عجاائب انوثة !! << اول رواية لي

[simpel anooma]

السلام عليكم .. هذي اول رواية اكتبها و انزلها بالمنتديات بأسم الكاتبة anooma الي اهية اناJ .. انشالله تعجبكم ..

عجائب الانوثة!!​

اول شي اعرفكم بالعايلة ..
عايلة بوعلي(احمد)
الابو(احمد):عمره 32 .. تزوج من بنت خالته مو عن حب و لكن اهمة الحين اسعد اثنين بالعالم .. عاقل متفهم لكنه عصبي شوي .. يحب النظام(مدير شركة عالمية)
الام(نوال):عمرها 30 .. زوجة احمد يابت منه 4 اولاد.. عاقلة و فاهمة و حبوبة و اجتماعية و تربي احسن تربية(ربت بيت)
الولد العود(علي):عمره 21 .. امه تدور له وحدة تناسبه و تفهمه .. منظم و مرتب و يحب النظافه الزاايدة (وسواسي) (مهندس)
الولد الثاني(عادل):عمره 19 .. كريم و يضحي واايد علشان اهله و يموت عليهم .. هم هذا عصبي على ابوه و فيه عيب مخرب عليه كل شي ان فوضوي(يدرس طب)
الولد الثالث(عزيز):عمره 18 .. طاااايش و متهووور .. مايحب يتحمل المسؤولية مايحب يسمع اي شي يضيق خلقه .. و مهمل لدرجة ان مايهتم الا بنفسه(اناني)(شاطر لكنه مهمل)
الولد الرابع(عبدلله):عمره 12 .. نفس ابوه بالضبط .. و يحب ان احد يعامله انه كبير و يحب يتحمل مسؤولية كبيرة .. J ((يحب يصير نفس خوانه الكبار له شخصية مهمة))
الصبح الساعه 6 قبل الدوامات :
احمد:يا نوااال عطيني الغتره بسررعه تأخرت على الشركة .. افففف
نوال:هاك هاك .. يا احمد العمر يخلص و الشغل ما يخلص هد اعصابك انت ..
علي:يمـــــــــــــه .. وين دلاغي انا ايما احطه هني .. منو شايله .. واي على هالخدامه اوريها انا بعدين ..
نوال:يا علي يا حبيبي .. شفيك جذي دلاغ و غيروا مكانه ليش جذي عاد متنرفز
علي:لاني دايما ارتب و احط اغراضي و اهية تيي باردة مبردة تشيلهم ..
نوال:كيفك يمه كيفك .. عزيييييييزوااااا
عزيز يحك راسه:شنو يمه شسويت ..
نوال:شسويت هااا ... توك تقوم من النوم و اخوانك كلهم معتفسين قوووم يمه
عزيز:مايمدي مايمدي .. افف كاني كاني قمت .. (ودش الحمام و انتوا بكرامة)
عادل:يمـــه .. يمـــــــه
نوال:هلا يمه شتبي
عادل:انا بعرف شي واحد .. ليش ما تخلين الخدم الي عندنا يشتغلون بدالج .. عندنا اكثر من 10 خدم و 5 سواق .. و بعدين انتي شايفه البيت شكبره و انتي كله حاطته فوق راسج ..
نوال:انتوا عيالي انا مو عيال الخدم .. و انا مستانسة جذي .. حبيبي انت تريق و روح جامعتك قبل لا تتأخر .. وين عبدالــــــــلــــــه ؟؟
عبدلله : يمه انا هني صارلي ساعه قاعد ناطركم تخلصون ..
نوال:هههه .. فديتك يا الجعدة يا النزغة انت .. دايما اول واحد لك هدية مني(وغمزتله)
احمد:يالله كريــــــــــــــــــــــــــم(سايق احمد) .. ركب السيارة رايح حق الشركة
علي:يمه ذكريني ازف الخدامة .. يالله مع السلامة .. ادعيلي يمه اليوم عندنا مشروع فله على قولتهم .. J
نوال فجت لهم الباب:يالله كل واحد ياخذ السايق و يطلع ياللله .. (على غمشرة طبعا)
و كلهم طلعوا و دقت على اختها مناير ..
نوال:هلا اختي مناير .. بغيتج ضروري تيين بيتي الحين الحين
مناير:خير انشالله في شي ..
نوال:انتي تعالي يصير خير
مناير:ماعندي احد ييبني السواق كلهم رايحين و انتي تعرفين بو خالد(ريلها)نائب المدير الي اهوة ريلج .. فرايح الشركة مو موجود
نوال:مووقته قرقه الله يهداج .. انا الحين اطرشلج السايق .. و طرشت لها السايق و وصلت مناير عند اختها نوال
نوال:اهلا اهلا .. تعالي حياج حياج
مناير:الله يحيج .. و شصاير طيحتي قلبي
نوال:انتي تدرين عن السالفة القديمة
مناير:اي اي .. شيابها على بالج هذي قدييمة
نوال:حلمت فيها و صار نفس الموقف .. بس .. (جان تبجي نوال)
مناير:قوليلي حبيبتي شفيييج .. بس شنووو ؟
تـــــــــــــــــ البارت الاول ــــــــم

