عادي ولاعيب اسوي هالشي؟؟؟؟

[sona87]

السلام عليكم ​

بنات حبايبي حبيت اخذ رايكم بشغله​

انا متقدمين لي ناس ​

انا مطلقه من فتره وتقدم لي واحد مطلق بيني وبينه 7 سنين فرق العمر​

بس طلبوا فترة الخطبه اكلمه بالفون ...... ​

انا ترددت اول لكن اهوا قال يبي يعرفني اكثر وما يبي يستعيل ويبي ينزوج عن تفاهم

وقناعه ويقول علشان كل واحد يعرف الثاني
وقالي بعلم امج​

ما ادري اوافق على هالشي ولاعيب....؟؟ حدي محتاره:bbbiu:​

ولاتنسوني بدعائكم انه ربي يكتب لي الخير
ويعوضني فديتكم انا.​

 

[sona87]

فديتكم لاتبخلون علييي.................

 

[classicyah]

و الله مآ أدري شو أقولج

هو من النآحيه الشرعيه ، اذآ مآ كآن فيه عقد من بينكم حرآم و مآ يصير اتكلمينه ،

بالله كلمج شهر و لآ شهريـن و آخر شي قآلج مآ تنفعين لي ؟

أحس جنج كنتي تجربه أو لعبه في ايده ،

و خآصةً انه سهل يهدج دآم مآ بينكم عقد ،

مآ أدري ، انآ أقول لآ ترخصيـن عمرج و عزي نفسجْ . .

 

[sona87]

ما ادري اهوا قال فترة الخطبه,,,,, والسؤال عني لا اكثر ولا اقل.؟؟

 

[Om_Ksha]

عادي الاغلب صار جذي الحين ,, تكلمينه فتره بس تكونون متفقين عالملجه متى موعدها وغيره كل شي

 

[فوفو22]

عااادي هذا تعارف

موجود عند الحضر

وممنوع عند البدو

ولكن شخصيا ضد التعارف بالتلفون قبل الزواج

ممكن يتعرفون على الخطوط الرئيسية بيوم الشوفه

لانه الووووو .........تسحب امووور ثانية

وجهه نظري

فوفو

 

[ام عفاف الكويت]

ملجه اي نقول ماعليه
لكن خطوبه حبيبتي مادري اسمحي لي ماعندنا ولا مر علي احد

 

[sona87]

انا حيل متردده وخايفه ......

اهما قالولي اذا صار ارتياح وانتوا بديتوا تسالون تكلمي معاه تفاهمواااا

شنو تحبون ماتحبون
علشان احنا مرينا بتجربه من قبل مانبي نستعيل

 

[انثى عاشقة]

يمكن هو طلب هالشي كون انكم منفصلين
خايف يكرر التجربة مرة ثانية
استخيري وخلي عند اهلج علم انج تكلمينه عادي
بس بحدوووووووود خلي كلامكم رسمي
الله يتمم لكم ع خير ​

 

[shai6ona19]

اذا متملكه عليه عادي زوجج حلالج

بش اللي فهمته منج انه فقط خطبه ومايجوز تكلمينه حراام بعده ما حل لج

*

 

[لف ليدي]

ان اقول لا والف لا

صدقيني لاتسوينها قولي لهم اللي يبيني ياخذني على اخلاقي وسمعه اهلي واذا على الامور الثانيه ماي مشكله نتفاهم عليها بعد الزواج وان شاء الله مانختلف

وسوالف بالتليفون ماعرف اكلم الا محارمي

واذا هو مقتنع فيني حياه الله

 

[American.Life]

