عاجبني وابي اتزوجه

[زهره البرتقال]

السلام عليكم

مبارك عليكم الشهر


بنات بقولكم اللي بقلبي بس امانه لاتضحكون علي ولاتحطموني تراني حيل حساسه اتجاه هذا الموضوع


السالفه ومافيها ان انا عاجبني ولد خالتي حيل وابي اتزوجه
هو اكبر مني ويدرس برى
ويجي الديره كم شهر ويرجع برى يدرس
هو صراحه خوش ريال محترم وكل خالاتي واهلي يحبونه ويذكرونه بالخير

وامه وايد تحبني وتحترمني وانا نفس الشي بعد
ودايم في جمعاتنا مع الاهل تمدحني وتجلسني جمبها
اختي تقول شكلها خالتي تبيج حق ولدها :eh_s(22):


بنات انا مب قصدي اتلصق في الريال واجيب راسه بالطرق الملتويه
كرامتي وتربيتي ماتسمح لي :rgewrg:

المشكله هنا اني ابي اتزوجه بس مب عارفه شلوووون؟؟؟؟؟؟؟:eh_s(16):

والمشكله الثانيه بنت خالتي اللي كبري ناشبتلي في بلعومي حيل تتلصق في خالتي ووتترزز عندها
وحركاتها حيل مبينه
هي شايفه ان خالتي تحبني وهي حيل منقهره وواضح تتلصق ليش :eh_s(14):


مره رحت بيت خالتي وكنت حدي متكشخه وتقول خالتي الله اليوم شكلج يهبل
وتنط بنت خالتي الملقوفه تقول مين اناااااا
وجان ترد عليها خالتي تقول لها انا اقصد زهره :eh_s(9):
وتناديني خالتي عشان اجلس جمبها وتنط بنت خالتي هذي والا تقعد جمبها
يااااااااااااااااااااااااااربي ملقوفه قاااااااااااااهرتني



وامس بعد دخلت الصاله انا مع بنت خالتي نسلم على اهلنا كلهم وخالتي كانت جالسه وجمبها فيه مكان فاضي جيت ابي اجلس عاد انا مب قصدي اتلصق ولاشي عادي يعني
وجان تجي بنت خالتي الملقوفه وتزاحمني وتجلس بدالي :eh_s(16):

حركتها مليييييييييييييييييييييييييقه حدها :eh_s(14):


واليوم كنت في بيت خالتي زايرتهم وقالت خالتي لبنتها صبيلي قهوه
وقامت بنتها مسكت الدله بتصب وجان تقوم بنت خالتي هالنزغه وتقول خالتي تبين قهوه
وتسحب الدله من ايدها بكل دفاشه وصبت لخالتي
الا امي بعد قالت صبيلي قهوه وسفطت امي
تأكدت ان السالفه تلصق بخالتي :eh_s(14):
ياربي لك الحمد والشكر :yaaaaaarb:






بنات انا مسويه حدي ثقل ومااتلصق بخالتي واخدمها
اخاف هالثقل هذا يوكلني تبن ويجلسني ببيت اهلي :eh_s(16):


واخاف ان بنت خالتي الملقوفه تاخذه مني :eh_s(16):







بنات وشو الحل هالموضوع ماصارحت فيه اي احد حتى اختي ماقلت لها

بليز ساعدوني :eh_s(16):

 

[lovely jojo]

حياتي ان كان من نصيبج بتاخذينه سواء تلصقت في خالتج او لا ..
بس انا اقول لا تبنين امال كبيره عليه يمكن اهو يبي وحده معينه..
الله يرزقج بالنصيب الزين..

 

[حبي حيآاآتي ّ]

ياقلبي لاتتأملين بشئ انا ماابغى اضيق خلقك بس هذا الواقع ارضي فيه بكره لو يتملك راح تنصدمين وادعي ربي يرزقك فيه
وعاد انتي سوي شوي مثل حركاتها لاتخطبها لولدها وتخليك ماعليك منها والمكتوب بيصير ..