اكــــمــــل و لا لا؟؟:eh_s(10):​

 

[شيخه الخوالد]

شوفي كملي
بس عندي لج جم ملاحضة اول شي الأعمار الام والأبو وايد اصغار يعني لو تحسبين ان عمر ولدهم ٢١ شنو تزوجوا لمن كان عمره عشر سنوات مفروض تكبير اعمار الام والابو تقريبا عشر سنوات زياده او اكثر
ثاني شي الي مخلص هندسه عمره ٢١ يعني يكون خريج او توه ما تخرج فلازم تكبير عمره علشان تحله القصه خو تعرفين البنات تحب الي اكبر منها بوايد سوري علي الإزعاج وبليز كملي ابي اسمع باجي القصه تراي بدايتنا القصه حلوه وأبيج تكملينها بس بليز لا تزعلين مني ولا شي والله بس حبيت اصلح لج

 

[simpel anooma]

شوفي كملي
بس عندي لج جم ملاحضة اول شي الأعمار الام والأبو وايد اصغار يعني لو تحسبين ان عمر ولدهم ٢١ شنو تزوجوا لمن كان عمره عشر سنوات مفروض تكبير اعمار الام والابو تقريبا عشر سنوات زياده او اكثر
ثاني شي الي مخلص هندسه عمره ٢١ يعني يكون خريج او توه ما تخرج فلازم تكبير عمره علشان تحله القصه خو تعرفين البنات تحب الي اكبر منها بوايد سوري علي الإزعاج وبليز كملي ابي اسمع باجي القصه تراي بدايتنا القصه حلوه وأبيج تكملينها بس بليز لا تزعلين مني ولا شي والله بس حبيت اصلح لج

هههه .. لا تلوميني ماحسبت و اول رواية اكتبها ..
و مشكورة حياتي .. بس خلينا جذي احسن ههه​

 

[simpel anooma]

البــــــ الثاني ــــارت​

في شركة احمد:
احمد:يا بو خالد وين هذا الملف .. انت عارف خطورته لو طلع من هذي الشركة
بو خالد:يا بو علي و الله اني عارف خطورته بس مااعرف وينه و كاني قام ادور معاك
السكرتير:استاذ بو علي .. شرايك نشوف كامرات المراقبة برا و داخل
احمد:و الله فكــرة .. بسرعة قولهم يشغلونه الحين الحين
بو خالد:يا بو علي ماينفع الحين .. لانه الحين كل الموظفين موجودين .. لازم بعد الدوام
احمد:آآآخ .. بس لو اعرف وينه هالملف
بعد الدوامات في بيت احمد على الغدا
نوال بالتلفون تكلم احمد:وينك تأخرت على الغدا؟
احمد بتوتر: ماعليج انا اليوم مو حاضر على الغدا .. يالله مع السلامة
نوال صكرت التلفون: اللهم اجله خير
نوال :علي حبيبي شفتلك وحدة ..
علي قاطعها:يا يمه يا حبيبتي .. مالي خلق اتزوج الحين
نوال:مالك خلق شنو يعني مالك خلق !!!
علي:اوو يما بعدين بعدين مو جدام اليهال
عزيز+عادل+عبدلله:احنـــــــــــــــــــــــــا يهــــــــــــــــــــــال
علي ركض على الدري:القبـــــــــــــــه
الكل:هههههههههههههههه
العصر الكل نايم ياخذ قيلولته
علي طلع مستعيل مواعد ربعه و متأخر عليهم .. و اهوة طالع دعم بسيارة فيها بنت و سايق​

