عبايات الدوااام؟؟

[fofo28]

كويتيات
وين تفصلون عباياتكم الدوام
ابي افضل المحلات موديلات +اسعار مناسبه

 

[ام يوسف الكويت]

رد : عبايات الدوااام؟؟

صراحه عبايات الدوام مايسوى تاخذين غالي لانهم حده استهلاك وملزومه تغيرين ستايل عباتج
فا انصحج تاخذين عبي ام 25 لا تعدين هالسعر اذا حق دوام لان مايسوى
واذا تبين عبي كشخه حق زواره اكيد بتاخذين اغلى واحلى

روحي الفروانيه شكثر مكود انا افصل من هناك كل ويك اند افصلي عبايه عباتين

 

[قطوووة]

رد : عبايات الدوااام؟؟

الصيفي بلاس

 

[ام يوسف الكويت]

رد : عبايات الدوااام؟؟

قطوه الصيفي بالاس الحين مغلين اسعاره تصدقين مو نفس قبل
حتى لو بتسوين عبايه شغل خفيف تصير بحدود 30-35
معن قبل كان ارخص بوايد عبايه متروسه شغل وخامه زينه وتطلع ب25-28 وان ذبحت عمهرها ب30

 

[fofo28]

وين (((الصيفي بلاس))؟؟

 

[ام يوسف الكويت]

رد : عبايات الدوااام؟؟

بالفروانيه
خلي المخفر على ايدج اليمين
اخذي الدوار سيده
كله سيده
تلاقين مجمع مبارك الصيفي بالاس على ايدج اليمين
اذا ما لقيتيلج مسفط روحي سفطي بالبراحه
والدور الاول تراه غالي لان اجارات المحلات غاليه
كلما نزلتي تحت يصير ارخص

و اي خدمه انا حاضره حبيبتي

 

[fofo28]

ام يوسف حيااتي تسلمين
يعني مجمع الصيفي كله حق عبايات

 

[مدام د.علي]

رد : عبايات الدوااام؟؟

الرجعان اللي بخيطان... لول
ضج انه رخيص تحصلين من 5 دنانير وطالع .. بس الصراحة ناعمين وملوت دوام مو خبة .. وعمليين وخاماتهم وايد حلوة

 

[ام يوسف الكويت]

رد : عبايات الدوااام؟؟

فوفو اي حياتي كله حق عبي


مدام د. علي
من صجج تاخذين من الرجعان حرام عليج هذولي عبي حق الهنود يلوعون الجبد
شايفتهم على وحده اعرفها حرام اللي يشوفها يقول حالتها كسيفه معن عندها فلوووس ماعليها قاصر بس مادري ليش تجيعص على عمرها ..
مو لهدرجه صج نبي ارخيص بس مو بهالمستوى والناس اذواق حبيبتي

 

[مدام د.علي]

رد : عبايات الدوااام؟؟

فوفو اي حياتي كله حق عبي


مدام د. علي
من صجج تاخذين من الرجعان حرام عليج هذولي عبي حق الهنود يلوعون الجبد
شايفتهم على وحده اعرفها حرام اللي يشوفها يقول حالتها كسيفه معن عندها فلوووس ماعليها قاصر بس مادري ليش تجيعص على عمرها ..
مو لهدرجه صج نبي ارخيص بس مو بهالمستوى والناس اذواق حبيبتي

من تواضع لله رفعه .. مو كل شي غالي لازم حلو ومو كل شي رخيص بالضرورة خايس
يمكن اللي تتكلمين عنها ذوقها مو حلو .. عموما مشكورة والناس اذواق

ومغلومة .. قبل فترة اخذت عباية اللي يكون فيها استرش والله والله يشهد علي انها ب 5 دنانير
رفيجتي لابسه نفسها ب 21 ... ليش شالفرق ؟؟؟

 

[&رعبوووبه&]

الخبر والرياض واذا حدني الزمن اروح الصيفي

 

[james546613]

معانا وحدة في الدوام تشتري من الرجعان وسبحان الله محليه اللبس -يوم رحت ماعجبني ولاوحدة وهي تبارك الرحمن قولي لااله الا الله عارضة ازيا والكل يسأل عن عبيها -وبعد يفصلون الموديل منها والناس اذواق ....

 

[ArEEj]

رد : عبايات الدوااام؟؟

بالمنطقه العاشره اما كويت ماجيك او سوق الدبوس متروس عبي وفي بالفروانيه النمران والصيفي والعربيد اللي يم الحمراء مول مو العربيد بلازا لا

 

[دانة بعين بحاري]

رد : عبايات الدوااام؟؟

عندج الدبوس بفحيحيل كله محلات عبي فوق وفي الغالي والرخيص

 

[مدام د.علي]

رد : رد: عبايات الدوااام؟؟

معانا وحدة في الدوام تشتري من الرجعان وسبحان الله محليه اللبس -يوم رحت ماعجبني ولاوحدة وهي تبارك الرحمن قولي لااله الا الله عارضة ازيا والكل يسأل عن عبيها -وبعد يفصلون الموديل منها والناس اذواق ....

بالضبط .. وانا اللي احلي الدنيا مو الدنيا اللي تحليني :eh_s(20):

 

[رحيل المرافيء]

رد : عبايات الدوااام؟؟

عندج مجمع الايوب والسندس بحولي
المجمع من فوق لتحت كله عبي
واكو بدريم مول بالري بالسرداب هم فيه جم محل عبي حلوين واسعارهم معقولة ماتتعدى 12 دينار

مجمع زينة اللي بخيطان يقولون عندهم بس مدري عنه منو تعرفه بنات

 

[احساسي غريب]

رد : عبايات الدوااام؟؟

الدبوس بالفحيحل كله محلات عبي اشكال والوان واسعارهم مناسبه وموديلاتهم عمليه تصلح للدوام
والأخت اللي تتطنز على عبايات الرجعان اللي بخيطان تقول حق الهنود احب اقولها ان الهنود بشر حالهم من حالج مافيج زود عليهم ولا فيهم قل عنج وشكثر بنات بالدوام معاي يلبسون منه والله شحلات عبيهم