عبير عوض

[بنت النخيل]

السلام عليكم

اخيرا ياخواتي بعد مااستخرت الرحمن الرحيم قررت اني اروح الدكتوره لعبيرعوض ياليت الي راحت تفيدنا شنو سوت معاها

وجم من الوقت قعدت معاها مع ان الكثير مايمدحون مقابلتها للاهالي بس المضطر شيسوي وبعد لسبب ثاني انها تبي تسافر

اخر شهر 5فعشان جذي اضطريت اني اروحلها لاني مااقدر اضيع الصيف كله بدون ما يستفيد وليدي
واذا رحت لها اسوي التحاليل علي طول ولا التحاليل طول والعلاج من اهنيه ولامن برا انا سمعت انه من امريكا

انا اجيبهم ولا اهي توصي عليهم
ياليت تردون علي بسرعه قبل ماتسافر

 

[ماريس]

حياتي مانصحج فيها كلش
شوفي شنو قايلين عنها

هذا موضوع قريتة بالمنتدي وحبيت اعرضة علي المساكين امهات التوحديين اللي انا منكم
لاني احذت عهد علي نفسي اكشف النصابين اللي بتكسبوا علي حساب عيالنا

السلام عليكم ورحمة الله وبركاته


بنات انا عندي ولدي توحدي عمره 7 سنين تقريبا وعرفت بالمرض من قبل 4 سنين

طبعا ما ابي اقولكم شنو صار فيني لما عرفت انهرت وصارت الدنيا سووده بعيني

قعدت اسبوع كامل الاكل ما يدش بحلجي يعني صج مو راضي يدش

لكن الله كريم وتقبلت الوضع بعد سنه صرت اشوه

والشيء الوحيد اللي بتكلم عنه اهني مو ولدي لانه سلمت امري لله بعلاجه

لكن احب اتكلم عنتم حذف المشاركة لما فيها من كلمات مخالفة لقوانين القسمد.عبير اللي بالسلام


علشان محد يغلط غلطتي

لاني كنت منحبطة فرحت لها اركض وعطتني كل اللي قلتو عنه من نظام غذائي وادوية من امريكا

المهم يا بنات السالفة وفضيحتها ... شنو نبدأ من اول القصة

اليوم اللي رحت لها في اول ما دخلت ولا هالسكرتيره اللي اول ما سألت عنه الفلوس ! "انصدمت"

ليش ما سألت عن ولدي وينه او تسألني عن اي شيء عنه ؟! المهم طوفت
تبيني ادفع 150د.ك قبل لا تشووفه عاد انا كنت وقتها ما اشوف دفعت علي طول
شوي نطرت نادوني دخلت علي الدكتوره ولا اسالتها اسخف من ويها وما تسمع الرد كامل تحسينها مستعيلة
والله ما قعدت 10 دقايق تخربط يعني اكثرها اهي تسولف ما شافت الولد عدل بعد جان تقول خلاص !
قلت: خلاص شلون؟ قالت :بس ولدج عنده تخلف عقلي بسيط قلتلها: بس قالولي توحد! قالت :ميين اللي قالك ؟" بتعجرف "
قلت :دكتوره !ردت بستهزاء :هه انا الدكتوره الوحيد اللي في لكويت اللي بعرف بالحالات مين هي حتي تفهم احسن مني !
صراحة انصدمت حيل وكشيت منها
قالت: خلاص انا وراي طيارة قلتلها والتقرير قالت: ما عليك اذا بدك اياه تدفعين 50 دينار !
قلت اوكي ... جان تطلع من المكتب ! يعني ماكتبت شيء! سألت السكرتيره قالت تبي تسافر طيارتها بعد نص ساعة
قلت: والتقرير قالت: اذا بدك اياه ادفعي وبعد يومين ندق عليج تاخذينا ... قلت شلوون واهي ما كتبت شيء
قالت لا ما عليج اهي طرشه بالايميل صراحة مادش بمزاجي الكلام كلش

ولا وازدكم من الشعر بيت السكرتيرة توصيني لما طلعت ازا جيتي بدك التقرير جيبي معاكي كاش لانو مافي كىنت !

