طيبه وخجوله

[اعاتبك بإبتسامه]

السلام عليكم ورحمه الله وبركاته


خواتي انا عندي مشكلتين متعبتني جدا بحياتي
مشكلتي الاولى:ان طيبتي دائما تسبب لي المشاكل
ودائما مااخذ حقي زي الناس ودي اغير طبعي
والله يابنات مقهوره ودي اصير اخذ حقي من عيون الناس
ومشكلتي الثانيه الخجل: في خجل مو طبيعي يعني ياما اسكت عن ناس
خجل من الرد مع اني اقدر ارد عليهم رد يسكتهم
ياما حاولت اغير من طبعي بس عجزت
وترى انا الوحيده اللي من خواتي طبعي كذا مع اني اكثر وحده كنت مدللة
عند اهلي والى الحين حتى اختي اللي اصغر مني ماشاء الله عليها
اجتماعيه وتاخذ حقها بالطيب او بالقوه
انا ماني اجتماعيه ابد وطيبه زياده عن اللزوم بعض الاحيان انا انقد على نفسي
تكفون ساعدوني نفسيتي زفت اليوم صار معي موقف يقهر ماقدرت اخذ حقي
وادافع عن نفسي
واذا قلت لحد من القريبين لي ابغى احد يساعدني ودي اغير بنفسي يقولون لي
طبعك زين بس لاتوسوسين واذا صار موقف قدامك ينقهرون مني ويقولون لي ليه ماسويتي كذا وكذا
بجد نفسيتي زفت
دائما قبل مااسوي اي رد فعل اجلس افكر اذا قلت كذا بصير كذا ومااسوي شي

 

[سويت فانيلا]

حبيتي السكات عن الحق شيطان اخرس يسعدني اني اول وحده ترد

 

[اعاتبك بإبتسامه]

حبيتي السكات عن الحق شيطان اخرس يسعدني اني اول وحده ترد

حبيبتي تسلمين على ردك وماقصرتي بس انا ابغى احد يعطيني حلول كيف اتغير

 

[غلآ نوآف]

مرات السكوت عن السفيه خيره اختي
لكن مو سكوت الانكسار والخوف وعدم الثقة بالنفس
سكوت القوة والعقل
سكوت الرزانة انك تترفعين عن مستوى الشخص الي يحاول يستفزك
والي يحاول يطلع منك الكلمة الشينة
حتى يضحك عليك ويضحك الناس عليك بعد

السكوت احيانا ابلغ من الكلام ......

بس مثل ماقلت
مايكون سكوت انكسار

 

[اعاتبك بإبتسامه]

مرات السكوت عن السفيه خيره اختي
لكن مو سكوت الانكسار والخوف وعدم الثقة بالنفس
سكوت القوة والعقل
سكوت الرزانة انك تترفعين عن مستوى الشخص الي يحاول يستفزك
والي يحاول يطلع منك الكلمة الشينة
حتى يضحك عليك ويضحك الناس عليك بعد

السكوت احيانا ابلغ من الكلام ......

بس مثل ماقلت
مايكون سكوت انكسار

حبيبتي تسلمين ياقلبي انا ان شاء الله سكوتي ماهو انكسار

بس انا احيانا حتى الشخص اللي يجرحني اخاف ارد عليه بشي يجرحه
وفي خجل مو طبيعي يمنعني بعض الاحيان من الرد اذا كنا في مجموعه

 

[FeShinGoOo]

خلج حقانيه ولاتسكتين عن الحق حتى لو كان يزعل الي حولج لان كلمة الحق تزعل ..!!


بس هاذا مو معناته انج تتكلمين على طول لا قبل لاتسوين اي خطوه فكري ان بتكون ردود افعال في ناس بتعارض في ناس بتنتقد في ناس بتطنز وحطي رد حق كل رد فعل .. يعني حطي بمخج اذا فلانه قالتلي جذي برد عليها بهالكلمه

وماله علاقه الخجل حبيبتي الخجل من ناس غرب او من الرياييل
بس تخجلين من صديقاتج وخواتج لا هاذا مو خجل هاذا يتعبر عقده او نقص ثقه
خلج شقرديه وهبة ريح وخلج حقانيه ماتتكلمين الا بالحق وماتعصبين الا بالحق وماتعترضين الا بالحق
واسلوبج خليه حلو مع الكل
وهم خلج رسميه شويه مع الناس يعني لاتطيحين حظج بالسوالف ولا تكشفين اسرارج خلي سوالفج عامه واسرارج لاتقولينها حق غيرج
خلي الناس ياخذون عنج انطباع ان هاذي شخصيتج وانج ماتكلمين بدون تفكير عشان اي كلمه تطلع منج يحسبون لها الف حساب ويدرون انه بمحلها مو نفاق او جذب او بدون وعي
واللي بيزعل خل يزعل لاتقولين فلان راح يزعل مني وتتراجعين عن رايج وقرارج لا خلج مصره على رايج حتى لو الي جدامج لامج او عاتبج خلج على موقفج وبينيله وجهت نظرج عجبه عجبه ماعجبه مايشوف شر ..!! اهم شي تتحجين باحترام وبلباقه وبدون اندفاع وصراخ وغصبن عليهم بيسمعونلج ويسكتون

