عدم الاحتررررررررررررررررررررررررررررررررام في البيت هو القوه لهم

[Attractive]

هلا بنوتات


انا رح اكتب موضوعي ع السريع

انا عندي اخوات اصغر مني ب 10 و 9 سنينن ابد مايحترموني شخصيتي بالبيت ابد ماعندي شخصيه بسبب امي وابوي يدخلوا بشؤني كل شي هم الصح ولاتكلميهم وذول اصغار

وحده داخله ثنوي والثانيه بتروح ثالث متوسط

تخيلوا انا الي اكبر منهم اخاف منهم مجرد ما اخذ شي من البيت بستخدمه بغرفتي

كل وحده تلحقني كانها مجنونه بارزه عضلاتها علي ولا يقلون ادبهم يقولوا جيبيه يابقره

وانا بصراحه ماعرف ارد لانوا دايم اهلي رح يكونوا معهم وانا رح اكون الغلطانه

بس اخر مره خلاص طفح الكيل باخذ شي ولا هذا الشي بفلوسي انا شاريته للبيت

مو راضيه تعطيني اياه حاولت اخذه من عندها بالغصب اقول لها ارجعه لك بستخدمه وبرجعه مو راضيه تعطيني اياه اخذته بالغصب وصارت تسب فيني وتقول الفاظ انا سكت وعناد لها اخذته معي بالغرفه

لحقتني تبي تتهاوش وجت الثانيه تعاونها علي تخيلوا انا اخاف منهم بس ذاك اليوم قويت نفسي

صارت وحده منهم تتفل بوجهي وتتفل وتتفل خلاص ماقدرت ضربتها ع راسها ولااهتمت وصفعوا بباب غرفتي يفتحوا ويسكروا متعمدين يبوا اهلي يسمعوا لانه طبعا رح يصيروا معهم
يفتحوا ويصفعوا بالباب لين كسروا مسكت الباب تخيلوا

وجا ابوي ع طول سمع الصوت وشاف الباب منكسر وصار يسبني وقال افتح الباب
فتحته وقلت له انو هم كسروه تخيلوا يقول لي احترميهم يابقره وياغبيه

وضل يسبني قلت تبيني انا الي احترمهم وهم مايحترموني وانا اكبر منهم قالي لانك بقره وخبله

عصبت وقلت له انا بقره ماقدرت اسكت قلت كل مره السالفه تكون كذا وانا ما ادافع عن نفسي

قلت له اذا انا بقره انت حمار (ادري انو انا غلطانه انو اقول هذي الكلمه بس من قهر بالي قلبي


قالي انا حمار صفعني بوجهي وسحبني من ع السرير ورمانتي ع الارض وصار يدوس علي برجله قام يدوس ع راسي ورمى قرشه العطر علي

وقلت له اخواتي تفلوا بوجهي تبي احترمهم وانت صرت تسبني وقلت انك حمار عصبت وتبيني احترمك تفل بوجهي بشكل مو طبيعي يتفل يتفل
وانا قلت له تف تف عليك انت بعد احسه انصدم لانه شافني ارادده ذاك اليوم


بس والله غصبن عني البيت الي انا فيه قل ادبك يحترموك
صير طيب معهم تصير حشره قدامهم

وانا كنت متعمده اسوي هالحركه

صج انو انا قليت ادبي وهذا الشي غلط
وهو نفس الشي ماله دخل يتدخل فيني بكل صغيره وكبيره ويضربني


تخيلوا انا بنت جامعيه من اسلوبهم والله احس نفسي مو جامعيه ابد ما احد يحترمني يتدخلوا بي بكل شي زواج خطبه دراسه سواق واسلوب وو




الغريب من الموضوع انو انا مو متحسفه ابد من الي صار عاااااااااااادي

انتوا شرايكم بتصرف وتخيلوا انكم بهالموقف وكيف الله يرضى عني
ماهمني اهلي رضوا عني اولا

 