و من هنا تبدأ الحكاية​

علي:آسفة اختي و الله كنت مستعيل
البنت ابتسمت:عادي عادي حصل خير
علي راح يجيك على سيارتهم .. طلعت شوي مخدوشه .. راح حق البنت و
قالها:تبين انا اتصل على ابوج و اقوله عطيني رقمه
قالت له بخوف:لا لا عادي عادي
علي باستغراب:شوفي السيارة شصار فيها تقولين عادي
البنت:اي عادي ما صار شي مو مشكله
علي:يعني انا مااحب ادخلج المخفر عشان سيارة ..
البنت : لا لا لا مخفر و لا ابوي عادي عادي
علي:و انا كل ماقلت لج شي قلتي عادي
البنت : انزين اذا انت مصر عطني رقمك و اذا احتجت شي بخصوص السيارة راح اقولك
علي باستغراب اكثر:انزين هاج .. عطاها الرقم
البنت :يالله امش بسرعه .. (تكلم السايق)
علي بالسيارة يكلم نفسه:هذي شفيها .. اكيد وراها قصة .. حتى ماكلفت نفسها تشوف الخدش .. و مشت بسرعة و كانت خايفة و متوترة .. افف انا شكو فيها
احمد و نوال بغرفتهم :
نوال:عسى ماشر شفيك متأخر اليوم؟
احمد:في ملف مهم ضاع من الششركة و هالملف في شدة الخطورة
نوال غيرت السالفه:مم .. احمد ترة هالاربع صبيان ينفعون يشتغلون بالشركة عندك
احمد:ادري بس انتي شايفتهم مايبون .. و انشالله بقول حق علي يصير مهندس شركتنا
نوال: اي خوش شي
احمد:نوال بقولج شي بس مو تزعلين مني انزين؟
نوال بخوف:قول .. ماراح ازعل
احمد:نوال احنا بعدنا صغار انتي 30 و انا 32 ..
نوال: اي ..
احمد:يعني ماودج ببنت جذي تصير دلوعتنا!!
نوال:ودي بس يا احمد ..
احمد:بس شنو ....
نوال: خلاص خلاص .. انشالله اييبلك بنية حلوه اذا الله كتب
و ظلت نوال محتارة و نامت
و بعدها عادل طلع بدون مايقول حق احد
عادل بالتلفون:اي ادري .. ادري ادري .. انزين وينج الحين .. يالله يااي يايي
و راح عادل لها .. و بدأت حكاية عادل
بنفس الوقت كانت بداية قصة عزيز ..
عزيز مراهق .. فكان يقضي يومه كله جدام اللاب .. و يدش المنتديات و هالسوالف
و يدش الجاتات الموجودة هناك و شافله وحدة من نفس طقته j
اما عبدالله فهو ليلحين ياهل .. لكنه يحب بنت خالته عمرها 10 سنوات اسمها عاصي
بعد فترة من حيااتهم الطبيعية .... مرت 3 اشهر نفس حالتهم و لكن تغير شي
نوال :يا عيـــــــــــــــال
العيال كانوا على الغدا:خير يمه شفيج شفيج ؟؟
نوال:انا حاااامل
كلهم استانسوا خصوصا عبدالله
عبدالله:صج يمه .. بتيبين ولد يلعب معاي
نوال:انشالله يمه اذا الله كتب
كلهم باركولها الا عزيز
عزيز:يمه شكبرج و الله فشله اقولهم امي حامل و انا شكبري .. عيالج كبار و انتي حامل
علي عصب:استح على ويهك .. يا قليل الادب هذي امك
عادل هم عصب عليه:صج قلة ادب الظاهر محد رباك عدل ..
احمد توه يدش البيت شافهم جان يصارخ :شفييكم صوتكم واصل آآخر الشاارع
عزيز شافهم بنظرة مو حلوة و راح غرفته ..​

تــــــــــ البارت الثاني ــــــم​

ردوووودكم ... شجعووني ​

 

[شيخه الخوالد]

اممممم
نايس
وايد حلو قووووو هد

 

[simpel anooma]

اممممم
نايس
وايد حلو قووووو هد

ثنكس حيااتي .. رافعه معنوياتي و الله ؛)

 

