طمنوني منو صار معاها نفسي وشنو فيني !؟

[..meme..]

السلام عليكم


انا بنت بعد الدوره بيومين ياني دم اكرمكم الله شويه و صارلي 7 ايام واول مره يصير معاي جذي

مادري اذا كانت الدوره أو لا بس اشويه

والدوره صارت تتأخر معاي غير عن قبل اول تقعد معاي 4 5 ايام الحيين 7 أو 8 ايام

منو صار معاها نفسي وراحت الطبيب من شنو ؟ لأني خايفه منها لما تكررت معاي مره ثانيه في مره تكررت معاي بس مو نفس جذي الحين شووويه وتأخرت فيني واخاف اروح المستشفى وجزاكم الله خيرا ..

 

[نوناتي حياتي]

اتوقع عادي وان شاء الله البنات يفيدونج وماكو الا الخير يارب

 

[جمالي ايطالي]

روحي لدكتوره احسن واساليها


لان يمكن دم متقطع.. والدوره ملخبطه عندج

وماتشوفين شر

 

[نمله ممصوعه]

شوفي حبيبتي دامج بنت .. يعني الدوره عندج مو ثابته يعني عادي يا قلبي لا تحاتين مافيه
الا العافيه ان شاء الله
وبخصوص الدم اللي نزل بعد الدوره .. هذا دم كان في الرحم
انتي وقت الدوره حاولي تلبسين ملابس والدلاغ لا يطيح عن رجلج وحتى لبسي
بنطلون بجاما طويل ودفي نفسج عدل واذا قعدتي سكري رجولج
واشربي اشياء دافيه .. وابتعدي عن البيبسي والاشياء البارده
وانش اء الله ما عليج الا العافيه يا رب