{ .. طنش .. تعش .. تنتعش .. }

[جماااانة]

كلمات...اتخذوها قاعدة في حياتكم



.الحياة أيام..


ليش الحزن ؟؟
وليش الزعل ؟؟
وليش الالم ؟؟
وليش الاسى؟؟

افرح و طنش الحياة حلوة ...



طنش ,, تعش ,, تنتعش ...

.اللي يحبك حبه ..


واللي يجرحك ويهينك اتركه
المساله سهله والتنفيذ اسهل ..

لا تضايق نفسك وتهتم بناس مو وجه اهتمام

ليش تهتم بشخص ما يستاهل ..

اول ما تعطيه ظهرك يطعنك
بسكين مسموووم ..


واذا قلت له ليش ؟ يقولك انا حر ...

تعش ,, تنتعش ..طنش ,,

..ساعدت فلان ..

.. وعطيت فلان ..


.. وبالآخر طعنوك ..
..وجرحوك وما افتكروا فيك ..

يا عمي لا تفتكر سو خير و قطه بحر ...

طنش ,, تعش ,, تنتعش..

غدر بك صديقك ..
لا تيأس وتقول ما في صداقه
فهالزمن لا تعاتب نفسك تزعل ..
لكن قوم وروح لصديقك وابتسم واشكره لانه علمك درس مفاده
انك تحسن الاختيار في المره الجاية..


طنش ,, تعش ,, تنتعش ..

.مريت بمشاكل في البيت ,, في الشغل ,, والشارع
لا تزعل وتتضايق لكن ابتسم وقول الحمد الله على كل حال
وشوف كيف الله يفرجها

طنش ,, تعش ,, تنتعش ...

خذهاقاعده فحياتك ..
وخل امورك تكون بسيطه
عشان تقدر تفكر صح ..
وتحل امورك ...​

 

[ror44]

طنش ,, تعش ,, تنتعش ...

اي والله صاجه

مشكوره ,,,,ويعطيج العافيه

 

[دنيا جديده]

صاااجه مشكووووره

 

[خوش بنيه]

مشكووووره

 

[جماااانة]

يسلموووووووو على مروركم ...

 

[&الشيهانة&]

السلام عليكم
احب اقولكم عني انا شخصيا ذقت من اعز واقرب ناس لي المر والويل والتفنن في الطعنات من الظهر
ولكن اول شي بجيت بدال الدموع دم على فرقاهم وكنت اشوف موتي بدونهم ولكن ربي لك الحمد والشكر راجعت كل اللي سويته لهم وعرفت اني ماقصرت معاهم بولا ذرة
وبالاخير استنتجت شي ان الانسان يتعامل باخلاقه ووالله مهما حاول الانسان تصنع الطيبة والاخلاق العالية والوفا والاخلاص راح يتعب لان لسبب بسيط جدا التطبع يغلب التصنع
وحي دائما شي في بالج ان الموضوع او المشكلة اول ما تبدي كبيرة وعقب تصغر الى اما تشوفينها ما كأنها شي ولكن راح تعرفين بوقتها منو صاحبج من عدوج واصل ومعدن كل اللي حواليج
والموضوع مهما كان حجمه اذا كبرتيه كبر واذا صغرتيه صغر
واسفه على الاطالة اذيتكم وعورت راسكم بهذرتي بس شسوي احبكم لله في لله عشان جذي اكلمكم وانتو حسبة خوات واكثر

 

[reem.q8]

اي والله صاجه جموونه حبي
يعطيج الف الف عافيه
يسلموووووووووو

 

[اطباق ماي ورد]

حطيتوا ايدكم على الجرح والله

اول شى كل عام وانتم بخير ... وتقبل الله طاعتكم

فعلا كلامكم خواتى .... الحياة والله قصيره وراح نقصر اعمارنا بالزعل والنكد
انا وحده اليوم منقثه مقثة العالمين ومن منوا ؟؟!! ... من اقرب الناس
بجى وانواح وحسيت انى مواته اليوم من كثر الزعل والهم

الله يسامحهم ... :0bee2e8d89:

بس لى متى الواحد ينطعن ويمسح على جرحه بيده ولا احد دارى فيه ... هالحال قصرت عمرى ومرضتنى
اليوم شكيت همى وارتحت ... عشان يحسون بعمايلهم ... مو اكثر
لان زمان الاول .... خلاص راح ... وانا اليوم غير من بعد الجروح العميقه من اعز الناس
والسبه قلبى الرهيف قلبى الطيب مع الكل وحسن نيتى

اتصدقون صج المصايب تعلم وتغير الواحد ... بس ياترى للاحسن والا للاسوأ

عذرونى بنات عورت راسكم
بس الله لا يوريكم اللى مريت فيه اليوم ... حبيت افضفض شوىه

 

[نووووونا]

مشكورررررررررررره

 

[3тħвţ άĻα6вα3]

صح لسانج فديتج ..