[3rbawya]

كملي حبيبتي

الروايه شكلها حلوة
وبدايتها حلوة

 

[simpel anooma]

كملي حبيبتي

الروايه شكلها حلوة
وبدايتها حلوة

مشكورة بعد قلبي و الحين اكملها ​

 

[gala q8]

كملـــــــي و انا متابعــــــanoomaــــــــه ,, ​

 

[simpel anooma]

البــــــــــ البارت الثالث ـــــــارت​

نوال قعدت بغرفتها تفكر باللي قاله عزيز:اي و الله انا شفيني عيالي شكبرهم احمل .. ​

جان يدشون علي و عادل​

علي:يمه لا تسمعين كلام هالياهل ... انتي تدرين ان مراهق​

عادل:اي يمه و المراهق حساس و دايما يفتشل من كل شي​

نوال:و الله ادري فيه و ادري ان طايش بس اخاف صج افشله جدام ربعه​

علي بعصبية:يمه المفروض يشيلج على راسه و يمشي فيج بس هذا ياااااااهل​

عادل:هد اعصابك عليوي .. احنا يايين نهدي الاعصاب مو تزيدهم انت​

نوال:خلاص يمه روحوا باجر وراكم دوامات و لا تنسى علي توك متوظف لا تفشلنا​

دش احمد عليهم و قالهم:كل واحد على غرفته يالله .. و طلعوا​

احمد:نوالي .. شفيج حبيبتي اليوم ؟​

نوال:افف احمد ريحتك خايسه .. روح تسبح يالله​

احمد:افاا انا ريحتي خايسة ... اوريج انا اليوم​

نوال:اي صح ماقلت لك .. ​

احمد:شنو شصاير بعد .. اليوم وايد سوالف​

نوال مستحية: انا حامل يا بو علي ​

احمد مو مصدق: حامــــــل ؟؟​

نوال:اي .. ​

احمد:يالله قومي جهزي جنطتج الحين الحين​

نوال تضحك : جنطت شنو؟​

احمد:بوديج باريس اليوم .. ​

نوال:وييه يا احمد احنا ويين و باريس ويين​

احمد: نوال .. شفيها اذا رحنا باريس غيري جو يالله بسررعه​

نوال:انزين مو الحين .. خلها على الاقل عقب اسبوع​

احمد:اسبوووع!! مااقدر مااقدر​

نوال: هههه .. شفيك جذي عاد​

احمد: خل نروح هناك نستانس ​

نوال: و عبدالله ​

احمد:شفيه عبدالله ريااال ​

نوال:و الشركة​

احمد:انا المدير بكيفي امشي الشركة .. اي صح نسيـــت الملف الضايع​

نوال غيرت السالفة: لا تضيع السالفة و روح اتسبح​

احمد يضحك:انشـــالــــلــــه​

في غرفة علي:​

علي منسدح يكلم نفسه:يا ربي هالبنت شنو قصتها .. و انا خبل ليش ماخذيت رقمها يعني حلال عليها حرام علي .. بس صج البنت هذي ماعندها اهتمام يعني سيارتهمم مدعومة و تقول عادي اموت و اعرف شسالفتها .. و نام​

