طمـــــــــــــ بس ـــــني

[ضوى العيون]

طمـــــــــــــّمني بس.....الجزء الاول
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~
ميثا: يدوووووووه....يدوووه ...يالله عااااد...ماصارت طلعه إلا حديقه وين بنسير نحن ...ما يرزا كل هالعدول ما بنسير عرس نحن...
اليده غبيشه: ياي هاااااااا.....شعندج تباغمين....
ميثا: لا اله الا الله من هالعيووووز ما تتفجج .... نبا نظهر ملينا عااااد من الصبح متفيزرين هنيه فالشقه
اليده: ما عليه انزين سيري شوفي آمنه و ذرذورها-عيالها- هاذيلا رواحهم ألين ما ينزلون يبالهم سنه.
ميثا: ما عليه ما عليه تراني انا و عنودي بننزل تحت و جيني عندج يوم اتخلصن لحقينا
اليده: حشا هالبنت مرعوووشه ....
ميثا: يدوووه ...تراني بعدني هنيه ما نزلت وفري المدح
اليده: سمالله .... أقول ميثا ما شفتيه برقعيه..
ميثا و هيه توايج على يدتها فالغرفه: يدووه و الله و الله انج احلا بلا برقع .... شووه هناك الشواب فالحديقه بيتخبلون عليج....و تركض ميثا من الغرفه بسرعه لانها تعرف رده فعل يدتها....الله ستر انه بوكس الكلينكس ضرب فاليدار
اليده: سود الله ويهج يا مسوده الويه....قصوري احووط في لندن بلا برقع ..
ميثا: يدوووه لا ترمسين عمرج انا بسير عند امنه
تطلع ميثا و هيه تضحك على سوالف يدتها...
ميثا...بنت في ربيع شبابها عمرها 20 سنه ..طالبه في كليه التقنيه العليا في بوظبي..بنت مرحه اتحب اتعيش يومها بيومه لانه الزمن مصـّر انه يعاندها...ضربات القدر كانت اتييها وحده ورا الثانيه...رغم كل هاذا كانت محبوبه و دلووعه يدتها .... عايلتهم عايله غريبه...تلقا فيها الترابط و الجفا في نفس الوقت....ميثا بنت مقطوعه من شيره.. أمها توفت بعد ما ربت بأختها الصغيره العنود بفتره..و ابوها اتوفا بحادث سياره عقب ما ادمن شرب الخمر... بسبت تدهور تجارته.. أخوها العود محمد أخوها بالاسم بس.... فالبدايه كان مشغول بالتجاره اللي خلاها ابوهم و بدا يبنيها من أول و يديد و عقب جذيه عرس و خذ وحده للاسف بدال ما تعوض على ميثا و العنود مّر الايام زادت الطين بله...خذ أنسانه غرها المال و الجاه و نست انه فالدنيا مبادئ و احترام لحق اليتيم.. ميثا و العنود عاشن في بوظبي بحكم انه اخوهن ولي امرهن و هوه مستقر في بوظبي...بس اللي كان مصبر ميثا هوه حنان اليده غبيشه و عمتها موزه اللي مستقرين فالعين...العمه موزه تحاول انها اتكون مثل الام اللي عمرهن ما حسن بحنانها...
ميثا و هيه تدق على باب شقه عمتها مووزه....هوود ياأهل الباب لمبوب ...يوم تم الوعد يناكم
امنه و هيه تفج الباب: مرحبا مرحبا .....بسم الله الا هالشيفه اتحراج سعيد
ميثا: لا والللللللللللللللللله ....اتعرفيني اني انا ...يالله اتزهبتن ولا لا
امنه: عمتيه موزه ما بتسير سارو هيه و سعيد عند عرب
ميثا : يا سلااام على عمتيه ما شا الله عليها اشتغلت السي ان ان وين لقت عرب اترابعهم
امنه: حوووه..هاذيلا اهل ريال يعرفه سعيد و قالو بنسّير عليهم
ميثا: المهــــــــم...يالله بنحـــــّول وين عنودي زقريها
امنه: و يدتيه غبيشه؟
ميثا: بتيي ويا جيني
امنه: عزاااات ما سرنا اليوووم ....اقولج نزلي العيال و عنودي و انا بييب يدتج و بلحقكن
ميثا : امووووووون....شوه هاذا الا حديقه جيه اربع ساعات حرام عليكن
امنه: انزين أنا شووولي خص هاي يدتج .... تعرفينها ...و بعدين خافي ربج شوه اربع ساعات إلا من ساعتين قررت السلطات العليا( اليده) انها تظهر..
