عدت علي خير

[n00nah]

مرحبا بنات

انا عندي ولدي عمره اربع سنوات ومجنني هالولد حيل بتهوره الزايد :eh_s(2):

اليوم وانا راده البيت بنزل الاغراض من السياره هدني وانحاش للرصيف الثاني وفجاه من غير ماحس اسمع صوت المره اللي تصارخ عليه من الخوف لان ركض جدامها وشوي والاجان داعمته بس والله اول ماشفتها حسيت عظامي ماتشيلني بس الحمدلله ماحاشته والله يابنات خطوه بس وتشيله السياره عني


موقف ماني قادره انساه رديت البيت وانا ابجي:eh_s(11): من الخوف وصليت ركعتين شكر لربي :yaaaaaarb:انه ستر عليه اليوم

بس هالولد زايده تصرفاته العبثيه لدرجة قمت اخاف اخليه بالبيت دايما لو طلعت اخذه معاي لان احب اشوفه تحت عيني دايماا

مادري شالحل وشلون طريقه تعليمه الصح من الخطا

 

[مواصله]

الحمدلله ع سلامته وخطاكم السوء

مافي حل غير انج تستودعينه الله وتخلينه تحت عينج وايدج بأيده وانتو طالعين

4سنين كبير ويفهم الله يحفظه حاولي تتكلمين معاه في البيت وتقرين له قصص او حتى تورينه افلام كرتون باليوتيوب

يتعلم منها وسجليه بمركز صيفي يطلع طاقته فيها

 

[n00nah]

الحمدلله ع سلامته وخطاكم السوء

مافي حل غير انج تستودعينه الله وتخلينه تحت عينج وايدج بأيده وانتو طالعين

4سنين كبير ويفهم الله يحفظه حاولي تتكلمين معاه في البيت وتقرين له قصص او حتى تورينه افلام كرتون باليوتيوب

يتعلم منها وسجليه بمركز صيفي يطلع طاقته فيها

الله يسلمج اختي مواصله

وهذا اللي بسويه معاه لان احس الطفل مشحون بزياده والبيت خاصه الشقه تشل هالطاقه


اشكر لج مرورج :eh_s(7):

 

[om 7amoodi]

الحمدالله على السلامه بصراحة صج موقف يوقف القلب ديري بالج ولا تغفلين عنه ولو تعاقبينه احسن عشان يحس انه سوا غلط وينتبه وما يعيدها

 

[Bloom]

لازم تشوفين شنو يحب وتستثمرين طاقته في الاشياء الي يحبها في يهال نشاطهم زايد ماشاء الله
الجوكلت من عقب العصر لاتعطينه لانه يزيد النشاط

يارب تحفظه لج وتبلغين فيه متخرج دكتور ولا مهندس وتجوفينه معرس

 

[نوسآ]

حمدلله ع سلامته

كش جسمي من الموقف

 

[n00nah]

الحمدالله على السلامه بصراحة صج موقف يوقف القلب ديري بالج ولا تغفلين عنه ولو تعاقبينه احسن عشان يحس انه سوا غلط وينتبه وما يعيدها[/QUOTE

الله يسلمج ام حمودي :eh_s(17): وشكرا علي الرد

 

[n00nah]

لازم تشوفين شنو يحب وتستثمرين طاقته في الاشياء الي يحبها في يهال نشاطهم زايد ماشاء الله
الجوكلت من عقب العصر لاتعطينه لانه يزيد النشاط

يارب تحفظه لج وتبلغين فيه متخرج دكتور ولا مهندس وتجوفينه معرس

اللهم امين


تسلمين اختي :eh_s(17):

 

[n00nah]

حمدلله ع سلامته

كش جسمي من الموقف

الله يسلمج :eh_s(7):

 

[قنــــــــــوت]

ولدي عنده نفسه الحاله ...

نشاط زااايد وطاقه موعارف يفرغها ... لما نطلع اي مكان ...

يركض بكل الاتجاهات .... يتعبث بكل شي ..


واذا كنا طالعين للسياره ..ياخذ فره بالشارع ..ركض طبعا .... واحيانا اكثر من فره ...


حاسه بشعورج ...

اهو بالمدرسه ونصحتني ناظرة المدرسه جم نصيحه ..

احس انه صارت شطانته اخف شوي ..

مااختفت ..

بس اخف شوي ... وتونا بدينا بهالنظام ... والله يصبرني على حنته وشطانته ..

اول شي ... النوم : لازم تنظمين وقت نومه عدل ... لا يكثر ...ولا يقلل .. ومولازم ينام الظهر ...

ثانيا : سوي له نشاطات خاصه بحيث يستهلك طاقته ..ومايخزنها للشطانه واللعب اللي مامنه فايده ..
يعني لعبه بدنيه مفيده .. او لعبه ذهنيه مثل التركيبات وهالامور ... او اي هوايه تحسينها قريبه من نفسه ...
انا ولدي يموت بشي اسمه الوان ورسم ... طبعا كله شخابيط ... ماكو شي .. بس احسه فعلا يندمج وينسى عمره ..


ثالثا ... وهذي اصعب نقطه ... الأكل ..
حاولي تبعدينه عن المشروبات الغازيه والكاكاو ... لانها تخليه يتنشط زياده ويخزن طاقه في جسمه .. وهالطاقه لازم تطلع بأي شكل .. حتى لو كان شطانه وركض
والوجبات السريعه @@ ..... @@ ....هذي اللي مانستغني عنها ..

حاولي تخلينها مره بالاسبوع ...

وان شالله يصير نشاطه بالمعدل الطبيعي... ويحفظه لج يارب ...

 

[(*ام عهــــد *)]

ماقصرت القنوت
وبااااقي البناات
وحمدلله على سلاامته والله يخليه لج ياااارب
​

 

[dnyay_mll]

حمدالله على سلامته
الله يحفظه ان شاءالله

 

[نـور الكويت]

الحمدالله على سلامته

والله يخليه لج يارب