فجأة الساعة 12 بليل يرن تلفون علي .. قعد من نومته:​

-علي:الووو​

... : ......​

-علي:الووو منو معاي​

......:......​

-علي: و الله انتوا ناس مادري شلون صايرن​

.... : الوو(الصوت يرجف)​

علي: الو الو منو نعم شتبون؟​

.... : الاستاذ علي​

علي بخرعه: اي نعم منو معاي؟​

و تصكر الخط​

اما عادل فأهوة قصة ههه​

عادل:وو الله ادري حبيبتي و انشالله بس اخلص جامعة اخطبج​

جمانة(مع عادل بالكلية):افف .. من زمان تقولي هالكلام و ليلحين ما شفت شي​

عادل:وليـــه انتي شفيج متشآآئمة جذي​

جمانة:هذا الصج .. و شفيك عصبت علي​

عادل:لا عصبت و لا شي .. بس انتي صايرة دلوعة و حساسة​

جمانة:اقول عادل .. خل انام قبل لا تصك هوشة​

عادل:نامي نامي ​

جمانة:يالله مع السلامة اففف​

عادل(يقلد جمانة):يالله مع السلامة اففف​

جمانة:اقـــــولــــــك لا تقلد ​

عادل:لا بقـــلد عندج مشكلة​

جمانة:افف باي باي​

عادل:باي من قاضبج .. و صكرت الخط بويه خخخ​

و نامو كلهم بهدووء .. فجأأأة طلع صووت من المطبخ ​

جـــــكــــــــــح(صوت شي انكسر)​

الكل قام خايف .. و يطالعون الدري .. ​

احمد:خلكم هني محد ينزل انا بروح اشوف و ايي​

علي:لا يباا مايصير انت تروح و عيالك هني​

عادل:يبا انا و علي ننزل انت خلك مع امي و عبود​

عبدالله بخوف في حضن امه: يمه في حرامي عندنا ..​

نوال:لا يمه انشالله ماكو شي بس قول بسم الله .. و انتوا نزلوا بدال ابوكم بسرعه قبل ما ينحاش و اخذوا شي معاكم​

علي و عبدالله :انشالله يمه .. و نزلوا ​

و نوال و احمد و عبدالله ظلوا عند الدري جان يسمعون صوت طلقه قوية​

و مرة وحدة ريايل لابسين اسود دشوا عليهم .. و حاصروا بيتهم و مسكوا الريايل بس و خلوا نوال و عبدالله​

نوال ميته خرعه و ماسكه ولدها حييل​

الريال:احنا مالنا شغل فيكم بس ماراح تطلعون من البيت .. احنا نبي صاحب الشركة بوعلي​

نوال:شتبون فيه .. خلوه بحاله​

الريال دزها على الارض:انتي مالج شغل .. فااهمة​

نوال تبجي من الخرعة و عبد الله يصارخ على الريال:انت ما تجيس امي فاهم​

الريال بضحكت احتقار: ههههههه .. مابقى الا اليهالوا ​

و مسكته نوال و تبوس راسه .. و قلبها يحترق تبي تعرف منو الي اطلقوا عليه الرصاصة​

جان تدش الام الحمام (عزكم الله)و تذكرت ان تلفونها بجيبها قامت و دقت على مناير اختها​

نوال:مناااير لحقي علي لحقي .. حاصروا بيتنا اتصليلي على الشرطة عفييه الله يخليج​

مناير:شنوو تقوولين .. من صجج انتي ​

نوال:عفيه ماعندي وقت اتصلي بسرعه .. و صكرت الخط ​

و سمعها ريال تتكلم بالتلفون جان يمسكها و طلع التلفون من جيبها​

و نوال تطمنت ان اختها راح تتصل على الشرطة ​

في بيت مناير..اتصلت على بو خالد:​

بو خالد الحق على اختي .. ​

بوخالد كان برا البيت و مشغول شوي:هاآآ .. شفيها اختج ؟؟​

مناير قالت له السالفه و قال: راح اتصرف الحين ... و صكر التلفون​

فجأة سمعت صوت ريال مألوف لها يقول:شددوا الرقابة عليهم يا حميـر هذي مرا اتصلت بتلفون و انتوا ماتدرون عنها .. بسررعه يالله​

الريايل:انشالله يا ........​

و انصدمت نواااااال من هذا الاسم و هذا الشخص​

تـــــــــــــ البارت الثالث ـــــــــــم​

تتوقعون منو هذا الشخص .. ردووودكــم​

 

[simpel anooma]

كملـــــــي و انا متابعــــــanoomaــــــــه ,, ​

مشكورة بعد قلبي .. و الله تشجعيني وايد انتي :eh_s(22):​

 

[شيخه الخوالد]

يلااا عاااشت اخيه اكشن
اممممم حبيب نوال الاولي هع لا اتغشمر
يمكن احد يشتغل مع زوجها احمد
وهذي أختها مناير بارده ليش كل مناير بارده
هع يا قود لك كملي شوقتينا

 

[simpel anooma]

يلااا عاااشت اخيه اكشن
اممممم حبيب نوال الاولي هع لا اتغشمر
يمكن احد يشتغل مع زوجها احمد
وهذي أختها مناير بارده ليش كل مناير بارده
هع يا قود لك كملي شوقتينا

الصراحه كتبتها مو قصدي اسويها باردة بس الظاهر على قولتج كل مناير باردة هههه
و ماراح اكمل الحين .. خل يردون علي وايد و اكتب هههه​

