ظلق و لا مو طلق ؟؟

[bent-elq8]

السلام عليكم

بنات آنه اليوم أدش شهري و بجر ..
صارلي يومين أحس ببرووووود بريلي و ألم خفيف حيل مثل ألم الدوره أسفل بطني .. يعني جنه شي بارد ؟
و مره وحده امس حسيت مثل الم خفيف مر أسفل ظهري ثانيه و راح ..

شنو هذا يعني طلق ؟؟؟ ..
و شنو تنصحوني فييه ؟

و شرايكم بخياط و ولادة د. دلال السالم ؟؟
و تنصحوني بدار الشفا و لا الهادي ؟؟
حدييي محتاره ..

و عيدكم مبارك مقدما ً : ) ​

 

[bent-elq8]

رد : ظلق و لا مو طلق ؟؟

اليوم الصبح جني شفت دم يوم رحت الحمام كرم السامع بس ما مداني أشوووف : ( جنه قطعه صغيره دم .. بعدها ما شفت شي ..
هذا اللي خرعني صج

 

[جذابه بنت ذيابه]

رد : ظلق و لا مو طلق ؟؟

حبيبتي روحي طيران لطوارى دار الشفا


الصراحه دار الشفا رووعه

 

[كويتيه مذهله 87]

حبييتي مدام شفتي دم روحي شووفي الدكتوره شنو تقولج
والله يسهل عليج يارب

,,,

 

[bent-elq8]

رد : ظلق و لا مو طلق ؟؟

ليش ارووح طيران ؟؟
يعني هالبرود اللي جنه الم الدوره قبل لا تيي بجم يوم طلق ؟!
عادي قاعده اطلع و ارجع ؟

 

[bent-elq8]

رد : ظلق و لا مو طلق ؟؟

بس انه ما ادري اذا دم و لا اتوهم ! .. لاني ما شفت سحبت السيفون كرم السامع !
بعدها ما نزل شي كلللللللللللللللش !

 

[Un-6be3iya]

انا ماعرف بهالسوالف مابي اخرعج لوول
بس شنآآطره خو قوومي روحي الطبييييب
الله يسهل عليج و يقومج بالسلامة ;$

 

[miss-winter]

رد : ظلق و لا مو طلق ؟؟

شدعوا طيران لوووول لا عادي هذي الالام عشان توج داخله شهرج اذا حسيتي بالم الي ماتقدرين تقعدين منه والم الم روحي

 

[النورة]

نفسي بالضبط

هذي تجاديم ولادة

 

[bent-elq8]

رد : ظلق و لا مو طلق ؟؟

نووره قوليلي شلون بالضبط ؟
يعني متى حسيتي فيها و شصار و متى ولدتي ؟!

 

[النورة]

انا صارليتقريبا عشر ايام من دخلت شهري للحين ماولدت

كانت تيلي الام الدورة واحس في برووده والام الظهر

سألت دكتوري قالت هذا عادي وبالعكس شي زين لان الجسم يتهيأ للولاده

تقول الطلق غير
حيييييل قوي يعني ماتقدرين تتحملينه

لي مشيت شوي او غيرت وضعيتي او انسدحت يروح

أهم شي لاتتسرعين ونروحين الطبيب ولا بلعوزونج بالفحص ويهذلون الواحد مثل ماصار فيني السبوع الي طاف
وللأطمئنان أكثر سألي دكتورتج

متى تروحين الطوارئ؟؟
-اذا نزل عليج دم (واااااايد) مع شرايح دم خاثر تروحين الطبيب لأن احتمال تكون نزول المشيمة
لاااكن اذا نزل عليج قطرة دم من مخاط او جذي... عادي هذا يسمونه سدادة الرحم يعني فقط تجاديم ولاده
- اذا نزل عليج ماي وايد كأنه بول تروحين المستشفى لانه يكون ماي البيبي
-اذا ياج عوااااار مو طبيعي ماتقدرين تتحملينه

ربي يسهل امرنا وامرك
وتبشريني وابشرك عن ولاداتنا السهلة

 

[bent-elq8]