ميثا: اوكي اوكي بس بسرعه.... بصراحه ولدج منيصير صرصور ما اروم اسيطر عليه
امنه: لا والله هاذا منيصير على قولتج تاج راسكن
ميثا: ادري ادري تاج راسنا... قولي قرووون راسي اللي طلعن منه و من صدعته
العلاقه بين ميثا و حرمت سعيد ولد عمتها موزه علاقه حلوه...امنه الانسانه الوحيده اللي قدرت تكسب ثقه ميثا لانهن من نفس السن تقريبا و امنه اكبر عن ميثا بثلاث سنين...و امنه اتحس بمعاناه ميثا و هيه الوحيده اللي تقدر ظروفها
في هولند بارك...( هاي الحديقه بالعاده ما فيها عرب وايد ...يعني مناسبه للعوايل)
ميثا: هاه يدتيه شوه المعنويات؟
اليده: ايه ميثوووه ارمسي رمسه عدله لا ألمّج بهالعجويه ( عصا ) علا راسج
ميثا: بسم الله بسم الله و سكنهم في مساكنهم شكلهم اليوم مالهم بارض علينا
اليده: عيل شوه هالرمسه المخبقه....شوه عيونيات؟
ميثا: ههههاي ...و الله يا يدتيه انج طماشه متحركه....معنويااااااااااات.... يعني شوه الهبّــــــــات؟
اليده: و الله يسرج حاليه.... يا بوي نحن ما نصبر عن لندن بس يعني بلاه طرووق هالطياره حشا 7 ساعات
ميثا: يدتيه يعني ما تعودتي..كل سنه ترانا هنيه و الله اني مليت منها حشا حتا حارس الحديقه يعرفنا.. يدتيه شوه رايج المره اليايه بنيي على صاروخ و مره ما بتحسيبه الدرب
اليده و هيه تطالع ميثا بنص عين
اليده: حشميها الرمسه ميثوووه....اشوفج اليوم مره هب طبيعيه...شربت شي من الغراش اللي فالفلاجه؟
ميثا: ههههههههه....لا تقولين الغراش الخضر...تراني سرطتهن كلهن...بعدين اسمها ث ث ث لاااااااجه
اليده: و الخيـــــــــــــــــــــــيبه اشوفها البنت هب صاحيه..بعيد بعيد سيري عني ما فيني على البلاوي
ميثا: و أهون عليج أنا ميثاني شيخت العرباني بنت عبيد
اليده: و الله هاذا اللي مصبرني عليج...من وين يبتيه هالغلا؟
ميثا: من غلات المرحوم...ليته بس حي ..حسبي الله على اللي كان السبب....و بدت ميثا تغني حق يدتها...
مع نسمات الهبايب أندبتله و حييت ... شوقن و عطرن ذايب و من الشعر له بيت
محلا ملاقا الحبايب عقب السفر لي ييت....لي من نظرته لايب رحبتبه و بشيت
اليده: و بشيت... بتخبرج وين سارت امنه
ميثا: امنه سارت اتطالع العيال...
اليده: سيري قوليلها يالله انروح المغرب هاذا ما فينا العيال اتييهم مضره؟
ميثا: ليش شي مضره هنيه بعد... اتحرا نسيناها فالبلاد
اليده: تتطنزين انتي ...يوم تصقعه واحد منهم ينيه هاذيج الساعه هاتيله انتي مطوع هنيه و عالجيه
ميثا: و الله منصووور بروحه يني ما يحتاي.. لو اتشوفه الينيه بتسّمي على عمرها ....الا فديتهن انا نوره و عليا ما يغثن حد
اليده: عااد كله و لا منصور ....ما يسونّه سيري سيري بسج من هالهذره
ميثا: لا و الله محد مخرب الاولاد غيرج انتي ....هاكوووه عمي علي محد مخربنه غيرج
اليده: يااااي ها و شوه بلاه عمج علي... ادريبه ما يســّر فالدراسه بس فديته ما جد غــثــنيه
ميثا: بتخبرج يدوووه ...مب جنه عمي علي وايد اصغر عن ابويه الله يرحمه و عمي سلطان و عموه موزه
اليده: و انتي شله اتخبرين عن اللي صغير و اللي عووود
ميثا: بسوي تعداد حق السكان...يعني يدوه عمي عممممممي شوه فيها لو سألت
اليده: يا بنتي انا طيحت وايدعقب عمج سلطان.... ويوم االله كتب عطاني علي
ميثا: المهم يا ام عليوي انا بسير اشوف امنه
اليده: سيري سيري يا بوي انتي لسانج ما انروم عليه سيري طالعيهم
فالسياره....

اليده: ايي انته وقف منيه عدال حديقه
ميثا: ايه يدوووه اتحرينه انتي أمين اترمسينه جيه
اليده: وااابويه ....قوليله ايوقف
امنه: وين بعد ايوقف يدتيه ترانا رادين الشقه مب انتي اللي محتشره
اليده: لا لا انا بمشي شويه احس انه ريولي يعورنيه متورمات عقب الطياره....هاذيج الحديقه اللي عدال الشقق
امنه: خيبه يا يدوووه...الهايد بارك مره وحده و الساعه أربع العصر !!!!!
اليده: انزين شووه فيها عيل من الحين بتفيزر فالشقه
امنه: يدوه تراج انتي اللي طلبتي انا انرد
اليده: لالا عشان اليهال انتن والعيال ردو الشقه و انا و ميثا بنمشي و بنلحقكم
ميثا: شوه شوه شوه .....الهايد باااارك و انا بدون عباه ....لا و الله عشان سعيد ايحش ريولي
اليده: و انا شوه اتشوفيني يااااعده...تراج ويايه
ميثا و هيه تستنجد بآمنه:
ميثا: الله يخليج امنه شووفي هالعيوز خرفت انا مب لابسه الا سكارف و بعدين لبسي مزرزر
امنه: و انتي حد ايسير الحديقه ببدي و تنوره جينز زاره
ميثا: لا والللللله هاذي الا حديقه صغيره محد فيها .....شدراني بمخططات الملكه اليزابث...يا بوي تبن اتسيرن سيري انتي و امنه .... انا ما فيني على حشره سعيد شوه يعني ريلج ما تعرفينه
اليده: اقولكن وقفن يعني وقفن....و انتي يا ام لسانين يوم تبين محد يرومج....يالله وقفن
ميثا: اوهووووو يدووه...

 

[ضوى العيون]

طلبت ميثا من الدريول انه يوقف ونزلن هيه و يدتها
ميثا و هيه تنزل من السياره و اتشوف امنه بنظره العنز اللي بيقصبونها.....
