عاد اناسالفتي سالفه لاني وهقت عمري والله اللي يدري ليش

[طيبه قلبي]

بنات بغيت رايكم انا توني متزوجه وعمري32 وعند ام واايد احبها ومريضه بالسكري وهي طالعه الحين
للبر وقاعده للعطله (فبراير)المشكله انه امي انجرح اصبعه وانتوا تعرفون راعي السكري مشكله الجروح معاه
وماتطيعنا الله يهديها اصا قلنا لازم تديرين بالج تقوول يوه انتوا تبون تخربون علي وناسه البر وبما اني الكبيره قلت ماكو
الا اقول لها يوما انا حامل علشان تفرح وتطعيني وتخاف تزعلني لاني ابي مصلحته وتميت عندها اسبوعين لما الله شفاها
المشكله ان امي اهي اللي قامت تهتم فيني ومل ماروح لها بتابر تقول لي ديري بالج علي نفسج انتي حامل
واخرها امس اتصلت علي تبشرني بحمال مرت اخوي وتقول ماشاءالله كلكم حوامل ومستانسه وكل ماقعد عند
وحده من قرايبنا قالت امي جدامها بنتي حامل الله عوض صبرها والحين توهقت مادري شالدبره
افاتحها والا لا لانها قاعده تعد الشهور مسكينه

 

[Tom ♥ Jerry]

,

ووووووووي ! الله يهديج عآد هاذي جذبه
شوفي اهيه آخر شي رآح تدري
فـ خل تدري منج آحسن ممآ تدري من الغريب .. نصيحه
قوليلها لا يقولوون لها و تصير سالفه


و قوليلهآ ليش قلتيها آنج حآمل
آكيد رآح تعذرج

 

[الـــغـــلآ]

مشكله والله عاد الحين شنو يفهم الناس

قوليلها اجهضت من جم يوم او انقطعي اسبوع و عقب قولي كنت مجهضه وما حبيت اعلمج

 

[مسالمة66]

بصراحة كلش مو عذر جذب الحمل علشان تقنعين امج تعالج

كل الحريم الكبار ما يسمعون الكلام .. راح تصدمينها وتضيقين خلقها

بعد ما راح نقولج جذي وكملي لعبتج .. ع طول قوليلها بالحقيقة لانه كل ما طالت المدة كان الاثر سيء وادعي الله انه تتقبله

 

[noor salam]

ليش جذبتي عليها مسكينة حاولي تقولين لها الصج

 

[مستشاره قانونيه]

لوووول الجذبه هذي مردها بتنكشف مافي اثار الحمل عليج
قولي لها انا قلت لج حلمانه اني حامل وفهمتيني غلط
ترقيع بترقيع شتسوين بعد
والله يرزقج ان شاء الذريه الصالحه

 

[(حكاية قلب )]

قولي لها طرحتي

​

 

[Pinky -cat]

مادري شلون طرت ببالج هالفكرة الصراحة ، ما علينا الحين الحل تقولين الصج كلة وبدون اي جذب ، حبل الجذب قصير وفهميها
انج من خوفج عليها وحبج لها قلتي هالشي هذا الصح غيره لا .

 

[MiSTaKe]

ياحياتيي مسكينه امج وانتي مالوومج خايفه عليها وان شاءالله يارب تحملين عاجل غير اجل ياااااااااااااارب
قوليلها طلع حمل كاذب شي موحلو الواحد يفاول على نفسه
بس هم امج تعبانه حرام شبتسوين شبيدج
وان شاءالله تصدق

 

[صحكة الايام]

قولي له سقطت

 

[كويتيه فرنسيه]

قولي لها كنت متوهمه اني حامل ومن زود الفرحه بلغتج وتو فحصت الدكتور تقول مو حامل


والله يرزقج بالحمل قبل لاتبلغين امج وتصير الكذبه حقيقه

 

[زبــــــــدة]

اي قوليلها انج ماكنتي متأكده ...او قوليلها طلع حمل كااذب ...

حرام مسكينه ..

والله يرزقج يارب وتحملين صج عاد

 

[آهات و خواطر]

فيه مستشار أسري ونفسي بتويتر (( mostshark@ ))
كنت أعاني من مشاكل نفسية كادت تنهي حياتي بالطلاق وقالت لي صديجتي عنه وراسلته والحمد لله أنا الحين أموري زينة وهذا من فضل ربي وكلام صديجتي عنه لأنها هي من خبرتني عنه

 

[معزوفة عشق&]

لاحرام بتكسرين خاطرها لو قلتي لها الصدق :eh_s(2):
قولي اجهضت او رحت المستشفى وطلع حمل كاذب وقوليلها بعد ادعي لي يمممه
ولاعاد تكذبين عليها:eh_s(10):

 

[Shinexo]

لاتقولين لها انج كذبتي عليها بتزعل ,

قولي لها انا حسيت اني حامل و بشرتج و حللت وطلع مو صج بس بعد لاتقولين سقطت لانها بتزعل حيل وبتتضايق ! اذا قالت لج شلون حسيتي مادري شنو قولي لها نفسيتي تغيرت تلوع جبدي الصبح ماياتني هالشهر بس لاتضايقين خلقها والله يخليها لج

 

[مسالمة66]

كل النصايح امر بالكذب والاستمرار بالكذب

مع ان الرسول يقول لا يزال المؤمن يكذب حتى يكتب عند الله كذابا

والصدق منجاه

فاحسن لج اخذي كلام الرسول واتركي كلام باقي البشر

 

[مسالمة66]

كل النصايح امر بالكذب والاستمرار بالكذب

مع ان الرسول يقول لا يزال المؤمن يكذب حتى يكتب عند الله كذابا

والصدق منجاه

فاحسن لج اخذي كلام الرسول واتركي كلام باقي البشر

 

[تبيني آرضى عليك]

آآآآآآآآآآآآآآب

 

[عادت ذكرياتي]

أب


أب

 

[Patcholli]

قوليلها رحت الطبيب وقالولي الجيس فاضي مافي ياهل وراح يطيح بروحه << ارفيجتي صار معاها جذي حتى ماسوت تنظيفات بروحه طاح بالحمام

وسلامتج