عااااجل ... تصحيح العمليات الجراحية

[أم سليمان دشتي]

السلام عليكم ورحمة الله وبركاته

صبحكم الله بالخير / مساكم الله بالخير

شلونكم كويتيات شخباركم .. يريت تساعدوني حيل مغموته ومتضايقة

انا بشهر 6 من السنة 2010 قمت بعملية تحويل مسار وزني كان 140
طبعا مع الوقت نزل وزني ولله الحمد لين ما وصلت 95 قبل سنة بالضبط الي اهوا شهر 4-2011
طبعا من هذاك الوقت ليمن الحين وانا مانزلت شيء انزل كيلوين واصعدهم انزل واصعد

قبل شهرين او ثلاثه تقريبا صارت فيني حالة نفسية ما قمت اكل كلشش ونزلت صرت 90
بس لا يخفى عليكم التعب الي تعبته والدكتور الله بالخير يقولي عادي

والحين انا رجعت صعدت ووصلت 92.4 والوزن الطبيعي لطولي الي اهوا 168 يكون 70
فالحين انا باقيلي 22.5 كيلو تقريبا !!!
انا سويتها عند د. موسى خورشيد بمستشفى الهادي ودايمن يطمني عادي وطبيعي

وانصدمت بوحدة مسويتها عند د. الجارالله بالهادي بنفس وقتي وزنها تبارك الرحمن 68 :rerrerek: !!
الله يتمم عليها يارب وطبعا انا معاها سويناها بنفس الفترة
بس جنها قبللي بيومين على ما اعتقد ووزنها كان 138..!!!

المهم قالولي ان العملية محتمل ما تكون ضابطة 100% وان ممكن تسوينلها تصحيح
ونصحوني بدكتور الجارالله وهمن دكتور ميشيل جانيه بالسيف

شرايكم بالدكتورين وهل في بنت مسوية تصحيح للعملية
يعني كانت نفسي وما نزل وزنها وسوت التصحيح ونزل وزنها

يريت تفيدوني وسامحوني على الاطالة الله يباركلكم بوقتكم يارب :yaaaaaarb:
ومشكورين على الرودو ويريت ترفعونلي الموضوع

سامحوووني على الاطالة ... احبكم ويريت تساعدوني :eh_s(7):
انا فعلا بحاجتكم كويتياااااات :eh_s(7):​

 

[RO0O7Y KUWAITYA]

والله ماعندي فكره عن هالموضوع .....
بس ماحبيت اطلع بدون لا ارد عليج

 

[انوثتي غير وياك]

up up

 

[أم سليمان دشتي]

فديتكم
ربي يرفع قدركم ياااااااارب

منتظرين خبرات البنااات

 

[the white heart]

انزين شلون كمية الأكل معاج ؟؟ من أول العملية كنت تاكلين وايد ؟؟

 

[أم سليمان دشتي]

يا هلا وغلا يالغلاا

لا والله بالعكس اكلي شويه

وبحكم دوامي لين ال٤ ما اكل

بس للامانة اخربط كاكاو بس مو وايد


مادري شسووووي يااارب وحدة تعرف وترررد علي


اب اب اب

 

[the white heart]

شوفي حبيبتي لازم طبيب يساعدك يحدد سبب عدم نزول الوزن .. يعني من الجراح ولا من طريقتك بالأكل أو نوعية اكلك .. عالعموم نصيحة أخت لا تروحين لأي جراح ترى منهم مستعدين يطبون ببطنك علشان الفلوس .. نصيحتي روحي للدكتور أسامة الصانع برويال حياة

 

[أم سليمان دشتي]

صباح الخير

فديتج ما تقصرين يالغالية

انا الي قلت بروح حق د. ميشيل جانيـــه بمستشفى السيف

وان شاء الله بشوفه شنو يقولي

لله يسهل يارب ..

بس معقولة ماكو احد يعرف احد مسوي عملية تصحيح للعمليات الفاشلة ..,,,’’’؟؟

 

[دال.الكويت]

طبيعة تحويل المسار صعبه انج تسوين عمليه فوقها علشان تصححينها عكس التكميم ، علشان جذي نادر ماتشوفينها تتسوى بالكويت و بره الكويت
نصيحتي انج تلتزمين ابنظام غذاءي تطيحين فيهم الكيلوات الباجي بس اذا مصممه تشوفين دكتور عندج الدكتور محمد الهيفي.
والله يكون ابعونج

 

[أم سليمان دشتي]

فديتج ماتقصرررين حبيبتي

انشالله باخذ موعد عند د. ميشيل بالسيف واشوف
مشكورة يالغاليه

 

[دال.الكويت]

مشيل جانييه؟؟

موجود بالكويت لان اهو كان زائر؟؟ اذا موجود انا معاج اكييد روحيله لان رائد هالعمليات ماراح تحصلين احسن منه

موفقه اختي

 

[the white heart]

الله يوفقك أختي ويا ريت تقولين لنا شنو صار معاج

 

[رحيل المرافيء]

روحي الدكتور خالد العنزي بالاميري كل ثلاثاء موجود شوفيه شيقولج
وموجود بتويتر سأليه ويجاوبج
واعتقد وزنج يزيد من اكل الككاو ماتاكلين شي بس ككاو والككاو بروحه دسم شلون بتنزلين؟؟؟
لازم رجيم ورياضة

 

[$نرجس$]

ررررررررررررررررررفع لعيووونج

 

[أم سليمان دشتي]

مشيل جانييه؟؟

موجود بالكويت لان اهو كان زائر؟؟ اذا موجود انا معاج اكييد روحيله لان رائد هالعمليات ماراح تحصلين احسن منه

موفقه اختي

حبيبتي د. ميشيل موجود بالسيف ليمن تاريخ 21-04 وراح يرد بعد شهر تقريبا
وان شاء الله بروح وبشوف يارب سهالات :eh_s(2):

 

[أم سليمان دشتي]

روحي الدكتور خالد العنزي بالاميري كل ثلاثاء موجود شوفيه شيقولج
وموجود بتويتر سأليه ويجاوبج
واعتقد وزنج يزيد من اكل الككاو ماتاكلين شي بس ككاو والككاو بروحه دسم شلون بتنزلين؟؟؟
لازم رجيم ورياضة

رحيل د. خالد رحتله مواعيده حيل متاخرة وقلت بمره بعيادته الخاصة

اول شيء بشوف د. ميشيل ووراه د. الجار الله واخر خيار د. خالد

الله يسهل ياااارب ادعولي :eh_s(17):

 

[!! Ba6a 7lwa !!]

انصحج روحي حق محمد الهيفي وانتي مغمضه روعههه


والله يوفقج يارب

 

[أم سليمان دشتي]

انشاء الله
انا الحين لهيت بمواضيع لازم اخلصها
بس انشالله بس افضى بروح اشوف

ماتقصرين يالغاليه

 

[فطمطم]

ان شاءالله خير