[Tom ♥ Jerry]

,



تقولين حق ابوج حمار و تبينه يحترمج بعد ؟!
مآدري شقول الله يعينج على الي سويتيه بنفسج

 

[mnoooll]

فاهمتك

انتي انهرتي عصبيا


وعارفه ردك ع ابوك كذا غلط


بس انصحك تجلسي مع امك ووتتكلمي وتسألينها ليش تكرهوني
وليش ماتقولون كلمة الحق وتعدلون بيني وبين خواتي ...
واذا تكلمت وقالت الي عندها فكري بكلامها


احترمي ابوك وامك مهما سوو لك


وخواتك وقفيهن عند حدهم ولا همك الطيب في هالزمن ضايع
حافظي ع حقوقك ولا يهمك
وخليك قويه


بس امك وابوك خليك معهم ضعيفه ومسكينه وطيبه (( اخفض لهما جناح الذل من الرحمه ))
خلك مذلوله لهم مو ضعف الا رحمه من القلب الطيب


تعرفي لما كلمك ابوك كذا الافضل كان قلتي والله ي ابوي هم الغلطانات وشرحتي له وبكيتي وقولي انا بنتك بعد حرام قول كلمة الحق انا ماغلطت كان حننتي قلبه عليك بدموعك وخواتك لو وصلت يتفلون صكيهم طراق
ولا همك

 

[queen92]

ماما عمري دامج عارفه انج غلطتي بردج ع ابوج هل راضيتيه بستي راسه ؟؟ و ثاني شي تقدرين تقعدين مع امج و ابوج و تفهمينهم انج كبيره و لج كلمه عليهم و مايصير جذي يتدخلون بكل شي لين خلوا خواتج مايحترمونج و بعدين لمن يقلون ادبهم علييج مو بس طراق كفخييهم حلوه هذي بعد انتي الكبيره و مايحترمونج !! عيب اصلا و اول شي اخذي خواتج بالسياسه قعدي معاهم و قوليلهم ليش هالقلة الادب و انا اختكم عيييب انتوا اكيد عندكم رفيجات هل رفيجاتكم يسوون نفس ماتسوون مع خواتهم الكبار طبعا لا و ان راددوج كف عالويه و فكي عمرج و عاد كل ما اغلطوا كف لين يتوبوون ..

 

[M!SS.LOBY]

لا حول ولاقوة الا بالله العلي العظيم

 

[القلب العظيم]

الله يعين

 

[قروب وناسه]

ههههههههههه اسفه بس تدرين ليه ضحكت على اساوبك مبين عليك خفيفه دم بكتاباتك واسلوبك ما ابيهك تفهميني غلط وتزعلين
طيب قلبي
اول شي وصي بهديه خل وحده من ربعك تجيب لك وعطيها فلوس
ودخلي للوالد وحبي راسه واعتذري حتى لو وخرك واضربك وسوا اللي سوا غصب حبي راسه مهما يجيك واعتذري ولميه وابكي بحضنه وبين له انك غلطتي حتى لو ما يتحرك ساكن انتي مسكيه باقوى ماعندك ولميه وبوسيه راسه يده خشمه قولي ما اهدك الا لمن ترضى علي
ويرضيك بنتك حبيبتك بكرك تدخل النار او تموت وانت مور اضي عنها ليني قلبه حتى هو بيبكي معك وثاني يوم عطيه الهديه قولي الدنيا تزعل ولا ابوي يزعل
بس كوبعد ها بيوم روحي الغرفه قولي بابا بنتك تبي تستشيرك وتتكلم معاك وفي هالفتره تحاشي خواتك
وتكلمي معه لوقت رايق سوي حلا ورحي له او عصير وقعدي معه قولي اللي راح مات وحنا عيال اليوم وانا مابي غير رضاك علي بس في شي ودي اقوله خواتي مايحترموني وحنا نبي نصير عائله مثاليه اتحسف وقلبي يعورني اذا شفت ربعي وخواتهم ينادون بعض بدلع ويحبون بعض ولا وحده ترفع صوتها على الثانيه او تغلط
بابا اخاف بكره تنمسح شخصيتي
ومحد يحترمني ترضاها على بنتك انا مرتح اغلط عليهم ولا اكلمهم اذا غلطو علي ابيك توقف بجنبي وتاخذ حقي منهم وبس حبي راسه ويده وطلعي
وقولي شيصير معاك

