عجة البيض

[صباا]

صبااااااح الخير حبيباتي عضويات منتدى كويتيات

رمضان مبارك عليكم وربي يتممه علينا بخير وتقبل صيامآ وقيامآ

بصراااحه انا حابه اعرف طريقة عجة البيض سهله ولذيذه

واكون ممنونه لكم

لاتحرموني من ردودكم

 

[أحلى همبه كويتية]

بقولج طريقتي

5 بيض اي عدد حسب عدد الأشخاص + نقطة خل عن زفرة البيض
3 ملاعق طحين
ملح وفلفل اسود
ربع كوب حليب سائل
بصل ناعم مفروم
بقدونس مفروم
اي اضافات اخري تحبينها مثل ( فلفل رومي مقطع صغار - طماط - نقانق ..ز حسب الرغبة )


خلطيهم كلهم عدل وحطيهم في صينية مدهونة اما بالفرن لما تستوي
او على الجولة على نار هادية واحرشي انك تغطين المقلاه او القالب اللي حاطتها فيه بغطاء جدر مثلا
عشان تستوي عدل



وبالعافية

 

[جارة القمر]

مشكووووووره الهمبه


http://www.q8yat.com/t840758.html

 

[توتاتوتا]

مالها طريقة محدده انتي و ش تحبين حطيه فيها من بهارات لاي شي ثاني من مرتديلا اجبان زيتون جزر طماط .....الخ بس لو اضفتي شوي حليب تنتفش و اذا حطيتهيا على التاوه غطيها و قصري على الحراره و راح ترتفع شوي و تستوي من فوق و تحت بنفس الوقت

 

[صباا]

مشكووورين حبايبي وكمان سمعت احط بكنج بودر

الله يعطيكم العافيه

 

[dnyay_mll]

6 بيضات
2 ملعقة طحين ابيض
4ملاعق جبن كرافت
قفشة زبده ذايبه
شوية بقدونس مفروم

خلطي المقادير ودخليها الفرن من فوق وتحت تقريبا 10 دقايق على حرارة 180

وتقدرين تضيفين طماط وبصل مفروم وبالعافيه