امنه: حظ مووووفق انسه ميثا ....سي يو افتر الهزززززززززبه
ميثا: ألتعني انتي بعددددددددددد ...هالعيووووووووز رااااسها يابس حشا عزرها غير بعد
فالحديقه....ميثا و اليده يتمشن فالحديقه...و ميثا تحاول تدور اقصر درب ايودي للتقاطع اللي عنده موجوده الشقق....لانه لو شااافها سعيد بسويلهن حفله و عادي يحرّم عليها السيرات مره ثانيه
ميثا: شوووه هاذا يدووه امشي بسرعه ما تشوووفين الشباب ماكثرهم اتقولين ذباب...و أكيد حد من ربع سعيد بيشوفج و بيفضحنا
اليده: و انتي شوه تبينهم الشباب اتغشي يالله اتغشي
ميثا: لا و الله ..... اي غشوووه الله يخليج...عنادن فيج لا بتغشا ولا شي
اليده: و الله انتي ما تنرامين انتي محد بيكسر رقبتج غير العرس...يوم انرد البلاد بيوزج
ميثا: ههههههاي....و الله .....يا الله شبركها من ساااعه يوم بفتك من الصدعه
اليده: منووه الصدعه يا مسوده الويه.
ميثا: منوه قال صدعه....الله يهداج انا قلت الصرقعه...يعني يوم بعرس بعقل
اليده: يا خووفي يشرد الريل من يشوووفج
ميثا: لا و الله.... شوه يدووووه حرام عليج ( تعرفون البنات يوم يطرولنهم العرس يونهن يستحن)
اليده: و الله يا بنتي انتي شيخه البنات....مزيونه و بطرانه...يوم خطبج ولد سالم بن راشد شله رديتيه
ميثا: لا حووووول ردينا ....يدتيه اتسدني صدعه عمي علووووه...كل يوم و يايني بمعرس يا ناس ما با عرس
اليده : واااااابوويه ...رمسه يديده هاي بعد...ما عندنا بنات ما يبن عرس
ميثا: ولد سالم بن راشد خدييييه انتي اروووووحج شفتيه....تبني اخذ واحد جيه
اليده: و الله يابنتي هب خديه...انتي اللي قويه انتي يبالج واحد ثوور ييلس ايناطحج طول اليوم
ميثا: يدتيه لا تغيرين السالفه انتي تعرفين انه استغفر الله حتا مب ريال....و اسمحيليه على هالرمسه
اليده: و الله يا بنتي شوه اقولج....شوه بلاهم الشباب اليوم كل واحد مستوي جيه ماصخ وينها المرايل الحين الواحد ما تعرفينه حرمه ولا ريال.... كشيشهم ألين جتوفهم و الشغاب في ذنيهم
ميثا: شفتي و تبيني اعرس بعد خليني جيه احسلي
اليده: انزين وولد يابر بن سعيد ... تراهم مرمسينا و الين الحين ما ردينا عليهم
ميثا: يدتيه بس بس خلاص .... هالمصرقع ما باه
اليده: شوه بلاه هاذا بعد
ميثا: هاذا الا من رباعت عمي علي لا شهاده و هايتين فالمولات...بعدين يدتيه العنود اختيه منوه لها غيري
اليده: عنبوه و نحن هب تارسين عينج.... و البنت هي اللي تعقل الريال
ميثا: بس مرض العنود يا يدتيه مرض خطير ....و انا ما صبر عنها و هيه معتمده عليه و انتي تعرفين انه قوم يابر ساكنين فالعين و انا ما اروم اخلي عنودي عند الوغده فطيمووه
اليده: عيل يا بنتي انتي ما بتيلسين حارستنها طول العمر....و بعدين هالرمسه الماصخه لا تقولينها مره ثانيه هاي فاطمه حرمت اخووج و ام عياله
ميثا: يعني يا يدتيه يونج ما تعرفين انها هيه اللي مغيره محمد علينا... ما يسأل عنا و عياله ما نشوفهم الا فالسنه حسنه....و حلالنا هاكيه تتهنابه في سويسرا و ايطاليا و هوه يركض وراها شرات الصخله
اليده: و الله يا بنتي انتي ما تنغلبين فالرمسه .... حشا يا بنتي اللي يسمعج ايقول مضيعه المذهب
ميثا: يالله يدتيه انسير قبل لا يرد سعيد ولد عمتيه و يغسل شراعنا...
اليده: يالله انسير اشوفه هالماصخ مب طايع ايفارج...المره اليايه هاتي عباتج وياج
ميثا: لا و الللللللللللللللله....عباه في لندن شوووه بات مان...لا لا مابا
اليده: اتشوووفينهم من الصبح يتخطفون و يطالعونج.....
ميثا: يوم قلتلج ما طعتي تبين تتمشين فالهايد بارك مره ثانيه بنيي الظهر ولا الضحى
اليده: عن هالقواه....يوم اقولكن شي اسمعنها الرمسه...
و هن سايرات صوب البوابه....
