طيور الجنه

[بطه حميسه]

بنات انا منبطه جبدى من هالفرقه يعنى يهالوه وكل اللى يغنونه اغانى كويتيه حتى مو متعبين نفسهم بالاغانى والتذاكر توصل ل20 على شنو والا اهى مقصه وبس

ادرى اليهال يحبونهم وبالاخص ديمه بس انا احسهم استغلالين من قلب

انتوا شرايكم:080402ask_prv:

 

[S_R_S_R]

رد : طيور الجنه

أنااا أقولج خليهم يوؤوؤلوؤوؤون ودي عيالج العاااب ابرك لج .. أناا حتى قناتهممم مسويلهاا دليييت مادش الملائكه بيتج من كثر هالاغاني .. وكافي اليهال يتفززووون باليل وهذا كله من الاغاني اللي يسمعونهاا بالنهار :q8:

 

[**المزيونه **]

يلوعون الجبد وخساير اي عشرين الله يخليج في 50 دينار

 

[نور مغليها]

رد : طيور الجنه




،
بالعَكس مافيهم شي اغاني أطفآ‘ل ...
شفت لهم لقطه مسساع اغاني اطفال ورقص ووناسه ... خلوا عيااالكم يستانسون فيهم ...

 

[بطه حميسه]

رد : طيور الجنه

والله ريلى قال خنودى اليهال يستانسون قلت بقلبى ان شاء الله ما نحصل تذاكر لان بنتى تموت عليهم وانا ما اواطنهم لوعه:cxxxp:

 

[بطه حميسه]

رد : طيور الجنه

اوكي يستانسون نوديهم مسرحيه او العاب مو اقط فلوس على فرقه دايخه وانا اللى غاثنى انهم حتى مو مسوين مثلا اغنيه خاصه للكويت لا كله اغانينا القديمه وحتى بعض الكلمات مايعرفون ينطقونها عدل:jumpon:

 

[شوق@ذوق]

افففففففففففف انا صراحه ما اواطن قناتهم مسويتلها دليت حتى بنتى مو ذاك الزود وياهم ابرك لها

 

[بنوتة طموحة]

لا يطوفكم حفلتهم بادية

حدي متشجعة وياهم

أنا أصلا ما عرفتهم إلا من هلا فبراير

واستغربت إن اليهال ميتين عليهم

 

[(قمر بين البشر)]

رد : طيور الجنه

والله بـهـالوقـت الانـاشـيـد احـسـن لـهـم مـن الاغـانـي

 

[::كيك وعسل::]

رد : طيور الجنه

:: مريحه نفسي من الدوخه ::

 

[الوفى عنواني]

وانتو من صجكم تتابعون هالاشكااال وعوووو ماطيقهم كلش حتى لو انهم يهال ..ولا قناتهم استغفر الله 24 ساعة ترقص الصراحة مستقبل مشرررف لهم من اوله يتأسسون عيالنا على الكازنوهات والترقص والبارات اشوى خواني الصغار مايطوقونهم ويتنرفزون منهم ...ولا البغلييين اللي يغنون معاهم جايين يتكسبووون من ورى هاليهااال ومن ورى يهاالنا بعد احسن شيء ليمن الف اغنية عن المملكة يرجي يحصل شيء عطوووه بوولباااس خخخخخ ولا اغنيته ركيييكة ولهجته مكسرة لو جايبة بنقااالي يغني ابرك يمكن ينطق احسن منه السوااري​

بس فديت مشاري العفاااسي اناشيد بالكويت وبالخليج قمة الله لايحدنا للهالاشكال

 

[شهرزاد000]

حريه أذواق..


:flower:
بنات لاتسبون الله يهداكم خلو أخلاقكم زينه شوي..

عيب والله وحده تقول(خيولون) إذا إنتي ضدهم لاتسبينهم..

 

[ابداعات كويتيه]

حرااام عليكم اليهال يحبونهم مثل مابعضمم يحبون فنان الكويت والخليج وكلن بعمره له مزاج
اذا مستخسرين على عيالكم عيل حفلات المطربين على جم هذا استغلال للشعب كامل مو بس على فرقه اليهال

 

[لجين]

رد : طيور الجنه

عالاقل ,, احسن وابرك من MBC 3

والعاب البلاي ستيشن والي فون والاي باد والايبود اللي كلها مقاطع خليعه

وتشد اعصاب الطفل ..

انا وحده متابعه لطيور الجنة اغانيهم واناشيدهم هادفه وكلها نصايح

والشهاده لله انه اخوي الصغير تحسن سلوكه ..

قدوة فيهم لما يشوفهم باللقاءات المباشره واشلون الكبير يحترم الصغير ..
رجاء بنات .. اللي مو متابعه وما تدري شسالفه لا تتفلسف :flower:

 

[زبدة المراعي]

رد : طيور الجنه

اهي قناه زينه بس لو يبطلون موسيقى جان زين

وحريمهم مترززين وياهم بسبب وبدون سبب

اقصد المنشدين :flower:

 

[رولكس ذهبيه]

انا ماكنت اعرفها بالمره ويضحكون علي رفيجاتي

ولما طلعتها لعيالي الله لايوريكم صدع راسي من الاغاني وانا بالصاله لاعت جبدي وشلتها

قناه تعتمد علي الاغاني بشكل كبير واحس ان الاطفال مستغلين وماشوف فيه زود

 

[0ام الحلا0]

رد : طيور الجنه

رزق لهم :q8::q8::q8:

 

[dnyay_mll]

رد : طيور الجنه

وااااااي يبطون جبديييي
طول اليوم اغاني
افتكيت وديليت للقناااة
وعيالي شافو الحفله اليوم وقالو ليش ماوديتينا قصيت عليهم وقلت ماكو تذاكر
من زينهم اروح حقهم
ياحلو قناة براعم تهببببببل

 

[اريج الجوري]

رد : طيور الجنه

احنا مو مفتكين من إستغلال الزلمات اللي بالديره ,,,
هالدور جايين لنا من بره ,,, :flower:
انزين اذا حفلة اطفال ليش التذاكر واصله 80 دينار ؟؟؟
والله حرام ,,, وفوق هذا ياليت الحفله حلوه فوضى وازعاج غير طبيعي ,,, :cxxxp:
والاغاني الكويتيه اللي يغنونها كلها غلط وبدليات والقهر اغنية هيله يارمانه مغيرين كلماتها ويقولون كلمات تراث عراقي !!! :eh_s(13)::eh_s(13):
ليش ماغنوا اغنيه للكويت من تاليفهم ؟؟؟
انا عيالي ملوعين جبدي بهالقناة ومن كثر مايشغلونها حفظت اغانيهم ,,, :O_SHH_:
انا وديتهم حفلتهم اللي بارض المعارض التذكره ب10 دنانير وتحسفت اني وديتهم ,,, :s141:
وصراحه مصخوها قبل اغانيهم حلوه ومفيده اللحين احسها سلق بيض ,,,
وابشركم طاحوا بربيع كل يوم والثاني بيطبون عليكم ,,, :jumpon::jumpon::jumpon:

 

[أم أحلى البنات.]

رد : طيور الجنه

أغلى تذكره ب45 .. منو قال ب80 ؟؟؟

وبعدين صج أناشيدهم فيها موسيقى بس فيها فايده ..

وأنا عن نفسي وديت بناتي لحفلة الساعه 7 :q8: ... وكانت خوووووووش حفله:rerrerek: