عادي اصبغ شعري وانا حامل بشهر 6

[؛؛sokrrah؛؛]

السلام عليكم بنات
شعري راح نص صبغتي القديمة وصاير نصين ويفشل اسود واشقر نكته و
انا حامل ب6 ودي اصبغ لعرس حماي

بس المشكله اخاف اضر البيبي

انتو سرايكم عادي وله مو زين

واذا تعرفون صالون حلو يصبغ الجذور وسعره حلو قولو

 

[LiL MaMa]

انا عادي اصبغ والحمدالله ماضر عيالي

 

[ام شيخه 89]

لاحبيبتي لاتصبغين مو زين

و تاكدي من دكتورتج سئليها

خطر عالجنين ديري بالج

و نصيحه سوي بشعرج شي يغطي اللون افتكي من الصبغ رفعي شعرج سوي تسريحه

ماعليج الا بالي ببطنج

واحسن لمن تولدين بالسلامه ان شالله و تطلعين من النفاس صبغي شعرج

تتعدل نفسيتج و تسوين نيوو لوك ؛)

 

[Om_3ali]

انا صبغت وانا بالرابع توني صابغه مافي شي الحمدلله

لاتخلون الوسواس يستغل تفكيركم الله يهديكم
​

 

[iLLuMinaTion]

الحذر واجب

 

[H&M love]

انا سألت ٣ دكاترة
قالولي أول كان يظر
اما الاصباغ الموجودة الحين مالها اي يضرر

و دكتورة من الدكاترة اللي سألتهم قالت لي انها اصبغت ٣ مرات بحملها
لو انه يظر جان ما صبغت شعرها

و كلمت دكتورتي قالت لي صبغي مايظر ( ليلى اشكناني )

 

[:: Diva ::]

ما صبغت رحت حطيت قرمز من العطار
و في مجال تحطين حنه ملونه

و اعتقد في صبغات اعشاب
و صبغات بدون امونيا ما تضر الجنين
شوفي الصيدلية

 

[أم ملاس]

والله مادري
بس اذكر اختي سالت دكتوورتها وقالت ماكوو ضرر
ولاحسن اسالي دكتوورتج

 

[Meeesh]

انا سمعت انه بعد الثالث ان شاء الله مامنه ضرر

 

[" ام حمود "]

اي حتى انا سمعت انه بعد الثالث مافي ضرر
اذا شاكه سألي دكتورتج اضمن لج والله يسهل عليج

 

[زين ودلال]

انا صبغت شعري اخر السادس

وبنتي صبغته بالشهر الثاني والحمدالله ماكو الا العافيه ان شاء الله

 

[@ام يوسف@]

انا بولدي صبغت بالسادس وتعبت تنك صدري واذبحتني الكحه

 

[أمون ام احمداني]

أنا نفسج كنت بصبغ الكل قال مو زين و صج مو زين دربالج

 

[؛؛sokrrah؛؛]

حيرتوني مادري اسال الدكتوره احسن

 

[مفرفشة ومنعنشة]

ان شاء الله ما يضر
أنا صبغت شعري مرتين وانا حامل
بس قولي حق الي وتصبغ لج تحط لج صبغة ( بدون أمونيا ) وهذي ان شاء الله ما تضر

 

[دلوعہ ♥]

انا كنت صابغة شعري و انا ما ادري بحملي ببداية الأول ،

ادعو لي مآ يتضرر البيبيْ , ♥