انا توني مسويتها مع زوجي والاولاد
راح نطب فيينا لان زوجي حاجز 3 بيالي فيها
وبعدها نروح زلامسي
الفيزا خذيناها من سفارة النمسا اللي بالدعية جدام الجمعيه العوده
المطلوب كالتالي بالضبط
نموذج التعبأه الخاص بطلب الفيزا وهذا تاخذينه من نفس السفاره
صوره مكشوف الرأس والخلفيه بيضا للزوج والاولاد ( بنات واولاد )
الزوجه صورة بخلفية بيضا مع اخذ بالاعتبار كشف الوجه كامل يعني كأنج لابسه حجاب بالضبط مع مراعاة وضوح الجبهه كامله
صوره من ايميل الفندق اللي حاجزين فيه يعني رسالة التأكيد اللي تبين فيها ان بالفعل تم حجز عدد غرفه او شقه لافراد كذا ولمدة كذا وبسعر كذا وهذي حبيبتي تراسلين فيها الفندق وتكتبين فيها انج تبين اطلعين الفيزا ولكن السفاره طالبين ايميل بالحجز وراح يعطونج ماراح يتأخرون وانصحج تحجزين من موقع بوكينق لانه ثقه تامه ومصداقيه لابعد الحدود
صوره من التأمين الصحي العائلي وهذا تلاقينه بجميع السفريات تقريبا
صوره حجز التذاكر
صور الجواز ( صورة معلومات المسافر وصورته بالجواز - صورة توقيعج بالجواز واللي هو يكون بأول صفحه بالجواز - لو كنتي ماخذه شنغل ( فيزا ) من قبل لاي دوله اوروبية لازم تصورينها ظرورية
الجواز الاصلي
رسوم التأشيره واللي هي على ما اعتقد ما تتعدى 15 دينار لكل جواز
بالنسبه لوقت انتهاء التأشيره - تاخذ من اربع ايام الى 5 ايام
وبالنهايه رحلة سعيده وموفقه لج ولجميع المسافرين . تحياتي لج حبيبتي واتمنى اني افدج