رد : ظلق و لا مو طلق ؟؟

ما نصحتج دكتورتج تمشين ؟ أو تشربين شي ؟؟
انه صراحه أخاف من الفحص ! .. و ما راح أروح الطبيب إلا بعد ما أتألم حيل ..
الله يسهل يار ب و مشكوره حياتي : )

منو دكتورتج ؟؟

 

[@سيدة نفسي@]

بنات انا مادري عنكم بس انا شخصيا في بجري جتني آلام مثل الدورة

ونزل علي دم خفيف ورحت الصباح وكنت متوقعة ماكو شي بس بتطمن

فحصتني الدكتورة كنت مفتوحة 2سم ودخلتني ولادة على طووووووووووول

ونطروا علي من الفجر لي الساعة 11 بعدين حطوا لي طلق صناعي

وولدت المغرب .. والحكومة بشكل عام ينطرون ع الوحدة مايولدونهاا

الا اذا كانت ولادة صج مو تجاديم !! مادري انا أقول روحي جيكي

اللي طاح منج اهو سدادة الرحم وانتي بجر لازم تحرصين على نفسج

أكثر من اللي عندهاا خبرة ...

 

[الـفـجـر الـبـعـيـد]

رد : ظلق و لا مو طلق ؟؟

شدعوة طيرااان على الم خفيف ونقطة دم !!

اذا ياج الطلق قووووي وبشكل منتظم يعني كل خمس دقايق مثلاااا

هو اللي بيطيرج غصب من غير لا تسألين

واذا نزل دم اذكر مره قالت لي دكتورتي مقدار قفشه مو نقطه لازم تروحين على طول

او اذا نزل عليج ماي البيبي لاتنطرين على طول روحي موزين ينشف الماي عنه

والله يهون عليج ويسهل ولادتج

 

[bent-elq8]

رد : ظلق و لا مو طلق ؟؟

انزين انه مو متأكده انه دم ! ..
يعني لو صج دم جان نزل بعد ..
ما شفت عدل : (

و بعدين في ناس ينفتحون و ما يولدوون أيام .. فليش اقمت روحي بالمستشفى ؟؟

 

[bent-elq8]

رد : ظلق و لا مو طلق ؟؟

مشكوورين حبايبي : ) ما قصرتووو و الله

 

[LiL MaMa]

رد : ظلق و لا مو طلق ؟؟

الله يسهل عليج ولادتج يا رب
عزيزتي اذا ياج الطلق ماراح تقدرين تقعدين عدل
و راح يكون الالم منتظم
و راح يكوون حده قوي
بس اذا انتي خايفه روحي طوارئ دار الشفى و سوي تخطيط طلق
متني خسرانه شي

و بالنسبه للمستشفى انا للأمانه ما جربت غير دار الشفا و وايد مرتاحه

 

[النورة]

دكتورتي نداء بوخضور

يوم سألتها عن المشي او اشرب شي قالتلي لا خلي امورج عادي

الفحص يعني تقدرين تتحملينه مو شي يعور
كنت مفتوحه اثنين سانتي وطلق خفيييف
بس ماولدوني لان مانزل ماي البيبي

أهم شي ماي البيبي
الي ولدوهم علطول وطلق صناعي يكون نازل ماي البيبي
بس حالتي
لازم شوي اصبر على نفسي لين وقت الولادة

الصراحه ماودي اروح بسرعة الطبيب مبجر أخاف يبهذلوني
بخلي الامور طبيعية تاخذ مجراها
وعلى فكرة انا بجر
القراية وااايد تفتح المدارك
اقري كثر ماتقدرين عن الطلق وسوالفه
اي سؤال انا بالخدمة

وحده عن وحده تختلف تواصلي مع دكتورتك أفضل

 

[bent-elq8]

رد : ظلق و لا مو طلق ؟؟

و الله أنه نفسج ..
ان شاء يعدي هالاسبوع على خير .. بعدين بحاول امشي شوي ..

سبحان الله احس شي من الله ..
الله يسهل يا رب

مشكوره عمري

 

[LiL MaMa]

رد : ظلق و لا مو طلق ؟؟

ايييي لا تاخذين و لا شي مالج شغل بللي يقولولج شربي و سوي
لا تسوين شي اذا انتي مو مفتوحه
لأن هالسوالف تساعد اذا كان الرحم مفتوح بس تضر اذا للحين مانفتح