عجلون x عجلون

[فرااشة الأمل]

ا

ررررررررررررررحبوا​

..

بنات بليز بليز .. منو سافرت لمدينة ((عجلون)) بالأردن أو تعرف عنها ..

عفية بناات فيدوني بالأماكن السياااحية العائلية والمووووولات أهم شيء..

لأن سفرتنا إنشالله مع رمضان بس تعرفووون نبي نجهز ونعرف بالأماكن هناااك..

:balo:[/SIZE][/CENTER]

 

[الماسه.76]

اب
اب
لعيونج
ان شاء الله البنات يفيدووونج

 

[sanaya-q8]

انا رايحه لقلعه عجلون بالاردن حلوة بس سكننا بالجبيهه ورحنا مدينه ملاهي حلوة هناك
ورحنا البحر الميت ويمه في شلالات
وروحي شوفي المدرج الروماني اعتقد بوسط البلد وفي مولات

مطعم ريم البوادي لايطوفج
منطقه اسمها تلاع العلي

 

[❀مـξـآنـﮯ ﮜـثـﭝﺮە❀]

هــلآ أختــي

عجـلوون احنـآ رحنــآ للقـلعه بــس

يــآبووي درربهــآ يـخررع بـس اهي حــلووه وبـآرده تــرآ موو حـآره يعني عـآدي بـالصيف يطق مطر لانهـآ مررتفعه

بـس مــاسكنا فيهـآ احنـاا سكنـآ بالـ جبيـهه

ومـولآت مـآاعرف بعجلوون بس بعمـآن عندج مكـه مـوول حـلو وكبــيير يمكن 5 طوابق او 4 فيه فور ايفر وزارا ومانغوو وواايد محلات نفس طقت الأفنـيوو
ووقريب منـه بـعد ستي مـوول هذا فيه كارفوور وفافافوم والقرشي وو شكـثر بـعد وآلـدوو ومطــآآعم
اممم عندج مجدي مول بعد بعمـآن رخييص تلاقين فيه سـوآلف بـجـآيم للـصغـآر او لج ووو نـعآل عزج الله
جبل الحسين سووقه يم بعض تحصلين عندهم شغلات حلوه
عمـآن مول < بــس مـآيعجبني حيــل> فـيه جنه محل فوق ماركة كونكورد للجنـآط وو نـعـآل عزج الله

ومطاعم عندج ريم البـوآدي حلوو وقعدته توونس .. قـصر الصنـووبر ..ووآحد صادفنـآه واحنـا رايحين لجرش ممم اضن اسمه قلعة جرش او بوابة جرش مـآدري نــآسيه ..!

ماك مجيك العاب للصغار قعده صوب المطعم وفيها صاالة عرس يمكم وبـرآد فيهــآ لانها مرتفعه شووي
ممم حديقة الملك حسين هذي بس للتمشي والقعده فيهـآ وساعات يكون فيها كرنفالات
وملاهي الجبيهه
ممم نــسيت والله ^^"

اتمنى اني فدتج

 

[فرااشة الأمل]

يعطيييييييييييييييكم ألف ألف عااافية حبايبي ( sanaya-q8 و shmo5y )

ومشكورة أختي الماسة76 عالمروووور..

بنااات يعني ما تنصحونا نسكن فيها بالعطلة وبالأخص مزااااارعها اللي عالجبال ؟؟

بصرااااحه خرعتيني أختي shmo5y أحس إنها تخوف من كلامج..

 

[❀مـξـآنـﮯ ﮜـثـﭝﺮە❀]

الله يــعآآفـييج

ههههههههه لااا موو قصدي اخرررعج بــس انـــآآآ خــوآآفه يعني أي شي أي شي يخووفني عرفتي يعني الطريج من عمان لي عجلوون بالنسبه لي يخرع بس غيري لا عاادي

يعني انا اصلا بالأســـآآآآس خــــوآآفه من كـــل شي حتى كان يشووفه غيري تــآفه

(( عــآآدي لاا تتلفتيين وتشووفين الطريج بـس اتووقع ان كـآن طريجه اهـون مـن البحر الميت يمكن :080402ask_prv: ))

واناا مااجربت السكن فييهـآ ولا شفت مزارعها بس رحنـآ للقلعه وبعدين ردينــآآ .. سمعت انها راقيه ماادري
احنا كله نسكن بالجبيهه كــــــله خلـييجييين ويــآآكثرهم الكويتيين اتحسيين انج بديره خليجيه من كثرهم ماشاءالله
وبعدين أاغلب المجمعات والمطاعم فيها مااعرف عن عجلوون الا القـلعه بــس

 

[فرااشة الأمل]

مشكووورة أختي .. ترى عادي أنا أحب الطرق الطوييييييييييييييييلة والظلمة بالسفر ..

