ظلمتني وهي ماتعرفني ولااعرفها حسبي الله

[عشقي أرض الكويت]

بنات انا مقهوره من الظلم والله الظلم شي يقهر حماتي اخت زوجي حسبي الله عليها الله لايحللها اتهمتني بعرضي وقالت ان اخوها ماخذني عشان يستر علي وهي اصلا ماتعرفني ولااعرفها قبل زواجي من اخوها قالت ها الكلام يوم تهاوشت مع زوجها اهي وياه دايم نجره مجننته بحياته تبي تقهر زوجها لان زوجها يقرب لي وزوجها كان يشتكي منها عندنا وعلمنا با اللي قالته الله لايسامحها انا شنو ذنبي ادخلني بمشاكلها مع زوجها واللي عرفته عنها ان مو انا بروحي اتهمتني في غيري اتهمته وتحب اتقول على الناس بس الحمدلله دعيت عليها بمكه برمضان وشفت دعوتي بعيني بس لهلحين ماذيتنا بحياتنا ناشبه لنا حتا في بيتنا الله ياخذها ويفكنا منها مـــــــــــــــدري اشلون اتعامل وياها حتى اخوها يكرها اهي انسانه حسووووووووووووووده وطمــــــــــــــــــــاعه انانيه مع انه مو ناقصها شي ابـــــد حتى زوجها افتك منها وصارت عله علينا حتى اخوانها مايطيقونها والله يابنات انها سوت فينا اشيا ماتتخيلونه ابد تشوفنا ساكتين وتحسبه ضعف واحنا نبي الستر ماقول غير الله يفضحها بين الخلايق ويكشف سترها بين الناس

 

[منال $]

ما بعرف شو احكيلك
اهم شي انة زوجك عارف اختة
وربنا موجود

 

[حبيبي مالكني]

الله يهديها ويهدينا

 

[العز58]

ماعليج منها مادام زوجج واهله عارفينها خلاص طنشيها
ماكو احد ينصحها هذي الحمدلله والشكر استغفرالله *

 

[A-b-c-]

الله يعينج ويفرج همج..
بس نصيحه اختي لا تدعين عليها مو عشانها عشانج احتسبي الاجر والله ياجرج على هالمصيبه ادعيلها بالهدايه ..

والله يبعد عنج كل ظالم 

 

[عطاء أنثى]

الله يعينج



بس لاتدعين ع احد قولي حسبي الله ونعم الوكيل



لانج اذا دعيتي تقول الملائكه ولك مثله

 

[om MaRyooM]

اهم شي زوجج يعرفها .. ويعرف شنو انتي

واي شي يصير لاتدخلين فيه نصيحة حياتي .. خليه اهو يتصرف
او طنشوها احسن بعد


هذي وحدة ماتخاف ربها وموصاحية

 

[لوفيه]

اي صج اعوذ بالله في ناس جذي ماتت ضمايرهم

الله يكافينا الشر

ختولي ماعليج منها لا تحرين عمرج

 

[Patcholli]

حبيبتي صدقيني اكيد كل الناس يعرفون طبعها وخياسها فماله داعي تهتمين وتكترثين واخوها مو ياهل عشان يتزوج وحده ويستر عليها شكو فيج يعني ؟؟ روبن هود بيقعد يتزوج كل وحده عشان يستر عليها شالمنطق ؟؟ صدقيني محد بيصدقها وصدقيني بتشوفين حوبتج فيها بس قولي حسبي الله ونعم الوكيل لاتقولين اي كلمه ثانيه

 

[أم الفناتك]

حسبي الله ونعم الوكيل تكفيج ولا اتوقعين ان الله يرضا بالظلم الله بياخذ حقج وخاصه القذف عذابها شديد عند الله اذا ما كان عندها ٤ شهود تجلد بالشرع

 

[رق رق]

نفس كلام باتشيلو ( الي فوقي)
الناس اتعرف شنو اهي وشنو طبايعها ، وانتي مالج شغل اهم شي انتي واثقه ابنفسج وريلج بعد .
ماله داعي اتكبرين السالفه.
لاني مريت ابنفس تجربنتج بس مو طبعا ابعرضي ، لا ، اني اخرب ابيوت ، وكل الناس الحين منصدمه منها خصوصا ريلي ، لان عمري ابحياتي ما تكلم عليها الا بالخير .
والشي الي ريحني ان كلهم يقوليلي احنا انعرف انتي شنو .

 

[Senora]

اهم شي زوجج واهله عارفينهاا عدل .... وكلي امرج لله سبحانه اعلم بعبيده

 

[عشقي أرض الكويت]

اشكركم على تفاعلكم ونصايحكم اللي قهرني وخلاني ادعي القهرو الي سمعته في عرضي ابد مو هين ماقول الا حسبي الله ونعم الوكــــــــيل الله على كل ظالم كلش ولا اعراض الناس وتشويه سمعتهم ... امره عند الله عظــــــــيم وعذابها اشد الله يسعد كل من رد .

 

[عتيبية مزه KSA]

الله يعينج



بس لاتدعين ع احد قولي حسبي الله ونعم الوكيل



لانج اذا دعيتي تقول الملائكه ولك مثله

هي مادعت من الباب للطاقه دعت لانها مظلومه ودعوة المظلوم مابينها وبين الله حجاب الله يفرج همك اختي ويهديها وياخذ حقك منها الظالمه اللي ماتخاف الله باعراض الناس

 

[المرتاحة]

انا اي حجي يهون الا العرض اروح لها لبيتها و احط ايدي بعينها

 

[فوفو22]

ادعي لها بالهدايه

فوفو

 

[ناتشوو]

استغفر الله
دعاج عليها يخرع
شنو يكشف سترها ويفضحها بين الناس؟
فضيحتها فضيحة ع اهلها كلهم
اللي منهم زوجج
انا عندي تدعين عليها بالموت اهون
و لا الفضيحة
عالعموم قلعتها
دام زوجج واهله عارفينج وعارفين الوضع
والله يكفيج شرها
ويعين اهلها ع تحملها ويهديها

 

[نبض شرياني]

حبيبتي الاحسن انج تدعين لها افضل من انج تدعين لها (احسن لج )ولا تدعين عليها بشي مو زين ادعي لها بالهدايه وانها تفكج من شرها...هذا افضل صدقيني...والدعاء يكون لله وحده ويكون الدعاء خير ويعم المسلمين ولان مايجوز تدعين بالشر وخلي ثقتج بالله كبيره وكوني على يقين بان الله راح يستجيب لج ولا توفقين استغفار وصلاه السنه وسجده الشكر لان الله قال في حديثه القدسي انا عند ظن عبدي بي فليظن بي مايشاء

ااو تقولين اللهم كل من اراد بي سوء رد كيده في نحره


وقولي اللهم اكفنيهم بما شئت

 

[قاهره عذالي]

ادعي ربج ان يجعل كيدها في نحرها

 

[بولندية]

واااي الله يعينج مشكلة هالفئة من الناس

اهم شي حمولتج و الناس يدرون اهي شنوووو