 

[شيخه الخوالد]

اي والله كل مناير بارده
يلاه ناااطرينج يا حبيبتي

 

[simpel anooma]

البــــ الرابع ــــارت​

فجأة سمعت صوت ريال مألوف لها يقول:شددوا الرقابة عليهم يا حميـر هذي مرا اتصلت بتلفون و انتوا ماتدرون عنها .. بسررعه يالله​

الريايل:انشالله يا بو خالد​

و انصدمت نواااااال من هذا الاسم و هذا الشخص .. و قعدت مصدومة و تتذكر لمن يت اختها عندها الصبح .. خل ننتذكر معاها و ازيد الكلام الي دار بينهم ::​

نوال:هلا اختي مناير .. بغيتج ضروري تيين بيتي الحين الحين
مناير:خير انشالله في شي ..
نوال:انتي تعالي يصير خير
مناير:ماعندي احد ييبني السواق كلهم رايحين و انتي تعرفين بو خالد(ريلها)نائب المدير الي اهوة ريلج .. فرايح الشركة مو موجود
نوال:مووقته قرقه الله يهداج .. انا الحين اطرشلج السايق .. و طرشت لها السايق و وصلت مناير عند اختها نوال
نوال:اهلا اهلا .. تعالي حياج حياج
مناير:الله يحيج .. و شصاير طيحتي قلبي
نوال:انتي تدرين عن السالفة القديمة
مناير:اي اي .. شيابها على بالج هذي قدييمة
نوال:حلمت فيها و صار نفس الموقف .. بس .. (جان تبجي نوال)
مناير:قوليلي حبيبتي شفيييج .. بس شنووو ؟
((التكملة الي دارت بينهم ))نوال بخوف:حلمت انه صار بعيالي
مناير :انتي متأكدة؟؟؟؟
نوال:اي اي .. انا ليش طاوعتج .. الحين راح يصير بعياالي جذي .. المفروض مايصير جذي .. المفروووض ما يصيييير ..
مناير:انزين هدي هدي ... ​

((قبل زواج نوال من احمد))​

نوال كانت تحب احمد .. بس احمد خطب بنت عمته​

نوال تبجي بغرفتها: انا طوول العمر جدامه ليش ما يشوفني .. انا اوريه و الله مااخليه يعيش معاها .. و لا راح اخليهم يتهنون مع بعض​

مناير:يا حبيبتي يا نوال .. اهوة مايستاهلج .. ماعنده نظر .. جليل الاصل​

نوال:لا لا لا .. راح اطلع حرت الايام الي راحت مني و انا احبه من صغري لي هاللحظة​

مناير: انا بعطيج فكرة .. و انتي قولي اي و لا لا .. ​

نوال تمسح دموعها : شنو شنو اكيد اي .. اذا شي يحرق قلبه و قلبها بواافق​

مناير: انا اعرف وحدة تسوي عمل مضبووط .. ​

نوال: لا لا شنو هذا قلنا شي يعور قلبهم بس مو سحر ​

مناير:انتي طيعني و يرد لج مثل الجلب ​

نوال: يعني مااضره بشي ​

مناير : لا لا .. لا تخافين عليه بس راح تحرقين قلبها اهية ​

نوال:عيل لازم بسرعه قبل لا يملجون ​

مناير:عيل بااجر نروح لها .. و لا تنسين اي شي يخصه و جهزي الفلوس ​

نوال:اوكي .. و سواا العمل و طاح احمد بالمستشفى و كره بنت عمته و صارت مشاكل بعايلتهم و تزوج نوال .. ​

