طمنوني .. حار بارد عندي :(

[3zezat nafs]

السلام عليكم

صباح الخير على الحلوين

حبيباتي انا عندي استفسار .. انا حامل بآخر الشهر السادس ..

رحت الأسبوع اللي طاف للدكتورة وقالت لي ولله الحمد كل شي طبيعي واوكي ..

بس من يوم الجمعة .. لاحظت البيبي ما تحرك .. قلت يمكن تعبان ونايم ..

ويوم السبت كلش ما تحرك غير طقة وحدة بس بالليل ..

وامس نفس الشي طقة وحدة بس ..

احس بنبضة وكل شي ..

بس استغربت لان مو عوايده تقل حركته .. متعودة عليه يطق على الاقل 9 مرات باليوم .. مو مرة ..


طمنوني الله يطمنكم ..

النبض موجود واحس فيه .. بس الحركة ما احس فيها .. يادوب ..

:yaaaaaarb::yaaaaaarb:​

 

[نـعـومـه]

طبيعي لاتوسوسون

 

[كل الحلا فحبيبي]

روحي لدكتورتج عشان ترتاحين اكثر

 

[MiiMoo]

انا يت لي فترره قلت حركته بس ماذكر اي شهر بالضبط جنه بالثامن بس عادي الحين طايفه عل شهري اسبوع ومااا ولدت اهئ اهئ

 

[3zezat nafs]

رحت لدكتورتي امس وقالت لي النبض طبيعي وكل شي اوكي بس ما ادري ليش الياهل ما يتحرك ؟؟ تسلمون حبيبات قلبي ..

 

[سيلينا]

بس للعلم بنات مستحيل وحده تحس بنبضات البيبي وهي قاعده هالنبضات هي نبضاتج انتي
تحسين فيها في بطنج انا كنت احسب جذي وسالت الدكتوره قلت لي انسدحت على ظهري احس
بالنبض قال لي هذي نبضات قلبج انتي تحسين فيهم ببطنج خصوصا لي كان هدوء

يمكن كبر حجم البيبي تبدين ما تحسين فيها واضحه حيل

الله يسهل عليج

 

[عيون السعودية]

انتبهي لنفسك وراجعي الله يعينك أنا فقدت بنتي في حملي بالشهر الثامن توقف النبض بدون سبب طبي
إدعي لي ​

 

[ناتشوو]

روحي اي مستشفى حكومي وسوي تخطيط

 

[الأميرة كيرارا]

عادي تقل الحركة

 

[أهداب]

شربي اي شئ حالي مثل عصير برتقال ربيع وبيتحرك

حتي لاسويتي التخطيط يقولولج شربية لانة ينشط البيبي وتطمنين علية

 

[عبث طفله]

عادي طبيعي جدا .. يمكن اكلج مو عدل .. اشربي عصير تفاح او اي عصير فيه سكر واكلي ككاو .. راح تلاحظين انه راح يناقز يس لازم تنسدحين عشان تحسين بالحركه عدل ..

الله يطمن قلبج يارب

 

[sara pink]

حبيبتي عادي
انا في الشهر السادس
و ملاحظة نفس ملاحظتج
بس بيجوفين عقب جم من يوم بترد حركته طبيعية
بس اهم شي لا تسوسوسين

 

[3zezat nafs]

الله ماكتب لي نصيب في اليهال ..

ولدت مبجر .. والله كريم ..

الحمدالله على كل حال ..

 

[زعفرانة]

حمدلله على سلامتج

بس شنو يعني ولدت مبجر ؟؟؟

 

[AVE.NJ]

طبيعي الوسواس ماراح يهدج ليه الولادة

 

[قلب مغليك]

الحمدالله علي سلامتج

 

[ناتشوو]

الله ماكتب لي نصيب في اليهال ..

ولدت مبجر .. والله كريم ..

الحمدالله على كل حال ..

حمدالله ع السلامة
امر الله كله خيرة
الله يشرح صدرج

 

[Kawaii GiяL]

وااي عيوني دمعت :eh_s(2):
حبيبتي بعد عمري حياتي لا تضايقين يمكن خيييره ماتدرين
يارب يكون شفيع لج
و انشالله يعوضج ربي اللهم امييين
​