وطلعت وانا حاسة سبحان الله انه السالفة نصب وكلها مادية

قلت لزوجي اللي صار قال يلا نطلب الادوية وفضيحة الثانية
يوم يينا بنطلب كان عندهم كريسماس معطليين اسبوعين بامريكا او اكثر
اهني زوجي اخوه يدرس اهناك دق عليه ريلي علشان يطرش الشغلات مناك لما راح للشركة انصدم اول ما قالهم السالفة ردو علي طول د.عبير بالكويت قال ايه بسم الله المهم قعد معاهم يسأل جان يقولون احنا عندنا بكل دولة دكتور يمول لنا الادوية وياخذ نسبة يعني حتي الادوية حسبي الله عليها تبلع منهم فلوس والطامة انه السعر اللي ندفعة علي الادوية اضعاف مضاعفة من سعره هناك !
يعني اهي بتمدح الدوا مدح انه ولدج بصير عبقري زمانه كله علشان بالبيعة اهي اللي بتستفيد

ويييه طولت ادري لكن بقلبي حقد عليها شلون ترضي تستغل هالمرضي واهاليهم وتعشمهم بجذب وخداع
تسلمون بنات وماقصرتو والله يشافي الجميع ويحفظ لكم كل غالي

المهم يا بنات اكمل

بس اقول شلون اول ما عرفت انه توحدي قبل لا اروح لعبير

طبعا اهو من اول كلامه قليل ويأشر علي الاشياء لما يبي شيء لكن كل شيء ثاني طبيعي وكنا كل مانروح لدكتور عن تأخر النطق يقولون لا عادي فيه ناس وايد ماتكلمو الا بعد الست سنين وكانو يطمنونا دايما

لما صار عمره ثلاث سنين تقريبا بعد فتره حسيت انه حركاته تغيرت قام يقعد بروحه! قام يتكلم بطريقة غريبة يعيد الحجي اللي نقوله لو حوار كامل يعيده ويردده وايد وقام يطامر بخطوط مستقيمة روحه ورده وقام يسطر الالعاب بخطوط مستقيمة لو لاخر الصالة مايمل والاكبر واللي خرعني وخلاني اوديه الطبيب انه ماقام ياكل كلش!!

اهني طرت فيه الدكتوره وقلتلها الحاله انصدمت واهي تعرفه من زمان قالت انا شلون ماشفت هالشيء من زمان خرعتني !

قالت كل اللي قلتيه يدل انه ولدج فيه توحد "وقتها عبالي التوحد انطواء بس" قلت ايه يمكن علشان كله بروحه اخته اكبر منه ودايم بروحه بس لما فهمتني الدنيا دارت فيني التوحد نوع من انواع الاعاقة الذهنية!
صدمة حياتي لكن الحمدلله علي كل حال

لكن الدكتوره هذي قالتلي كلمة مافهمتها الا بعدين قالت وديه للطب التطوري ديري بالج تودينه لخاص انا وصيتج واتمني تاخذين بنصيحتي !

"لكن منو يسمع النصيحة"

اول مارديت البيت قمت ابجي بهستيريا وكان زوجي نايم الصبح قعدته خرعته بعدها بساعتين دشيت النت باستنفار بعرف شنو هالتوحد ما خليت مقاله ماقريتها عربي وانجليزي انهرت من اللي قريته عن التوحد وكل الصفات بولدي جنهم يتكلمون عنه شهر كامل وانا من الصبح ليين اخق خلاص وانا اقري واتعلم

بعد فتره قالتلي وحده عن عبير وعشمتني فيها وانا ماكنت سامعه عنها من قبل
فرحت وقلتلكم اشصار فوق بس برد لنقطة لما قالتلي ولدج فيه تخلف عقلي بسيط
اهنيه انا كان عندي خلفية قوية من اللي قريته عن التوحد فقعدت اناقشها قلت يعني مو توحد
قالت لالا كل شيء صار توحد هذا تخلف
رديت : وقلت ماهو التوحد تخلف يعني شنو بيكون وبعدين انا قريت الاعراض وكلها بولدي
ردت : موكل شيء تقرينه صح "بطنازه"
رديت: طيب قوليلي شيء واحد خلاج تقوليين مو توحد قالت: طالعني! قلت : واذا
قالت : لا التوحدي مايطالع
قلتها: واهو مايطالعج! طول الوقت يتلفت! وبعدين التوحدي انواع في اللي مايطالع كلش
وفيه اللي يطالع شوي وبسرعه يلتفت
حسيت انها اي شيء صج!

