عباتي تلمع >>> ابي حل

[ma mo me]

[/B]السلام عليكم شخباركم خواتي

مشكلتي من اشتري عبايه ما تم جم شهر الا و تلمع:0bee2e8d89:

مع اني ما اكويها بالاوتي اسويها بالستيم ((بخار)) و من داخل بعد ييعني بالمقلوب بس ماكو فايده تبدا تلمع و ما اغسلها الا بالشامبو او هذا برسيل مال العبايه

و انا عبيي كلهم خامه صالونه من بيت حناين و شادو بالفنيوز و الشرقيه و بس اكتشفت ان مو عالماركه على طريقه الغسيل مع اني ما اغسلها وايييد يمكن بالشهر مره بس الصراحه لازم كل طلعه اسويها بالبخار

بنات بلز اللي عندها حل تفيدني
و مشكووورين

 

[طووم]

مادري انا نفس مشكلتج بس ماحبين ادش ومارد ان شاء الله البنات يفيدونا

 

[العمر]

وأنا بعد

 

[الام المحبه]

وانا بعد
دائما تلمع وتنكمش
ما الحل ؟؟

 

[happydays]

معاكم ابي الحل

 

[$$لامار$$]

اي والله انا بعد ابي حل

 

[F.A]

نقعوها بالشهر مره وحده بماى وخل بنى لمده ساعه بعدين شطفوها بكومفورت وبتدعولي

 

[كويتيه وسنعه]

انا عبيي من السعيد ,
وشحلاااتها كل يوم اغسلها ماتخرب تهببل ,,

 

[bnt_kwt]

مادري انا عبيي على اطول اغسلهم ومو بالشهر مره لا على طول يعني بالاسبوع مره مرتين
واغسلهم بشامبو سائل عادي وبالايد
ولا الكوي بالاوتي العادي والحمدلله ما يلمعون

 

[سارة_kw]

جربي سائل غسيل العباية من اريل حلوو

وزيد سوواد العبااية

 

[كويتيه برونزيه]

انا انقعها بالماي واحط لها كومفورت وبس

واذا على الكوي اقلبها واكويها وابخرها واعلقها

وسلامتكم

 

[آلمغرورة]

انقعي العبايه بشامبو الاطفال ولاتغسليها بالغساله

وادا تحتاج كوي اكويهم بالمقلوب بس حطي فوقها زي قطعه قماش كبيره واكويهم او عالبخار

ويمكن على حسب نوع القماش اللي تستخدميه

 

[sara3]

نقعوها بالشهر مره وحده بماى وخل بنى لمده ساعه بعدين شطفوها بكومفورت وبتدعولي

مثل ما قالت الاختf.aانا شايفتها بواحد من المنتيات والكل يمدح بالطريقه

 

[vi-lady]

انا كل يوم اغسل عبيي وماصار فيهم شي والله غريبه؟؟؟