 

[ناتشوو]

لا حول ولاقوة الا بالله
غريب اللي صار
وليش يعاملج چذي
وليش تجرأو خواتج ع معاملتج بهالطريقة

امح وين ؟

استغرب لما البيت كلهم ع راي واحد
ضدج
ليش؟

 

[مثل الحلم الذيذ]

انا لا ادينك ابدا لان الفعل من رد الفعل \ كل من حولك ضدك وهكذه لابد ان يكون منك قريبا او بعيدا \ ابوكى فرق بينك وبين اخواتك من البدايه انتى الكبرى وجعلهم هم الاكبر عليكى وهكذه امك مثله \ الصراحه انا اصغر اخواتى بس على الاصغر احترام الاكبر والاكبر محبة الاصغر قلبى معك

 

[أميرة-]

حبيبتي تكسبين احترام اهلج باسلوبج وابد هالاسلوب ماراح يجيب نتيجة


ومهما كان المشكلة اللي انتوا فيها المفروض يكون اسلوبج مع ابوج ارقى من جذي لانه هذا ابوج واجب عليج تحترمينه مهما سوا

الحين تقومين وتروحين لابوج وتحبين راسه وتعتذرين منه انا عارفه شنو احساسج وادري تحسين انج مظلومه وكل شي ضدج بس الحل بايدج اقعدي مع ابوج وقولي له كل شي بقلبج وبعدين خواتج اكسبيهم مو تفرضين نفسج عليهم

 

[نونه المنكوشه]

الله يهدي اهلج فعلا اسلوبهم يتعب وانا مالومج لما انفعلتي بس انتي سوي اللي بينج وبين الله واهما فوقهم رب يحاسبهم طبعا انا اتكلم عن امج وابوج بس اخوانج قوليلهم مابي اتكلم معاكم واللي بيغلط علي بدوس ابطنه وحقريهم وحمري العين عليهم لين يتأدبون وابوج روحي واعتذري منه علشان الله وقوليله تري كل اللي اتسويه فيني راح يحاسبك عليه ولاتحسب ان ربي غافل عن شي بس مع هذا انا مسامحتك علشان الله ثم علشان انك ابوي وبعدها تحاشي البيت كله وادعي ربج انه يسخرهم لج ويكفيج شرهم

 

[مشاعر مندفعة]

فكري بشخصيتج واسلوب تعاملج ، انتي المفروض تفرضين احترامج ، مايصير تسكتين تسكتين وبعدين تنفجرين اكيد الكل بيقول عنج غلطانة ، عملي لي لج هيبة ومكانة ولا تسمحين حق احد يتطاول عليج حتى لو كانوا اهلج بس بالكلام العاقل والرزين مو بالصراخ والجنون

 

[•°dl3•°]

بصراحه انا ماالومج على اللي سويتيه والله يلوم الللي يلومج

ندري ان رضا الله من رضا الوالدين لما يكونوا الوالدين يستحقوا الاحترام والتقدير ويخافوا الله في اولادهم ولا يفرقون بينهم ويحمدوا ربهم ع نعمة الاولاد اللي الكثير محروم منها


اساس الغلط هم امج وابوج يعني مو معقوله ماسحين شخصيتج ع الاخر ووجودج وعدمه واحد بس تنفذين اوامرهم وسمعا وطاعه شافوا شخصيتج ضعيفه وقلبج طيب وخوافه صار الكل يتمادى من اكبرهم الى اصغرهم لا حبيبتي لاتسكتين عن حقج واذا امج وابوج وقفوا ضدج في صف خواتج المراهقات انتي اخذي حقج منهم معليش مره ومرتين وثلاث وحاولي تقوين شخصيتج


