسية عشان ماتنكب السوائل على الملابس واتوهق حتى اذا بحطهم بكيس اقعد احاتي لاينكبون ، شاسوي من الحركات اللي صارت لي اضطريت احط الصابون والكريمات مع الملابس بالجنطه الرئيسية لان بالهاند باق ممنوع.

 

[The Orchid]

انزين و الاشياء اللي من السوق الحرة؟؟

هم ياخذونهم ولا عادي؟؟

 

[جاي الضحى]

الزبده إنا بجنطت ايدج أو الجانط إلي بتدخلينهم معاج بالطايره لا تحطين شي عود سائل أو جل( ماي، عطورات؛ معجون أسنان، مكياج سائل، بدي سبري) أكبر من 100 ml ....إلي أكبر حطيهوم بالشحن...وأي شي تشرينه من المطار عقب نقطة السيكورتي ما حد يقدر يقولج عنا شي ولا أحد يقدر ياخذه منج..... السالفه انهم يخافون تكون مواد تساعد على الاشتعال والتفجير إذا انتي ييبتهوم من بره المطار قبل نقطة التفتيش....أنا خذو مني كلونيتي إلي كانت بجنطت إدي معاي...حتى قتلهم خل أترشرش فيها قبل لا تخذونها...قالو نو مام وي كانت!!!! :eh_s(14):
6moo7....ترى إلي كتبته كل ياي على شكل نقط عندي!!! مشكوره حبيبتي على التنبيه هذا وقته.​

:tek:​

 

[q8hadaya]

اعتقد العطور ممنوعه

والمسموح فيه الادويه فقط ... مثل الانسولين وغيرهم من ادويه مثل قطره العين

بس من الكويت شويه متساهلين بس المشكله اذا كنتى ترانزيت وتغيرين طياره

وموفقين