 

[اعاتبك بإبتسامه]

شكرا حبيبتي
وان شاء الله بعمل بالنصيحه

 

[)خجل الورد(]

حبيبتى بالنسبة لموضوع الخجل .. الخجل في منه محمود وفي منه اللى يعيق الانسان انه يمارس نشاطاته الطبيعة وياثر على علاقاته الاجتماعية ..
والانسان الخجول خجل مرضى يحس بنفس الحاجز بينه وبين الناس مايقدر يكسر هالحاجز فيكون له عالم خاص وحياة منفصلة يعزل نفسه عن الناس ويكون انطوائى ..
لازم هالحاجز تكسرينه وتتغلبين عليه باراده قوييه وعزيمه ( على فكره انتى بيدج الحل وانتى الوحيده اللى تقدرين تساعدين نفسج بس محتاجه توجيه وصدقيني اذا حطيتى فى بالج انج اتغيرين راح اتغيرين )
بعطيج بعض الطرق تقدرين من خلالها تكسرين هالحاجز يمكن ما اطبقينها بسهوله بس حاولى كل مره تغلطين تستفيدين من هاللغلط واتفادينه مره ثانيه ..
( اتصلى على صديقه قديمه وافتحى معاها مواضيع وسولفى معاها _ اذا خواتج تجمعو وفتحو موضوع عطى رايج بالموضووع وعلقي وانتقدي _ دايما حطي نفسج بمواقف تحتكين فيها مع الناس _ دايما تحدى نفسج اذا ماكان شي يغصب الله ورسوله وقالج الصوت اللى بداخلج لاا تسوينه عانديي نفسج وسويه .. وفى طرق وايد تتغلبين فيها على الخجل موجوده فى النت وفى كتب متخصصه بهشي .. )
اما موضوع الرد اذا ماكنتى تمتلكين القدر اللفظيه انج تردين على الشخص اللى يجرحج فى طرق ممكن تسوينها تعتبر كرد وساعات تكون اقوى مثل ( ترفعين حاجب وتنظرين لها نظره استحقار وبعدها تتجاهلينها وخلى بعدها الوضع طبيعي بهالحركه راح تهمشينها وصديقيني من داخلها راح تحس بسخافتها _ضحكة السخريه _ استخدام العبارات القصيرة مثل ( اترفع عن الرد على هالاشكال ) (ناس تحشمها وناس تحشم نفسك عنها )_ الرد غير المتوقع يعني تقط كلام تحاول تضايقج عطيها عكس اللى تبيه )
اما موضوع الطيبه بالعكس انا اشوفها صفه حلوه ونعمه منو قالج ان الطيب يعني انسان مسكين وضايع حقه بالعكس الانسان الطيب هو الانسان اللى عنده قدره على انه يعفو عن الناس ويسامحهم ويغسل قلبه غيره مايملك هالقدره يشيل بقلبه ويحقد وهشى يضر فيه نفسه لانه طول الوقت يحرق بعمره
وبالنهايه الله يوفقج ويسعدج حبيبتى لا تنقهرين عادى الحياه تجارب تكت ايزززي

 

[ورد مكة]

مرات السكوت عن السفيه خيره اختي
لكن مو سكوت الانكسار والخوف وعدم الثقة بالنفس
سكوت القوة والعقل
سكوت الرزانة انك تترفعين عن مستوى الشخص الي يحاول يستفزك
والي يحاول يطلع منك الكلمة الشينة
حتى يضحك عليك ويضحك الناس عليك بعد

السكوت احيانا ابلغ من الكلام ......

بس مثل ماقلت
مايكون سكوت انكسار

واناااااااااا ويااااهااا بعد :eh_s(15):

 

[اعاتبك بإبتسامه]

تسلمون حبايبي ان شاء الله بحاول
ماقصرتوا اللي رديتو علي

 

[so0oma]

السسلام عليكم ورحمة الله وبكركاته

والله كسسرتي خاتري يختي ياقلبي والله اهى اهى

ياحبيبتي والله اتمنمى البنآآت يفيدوونج والله

 

[اعاتبك بإبتسامه]

شكرا