احلى شي .. التطنيييييش :eh_s(6):

يعطيج العافيه حيااتو

 

[القلوب الساهيه]

يعطيج العافيه موضوع رااائع

 

[Dr.6obayzah]

يعطيج العافيه جمانه

 

[manoooram]

كثرالله خيرج قوووووووووووووولي آمين

 

[&الشيهانة&]

اختي كابتشينو لا يضيق صدرج على شي ولا تبجين على شي
مدام الحمدلله مافيج الا كل خير اسجدي لرب العباد وحمديه على الصحة والعافية
وصدقيني ترا دموعج غالية اذا مو عندهم يكفي انها غالية عندج لان ماكو شي بهالدنيا يستاهل تبجين عليه حبيبتي
والضربة اللي ماتقتلك تقويك
وانشالله راح تكونين اقوى بايمانج بالله

 

[اطباق ماي ورد]

حبيبتى شيهانيه ... ما قصرتى والله يهون عليج انتى بعد

اتصدقين ااقرى كلامج وارد ابجى ... من حرقت قلبى والله
للاسف تييج الطعنه من ناس المفروض يكونون ملجاج وملاذج اذا ضاقت فيج الدنيا

ياربى ... يعنى اذا اهلج ما يجبرون بخاطرج ويدارونج اش بقى لج بعد ...
سندج وظهرج وعزج كله .... رااااح

ما اقول الا الله يخليلى زوجى واعيالى ولا يغيرهم على لانى بعدهم صج اضيع بهالدنيا اللى ما ترحم

وكلامج صحيح الضربه اللى ما تقتل صج تقوى وتخلى الواحد يتعلم ادروووووس ... يقوى قلبه فيها

والله يجازيج خير على مواساتج لى ويهون عليج انتى بعد يارب

 

[galaxy]

حبيبتى شيهانيه ... ما قصرتى والله يهون عليج انتى بعد

اتصدقين ااقرى كلامج وارد ابجى ... من حرقت قلبى والله
للاسف تييج الطعنه من ناس المفروض يكونون ملجاج وملاذج اذا ضاقت فيج الدنيا

ياربى ... يعنى اذا اهلج ما يجبرون بخاطرج ويدارونج اش بقى لج بعد ...
سندج وظهرج وعزج كله .... رااااح

ما اقول الا الله يخليلى زوجى واعيالى ولا يغيرهم على لانى بعدهم صج اضيع بهالدنيا اللى ما ترحم

وكلامج صحيح الضربه اللى ما تقتل صج تقوى وتخلى الواحد يتعلم ادروووووس ... يقوى قلبه فيها

والله يجازيج خير على مواساتج لى ويهون عليج انتى بعد يارب

والله صاجه
وشهيانه بعد
وانا اقول الله يخليلي زوجي وبناتي
ولا يغيرهم علي
ولا تبون الصج محد يفيد لا اهل ولا اخوان
وطنش تعش تنتعش
اهم شي
ليش نزعل ونفكر في ناس مايحبونه؟؟؟
لا يبا
من اليوم طنش تعش تنتعش:dddds::dddds:

 

[&الشيهانة&]

الله يخليلج ما عطاج ووفقج ويشرح صدرج وفرج همج ويشيل حزنج من صدرج
ووالله لو انه ينشال حزنج جان شلته عنج
صدقيني انا الحين بالف خير وربي وراني نتيجة طعناتهم لي
اولا وفقني بحياتي وتخرجت وعقبها بشغلي ومع بنتي الله يحفظها لي وحب الناس لي وتقربهم مني
واللي طعنوني شوفيهم اللهم لا شماته كل مالهم ويرجعون قري وعكس بالضبط اللي ربي عطاني اياه بالضبط والله
ووالله على كل اللي سووه فيني ادعيلهم بالهداية واقول حسبنا الله ونعم الوكيل
بس تصدقين والله بصلاة الاجيام دعيت مثل ما سوو فيني يصير فيهم لان كل كبير في اللي اكبر منه
واتمنى يشربون من نفس الكاس اللي شربوني منه بس واهم يشربونه يتذكرون فعايلهم فيني ويتحسفون كل يوم قد شعر راسهم
ووقتهااذا رجعو راح اقولهم {يادموعه ليه بينتي خضوعه ليه تجرحين كبرياءه في رجوعه يوم انا اترجاه صد عني يوم صديت حنيتي يادموعه}

 

[yam_yam]

جزاج الله خير

 

[اطباق ماي ورد]

حبيبتى تسلمين من الشر يا شيهانيه وربى يباركلج بحياتج وبناتج يارب

بس قولى حسبى الله ونعم الوكيل وهو كفيلج يرد لج اعتبارج من اللى عاداج
واذا قراب حيل قولى الله يهديهم ويعرفون قيمتج

بس اتصدقين انا بالنسبه لى اقول ان ربى لبالمرصاد واللى سووه فينى راح يشوفونه
انا ما اكرهم .. لا حشا على بس قلبى مجروح حيل وما اقدر افتحه لهم مره ثانيه
لا مو مثل قبل انا الحين قلبى تورم من فعايلهم ... وعرفت قدرى عندهم

وفى مثل من الصبح ما نى عارفه اتذكره بس عارفه انه ينطبق على
ياريتج تعرفينه وتعلمينى عليه
يقول اللى ما يعدك ..... لا تعده .....

الله يجزاج خير يا اختى والله انج شلتى الهم عنى بسوالفج معاج لانى قاعده بروحه ومانى عارفه وين اودى ويهى
الله يسلمج ويسخرلج عبيده اللى يعزون عليج يارب .... وانا لى مثلج بعد انشاءالله

 

[NoWay2know]

مشكورة على الموضوع