بقولج وجهة نظري وانتي اكيد حرة في اتخاذ القرار في النهاية

قوليلة أنا ما أقدر أتكلم معاك دام مافي علاقة شرعية بينا وأخاف ربي من هالناحية والله راح يشيلج شيييييييل وعمرة ماراح ينسى هالموقف منج ويحطج بعيونة ويرتاحلج وايد .... أنا بتكلم معاك بعد الملجة اكون حلال لك وانت حلال لي وربي مايحاسبنا على هالشيء ... والملجة مدة كافية وحلوووة للتعارف بس من غير ملجة مافرقت تتكلمين مع اي واحد غريب غيرة والخطبة مو شي رسمي أو موثق نصيحة قوليلة بعد الملجة وانتي حرة والملجة لاسمح الله لاصار مافي تفاهم تقدرين تنفصلين عنه

 

[sona87]

احترت زياده
بليز ابي جواب شافي ويقنعني

اهما قالوا انتوا مريتوا بتجربه ولازم تتعلمون منهاا

وتعرفون بعض اكثر

اهما قالوا اذا صار في ارتياح وموافقه مبدئيه ومع السؤال اهني تتكلمون

طبعااا باشياء رسميه وكل يقول اللي عنده والاخطاء اللي صارت ....

فمادري اهما صح ولا لا؟؟؟؟؟

 

[miss_whitemocha]

ليش ما يقعد معاج في مكانج بوجود أهلج؟؟؟
أحس التلفون ما يبين شخصيته مثل ما تكونون جدام بعض..

 

[q8_pearls]

شرعا مايجوز

 

[ام عفراء]

فترة الخطبة تقصدين بدون ملجة ولا شي ؟!!

ماشوف لها داعي بصراحة

اللي يبي يخطب يخطب على سمعة البنت واخلاقها

ومهما كان اللي بيعرفه ماراح يبين من مكالمات التلفون بالخطبة

لانه شي طبيعي كل واحد بيظهر الزين فيه .. اما العشرة بعد الزواج هي اللي تبين معدن الشخص عدل

....

وبالعكس سالفة التلفون راح تخلي الموضوع يطول على غير معنى

....

وطول ما انتي مو على ذمته .. فما تحلين له ... حتى المكالمات بينكم ماراح تكون على اساس صحيح

....

وبصراحة الطلب هذا يوحي انه هو انسان متردد بسالفة الزواج

انا اقول خليج بالسليم .. سألوا عنه ويسأل هو عنج .. وشوفيه بالنظرة الشرعية .. ويسألج وتسألينه عن اللي تبين .. واللي عنده طلبات وشروط يقولها ..

واذا لكم نصيب ويا بعض .. الله يتمم لكم على خير
واذا ماصار عالاقل انتي حفظتي كرامتج ومعززة مكرمة عند اهلج .. مو يسولف معاج شهر والا شهرين وتالي يقول ماكو نصيب


والله يكتب لج كل خير

 

[صعب أسامح]

حياتي مافيها شئ تقولين اكلمه بعد الملجه عشان مايكون في الموضوع ريبه
وقبل لا يجيب مهر او اي شئ وقبل لانحدد موعد الدخله
يعني اريح لج وله وقوليلهم مو حلوه يطيح علي احد من اخواني وانا اكلمه
طيب وبعديييييييييييييييين

 

[sona87]

ليش ما يقعد معاج في مكانج بوجود أهلج؟؟؟
أحس التلفون ما يبين شخصيته مثل ما تكونون جدام بعض..

راحي يقعد معاي

لكن يقول فتره هذه قصيره علشان اعرفج واعرف طريقتج

وشنو اللي مرينا فيه

بنات انا وايد خايفه من الزواج وابي شي
يريحني نصيحه شافيه انا ابي الستر لكن حده مخي موقف

 

[لف ليدي]

انتي حددج مستسلمه وكان ماعندج راي اهما اللي قالو اهم اللي شارو علي

ليش جذيه افرظي شخصيتج وقولي اذا هو عنده اسئله ولازم يسالها خل يجي وبحضور اخواني
اما سالفت التليفونات هذي موعندي

 

[محتارة وبصيح]

وافقي بسرعة قبل لا يطير المعرس والله بنات عوانس غيرج يبون ريل وما حصلوا كلميه وتوكلي على الله