طيران فلاي دبي

[رزنامة حلوة]

السلام عليكم بناات

بناات بغيت أسألكم عن طيران فلاي دبي شلوون وشلوون خدمتهم
وانا سمعت أنه لهم مطار بروحهم شلونه ؟؟ مرتب ونظيف ومنظم ولا حوسه ولوووييه ومزحوووووم


ياليت لو تفيدوني

 

[Miss-Hummer]

شلونج اختي

انا جربت فلاي دبي 3 مرات الطيران وايد حلو ونظيف انصحج فيه والمطار مالهم زين اللي في دبي طبعا مو نفس مطارهم لكبير بس زين ونظيف وشغل مرتب

وبالنسبه حق اسعارهم وايد حلوه

انا كنت اخذ من عندهم بكج تذكره واقامه وافطار على حسب الفندق اللي تبينه

انا قعدت بفندق قمر الدين عجيييب مثل ماقتلج السعر شامل كل شي لمدة 3 ايام طلع علي 85 دينار بس
والمره الثانيه قعدت بموفينبك جميرا بيتش طلع علي 122 دينار

هذا رقمهم 22414400

ومكانهم يم دوار الشيراتون مكان الكنيسه القديمه على الشارع عند حلويات قيصر


وانشاءالله اكون افدتج​

 

[Miss-Hummer]

وسوري ترى اذا تبين طبعا بس تذكره تقدرين وتكون ارخيصه بس طبعا نفس كل شركات الطيران اذا تبين ارخص حجزي قبلها بفتره​

 

[جوري 2007]

زين مافيه شي بس شوي ترجف الطيارة بالصعده والنزله وطبعا الtv والوجبات بفلوس بس كلها اشياء لا تذكر وكله طريج ساعه ونص

بالكثير ،، المطار مجكنم مومثل مطار دبي

 

[هنـــد]

اهلي جربو الطيران يمدحونه بس لازم يدفعونج ازياده

روحي عالجزيره ابرك

 

[الأميرة جوري]

يمدحووونه...والطريق كله ساعه الي ساعه وربع

 

[رزنامة حلوة]

مشكووورين بنات .. بس المطار شلونه مزحوم ولا عادي ومرتب وما تتعطلين ؟!؟! انا وياي يهال ما ابي أتغربل

 

[law love]

الطيران ممتاز شوفيه بتقريري

لووول كل المطارات زحمه يعني المطار الرئيسي موزحمه و فلاي دبي زحمه ماله علاقه حسب الوقت

مطار فلاي دبي كله هنود و باكستانيين روحي مبجر و اتخلصين بسرعه ما اعتقد المطار مهم بالرحلات القصيره

بس لا تنسين تحجزين جناط حق الشحن اذا تبين عشان ما تدفعين زياده بالمطار *

 

[ReeM ^ Style]

هلا حبيبتي
فلاي دبي نفس مستوى الجزيرة
بس الشغله اللي تلعوزنا فيها
اهي الشحن دفعونا بالكويت 20 دينار
وبدبي 600 درهم
كانت غلطتنا ماشترينا شحن من موقعهم
تقريبا ال30 كيلو 5 دنانير
عاد انتو اشتروا 9 كيلو او اكثر على حسب احتياجكم
ولاتطيحون بالموقف اللي طحنا فيه :eh_s(16):

 

[أم سيف وسلطان]

الطيران حلو للرحلات القصيره

والمطار بعد حلو ونظيف