غانم: اقول بطي وينه عبدالله ماله شووف؟
بطي: و الله عبدالله حلجه يعوره..أتصدق انه من ست شهووور و هالبلاعيم فيه
غانم: أعععععععع...شوه هاذا شله ما يتعالج؟
بطي: وين يتعالج انته بعد...يابوله دكتور بس مادري هاذا الريال كل شي يأثر فيه
غانم: انزين والاجازه كم بتطول؟
بطي: اسبووعين بس يا خي بموووووت تولهت على البلاد
غانم: انزين ردوّ
بطي: لا شوه انرد ما بيواحيلنا انتهــّنا... قلنا هالاجازه بنخلصها على الغزلان اللي هنيه في لندن قبل لا نرد الدوره .... و يوم اتيي اجازه الكريسمس بنرد مره وحده البلاد
غانم: و خيبه بتتريون الين ذاك اليوم؟
بطي: شوه انسوي بعدها لندن فالصيف يا حيها يوم انتو فيها ... شوه اتقول يوم يعطونا اجازه فالشتا انحس بالملل
غانم: و الله هاي كليه الطيران محد غصبكم عليها.....و اللي يبا الدح لا يقول أح
بطي: ياخي مستقبل....و الله لو مب عبدالله جان ما تحملت...و بلادنا يا غانم بلادنا حاطه الامل علينا...و بعدين الحين يوم ما بقا شي عن التخرج اتقولي جيه .
غانم: امحق امل جان عليك انته يا بطوووي و عبدالله ...
بطي: يا ريال شووووف شووووف هاذيج الغزال
غانم: وين وين؟
بطي: هاذيج اللي سايره صوب البوابه
غانم: الله يخليك ستين الف وحده عند البوابه اي وحده
بطي: هاذيج اللي لابسه شيله ملونه و عدالها عيوز مبرقعه....قم قم بنلحقها شكلها هاي فرش
غانم: بعدك انته على هالسوالف....يا بوي هن الحين اللي اين عندنا مب نحن نربع وراهن
بطي: يا ريال انا من زمان ما شفت وحده من البلاد انته اللي شبعان قم عاد
غانم : لا حووووول .... سر انته و انا بيلس اترياك هنيه.
بطي: خلاص عيل ...
بطي و هوه يتقرب من ميثا و غبيشه: لي صاحب خذني بزينه.عن كل مزيون و رعبوب.روحي غدت بأمره رهينه و القلب من نظراته ايذوب... الله الـــــــــــــــــــــــــــــــــــــله على الصناعه الوطنيه محلاها...
ميثا في سرها لا يا ربي ما فينا على الفضايح .... الحين العيوووز بتسوي فضيحه
بطي: اقول خالتيه؟
اليده: بتخبرج حد يرمسنيه؟
ميثا: لا لا محد خلينا انسير اشوفها الاشاره الحين بتغدي خضرا
بطي: هيه خالتيه انا ارمسج؟ شحالكم؟
اليده: الحمدلله...خير ابويه شوه في خاطرك؟
بطي و هوه حاط عينه في عين ميثا....
بطي: هاي المحفظه محفظتكم؟
اليده: لا بويه
ميثا: هاي محفظه رياييل مب محفظه حريم.... يالله يدوه انتوكل
بطي: من وين انتو ؟ من الامارات
ميثا: شوه رايك مب اتقول صناعه وطنيه و البرقع خير دليل.....اليده تضرب بكووعها ميثا
اليده: هيه يا بويه شوه تبا؟ جانك ضايع سر السفاره هم بيساعدونك
بطي: ههههههه....لا بس اتذكرت اهليه يوم شفتج
ميثا....و بصوت واطي عشان ما تسمعها اليده
ميثا: سبحان الله ليش فاقد الذاكره
بطي: اسمحيلنا خالتيه بس نحن ندرس هنيه و من زمان ما شفت هليه حول 3 شهور
اليده: هيه يا بويه الله يوفقكم ...شي في خاطرك نحن انترخص
بطي: لا سلامتكم بس ما تبون رقميه جان احتجتوا شي
اليده: لا لا بويه .... نحن كل سنه انصيف هنيه انعرفها لندن شرات ما نعرف البطين
ميثا: خيبه يدوووه فضحيتنا باقي اتقولين الاسم بعد...يالله يالله انسير
اليده: برايك بويه
بطي: الله يحفظكم و يحفظ غاليكم ...فداعت الله
غانم: ها بطوووي بشر اشووف طيحت العيوز
بطي: شت عليها محلااااها.....ولا الجسم شفت انته مب هاذيلا اللي انشووووفهن اتقول هيكل عظمي
غانم: هاذيلا ما يسمونهن هيكل عظمي ايسمونهن موديلز...بعدين قولي و بعدين؟
بطي: ولا ابلين....ما رمت اتفجج من العيوز بعدين تبا الصراحه شكلها البنت ما تبا ..
غانم: ولا يهمك باجر الاحد بنسير سلفرج و هارووودز بتلقاهن متروساااات بنات و هات عبدالله الورقه الرابحه
بطي: و ليش نحن مانكفي
غانم: تكفي و توفي .... بس تعرف عيون عبدالله لهن تأثير غريب على البنات(يتطنز الحبيب) ... هوه ايشوف و نحن انرقم و يزيد العدد..
بطي :ههههههههههههههههههه.... مب توك اتقول طريقه متخلفه
غانم: مب منك من اللي يبا ايلقطلك بنات
بطي: شوه الفايده بنرد الكليه عقب اسبووعين
غانم: انزين اتهنا كل يوم بنت المجموع 14 رقم قياسي
بطي: شووه هوه تسويق..قم قم عازمنك على العشا
غانم : يالله....
~~~~~~~~~~~~~~~~~~~~~~~~

 

[ضوى العيون]

في غرفه ميثا..