ولا جااان ما حسيت بوناسة السفرة ..

عفية بناااات عطونا خبرتكم ومعرفتكم بالأردن .. وبالذات عجلون والجبيهه وجرش وماحولهااااا..

:e3:​

 

[ذهب]

السلام عليكم

انا ان شاء مسافر الاسبوع القادم للاردن

و انصح اي وحده تبي معلومات عن اي بلد تدخل منتدى زاد المسافرين صراحه وايد تستفيدين

ادعولي ربي يسهل امور سفرتي

 

[هـآيـدي]

حبيبتي انا بقولج عن الاردن وباختصااااااااااار عجلون حلوه بس طريجها يخوف ولا تسكنين فيها خليج بالجبيهه تهبل وبراااااااااد

حتى شوارعها بالليل وناسه تمشين وآمان للخليجين لان شكثرهم بس عجلون ماحس فيها خليجيين االا لزيارة القلعه بس

والمولات احلا شي مكه مول وستي مول فيه محل اي زون للماركات قوتشي وبيربري وبلايز سكاي وفي عبدون مول هذا في محل ماركات

ومنطقه راقيه فيها مطاعم زوغه وشغل عدل للطبقه الراقيه

ومجدي مول حق جواتي عزج الله وبجايم وملابس تركيه

وعندج بالجبيهه ملاهي الجبيه حلوه وايد كلها قعدات على العشي وبساط وجاي وقهوه وناسه

مطاعم ريم البوادي والنخيل والطاحونه وفرايديز بالمجمعات وكل مجمه فيه العاب للاطفال


والله يهنيج

 

[..Balsam..]

هلاااا ....

بصرااحه حبيبتي عجلون من أحلى مناطق الأردن وأبردهااا ..

اذا انتي تبين الطبيعة والجو البارد روحيلها .. لأن مافيها أماكن تسوق فيها بس السوق الشعبي بس لاازم تجربين جو هالسوق لأن موووو طبيعي .. انا رحتلها مرتين وأسكن بعجلون صج وناااسه .. قريب منها جــرش فيهها سوق بس عادي برضو شعبي .. وبعد اربد تقريبا تبعد عنها نص ساعه وفيها سوق أحلى من سوق عجلون وجرش .. وعمان تبعد عنها سااعه .. وعمان فيها كل المجمعات وكل الأماكن السياحية مثل مكة مول والصويفية مول وعمان مول << بس مو ذاك الزود عمان مول و حديقة الجبيهة ومنتزه الملك عبدالله << دايما يسوون المعرض العالمي فيه موووو طبيعي بس نصيحه جهزي ملابس شتوية لأن بالليل يصير بررررد ...

بالنسبة للسكن بعجلون انا انصحج لأن صج تجربة مارااح تنسينها طووول عمرج .. خصوصا التمشي بالطبيعة الصح تكون توها الشمس طالعه .. صج قضيت في عجلون أحلى أيااام عمري ... وتروحين وتردين بالسلااامه ياارب

 

[..Balsam..]

ونسيت بعد بنصحج بمحل اكسسوارات وشغلات بنات رووعه باربد اسمه "شو حلو" لاازم تروحيله ... تلقينه أتوقع بشارع الحصان اذا انا مو غلطانه !! :eh_s(15):

وسلميلي على العراقية اللي تبيع توت شامي بسوق عجلون :eh_s(9):

 

[فرااشة الأمل]

مشكووووووووووووووووووورين .. (ذهب / هايدي / Balsam) فديييييييتكم والله ..

والله يجزاكم كل خير على هالمعلومات ..

والله ماعمري طلبت فزعة بنات كويتيات إلا والكل يسااااااعدني..

الله يسهل أموركم كلها وينور كل دروبكم .. آآآآمين..

 

[..Balsam..]

آميـــــن يارب

 

[وبعديين]

مثل ماقالو البنات
اسكني بالجبيهه وروحي تمشي باي مكان
بالتوفيق

 

[فرااشة الأمل]

up

up

up

 

[فرااشة الأمل]

up



up



up

 

[ذهب]

تعالوا بنات جبتو سيرة التوت الشامي من صج

انا في عمان حاليا ولدي الله يحفظه يقول مشتهي اكل توت وين الاقي التوت ساعدوني الله يسهل دروبكم

بسأل عن المعرض السوري في طريق المطار بعمان يسوي اروح له ياريت تفيدوني

 

[وبعديين]

هلا ذهب

شوفي بسطات الخضره اللى تكون على الطرق
بس ديري بالك
بعضهم يحط الوان صناعيه بواسطة الابر في التوت والرمان والفراوله

ذهب
شنو الاماكن الحلوه اللى تنصحين اروح لها؟؟