- إنضم
- 10 فبراير 2010
- المشاركات
- 444
- مستوى التفاعل
- 0
- النقاط
- 0
مسكت أقلامي والدفتر أبكتب شي من الأشجان
شجوني والشجون كثار في قلبي أخفّيها
بحرّر بسمة الفرحه وبسجن لحظة الأحزان
مؤبد مع شقى أعمال وفي زنزانه أرميها
وجلدات الحزن فيني أشد من جلدة السّجّان
وكم جلّده من الأيام إلى يومك أداويها
مسكت أقلامي والدفتر أبنسى بصمة الحرمان
أبكتب حالي الأيام وحلو اللّي مضى فيها
وكل ما قلت انا بنسى تعاندني قوى النسيان
وهالدمعه تعاندني غصب مقدر أداريها
دموعي تغرق الدفتر وفكري يعلن العصيان
وأقلامي سوى الدمعه ولا نقطة حبر فيها
عجزت اكتب كتابي واكتفيت بشخبطة عنوان
شجوني والشجون كثار في قلبي أخفّيها
اتمنى تعجبكم ياحبايبي
