عجينة كبة البطاط أطلعت لينه

[ام رومية]

الحقوني خواتي كبة البطاطا لينة حطيت طحين ونشاء للحين ليييييييييييييييييييييينة شسوي بسرعة ارجوكم :krkrkr:

 

[||الجـــواهـــــر||]

رد: عجينة كبة البطاط

زيدي البطاط اختي حطي بطاطا فوقهم

 

[جارة القمر]

رد: عجينة كبة البطاط

حطي بطاط


وحطيتي معاه عيش



ولا لأ

 

[ام رومية]

مشكورين علي المشاركة بس والله لييييييييييييييييييييييييينة مثل العلج والكمية كبيرة
وسويت كبة برغل وكبة جريش بس البطاطا بس عجنتها وخطيت بيضة ونشا وعيش مصري بس لينة
ساعدونيييييييييييييييييييييييييي الحين ضروري ناطرة ردكم:krkrkr:

 

[جارة القمر]

أنا ما احط بيض بكبة البطاط

بس أسوي عيش أفوحه وبطاط أفوحه وافرمهم بمفرامة اللحم إذا بضيف معاهم شبنت اضيف وإذا ما أبي ماله داعي



وشوفي هالطرق

http://q8yat.net/showthread.php?t=40855

http://q8yat.net/showthread.php?t=12888

 

[بحرينية محرقية]

يمكن للحين حار عشان جذي لين
حطيه فالثلاجة يصك شوي..

ما قط صادتني هالمشكلة ممممم حطي بقصم ويا البطاط يمكن يصك
ترى ما قط جربت البقصم اخلطه وياه بس جربي في كمية صغيرة من البطاط
عشان ما تخسرين العجينة كلها
واذا لقيتي حل قوليلنا عشان نستفيد ..

 

[bambena]

مثل ماقالت جارونه توني سالت امي قالت زيدي عيش

 

[ام رومية]

كل مرة افوح البطاط والعيش يبرد املحه ولفه بس هالمرة من منتدي اخذت الطريقة حطي بيض ونشاء خربلي الدنيا الحين ناطره البطاطا تفوح وزيد ه فوقه ومرة ثانية مشكوريين علي التفاعل معاي وخدمكم بالفرح غير اني بالشهر التاسع من الحمل غير اني اجهز للمولود توزيعات المستشفي غير اني حايسة مع تجهيزات رمضان والمشكلة ما احب شى من الحريم مو نفس شغلي وحشوتي كل عام وانت بخير لالالالالالالالالالالالالالالاوغير القرقيعان بعد ادعولي الله يسهل ولاتي :0bee2e8d89:

 

[جارة القمر]

ام رومية



بعد عمري



الله يقومج بالسلامة


ويسهل امورج



حبيبتي



وبالعافيييييييييييييييييية عليكم

 

[ام رومية]

اللة يسلمج يا مشرفتنا العزيزة وانا استاذن بحل المشكلة قبل لا تزيد وشوفكم انشاء الله بعد شوية او باجر

 

[ام رومية]

:eh_s(14):​

 

[الريشة]

يمكن هرستيها بالخلاط وايد
أحسن تهرسينها بالملعقة الكبيرة أم فتحات و يكون البطاط دافي أو بارد و زيديه عيش مسلوق أو بقسماط
و ما دام حطيتي بيض يمكن اذا قليتيها ما راح تتفلل لأن البيض يخليها تمسك
جربي قللي وحدة و شوفي

 

[جرح الليالي]

الله يعينج


نفس معاناتي والله


المهم اشصار وياج ؟؟؟

 

[جارة القمر]

حبيبتي


ليش لحد ألحين ما أضبطت


وأنتي مستخدمه أي نوع بطاطا


لبناني ولا سعودي

 

[ام حلومي]

نقعيها بالبيض بعدين بالبقصمات احسلج جذي

 

[^ فش خلئك^]

بنات ابي طريقه كبه البطاااط بس بدون العيش


شلووووووون؟؟