نرد حق قصتنا ... ​

بعدها .. قامت تبجي تبجي .. و تقول انا ليش طاوعتج يا منااااير هذا و انتي اختي
عبدالله ارتفعت حرارته .. و اهية خايفه عليه و تسويله كمادات
عبدالله:يمه .. مع السلامة و ديري بالج على اختي
نوال:لا يمه لا تقووول جذي يا يمه
عبدالله:يمه احبج و احب خواني كلهم
نوال تبجي:لآ تقول جذي يا يمه هذي ازمه و تعدي حبيبي
عبدالله : انشالله يايمه انششالله
و تبوسه على راسه و تبجيي
و عزيز كان بغرفته .. ماطلع و كان توه قاعد من النوم و لا يسمع صراخ ريايل .. و خاف يطلع
في دوانية فلتهم ..
الريال:يا بو علي .. قولنا وين الملف ..
بو علي:انا صارلي جم يوم ادور عليه و الله مادري وينه
الريال:شوف اذا الملف ماطلع .. ماراح تشوف عيالك و لا زوجتك
بوعلي(احمد):دقوا على بو خاللد يمكن يعرف وينه .. خل يدوره اهوة اكيد بالشرركة
الريال:اي بو خالد .. انت هيي قول العم بو خالد
احمد:العم بو خالد ... !!
و فجأة وصلت الشرطة .. لمن سمعوا الريايل صوت الشرطة .. انحاشوا
لكن الشرطة في خدمة الشعب .. حاصروا البيت كله و بعدين فجوا الصفارة ((ذكية شرطتنا))
و مسكوا كل الريايل و طلبوا علي و عادل و احمد و نوال و عزيز للتحقيق .. عشان يشوفون شالسالفة .. و عزيز متحسف وايد لانه تكلم عن امه جذي .. و اعتذر لها و باس راسها
نوال:حبيبي انتوا كلكم عيالي و لا يمكن ازعل من واحد منكم
عيالها:تسلمين يمه
عبدالله بصوت متملل:نسيتووني .. بروح الطبيب .. افف منكم
الكل:ههههههههههه
و ودوه الطبيب و نامو بغرفة وحدة كلهم .. حفاظا على سلامتهم كلهم
اما على مناير .. تتوقعون شنو تسوي نوال فيها .. تظل تعاملها مثل اول و لا تقطع العلاقة؟
تـــــــــــــــ البارت الرابع ــــــــــم​

 

[شيخه الخوالد]

والله طلعوووو امهااا سحوره الله يبعدنا عندهم
يوه والله انغشيت بهالحريم اخ منهم اخ
قووو.

 

[simpel anooma]

والله طلعوووو امهااا سحوره الله يبعدنا عندهم
يوه والله انغشيت بهالحريم اخ منهم اخ
قووو.

انشالله يا رب الله يبعدنا عنهم .. آآمين
كيدهن عظيـــــــــــم خخخخ​

 

[✿¸3ώẪṧĤ»]

كمممملي

 

[3rbawya]

كملي
كملي

 

[simpel anooma]

البـــــــ الخامس ــــــــارت​

علي خاف من الرقم الي اتصل عليه نص الليل .. خاف ان يكون من الناس الي دشوا عليهم .. فاستعلم او استفسر على هالرقم .. طلع هذا رقم البنت الي دعمها​

علي يقول لنفسه:ليش اتصلت .. و ليش ما تكلمت معاي .. و ليش صكرته .. افف على هالبنية .. جان يدق عليها​

علي:الوو .. السلام عليكم اختي انا الي دعمتج
البنت بخوف:الوو .. و عليكم السلام .. اي عرفتك شبغيت اخوي
علي:انتي شبغيتي اختي .. اتصلتي علي الساعة 12 بليل و صكرتي الخط
البنت :اناااا .. انا كنت نايمة الساعه 12 و بعدين شيقعدني نص الليل
علي:انزين مو مشكلة .. شفيج اخترعتي
البنت:مااخترعت و لا شي يتهيأ لك
علي:اي يتهيأ لي قلتلي ((باستهزاء))
البنت(باستغراب):هااا !!
علي:و لا شي يالله تامريني على شي
البنت :ممم استاذ علي
علي:انتي شدراج ان اسمي علي .. انا ماقلت لج عن اسمي
البنت:احساسي قال ان اسمك علي .. و بعدين عادي اذا عرفت اسمك
علي:عفيه احساس عندج .. اي عادي بس شلون؟
البنت:قول مشالله .. و بعدين انا قلت لك احساااسي قالــي
علي:يالله عيل عن اذنج
البنت:وين ... مممم(ارتبكت) ... قصدي ابيك تيي تشوف السيارة قامت ما تمشي
علي:انشالله بس وين اشوف السيارة؟
البنت:اقولك السيارة ما تمشي يعني انت تعال شوفها
علي(باستغراب من جرأتها):انشالله ماطلبتي الا حقج
البنت:اوكي عيل هاك عنوان البيت .. و عطته و راح لها ​

