ظاهره غريبه بالكويت منتشره بالفتره الاخيره !!

[احلا توتة]

.

.
.
.
.
.

في مشهد دخيل على مجتمعنا انتشرت ظاهرة قيام الشباب بقيادة الدراجات النارية برفقة فتيات دون مراعاة لآداب الطريق


والصورة تظهر قائد إحدى الدراجات النارية يجوب شوارع الكويت وتجلس خلفه فتاة دون مراعاة لآداب المرور.



انتوا إشرايكم بالموضوع


لان مافي قانون وعقوبه .. تمنع ركوب الفتاة خلف الشاب في السيكل


:nocommint: :nocommint: :nocommint: :nocommint:

 

[قطــرات مطــر]

رد : ظاهره غريبه بالكويت منتشره بالفتره الاخيره !!

من زمااااااااااااااااااان شايفه هالاشكال

لا ومن الوقاحه مرة تطالعني وتحاجيني وابطل الجام جان تقولي اختي ظهري طالع من ورا

اسالكم بالله هذي شقولها !

الله يستر على بناتنا يارب بس الحق ينقال الي انا صادفتهم مو كويتيات لهجتنا صارت الله بالخير كلن يتحجاها

بس في بنات ومن عوايل معروفه يسونها وبذمة اخوي اهو شاف يوم صار حادث لنفس هالاشكال !

الله يستر علينا ياارب

 

[Natasha]

عادي هذولي لا حيا ولا خوف من الله

مره برمضان بالنهار بعد وحطو صورتهم بالجرايد وكانو عند الدوار الي يم المسجد الكبير حزه صلاة الظهر

 

[monmon12]

قريت الخبر هذا في جريدة الوطن والي صدمني أكثر تعليقات الي من الناس تقول حرية شخصية
أول شي هذي مو ظاهره يديده ومن زمان موجوده للأسف بس انا لاحظت الويدكند الي طاف زادو وااايد على شان الجو حلو

هذي البنت ما تفكر لو يصير فيها حادث بالسيكل :
1- شنو مو قفها جدام الله لو ماتت بهذا الوضع؟
2- شنو راح يكون موقف أهلها لما يقولوهم بنتكم بالمستشفى او العناية المركزة مسوية حادث سيكل؟؟
3- شنو ايهي راح تسوي بعمرها او تقول حق الناس لو تنقص ايدها او ريلها او تتعوق بحادث سيكل؟؟


يعني أنا أحب الهوايات الخطره اشوي مثل البنجي جمب والسيارات السبورت والغوص وحتى أحب وودي أركب سيكل

بس هذا ما يعني أني اروح أركبه لأنه هذولا الأسئلة تدور في بالي ؟؟

وبعدين قعدة السيكل لما يردفها واحد البنت من ورا قعده حيل وصة الصراحة يعني البنت خافي اشوي على عمرج ونفسج اذا مو خايفه من ربج او أهلج

 

[..<< ندى الورد >>..]

رد : ظاهره غريبه بالكويت منتشره بالفتره الاخيره !!

^^^^^^^^^^^^^^^^^^^^^^^^^^^^^^^^^^^^^^

انا معاج يا منمووون

 

[iLLuMinaTion]

لان مافي قانون وعقوبه

 

[حجيه هيونه]

رد : ظاهره غريبه بالكويت منتشره بالفتره الاخيره !!

استغفر الله شنو هالمسخره ؟؟ انا بفهم هالبنات وين اهلهم عنهم

 

[نداااوي]

صباح الخير حبيبتي

موضوع رائع صح

أنا من يومين شفت وحدة متحجبة

انصدمت يعني صراحة مو منظر حتى ولو كان زوجها!!

الله يهدي هاد يلي بنئدر نحكيه

 

[سمو]

رد : ظاهره غريبه بالكويت منتشره بالفتره الاخيره !!

اللهم صل علي محمد وال محمد


ما اضحكني ان بعض القراء اللي علقوا عل الموضوع بالجريده يقول يمكن اخته او زوجته؟؟؟؟ اقول للاخ المعلق الطامه الكبري ان تكون زوجته او اخته من ترتدي هكذا لبس امام الناس يعني ان هذا الشخص له مسمي بالاسلام يسمي (الديوث )


رايت بايران نساء تركب السيكل مع ازواجهن .. بما ان وسيله التنقل عندهم السيكل وليس رفاهيه ..ولكن الحق يقال لا يظهر منها شي منهن من ترتدي مثل ملابس الافغانيه العريضه وبعضهن ترتدي العباءه .


ولكن هل احد حاسب هذا الشاب؟؟؟؟ اين اهله عنه ...الم يتعبوا في تربيته ؟؟

انه امام الله محاسب ...ومؤثم علي عمله هذا ...والله يهدي الجميع

 

[بخـــارى]

رد : ظاهره غريبه بالكويت منتشره بالفتره الاخيره !!

لاحول ولاقوة الا بالله

 

[MiSsY HottY]

عاد بخاطري اركب سيكل والله

 

[نونه العنونه_H]

رد : ظاهره غريبه بالكويت منتشره بالفتره الاخيره !!

ايه والله شفتهم واستغربت وبعد مو مره وحده شفتهم اكثر من مره
الي تبي تشوف تروح الخليج وقت العصاري..
الله يهديهم​

 

[نونه العنونه_H]

رد : ظاهره غريبه بالكويت منتشره بالفتره الاخيره !!

خاله برونزيه >> والله الواحد وده يجرب بس قعده البنت ورا الولد
احسها وصخه وايد وايد وايد وتلوع الجبد. . الا عاد اذا سواااو سيكل حق بنات انثوي ناعم
شوي يمكن نفكر ههههههههه

 

[كنفاني]

للاسف الشدييييييييد
اشياء وايد صارت عندناااا وقاعدين نشوفها
دخيله على مجتمعناااا
نشوف ونتحسر على ديرتناااا الغاليه...

 

[Tom ♥ Jerry]

رد : ظاهره غريبه بالكويت منتشره بالفتره الاخيره !!

.


من أمن العقوبه اساء الأدب !
الصراحه الشرهه مو على الشباب ,., الشرهه على البنت الي تركب ورا شاب بالشارع ! :/
حتى لو كآن آخوهآ و الله شكل البنت غلط ورا الشباب بالبانشي أو السيكل !
بس مآ آقول غير الله الهآدي .!

 

[بنوتة كول]

يا كثرهم والي يبط الجبد انهم مفتخرين بنفسهم مالت عليهم استغفرالله الله لا يبلانا

 

[كريستال ليدي]

هذولا مو كويتيات والله مو كويتيات

 

[monmon12]

كريستال حبوبة

لا كويتيات عمري وفي منهم بنات عوايل أكبرها وأسمنها

عمري يعني كل الناس تغلط االا الكويتيات ؟؟


عيل منو هذولا الي في الحفلات والشيالهات والي في سوق الكافيهات؟؟

كلهم مو كويتين؟؟

 

[Esraa.a]

رد : ظاهره غريبه بالكويت منتشره بالفتره الاخيره !!

قلة أدب


لا حيا ومستحا

 

[Esraa.a]

رد : رد: ظاهره غريبه بالكويت منتشره بالفتره الاخيره !!

هذولا مو كويتيات والله مو كويتيات

صح في مو كويتيات


بس فيه كويتيات


انا شايفه بعوني الثنتين .. ومكلمتها بعد


كويتيه وراكبه سيكل مع صاحبها .. بس لابسه خوذه مو مبينه ويهها