امنه: هاه بشري شوه صار؟
ميثا: ولا شي شوه يعني بيصير.... ما يت عموه موزه
امنه: اكيد يت بس العيال عندها.... الحمدلله الله عطاني حماه اتفكني من صدعه عيالي
ميثا: و سعيد؟
امنه: سعيد بعده ما رد.... شوه على وين ناووين باجر؟
ميثا: خاطريه انلف لف على الاسواق بس ... و ما نبا انشل العيال
امنه: لا و الله و الكتـــــيبه اللي عندي؟
ميثا: التوأم و حمداني خليهم عند عمتيه و يطلعون ويا يدتيه كالمعتاد الحديقه.... انا ما فيني اسير وياها مره ثانيه....( لا تقولون عيال امنه وايد تراه حليلها ميوزينها وهيه ام 16)
امنه : بس عموه ما بتطلع.... خلاص بنشل منصورويانا و عنودي
ميثا: لا لا ما فينا على عنودي... كل شوي بتقولنا تعبت و بيغما عليه خليها هنيه ويا الممرضه و عموه موزه
امنه: تمام بس متا الطلعه؟
ميثا: عقب الغدا عشان منصور ايكون خف نشاطه....و ابا ارتاح شوي عقب التعب الله يهديها يدتيه تمشي خطوه خطوه
امنه: خلاص عيل بخليج بسير اشوف سعيد...تصبحين على خير
ميثا: و انتي من هله
يوم الاحد....الساعه 3 و نص العصر ... سيلفردج
امنه: اقول ميثاني انا تعبت ابا اشرب شي عطشاااانه
ميثا: انسير الكوفي شوه رايج
امنه: لالا و لو حد يشوفنا
ميثا: خليه ايشوف شوه يعني نسوي نحن منكر؟؟ بعدين اليوم الاحد الكوفي كله انجليز
امنه: اوكي
بعد ما طلبن البنات قعدن يرتاحن شوي
امنه: ميثوه خفي من الرووووج شوي شوه سايره عرس
ميثا: شوووه الا جلوس ما حطيت شي زياده...اووووووبس
امنه: خير شوه بلاج الحينه غصيتي بالاكل؟؟
ميثا: ولا شي ...بس هاذيلا الله ياخذهم
امنه: منوه؟
ميثا: لا و اليوم بعد الشله اكبر... يا سلام و كاشخين....ايه ايه لا تصدين
امنه: عن منوه ترمسين انتي
ميثا: وراج شله مصرقعييين اماراتيين...و الله الشيف تنعرف ... ولا الكشخه
امنه: و انتي شدراج بهم؟
ميثا: ادريبه واحد منهم لاحقنا البارحه انا و يدوه فالحديقه....يونه مشبه على هله
ميثا + امنه: ههههههههههههههههههههه
امنه: اممممحق حجه
ميثا: نشي نشي شكلهم شافونا انسير بنظهر
امنه: لا و الله و اخلي ولديه الايس كريم في خاطره...طبيهم..اووهوو منصووور شوه هاذا خيست العباه.... بسير اغسلها لا تتحركون
ميثا: سيري و ردي بسرعه تعرفيني ما اعرف اتصرف في مثل هالامور
امنه: هههههههههههههه... وينه اللسان الطويل...طلعي مواهبج
ميثا: فارجي فارجي
.........
غانم: بطوووي مب هاذيج شووقك
بطي و هوه فااج ثمه: منوووووه
غانم: هاذيج اللي يالسه هناك و عندها الولد
عبدالله: يا سلام لحقت اتحب انته بعد...حشا الا يومين ما شفتك فيهن تلعب بذيلك...وينها ؟
بطي: اي شوووق انته بعد مب كفايه القـفطه البارحيه
عبدالله: شوه اللي استوا
غانم: ولا شي الريال نشـّن عليها بس هيه طنشته
عبدالله : هههههههههههههههه...يا حليلك يا بطوي
بطي: شوه اصغر عيالكم بطووي...و بعدين انا ما كنت معزم ولا اتخسي هيه اتردني
غانم: يالله عيل قوم رونا شطارتك اذا رقمتها لك اللي تباه؟
بطي: لا لا ابا اكل البيتزا( بطوي شخصيه طفوووليه ...ايموت في شي اسمه اكل...حتا رمسته ما تقول واحد فالكليه)
عبدالله: هاه الخوااف شوه تغلبك بنت ؟
بطي: انا ما يغلبني حد غير ربي....انا اطير طياره بتغلبني هاي قوم 16 سنه
عبدالله : و الله عيووونها ايطحن..
بطي: يا سلام لا تستعرض عضلاتك جان فيك خير نش انته و رقمها؟
غانم: عاشو عاشو...
عبدالله : انا اتنزل و ارقم ....لا لا حبيبي مب مستوايه
غانم: يالله بطووي رونا مواهبك
من الفشله و الضغط عليه اضطر بطي انه ايقوم
مر عدال الطاوله بس ما قدر....و ميثا فهمت شوه السالفه
غانم: باااااانت المرايل
بطي: ياخي يوووووعان و انا ما روم اركز على شيئين مره وحده
عبدالله: قول قول ما قدرت...شوه طيحتك؟
بطي: خلاص نش انته و رقمها
غانم: يالله بو حميد الدور دورك
الكلام استفز عبدالله فقام و هو مصر انه يرقمها و فالنهايه بيعطيها رقم غانم خلها اتطيح في جبده..مشا عبدالله صوب البنت..و هو في خاطره شوه اقولها ...شوه هالنشبه اللي انتشبت بها...ما عليه بقلد غانم و هوه يرقم( تراه عبدالله مب راعي هالسوالف و البنات في حياته اخر همه).