 

[طنيانه]

نفس سالفة رفيجتي وبنات عمها كل وحده ترز روحها قدام عمتهم عشان ولدها اخر شي سحب عليهم كلهم واخذ وحده مايعرفونها << الموضوع كله نصيب لاتفكرين ع الفااااااااضي

 

[Nanoosa]

كل شي قسمه و نصيب ما راح يفيدج تلصقج و تلصقها بخالتج و يخلي وحدة منكم تاخذ ولدها

اللي الله كاتبه بيصير

 

[عويتقة]

حبيبتي عسى ربي يرزقك بالزوج الصالح والنصيب الزيين بس اقولك لا تبنين قصور على الرمال لاني كنت مثل حالتك ونفس قصتك وخالتي تبيني لأبنها وانا بنييت امل وعملتو ريلي خلاص وبديت احلم بكل تفاصيل الحياة ومرت ايام قام اجا ابنها خبرها انو بيحب وحدة معاه بالدوام ويبي يتزوجها فما كان من امو الا ترضى بالامر الواقع وانصدم انا بس حمدت ربي ورضيت بالنصيب يارب لا تشوفين الي شفته ولا يوصلك لحالتي بس انا قلت لك قصتي مشان تنتبهي وماتنصدمين بس انتي لو تبينه ادعي الله وصلي واستغفري ولو كان فيه الخير يارب يكون لك وتكونين له

 

[~.ąvȍƈaȚ.~]

حبيبتي انتي بتتزوجين الولد مو امه

فيمكن حاط وحده اباله لا تتأملين وايد

و الله يكتبلج اللي فيه الخير يارب

 

[زهره البرتقال]

مشكوره على ردودكم


الله يكتب اللي فيه الخير

 

[قابوسية وافتخر]

مثل ما قالوا البنات
كفوا ووفوا ​

 

[Miss Cherry]

الله يكتب لج اللي فيه خير

 

[وردة-الكويت]

لو تجري جري الوحوش غير رزقك ماتحوش والزواج قسمه ونصيب

ولي فيه الخير الله بيكتبه لج ان شاءالله وان شاءالله يكون من نصيبج

 

[آتعــبني غـلآآك]

لا تخافين حبيبتي الحريم يحبون الثقل لوووووول

 

[حبتين لجلكم]

انا ما بقول انج بتتزوجينه ... بس بنت خالج مستحيييييييييييل ... اصلا منو يحب وحده جيه ... الحريم يحبون الرزينه و الثقيله ... و انتي لا تتلصقين ولا شيي ... ولا تبنين امل ... قسمه و نصيب و انشالله ثيكون من نصيبج يا رب و يكون فيه الخيرة

 

[زهرة البرتغال]

نك نيمج شدني لووووووول


نفس نك نيمي @@

قلت بيني وبين نفسي انا دازه هالموضوع ؟؟؟؟ ومنو اللي كان عاجبني هههههههههه شكيت لوهله انه هذا موضوعي عيل لازم نصير ربع لووووول













المهم ذكرتيني بحلقة ساهر الليل اللي كانت تحب شخص من طرف واحد ومسافر بره رجع مع مره ثانيه وتحطمت نفسياا


اممممم صج عوار قلب!!!!




انا اقول ادعي ربج وخلج ثقيله ولكن مويعني ماتاخذين وتعطين لا خلج عادي



وعليج بالدعاء وكل واحد ياخذ نصيبه؟!!


الله يرزقج بالزوج الصالح يارب

 

[Ice Princess]

حبوبه من رايي لا تحطين امال علشان

لا تتحطمين اذا مو من نصيبج وادعي ان يكون من نصيبج

بس دايما قولي اذا فيه صلاح لي ان يكون لج

 

[حبيبي وبس]

ان شا الله يكون من نصيبج

 

[al3sooola]

كل شي بالدنيا قسمه ونصيب :bbbiu:

 

[الحمدلله كويتية]

حبيبتي
ما في أحلى وأخير من الشي اللي يختاره ربنا لنا
راح تعرفين الخيرة بعدين
والإنسان بطبعه صاحب مشاعر
يمكن تتضايقين إذا راح منج
بس احنا ما ندري الخيرة وينها

 

[أحلى البشر]

خليج طبيعيه مثل ما انتي ترى يبين اللي تتلزق شكلها يصير موحلوو ونفس الوقت ادعي ربج يكون من نصيبج اذا فيه خير لج

 

[عالمي انا غير]

ان شالله يارب يكون من نصيبيبج والله يعينج ع هل النوعية ياكثرهم عندنا وربج كريم ولا تضايقيني ولاتزعليني ان كان من نصيبيبج محد بيقدر ياخذه منج بس ادعي وربج كريم