بعد فتره بدخلة مدرسة قالو لازم تقرير عن الحالة قلت ما عندي تقرير والطب التطوري معطينا موعد اخر السنة يعني تروح عليه الدراسة لو بنطر قالو ييبي تقرير من خاص نقبل فيه
اهني تذكرت عبير وقلت امري لله "واهني تطلع فضيحة ثانية بعد"
دقيت ولا السكرتيره قلتلها ابيج تجهزين تقرير ولدي باخذه قالت الدكتوره مسافره قلت بس انا ابي التقرير وهالحجي من ثلاث شهور وانتي قلتي فيه تقرير ؟قالت: بس ماني لاقيه تقرير عطيني فجه اشوف والله يا بنات حسيت في انه !
ثاني يوم دقت تقولي تعالي اخذي التقرير :"استغربت امس تقولي مافيه والدكتوره مسافره من وين طلع ؟"
قلتها شلون مو امس تقولين ماكو قالت: ما انا دقيت علي الدكتوره وبعتتو علي الايميل "نصب"
قلت اوكي تدرون اشردت ؟؟؟؟

قالت: لا تنسي لفلوس كاش حنا .... جان اكمل عنها قلتلها: ادري ماعندكم كي نت "بعصبية"!!!

المهم يينه للتقرير ولا يا بنات التقرير وكل اللي مكتوب فيه ماصار ولا يوصف ولدي !

يعني مكتوب فيه لما قلته جذيه مارد اول لما عطيته الشيء الفلاني ماسوي جذيه وكل هالحجي ماصار !!
يعني باختصار يابنات التقرير تقرير طفل ثاني مجرد شالو اسم الولد وحطو اسم ولدي !!
بالعقل ماكان فيه تقرير وبعدين ثاني يوم فيه تقرير من 20 صفحة تقريبا وشلون تذكرت ولدي بعد كل هالفتره واهي بره فاضية تكتب تقارير وتذكر والحجي اللي مكتوب ماصار ولا من صفات ولدي

تعبت بكمل لكم بس السالفة مطوله لا تكونون مليتو

والله كل هذا حب فيكم يااهل لكويت اهل ديرتي ولا ابي وحده نفس هذي تضحك علينا وتستغلنا

هذا راي ام اخري

حسبي الله و نعم الوكيل

الله يشافي ولدج و يعافيه

و ياجركم يا رب

على فكرة انتي مو اول وحدة اسمع منها هالكلام عن نفس الدكتورة

اعرف وحدة ولدها هم كان فيه توحد خذت منها غير ال 150 فتح الملف

سوت له تحاليل طرشتهم بره بفوق 300 دينار


و طلبت له اشعة رنين بحدود 300 دينار بعد

مع العلم انه المريض غير كويتي و حالتهم مو زود

المهم مصت دمهم

و اخر شي قالت لهم ترى التشخيص يحتاج اعادة تحاليل

 

[أخصائية تخاطب]

السلام عليكم

اخيرا ياخواتي بعد مااستخرت الرحمن الرحيم قررت اني اروح الدكتوره لعبيرعوض ياليت الي راحت تفيدنا شنو سوت معاها

وجم من الوقت قعدت معاها مع ان الكثير مايمدحون مقابلتها للاهالي بس المضطر شيسوي وبعد لسبب ثاني انها تبي تسافر

اخر شهر 5فعشان جذي اضطريت اني اروحلها لاني مااقدر اضيع الصيف كله بدون ما يستفيد وليدي
واذا رحت لها اسوي التحاليل علي طول ولا التحاليل طول والعلاج من اهنيه ولامن برا انا سمعت انه من امريكا

انا اجيبهم ولا اهي توصي عليهم
ياليت تردون علي بسرعه قبل ماتسافر

سمعت انها كويسة و اشطر واحدة بالكويت بالتشخيص
وان شاء الله البنات يفيدوكي
و ربنا يوفقك​

 

[ماريس]

سمعت انها كويسة و اشطر واحدة بالكويت بالتشخيص
وان شاء الله البنات يفيدوكي
و ربنا يوفقك​

كلامك مو عدل
مو اشطر واحدة ولا تشخص عدل وكلة نصب في نصب نفسج

 

[بنت النخيل]

طيب وين اروح عندي موعد بالطب التطوري يسوون لي التحاليل ولالا

انا بس ابي التحاليل عشان اتاكد اذا فيه حساسيه من الحليب والقمح ولالا الي تعرف مكان ثاني تقولي الله يجزاكم الجنه

