عبال مايجي من دوامه اليوم تكفون

[لمور2011]

تهاوشت انا وزوجي البارحه عشان السوق مواعدني فيه لكن يقول خليه لين اروق وصار البارح كالعادة يزور اهله من المغرب الى العشاء ويتصل يقول بتاخر بودي امي المستشفى انا هنيه مازعلت لكن منفجره منه لانه مهملني لين انضغط بشغل ضروري عاد رجع البيت وانا متضايقه قال امي اهم مني ومنك قلت والله مو عشانها قال ليش الليله زعلتي بالذات مو امس قلت انت السبب ضغطتني قال لا تخليني احلف بالطلاق ماتروحين من سنه قمت وبكييييييييييت بحرقة اول مرة يهدد كذا ونمنا وحنا متزاعلين وداوم عاد ابيه يعتذر لي وش اسوي عشان يفهم نيتي وما ابي انا اللي اعتذر دايم

 

[مناير ...!]

اسمحي لي حبوبه
انتي الغلطانه
امه تعبانه رايحه المستشفى وهمج السوق؟
المفروض يوم رد سالتيه عنها وتطمنتي عليها

الريال يحب المره الي تعز اهله

 

[احلا السمر]

امبيييييييييييييييييييه حدج غلطااانة
هالمرة المفروض تعتذرين له
وادقين علا امه تتطمنين عليه

 

[بخـــارى]

ماعندج سالفه

 

[أنسأنة غير]

صادقها بس أستغفري من قلب استغفري وانتي تمشن استغفري وانتي تاكلين استغفري وانتي تسوين اي شي اهم شي تستغفري من قلب والله نصيحة نصيحة أستغفري من قلب وقوليلي وش صار أهم شي لاتبينين انك زعلانة بيني انك باردة واذا تهاوشتوم لاتردين اسكتي واستغفري الله يكون بعونك قلبوو وطمنينا ياحلوة

 

[أم توتو]

امه ثم امه ثم امه حبها والاهتمتام فيها اقرب الى قلب الرجل

 

[الناصرة]

انتي غلطانة
يولي ليش اعتذرله
يحلف يطلقج علشان سوق؟؟
خلي يولي مو كفو تقعدين معاه

 

[زهـــرة البنفسـ]

استغفرالله

حبيبتي لاتسمعين للي تقولك يولي او طنشي
هذا زوجك وطاعته مقدمه على طاعة امك وابوك

ان جيتي للجد انتي الغلطانه
مالك حق تقولين هالكلام لزوجك
هو قالك امي تعبانه فبديهي انو ماراح يوديك السوق

اما تبينه هو اللي يعتذر لك كيف يعتذرلك وانتي الغلطانه؟!!

تعوذي من ابليس وراضي زوجك
ولاتجلسين تحنين عليه
صدقيني هالشي بيملله منك

ربي يصلح بينكم يارب

 

[أحبج يمه]

الله يصلح بينكم

 

[ترجمة احساس]

انتي غلطانه بصراحه

 

[ضناي غلاي]

الله يهديج بس مودي امه انتي اللي اعتذري له لاجاء وقوليله والله ياقلبي انا اسفه وماكنت اقصد امك هذي مهما كانت امه واللي فيه خير لاهله ترا فيه خير لج يالغاليه

 

[جيكره(و)تتغلى25]

الناصره الله يهديج هذا رد بالله !!!


لاتعليق

الموضوع واضح انتي غلطانه

 

[nora al]

بصراحه انتي غلطانه !

مفروض انتي تدورين شلون تراضينه !!


تخيلي امج تعبانه لاسمح الله وبتودينها المستشفى وريلج يزعل يقوولج لاا تعالي طلعي معاي السوق ؟؟ شنوو بتقولين ! سخيف صح لا مبالي ماعنده مشاعر واحساس كلش عدل ؟؟

الله يصلح بينكم

 

[فوفو22]

يا ماما اي نقاش مع الزوج بخصوص امه

يكون نقاش عقيم

رايي تكونين طبيعية وتستقبلينه استقبال جيد

وكأن شي لم يكن

ترى هالامور رح تصير كثير واذا كل مره

تم الزعل والتفكير والقلق

رح تتعبين بحياتك

سهلي الامور تسهل

صعبيها تصعب

فوفو

 

[يا حبنـي له..}]

امه اهم منج ولا تزعلين ومالج حق تزعلين

 

[عاشقة_الجمال]

الله يعينج

وما يصير تسووين جذي

قالج ان موودي امه المستشفى

ليش تطلعين انتي بالشينه !!!!

 

[وآحشنــي زمآنـك]

كبرتي الموضوع على ولا شيء ..




شتسوى عليج لووو حلف انج ماتطبين السوق ..؟




خلاص دام قالج وديت أمي انتهى الموضوع جاان سئلتيه عنهاا ودقيتي عليهاا بدال الهوشه اللي مالها داعي ..!!



جاان كبرتي بعينه ،،

 

[الغاليه ام احمد]

حبيبتي اذا رد البيت لا تناقشينه صدقيني اهو الحين حاس بغلطته

انتي سكتي وجنه ما صار شي

لما يرتاح ساليه عن امه شلونها واذا تبي شي

ومهما يكون مره ثانيه اذا ياب سيرة امه لا تناقشينه هذي امه وحتى لو تغلط ما يقدر يرد عليها

وصدقيني اللي ما فيه خير لامه ما فيه خير لزوجته

 

[كويتية نايس]

لاتعليق انتي غلطانه حياتي ادري انج مضغووطه وكل مره يسويها معاج بس هم انتي غلطاانه

 

[شيخه_البيض]

بسم الله الرحمن الرحيم كليتوا البنت

تقولكم انه مواعدها وكل مرة يقولها بزي

ولمن قالها بوديج راح وده امه المستشفى اهيا مو قصدها انها تضايقت من امه لااا اهيا تضايقت لان كل ماوعدها يصير شيء

وهذا اللي زعلها اكثر يعني لا اهيا بايدها شيء ولا اهوا بايده شيء

واهيا تضايقت من التراكمات

مافيها شيء لو دق عليها واكد لها ان يوم ثاني يوديها

ما اشوف البنت سوت شيء

اهيا على قولتها انضغطت وانفجرت

السالفه مو سالفة امه

الله يهديكم بس