طمنوني على ولدي

[الجويرية]

هاااااي حبايبي


مشكلتي بختضار ولدي عمره 3 سنوات هااب بحركه يديده ياكل الكلينكس والورق وقبل لا ينام يدخل الجم او البطانيه بحلجه ما ادري هل شغله عاديه او فيها شي ---

للعلم الخدامه مالها شغل فيه

دمتم بود:eh_s(7):

 

[الجويرية]

كالعاده المشاهدات 6

والردود 0

ليش سبحان الله ......:bbbiu:

 

[تعبني البطى]

طيب علميه قولي له هذا يع وسوي روحش منقرفه ههههههه صدقيني تنفع مرااااات
الله يخليه لش..

 

[رووح ابووها]

كلينكس وورق !!
اذا شفتيه ياكلهم قوليله لا مايصير او بس شيليهم عنه
قبل كنت على طول احط اصبعي بحلجي عشان اقطع اضافري وكل ماشافتني امي طقتني مع ايدي ولا هاوشتني
وقمت اخاف اسوي هالشي قدامها , وقمت اسويه من وراها لين بطلت هالعاده ونسيتها
انتي بس لانه صغير لاتحطين عنده الكلينكس او ورق


اما يدخل الجم او البطانيه بحلجه
يمكن لانه تعود على المصاصه . ولد اخوي ماينام الا اذا حط ملفع امه بحلجه
احس عادي مافيها شي

 

[ام ميميتو]

لا تخلين الكلينكس جدامه انا ولدي عمره 10 شهور احط البطانيه بحلجه لما يكون يبي حليب او يوعان بس يمكن يكون يوعان او مكتشف شي يديد و حاب اجربه

 

[um khaled]

انا ولدي عمره 9 سنين ولي يومج هذا ما ينام الا بكفره اللي معاه من ولادته و كان يمص طرفه

وبالنسبه للكلينكس اسم الله عليه كبير كلميه بهداوه وفهميه انه غلط

 

[ديانا سبنسر]

كلميه مرة بترغيب ومرة بترهيييييييييب

 

[•Brown•Sugar•]

ماحب اخرعج بس نصيحه لاتخلينه ياكل كلينكس
لانه سمممممم والله وخطرررررررررررررررررررر
و اذا لزم الامر شيلي الكلنكس بكبره من الغرفه
انا ولد خالي كبير (16سنه) بس فيه عاده ياكل كلينكس
وللاسف ماكمل 18 السرطان ماكل دمه وعطاكم عمره الله يرحمه
الله يحفظ ولدج من كل شر

 

[أنا الثريا]

اسم الله عليه..ديري بالج عليه وحاولي تمنعينه
انا ماعندي فكرة بصراحه بس حبيت ارفع الموضوع​

 

[alhnan]

مابي اخوفج بس اتوقع هالحركه نفسيه مثل عض الاضافر
كل ماحط الكلينكس بحلجه قوليله وصخ وعلميه شلون انصنع الكلينكس كقصه ان اخذو الاوراق الوصخه وسووها كلينكس...
ومع هذا ضميه وقتها وبوسيه يمكن متضايق من شي نفسيا ...
والبطانيه والجم نفس الشي خليه يضمج وسحبيها منه شوي شوي وقوليله مو زين بدون عصبيه
ويبيلها صبر مو بيوم وليله
وبالتوفيق

 

[الجويرية]

الله يوفق اللي ردت ___ مشكورررين يمكن شغله نفسيه لانه حاليا وايد انزفه على اخته كااافر فيها ملعوزها اول اسكت الحين لا

او انه يعلج لانه جرب العلك بيبيت اهلي وحابه وانا حارمته منه

شككككككككككككككرا مره ثانيه

 

[♥MaSteRiyA♥]

ان شالله ما فيه الا العافية.. بس ديري بالج عليه
ولد عمي كان يمص أصابعه لين راح الروضة
و الأهل قطعوا عنه هالعادة بطريقة أو بأخرى

والحين اسم الله عليه بكلية الطب
الله يبلغج فيهم ان شالله ^_^​

 

[so salt so sweet]

انصحج ما اطقينه نهائيا
سولفي معاه
ونبهيه عن طريق القصص
وقوليله اللي ياكل هالاشياء تصير دوده كبيره داخل بطنه
وديه فانتسي وورلد خليه يختار لعبه من خام يمسكها وينام افضل

 

[الاحساس]

يمكن اسنانه تعوره

 

[q.u.e.e.n]

عادي عادي ياهل لي الحين صغير باجر يكبر

 

[الجويرية]

الله يريحكم دنيا واخره اللي ردو والله مضايقنتي السالفه بس ارتحت وغلى اللعاب كل الللعاب عنده من خام وغيره بس مابي يحط شي بحلجه


الله يطمنكم على عيالكم .....