عادل بالكلية .. يتصل على جمانة
عادل بعصبية:انتــــــــــــي ويــــــــــــنج اليـــــــوم؟؟؟؟؟
جمانة:شفيك معصب .. اهئ اهئ
عادل:وليــــــــــــــــــــــه .. شفيج بعد
جمانة:بدال ما تقولي حبيبتي شفيج مو حاضرة تصارخ علي
عادل:انزين .. حبيبتي شفيج مو حاضرة اليوم
جمانة:شفت دكتور سالم ..
عادل:شفيه بعد .. << هذوله الصبيان .. ما يفهمون خخخ
جمانة:لمن يه خطبني و ماوفقت .. حطلي +c قلت له ليش .. قال ماعندج نظر ترفضيني ..
عادل بعصبية : انزين مع السلامة
جمانة:وين .. هيي انت مو تسوي شي
عادل يصارخ عليها : ما راح اسوي ششي لا تخافين عليييه باااااي .. صكره بويها .. و راح يتهاوش مع الدكتور سالم !!!​

بعد مرور 6 اشهر تقريبآ​

احمد استئذن من الشركة و راح مع زوجته نوال حق السونار .. عشان يشوف المولود اليديد .. و كانت نوال ببداية الشهر الثامن و الي بطنها كان بنت .. احتارت نوال تقول حق اختها مناير و لا لا؟؟​

نوال تكلم نفسها بالسيارة مع احمد:يعني مهما صار هذي اختي من لحمي و دمي .. بس اهية خذلتني و هدتني ووقفت مع ريلها و نست اني اختها .. بس لو شنو يصير لازم اقولها ان عندي اخت على الاقل .. لا لا اهية صارلها ست اشهر مادقت و لا سألت الحين انا اقولها اني حامل .. اففف اذا سئلتني بقولها ​

احمد:نوااااااااال .. شفيج حبيبتي من اول ماطلعنا سرحانه فيج شي؟؟؟
نوال: هاآآ .. لا مافيني شي بس تعبت شوي ..
احمد:افآآآآ تخشين عليّ ...
نوال:مافي شي .. بس محتارة اقول حق مناير و لا لا
احمد بعصبية:انتي ليـــــــــــلحين .. بسج تفكيـــــر فيها هذي ما تستاهل
نوال:انشالله انشالله​

و نوال ردت البيت لقت عزيز مو مداوم .. ​

نوال:شفيك حبيبي ليش مو مداوم
عزيز:بس جذي كيفي
نوال:انزين حبيبي انا اكلمك هد التلفزيون و كلمني عدل
عزيز:اففف .. يعني مايجوز اشوف تلفزيون لازم اشوفج و انا اكلمج
نوال:اي حبيبي .. هذا من العقوق تقول افف حق امك
عزيز:اذا لازم اهد التلفزيون و انا اكلمج .. عيل ماابي اكلمج لييمن يخلص البرنامج
نوال:عيب عليك .. استح على ويهك .. لو انا مو تعبانة الحين جان ييت عطيتك كف على ويهك ..
عزيز:هذا الي انتوا فالحين فيه .. كف و استح و قليل ادب ..​

نوال قامت له جان يركض ينحاش منها و صعد الدري .. و بغت تصعد الدري بس من كثر ما اهية تعبانة طاحت من السلم .. و ظهرها يعورها حيــــــل و تصارخ​

عزيز عباله امه تجذب عليه عشان ينزل .. و لا الخدم يشيلونها و اهية تصارخ جان ينزل عزيز :​

عزيز:يمه يمه شفيييج
نوال:اتصل على ابووك
عزيز:انشالله انشالله .. و اتصل عليه و ودوها المستشفى .. و بعدها اتصلوا على علي و عادل عشان ايوون المستشفى .. نوال دشت العمليات لانه قام ينزل منها ماي ..
بعد خمس ساعات من العملية .. طلعت الدكتورة .. كلهم طلعوا لها
الدكتورة:ابي ريلها وينه؟
احمد:انا انا ريلها آمري .. وين زوجتي
الدكتورة:صار فيها نزيف حاد مع فتح البطن ... و
احمد: و شنوو دكتوووورة ...
تــــــوقــــــعـــــــاتــــكـــــم​

تـــــــــــــــــــــــ البارت الخامس ــــــــــــم​