ظاهره زايده بين الشباب الله يهديهم

[just-me]

السلام عليكم​

طبعا انا لاني مصلحة اجتماعية و لا لي سلطه على غيري لكن من باب النصح

حبيت أقول رأيي و اطرح هالموضوع حق كل أم .. كل أخت .. كل زوجة ..

أتمنى من كل وحده تقدر توصل كلمة مايجوز حق اي شاب حق أي بنت من أهلها

عل و عسى كلامي يوصل و لو من باب النقاش حق كل واحد او وحده

مفكرة تهب بهالهبه ما ادري اذا لاحظتوا كاثرة هبت الوشم Tato

على سيقان و ذراع بعض الشباب انا ما اقول بمجمع معين ..الا صار ينشاف بكل مكان


وين الدين ؟؟ و ين الواعز الاسلامي .. ؟؟ من وين دخلت علينا هالموضه السيئة ؟؟

وين الابو مايشوف ؟؟ مايتكلم ؟؟ وين الام والاخت و الزوجة ما تقول مايجوز


لا ولللاسف حتى البنات علبو ريلها يحبها و يتحلى عليها و مايرد لها طلب

قامت تحط معاه وشم الله العالم بتايلند او لبنان و مايندرى يمكن بالكويت واحنا ماندري

لو ملاحظين صارت الهبه حتى بين البنات يحطون وشم بالساق فوق القدم ..

و بالعروس تشوفينها واشمه جتفها ورا صوب الظهر..هذي لامن عوايدنا

ولا من طبايعنا و لا في ديننا ما ادري يعني ما يدرون والا يدرون

و مستهزئين بحجم الأثم ..يعني اسمح حق الشي التافه يمنعني

من دخول الجنة ويبعد رضا الله عني و يلفت نظر الناس لي ؟؟

الله يهديهم و يصلحهم و أتمنى من كل قلبي اللي تشوف

و قبل لا تشوف تناقش هالمضوع


مع اخوانها..وريلها... و ابوها... للتذكير و للنصح

جزاكم الله خير​

 

[هواجيس الفجر]

رد : ظاهره زايده بين الشباب الله يهديهم

ياختي هذا حال الشباااااااااااااااااب اليوم

والله هذيلا اشباااااااااه رياجيل الي تشوفينهم بالمجمعاااااااااااااااااااات وسوالف الهبات

عسى الله يهيديهم

ولحد يقول حرية شخصية لانهااا صارت مصخخخخخخخخخرة الناس تجردت من الدين والعادااااااااااات

 

[catwiti]

اي والله صاجه الناس ماصارت مثل اول يخافون ربهم
ولا يخافون من الطرد من رحمة الله مع انه شي يخرع ومو هيين كلش
الله يهديهم

 

[بطة رشيقة]

لاحول ولا قوه الا بالله .. حديث عن الرسول صلى الله عليه وسلم قال ( لعن الله الواشمه والمستوشمه والواصله والمستوصله والنامصه والمتنمصه ) اعوذ بالله والله يا جسوووت والله شى يكدر الخاطر ويضيق الخلق ابيه حرام حرام شلون جذى صح انا بعد العام لما كنت بالشاليه شفت ريال بو عيال لما طب يسبح وعلى وشم شكبره على ظهره وشكله مسويه بتايلند والا شى لان مكتوووب بالحروف الصينيه !!!! استغفر الله والوضع كلش مو خوش وياريت يت بس على هذا اللبس والتفصخ اللى يانين وقاعدين ابيه والله انا قمت اكره اروح المجمع السبه هالخرابيط .. الله يعينا ويهدى عييلنا ويصلح حالنا وحال ريااايلنا والله ياجرنا فى هالزمن

 

[&& دعاء &&]

رد : ظاهره زايده بين الشباب الله يهديهم

هذي تعتبر ظواهر غريبه ع المجتمع
وهي محاكاه للغرب
يعتبرون الوشم نوع من التمييز والقوه ...
طبعا بالدين الاسلامي الوشم محرم
ارجع السبب الي ضعف الوازع الديني واتوقع اغلب اللي حطوا وشم ما يعرفووووون انه حرام

 

[الليدي ديانا]

امبيه التاتو حرام شلون يحطونه

الله يهديهم

 

[um 7m0o0d]

آلله يعيـن
يبيلـنا حمله ضد هالمصخرررررررهـ

 

[dandon87]

الله يهديهم

انا شايفة مو بس الشباب و حتى البنات شفت وااايد بالنادي

والمصيبة الاكبر انه في مراكز تاتو دائم بالكويت .. مادري قانونيا عادي هالشي ؟!:flower:

 