 

[& الذاهبه &]

اختي بنت النخيل روحي لدكتوره عبير واتكلي على الله

مالج شغل باللي يتكلم من غير تجربه

ولي عووده

 

[& الذاهبه &]

حياتي مانصحج فيها كلش
شوفي شنو قايلين عنها

هذا موضوع قريتة بالمنتدي وحبيت اعرضة علي المساكين امهات التوحديين اللي انا منكم
لاني احذت عهد علي نفسي اكشف النصابين اللي بتكسبوا علي حساب عيالنا

اختي اعرضي تجربتج ان كان عندج تجربه لاتنقلين تجارب من منتدى ثاني ؟؟
بعدين احنا نعرف الزين والشين .. واذا عندج كلمة طيبة قوليهااا
بعدين لاتسميناا المساكين ..
اذا حابه تنسبينه لنفسج هذا راجعلج ..
واذا بتكتشفين النصابين عسااج على القوه اكتشفيهم .. بس انا شخصياا عندي ثقه بدكتوره عبير من واقع تجربه معاها سنه
تحسنت بنتي وتطورت فيهااا

اهي اكتشفت بنتي يووم فريت على معظم الدكاتره والكل يقوول طفله طبيعيه بس فيها تاخر بسيط وشي عاادي
طلعت بنتي عندها حساسية من الحليب وتسمم بالمعاادن وكل هذا بفضل خبرة الدكتورة عبير من بعد الله سبحاانه
ويووم رحت اول مره فتحت الملف لاتسالين جم دفعت لأن وقتها لو تطلب عيوني احطهم بطاسه واعطيها
ابي احد يعلمني بنتي شنو علتهااا
نصحتني باحسن حضانه واحسن اخصائين .. وكافي انها الدكتوره الوحيده اللي منظمه لمنظمة الدان المريكية
حيل متعاونه باي وقت ادق تكلمني .. يووم دريت بتسمم بنتي بالمعادن بجيت بجي عندهااا راحت تركض بقلاص الماي
ودقت العصر تتطمن علي .. اهي انسانه قبل لاتصير دكتوره

صج في ناس ما استفادو من الحمية والعلاج بس هذا ما يمنع انهاا طيبه وناجحه وشاطره في مجالهاااا

اي سوال انا حاضره من واقع تجربه هااا مو نقلا عن احد المنتدياااات

 

[& الذاهبه &]

بعدين يا بنت النخيل كافي انج مستخيره ربج ...
روحي يابعد قلبي وربي يحفظج انتي ووليدج

 

[بنت النخيل]

حبيبتي ياالذاهبه عسي عمرج طويل خلاص بروح بس اخلص من موعد التطوري وتكون اهي جت من السفر

لانهم قالوا اخرشهر 5 تبي تسافر

 

[الصابرة المحتسبة]

طمنينا يالغالية

 

[ام ريونة]

السلام عليكم بنات
حبيت اشارك بالموضوع ولو انه متأخر بس لان عندي حالة بنتي وهي التوحد وعمرها الحين سنتين وصارلي اعالجها عند الدكتورة عبير عوض قبل 4 اشهر والى الان انا مستمره مع الدكتورة
والله من ناحية تجربتي مع د:عبير عوض انها دكتورة خلوقة وعطتني من وقتها يوم المقابلة ساعة ونصف ثم خذت مني بنتي وسوتلها اختبار بالالعاب عشان تشوف مدي استجابة بنتي لكن للاسف بنتي بوادي ثاني وراحت مرة ثانية اجتمعت معاي انا وأبوها وقالت البنت فيها توحد بسيط انشاءالله نقدر نعالجها مع الفيتامينات وتصير احسن بس قبل نعمل تحاليل للتأكد زيادة.
والله يا بنات انها دكتورة كل ما ادق عليها تلفون تجاوبني وقبل اربع ايام دقيت لقيقها مسافرة قالتلي السكرتيرة تركي رسالة لها وهي راح ادق عليك فعلا امس دقت علي من بيتها وطمنتني وهي تذكر كل مرضاها حرام اللي انقال عندها وهذا من رايي.وألحين بنتي وايد احسن من أول تطالعني وتمسك يدي عشان تروح المكان اللي تبية صج انها ما اتكلم بس احس أحسن بوايد من أول هذا من فضل ربي ثم د: عبير عوض وأي استفسار انا حاضرة