الجزء الاول ...
ام تركي وام عبدالله متجمعن عند ام بدر يباركونلها ع عرس بدر اللي ما بقى عليه الا اسبوع الحريم قاعدين بصاله والبنات بالصاله الثانيه
شيخه: الا نوف مراح تجي ساره؟
ساره : بلا انشالله انا مساع مكلمتها تقول جايه بالطريق
نوف: السلااااام علييييكم
الكل:وعليكم السلام
شيخه:الذيب عند طاريه
نوف:ليش تحشون فيني؟
ساره:ههههههه لا بس شيوخ تسالني متى بتجين
نوف:يووووه الله يستر يابنات ادعولي ما اولد الا عقب العرس
دلال:ليش انتي الحين اي شهر؟
نوف:توني داخله شهري يارب انطر العرس
حنان: ويييييه تخيلي تجيج الولاده وانتي بالعرس
نوف:فال الله ولا فالج لا انشالله الدكتوره قايلتلي تو الناس معطتني موعد الولاده اخر الشهر
ساره:بنات قومو شوفو جناح بدر عقب التاثيث
دلال:يا حليله بدر والله مو متخيله انه بيتزوج
نوف:ههههه وشدعوه درى عن العرس احس انه هو اللي مو مستوعب
دلال:اسكتي هذيك المره كنت عندكم قاعده عند ساره وهو قاعد معانا جان يسالنا عرسي اي يوم يصادف والله متنا ضحك عليه
ساره:هههههههه لا والا لمن رحنا جناحه بوريه دلال وهو معانا بسطو هو وهالخبله يسولفون عن التلفونات وانا اهاوشهم ابيهم يطلعون من الشقه جان يقولي تصدقين ما احس انها شقتي ولا غرفتي قلت بلاك ما اثثتها حنا اللي ماثثينها لك
نوف:اي عاد بدر لا تقابل هو ودلال شاللي يقومهم صج الطيور ع اشكالها تقع ما اقول الا الله يعين زوجته عليج وعليه
دلال: ههههههههه شسوي عاد انا الله ما رزقني باخو اكبر مني انا احسه اخوي الكبير ياحليله والله
رن تلفون دلال : هههههههههه الذيب عند طاريه
نوف(كشت عليها):مالت قايلتلج الطيور ع اشكالها تقع
دلال ضحكت عليها وردت وهم كانو يصعدون مع الدرج
دلال:هلا بدر
بدر: هلا دلال شلونج
دلال:تمام الحمدلله
بدر:مابي اطول عليج بسالج عن المحل اللي قلتيلي عنه مال التلفونات واللابتوبات اللي قلتيلي ينزل برامج حلوه للابتوبات وهالسوالف
دلال:اي اي هذاك مال اخو رفيجتي هي اللي قايلتلي عنه اسمه الهاتف على ما اعتقد
بدر:اي اوكي بس لان رفيجي يسالني بيسوي لابتوبه وقلتله في محل يمدحونه قلت بسالج
دلال:اها اوكي
بدر:يالله تبين شي
دلال:سلامتك
بدر:باي
دلال:باي
نوف:هه بالله عليكم هذا واحد عرسه بعد اسبوع داق يسال عن محل تلفونات
دلال:ههههههه
ساره: عااااادي انا اصلا غاسله ايديني من هذول الاثنين
شيخه:واااااي صج الله يعين زوجته باجر عليه اذا كل يوم بيدق ع دلال
دلال:بالطقاق اصلا انا حالي حال نوف وساره
حنان:اوكي انتي عندج جذي بس هي شدراها انه يعتبرج مثل اخته وانج انتي بعد عندج انه مثل اخوج هههههه باجر بتغيره عليج عاد الحريم بنفسهم يغارون من امهات ازواجهم وخواتهم شلون عاد بنت عم زوجها
دلال:ههههههه تصطفل زين
ساره:اقول بس تفضلو شوفو الشقه بسكم هذره
شيخه:ما شاء الله الله يهنيهم تهبل
حنان:اي ما شاء الله حلوه عسى الله يوفقهم
نوف:امين
شيخه :الا صج بنات وين بتروحون صالون
نوف:انا بروح حنان دشتي
ساره:وانا بعد
دلال:انا بعد وياكم
شيخه:اجل احنا بعد وياكم
نوف:هههههههه اوكي بس ترى لازم نروح مبجر عشان نطلع مبجر
شيخه: على خير ان شاء الله