عبدالله : السلام لأحلا غرشوب
بدت ميثا ترتجف من الخوف و ما عرفت شوه اتسوي....وينج يا امنه الله ياخذ بليسج وقته الحين هاذا( لا تغركم القواه....من برا هالله هالله و من داخل يعلم الله ...ولا تنسون سعيد و تهديداته)
بدا عبدالله ايكلم منصور: هلا هلا بالشيخ شحالك؟
منصور: بخير ...منوه انته؟
ميثا: اخويه بتفارج ولا ؟
عبدالله: انا عبادي ...تبا ايس كريم

ردة فعل ميثا كانت غريبه..صح أنه ربيعهم و سوالفه نفس سوالفهم بس حست انه عاقل و مب راعي فضايح..وقامــــــــــــــــــــــت ميثا في هاللحظه و من دون احساس سوّت حركه ما توقعت انها في يوم اتسويها!!!!!

شوه تتوقعون سوت؟؟؟
و شوه ردت فعل عبدالله و ربعه؟؟
>>>>>>>>>>>>>>>>>>>>>>>>> انتظروا الجزء الثاني

 

[ضوى العيون]

غانم: خيييييييييييييييييييييييييييييييييييــــــــــــــ ــــبــه....
بطي: شـــــــــــــــــــــــــــــــــــــــــــــــــ ــــــت يا أخي ألحق انا اعرفه عبدالله بيجب العصير في ويها ألحق ألحق لا يفضحنا.....
غانم: تستاااااااهل خله يجلب الطاوله بعد عليها ..... يا خي ما يرزا تزقر السيكيورتي ( رجل الامن)
بطي: يا بووووووي هاي قوووووويه ....انسير انتفاهم ويا السيكيورتي قبل لا يتهمونه بقضيه تحرش و قضايا ( عاد الانجليز ما شي تفاهم سيده محاكم و بلاوي)
غانم: شووووه قضايا أنته بعد....قم قم لا انتورط نحن بعد
ردة فعل ميثا كانت غريبه وااايد ..صح انها معرووفه بطولت لسانها و قوة شخصيتها بس هذا كله ما تطلعه الا فالبيت او مع اهلها... بس انها تستدعي السيكيورتي و اتقدم شكوى على واحد من عيال بلادها و هم فالغربه ما كانت متوقعه ابدا!!!!!!
تمت ميثا اتراقب الموقف....حســـّت باللوم ....قعدت اتراقب عبدالله و هوه ايكلم السيكيورتي مان..و تمت تدعي في خاطرها انه ما يستوي شي و انه الموقف يعدي على خير...و بالفعل هاذا اللي استوا ...عبدالله كان يتمتع بشخصيه دبلوماسيه و قدر يطلع من الموقف مثل الشعره من العجينه..
غانم: ها عبدالله شوه اللي استوا؟
عبدالله: و لاشي تفاهمت و ياه و فهمته الموقف؟
بطي: كيف يعني فهمته ؟!!!
عبدالله: هاذا سر المهنه .... عشان يوم تتورط انته و يبلغون عليك تروووح فيها.
غانم: أقولكم شباب خلونا انتوكل ...
عبدالله: وين سارت البنت؟
بطي: ذلفتها ان شا الله انسير انسير شوه تباها بعدك؟
عبدالله: ابا استسمح منها...و الله اني متلوم فيها..لاتنسا نحن الغلطانين
غانم: سمع انته انسير انسير و الله و الله لو اشوووفها بروووويها الخامه
عبدالله: لا تقووول جيه
غانم و هوه فاااااج عيونه : ليش ان شا الله
عبدالله : مادري مادري خلونا انسير عازمنكم على مارّووووش
بطي: دامن السالفه فيها غداااااا.....يالله انسير
غانم: بتخبرك انته ما يطعمونكم شي في الكليه؟
عبدالله: يعني ما تعرفه بطوووووووي يقضي على الاخضر و اليابس حتا عشايه ماذوقه من كثر ما يبصبص فيه
غانم: ههههههههههههههههه
....................
فالسياره
امنه: ميثا ليش سويتي جيه؟ يعني ما تعرفينهم لو طنشتيهم ما بيقولولج شي؟
ميثا: ياختي قهروووني...كل شوي واحد متخطف.
امنه: ميثوووووه...ستين ألف مره قلنالج لا تتعدلين يعني حطي روج خفيف و بس لازم جحال و لبس كشخه
ميثا: لا يا حبيبتي لو انا ام السعف و الليف بيلحقونا....ماوراهم شغله الا يأذون بنات الناس و بعدين انا اليوم مب متجحله...و اذا على اللبس يعني الله منعم علينا شوه يعني ألبس يونيه و اطلع
امنه: و الله ما دري شوه اقولج خليني اتصل بالعيال بشووفهم وين يا خوفي اتخطفهم جيني على هاجن داز ما فيني على البلاعيم
ميثا: الله يخليج اسأليهم عن عنودي و اذا خذت دواها ولا لا .. تبين تاكلين سندووويجات شااااااورما؟
امنه: اللي تبينه سويه انا ما رووم عليج ..... اذا يدووه غبيشه ما رامت تروضج يعني انا برووم
ميثا: انزين احسن جيه ..... انا امر و انتي تنفذين....مايك روح ماااروووش( طبعا بالانجليزي...تربيت المدارس الخاصه)
امنه: لا لا لا .....ميثوووه بسنا فضايح
ميثا: سعيد ريلج و استأذنا منه شوه بعد؟؟؟؟
امنه: ياختي ما احب الاماكن الزحمه؟
ميثا: سمعوووووو انتووووو ايه نحن مابنحوووول حلاتنا و نحن متفيزرات هناك بيكنسلوون ويزنا و بيردوونا البلاد
امنه: هههههه انتي تكنسيل بس.. انا بيعطوني حكم مؤبد في بيت ابوويه...منصور باباتي شوه فيك؟
منصور: ماماه بطني يعورني ابا ازوووع
ميثا: شووووووه ... لالا الله يخليك ما فينا على الشلالات اصبر شوي يوم انرد الشقه
منصور: شووه ثبر ....ماروم ماروم تبيني ازوع في ثبااانج ( عاد تعرفون اليهال يوم ايعزرون)
ميثا: لاااااا الله يخليك شلي و لدج انتي و نزليــــــــــــــــــه شوه هالارف.