وخواتج لاتسمحيييييييين لأي وحده تمد يدها عليش معقوله اختج اصغر منج بعشر سنين وتتفل بويهج هذي وحده حاقده وعدوه مو اخت خواتج مدلعين زياده عن اللزوم امج وابوج سبب خرابهم بس اتوقع بعد اللي صار بيسوون لج حساب لانج ماسكتي ومومعقوله ابوج يقولج بقره وغبيه ويهينج قدامهم واهم الغلطانين واختج لما قالتلج بقره جابتها من ابوج من كثر مايقولها لج


مثل ماقلتج اي وحده من خواتج تتمادى عليج لا تسكتييين عليها ان شاء الله تقوم الحرب العالميه الثالثه لازم تغييرين شخصيتج

ومااالومج ع اللي قلتيه لابوج بس روحي اعتذري له واذا ماقبل اعتذارج انتي سويتي اللي عليج وانتي ماكان قصدج تغلطين عليه لكن كثرة الضغط تولد انفجار

 

[بنت الكويت90]

غيري من تعاملج معاااهم حاولي تتغيرين من الداخل


يمكن طريقتج وطريقتج تخليهم يقولون عنج جذي

 

[Attractive]

شكر لردودكم

بعد ماصارت المعركه حسيت في تغير |:’ وكلمتهم بها الموضوع وحسيت في تغير صار في احترام ويخافوا من ردة فعلي لهم


ابوي لسى ماكلمته ... ... ان شاء الله اكلمه االيوم ... ورح اخبركم ع ردت فعله

 

[القلب العظيم]

هاطمنينا

 

[qoot]

ااااب

 

[طريق السعاده]

خواتك الي تغلط خذي حقك الي تتفل مدي يدك واضربيها حتى لو بعدين حطو اهلك الغلط عليك المهم ماتسكتين وتضربينها وتاخذين حقك ..

اما ابوك اعتذري منه وبوسي راسه واذا رضي قولي له يبه البنت اذا ابوها ماسندها وعزها تنمسح شخصيتها والكل يهينها مو حلوه بحق بنتك بالجامعه والبزران مالها هيبه عندهم ويغلطون بحقها ..


اكيد رح يتفهم احيننا الاهل ينسون ان التساهل غلط ومو حلوه فكره الطيب والتمسكن لا خليك دايم قويه وخذي حقك من كل البيت الا امك وابوك تذللي عندهم وحاولي تمسكين اعصابك واذا غلطتي اعتذري ..

 

[F.Strawberry]

اهممم شي ,
لو شنوو ما تسبين ابوج و تتفلين بويهه
من صجج ؟!؟!
مكانة الوالدين كبيييره , ولو شنو المفروض ما تطلع منج هالكلمه
لازم تعتذرين و تبوسين راسه و تترجينه يسامحج
هاذا ابوج ...
و الاحترام عمره ما يصير بطوالة اللسان , لازم تحاجين اخوانج و تتفاهمين معاهم بهدوء و عقل
بس اهم شي انج تعتذرين من ابوج ..

 

[rose2012]

خواتج يبطون الجبد بس ليش يكرهونج شالسبب ؟؟
انا اقول حاولي تتقربين منهم لان واضح صايرين عصابه بروحهم مايبونج ليش ؟ شوفي شنو يهمهم سولفي معاهم مثلا مكياج حطي مكياج و سئليهم حلو و سولفو و شوي شوي بيحبونج و ماراح يتطاولون مو خوفا حبا
يمكن يشوفونج وايد ناضجه عليهم. يعني لو يسولفون عن الشباب وخرابيط جات سولفي بس جذي سوي روحج مهتمه ضحكي معاهم
احس السالفه فيها ان