[رفاعيه]

الحديث الي نورد فيه الوشم نفسه نورد فيه حف الحواجب !
لكن لا حياه لمن تنادي الله يهديهم ويهدينا

 

[فواصل]

رد : ظاهره زايده بين الشباب الله يهديهم

الله يكفينا الشر


الشرهة على اهاليهم اللي مخلين العيال على راحتهم

ونفس الشيء الازواج اللي مالهم راي على حريهم


ما اقول الا الله يهديهم

 

[~[LoOoLA]~]

رد : ظاهره زايده بين الشباب الله يهديهم

الحمدلله ، لسا ماظهرت هالظاهرة عندنـآإ ..
..
وتعليقي ع الموضوع ..
|
لابد من النصايـح ، لآن بعض الشباب صغآإر ، وانجروآ مع اصحآبهم في هالشئ ونسوا [ حكمه ] او انهم يسآلون اساساً عن هالسأله ..
ومافيها شئ لو بدينآ بآلنصيحه ، سواءً بتوزيع المطويات اللي تبين [ حكم فعل هالشئ ] ..
وبعد تنسيق موضوع بالايميلات وارساله هم يوضح كل شئ بخصوص هالموضوع ..
وبيوصل بسسسسسسرعه لهالفئـه ..
لان الله يخلي [ الايميل + البي بي + المنتديات ] ماعد خلت شئ يستخبى ..

تسلم ايدك ع الموضوع ، دل على اهتمامك بـ [ عيال وطنك ] ..

 

[just-me]

مشكورين جميعا على الردود و ياليت الموضوع ينطرح للنقاش بالزوارة جدام العيال و خصوصا الشباب



~[LoOoLA للاسف أختي أتوقع الظاهره موجودة عندكم بالسعودية والخليج كله لاحظي اللي يلبسون


بلايز و بنطلونات و راح تلاحظين .. الله يهديهم الله يشيل الغمامة اللي على عيونهم

 

[ToOoTi]

استغفر الله
ربي يهديهم ان شاء الله

 

[أمواج البحر]

الحديث الي نورد فيه الوشم نفسه نورد فيه حف الحواجب !
لكن لا حياه لمن تنادي الله يهديهم ويهدينا

والله عفيه عليج

للاسف البعض يتذكر لعن الله الواشمه والمستوشمه و ينسون لعن الله النامصه والمتنمصه

تناقض غرييييييييييييييب !!!!!

وطبعا الدور الاساسي على الاهل للاسف ان بعض الاباء والامهات ما يدرون شي عن تصرفات عيالهم

او يدرون ويقولون شباب طايش مرده بيعقل !!!

سؤال شلون بيعقل اذا ما انتبه للخطأ اللي اهو يسويه!!!

الاخت LoOoLA

للاسف هالشي وصل لاغلب الشباب الخليجيين

واخر مره من كم شهر مسافرين دبي وشفت شباب من احدى الجنسيات الخليجيه وكلهم بلا مبالغه حاطين وشم!!!

لا ويتباهون فيه .. لدرجه ان واحد منهم حاط وشم على زنده ومرفع جموم بلوزته لي فوق بس عشان يبين الوشم

الله يهديهم

 

[احلا برقاويه]

رد : ظاهره زايده بين الشباب الله يهديهم

الله يكفينا الشر


الشرهة على اهاليهم اللي مخلين العيال على راحتهم

ونفس الشيء الازواج اللي مالهم راي على حريهم


ما اقول الا الله يهديهم

 

[Q8yaaaa]

الله يهديهم

 

[وآحشنــي زمآنـك]

رد : ظاهره زايده بين الشباب الله يهديهم

الله يهديهــم ..


عبآلهم هالشي كوول وونآســه مآدروو أنه مقررف ..

 

[PINKEIA]

مافيها شي اذا البنت حطت تاتو مؤقت أما الشباب أنا أشوف هذيله يقلدون اللاعبين الأوروبيين

 

[كويتاويــــه]

رد : ظاهره زايده بين الشباب الله يهديهم

هذا كله تقليد للغرب
ياليت يقلدون الغرب بعلمهم ومحافظتهم لصحتهم

انا اتوقع يدرون انه حرام بس مثل ما قتلج تقليد للغرب
والله يجازيهم
قطيعه ماكو دين
الله لا يبلانا

 

[mn.mn]

فعلا قلة الدين تسوي بلاااااااااااااااوي

الله لا يبلانا بدينا ولا يخلي الدنيا تعمي عيونا ويهدي عيالنا وعيال المسلمين

والله يسامح الأهل اللي ما يدرون عن عيالهم وهادينهم هايتين بالشوارع