امنه: أررررررررررررف في عينج...منصور باباتي زوع زوع عادي على عباه خالوه ميثا ما تباها المره اليايه بتلبس يونيه
منصور: و الله؟؟
ميثا: ايه ايه صرصوور صدقت انته؟
منصور: ماماه قوليلها انا مب ثرثوور ترا و الله اخبر باباه عن هالريال اللي اليوم كلمها بخليه يعطيها بووووكس...هيه اثمه عبااادي
ميثا و هيه فاااجيه عيوونها:
ميثا: الله يعـــــــــــــــــــــــــــــــينا صرصووور بـيـــه و يهدد بعد...اسكت لا افـــّرك من الدريشه الحينه و افتك من هالشيييفه
امنه: شو يونج ما تعرفيه منصووور وكاله انباء متحركه....
ميثا: سمعت رويتر تباه مراسل عندهم بس ما صدقت بجتلللللللللللللللللله..... يالله حول حول بوديك الحمام
امنه: لا أأأأخخخخخ هاذيلا حماماتهم امراااااض خليه ايزووع علا عباتج و خلاص( امنه تبا ترفع ضغط ميثا..تعرف انها متروعه من منصور لا يخبر ريلها عن كل اللي استوا)
ميثا: لا و الله يالله حول حول
اضطرت ميثا اتنزل الولد الحمام الموجود فالمطعم بسرعه قبل لا يزوع و ما انتبهت انه حمام مخصص للرجال..طبعا شله الانس يالسين يتغدون و في نفس اللحظه اللي هيه داشه فيها لمحها غانم و عبدالله في نفس الوقت و الحبيب بطوووي يالس يترس بطنه
غانم: ياااااابها الله لدربي هديه .......و الله و الله يرويها
عبدالله : غانم عيــــّن خير وصك الدعنه..
بطي: طبووووووها عاااد
غانم: انا متوعدلهاااااا حد قالها تحط راسها براسي و الله يا شرشحها
عبدالله: ايه هاي بنت بلادك اتهون عليك ... بعدين انا برويها على طريقتيه
بطي: عبادي لا تذل عمرك ما حيدك جيه ... ما تحيد هاذيج الكويتيه اللي ترقمك ...و الله يا غانم لو تشوووف شقايل مسح بها الارض
عبدالله: انا بتصرف ....و نش عبدالله و سار التواليت و دش و لقا ميثا يالسه اتمش ثم منصور بالكلينكس و يالسه اتقوووله
ميثا: تعرف منيصير.... انته يوم بتكبر محد بياخذك غيري
منصور:خاااالووووه ميثا.... ماباج انتي شريره انا ابا عنووووودي
ميثا: عنووودي في عينك ... احمد ربك يوني انا الشيخه اتنزل و اخذك انته الصرصور... بس ما حد مربنك غيري و ما حد بيأدبك غيري
منصور: ماحبج .... انتي دووووم تقوليلي منيثير ولا ثرثور....
ميثا: منصور الغالي الشيخ لا تقول حق باباه عن الريال اوكي....ولا بعدين ما بيخلينا انسير ماكدونالد وما بيخلينا انرووح مكان ما تبا اتسير ليجو لاند ولا تشيزينتون ادفينتجر؟
منصور: هيه ابا
ميثا: عيل خلاص لا تقول..... بروووومس
منصور: برومس
ميثا: فديت الثرااااثير انا...و أول ما ألتفتت ..انصدمت...لا يالله مب هنيه بعد ... أكيد مب هوه انا اتوهم ..بس نفس الريال نفس اللبس........و نفس لون العيووون
عبدالله: مرحبا أختيه
ميثا نزلت منصور و شلت شنطتها و على طووول تبا تطلع
عبدالله: أقول اختيه ممكن شوي ... انا با استسمح عن اللي سويته
هنيه و قفت ميثا .... تستمح.... انا اللي مفروض استسمح .... بس انا ما روم اتكلم قلبي يدق و احس به بيظهر من حلجي...

 

[ضوى العيون]

منصور: عبادي شووفي خالوه عبادي
ميثا: اصصصصصصصصص
عبدالله و هو ينزل لمستوى منصور: هيه انا عبادي انته شوه اسمك؟ جني شايفنك مكان
منصور: انا منثووور سعيد حارب ال... و تحط ميثا بسرعه ايدها على ثم منصوور
ميثا: حسبي الله على بليسك ....و تشله بسرعه
عبدالله: مممممـــ .....ميثا؟
ميثا في هاللحظه حست جنه حد طعنها او جب ماي بارد على ويها ما ألتفت بس وقفت...
عبدالله و هو يحك راسه من الربكه: سوري.....
بس هاي اللي طلعت ... سوري بس .. شوه فيك عبدالله وين اللي بيشرشحها....وين اللي بيهزأها...ماروم ما روم ماروم
طلعت ميثا بسرعه من المطعم و بالصدفه لقت سعيد ولد عمتها واقف عدال الباب..