ــــــــــــــــــــــــــــــــــــــــــــــــ
قبل العرس بيومن دلال قاعده بغرفتها وفجاه رن تلفونها كان بدر
اساسا بدر ما عنده سالفه مثل اللي يدور اي سبه عشان يدق ع دلال
دلال:هلا بالمعرس
بدر:هلا فيج شلونج
دلال: تمام وانت شلون معنوياتك للعرس
بدر: هههههه حرب هو الله يهداج كله عرس بس يا خوفي تكون جيكره
دلال:والله مادري عاد انا ما شفتها عشان احكم بعدين ليش ما شفتها يوم الخطبه
بدر:من صجج انتي اصلا انا لولا ان امي طالبتني اتزوج والا جان ما تزوجت وما كان لي خلق اشوفها من كثر ما تحن علي امي قلتلها كيفكم سوو اللي تبونه وانا طلعت نفسي من الموضوع
دلال: هههههههه ما اقول الا الله يعين مرتك عليك
بدر:اقول تحمد ربها اني تزوجتها
دلال: صج تعال انت اي فندق حجزت؟
بدر: ما حجزت برد للبيت هنيه شقتي
دلال: من صجك انت اجل الله يعينك على ازعاجنا لانا كلنا بنرد من الصاله لي بيتكم بنسهر عندكم
بدر:يصير خير
ــــــــــــــــــــــــ
يوم العرس
الكل كاشخ ومستانس والبنات يرقصون ومستانسين بدت زفة العروس كان معاها اخوانها الكل كان يطالعها بنفس النظره الا عيون وحده كانت غيرانه كانت تدمع من ورى الشيله ومحد داري عنها صحيح انها تحب بدر ع انه اخوها بس كانت حيل قريبه منه تحس انه صديقها كان دايم يدلعها ويعاملها هي غير البنات والحين جته وحده بتملي عليه حياته وبيصير يسولف معاها كل ما ضاق صدره وبينساها وع طول تذكرت كلمة حنان لمن قالت ان زوجته بتغيره عليج زادت دموع دلال وما انتبهت الا لمن ساره قالتلها ان اخوان العروس طلعو راحت للحمام وعدلت مكياجها وقطت وردت قعدت ما كان لها خلق لشي
وبعد ساعه ونص دق خالد ع نوف وقاله ان بدر مراح يدخل الصاله وبينطر العروس برى وانه لازم تطلع الحين نوف انصدمت وحاولت تعرف ليش بس خالد قالها ان بدر غيير رايه باللحظه الاخيره راحت نوف وقالت لامها وساره وخالاتها وقالو للعروس وحطولها اغنيه ووقفت بتطلع ودلال انصدمت ودرت انه مراح يدخل بس استانست لانها مو متحمله تشوفه وهو قاعد يم زوجته ويمسك ايدها ويصور معاها وع طول خذت عبايتها وملفعها ولبست وما كان طالع منها الا وجها راحت لعند الباب كانو مصكرين الباب الخارجي وواقف المعرس معاه ابوه واعمامه وخالد وعبدالرحمن والحريم كانو زحمه وكلهم جايين يباركوله امه وخواته وخالاته وعماته وبدر كان حده مرتبك ودايخ من هالحريم اللي يباركوله بس طاحت عيونه ع دلال وهي جايه من بعيد وعرفها كانت حلوه ونعومه وكيوت سلمت ع عمامها ولفت ع بدر
دلال:مبروووك يا عريس ايوا ايوا اشهالكشخه والله انك زقرت
بدر:ههههه الله يبارك فيج صج عاد شلون شكلي
دلال:كذا>>>واشرت بيدها اوكييي
بدر:ههههههه الله يطمنج
ساره:تجذب عليك بس تمدحك
بدر:والله محد فاهمني غيرها ع الاقل ترفع من معنوياتي
قطع حديثهم يباب الحريم لمن وصلت العروس دلال انصرفت وردت للصاله ما تبي تشوف هاللحظه وقعدت مع شيخه وحنان
اخذ المعرس عروسته وراحو للبيت والحريم كملو رقص وبعدين تعشو وردو للبيت وكلهم ردو بيت المعرس بيقعدون عندهم شوي
ـــــــــــــــــــــــــــــــــــــــــــ
>>>يتبع