سعيد: هاه ميثا شوه اتسوون هنيه؟
ميثا: هاه....ولا شي ولا شي...بس كنا طالبين سندويجات و مايك كان بيبهن
سعيد: عيل ليش محولين ما تشوفون المطعم متروس؟
ميثا: منصور كان بطنه يعوره و يبا ايزوع نزلته الحمام( عاد كله ولا منصور يسوا عيون سعيد)
سعيد: هاه باباه شي يعورك ألحينه؟
ميثا: لا لا ما شي شر ... برايك عيل سعيد شي في خاطرك؟
سعيد: لا بس بسكن هوووامه سيرن هناك يدتيه غبيشه ارووحها فالشقه
ميثا: ان شا الله يالله فداعت الله
سعيد: الله يحفظكم
غانم: شووووف الحبيبه .... اترمس الريال اللي برا
عبدالله: أي ريال؟
غانم: هاذا اللي ألحين ايفج الباب
عبدالله: و الله ..... بس هاذا سعيد بن حارب
بطي: هيه اتصدق من زماااان ما شفته جنه ما أيي العين ألحينه..
غانم: سعيد ولا جحا.....المهم عطته ويه
حس عبدالله بالغصه....ليش ما يدري ...شوه فيه يعني سعيد زياده عنهم ... بعدين هوه معرس و عنده عيال... انزين برايها البنت اتسوي اللي تباه انته شوه يخصّك... يخصني شوه ما يخصني مب كفايه الضيجه اللي في قلبي من شفتها وياه.
غانم: بتخبرك عبدالله انته شوه قلتلها
عبدالله: ما قلتلها شي ....
بطي: شووووووووووووووووه.....و الله و الله انك ثور
عبدالله : في حمام الحريم شوه تباني اسوي يعني اعــــــــــــــــــــفد عليهن عشان أيتم البغيم شال الدنيا...
غانم: بطوووي حرام عليك ...راعي مشاعر الريال توّه ظاهر من قضيه تحرش
بطي: ههههههههههههههههههههه.... قضيه تحرش هيه بس للأسف هوه المعتدى عليه...هههه
عبدالله فضّل انه ما يرد عليهم يعرفهم ربعه يحبون السوالف....و بعدين شوه بيقولهم لا ترمسون عنها..ليش يعني.. على اي اساس..على أساس اللي أحسبه صوبها كل ما شفت عيونها... شوه يعني يا عبدالله....شوووووه...طب عنك هالسوالف و هالخرابيط..انته ما تحس بشي ..عيل نبض قلبي ليش زاد...ليش اشوووفها و تتراوالي كل شوي و هيه ترمس الولد....الولد؟؟ّّّّّ!!! هيه صح الولد..
غانم: عباااااادي....
بطي: الريال خلاص اترحم عليه
غانم: بهجت العمر و العين ضيّه فك وده غلايق وثاقي ... و رحت لسيوف عينه ضحيه لاهب الشوق نازل و راقي
بطي: بس نازل وراقي....عبدالله شكله خلاص دق العداد عنده
عبدالله: بس عاد.... الولد ولد سعيد
غانم: شوووه
عبدالله: الولد اللي عند ميثا ولد سعيد و جنها هيه خالته ....و أكيد سعيد بيرمسهم دام شاف ولده
بطي: شت شت شت .....ميثا مررررررررررررررره و حده ياللوووووووووووتي
غانم: ياخي انا اعرف بس هوه ما يباها الا حقه و لا بذمتك شدراك انها ميثا...لا و سمع الجذذذذذذب حمام الحريم و ما روم ادش
عبدالله: و الله و الله انها مب هيه اللي قايلتلي سمعت الصبي يزقرها خالوه ميثا...و أنا الولد و أبوه جد شفتهم عند غبيشه بنت سيف
غانم: اوووووهوووو ثرها طويله ولها ذيل يا بوووي نشو نشو بنسير انلف لفه فالاجوار رود
بطي: لا لا لا لا لا قبل قوولي منوه غبيشه هاي بعد ( حد ايقول شي جدام بطوي).. الله يهداك انته عبدالله ما لقيت اترقم الا وحده اسمها غبيشه هاي من سنة سكتو..
غانم: لا شوف الذوق عندي انا هنااااادي...و ريم... و سلامي و ...
عبدالله: هيه برقم حرمه اكبر عيالها في سن ابوك... يا بوي هاي يارتنا الباب بالباب و انا متعود اسلم عليها كل يمعه
بطي: ليش .... موصنها على بيت شعبي يالس اتدق فيه
عبدالله: لا عيالها كلهم مستقرين في بوظبي و حليلها لو تشووفها دووم تمشي فالحوش رووحها...و يوم اكون نازل اوديها دوووم العزبه
غانم: ليش انته في جمعيه الرفق بالحيوان
عبدالله: لا في جمعيه حمايه الشواب من الانقراض...ما دري احس بالحنان صوووبها اتذكرني بيدتيه لطيفه الله يرحمها
بطي: انسير انسير لا ايسويلنا فلم هندي
و توكلو الشباب وساروا ايهومون في الاجوارود او مثل ما يسمونه شارع العرب...طبعا دام غنوم فالشله مابيستانس الين ما يطفر ببنات لندن كلهن...لا كله كوم و الكويتيات كووم اسميهن يقهرنه
~~~~~~~~~~~~~~~~~~~~~~~~~~~~~~~~~~~~~~~~~~~~
فالشقه:
امنه: يدتيه وين ميثا ما يت تتعشا؟
اليده: و الله هالبنت منزربه فالحجره من ييتن ألين الحين ما ظهرت
امنه: بسير اشوفها
اليده: تعالي قبل حطيلي على التلفزون بشوف الاخبار
امنه: و شوه تبين الاخبار يدووه....فكي عمرج من البلاوي
اليده: واااابويه ..تعالي تعالي شغلي بسرعه بنشوف صدام شوه سوا
امنه: صدام ايسلم عليج زخووه
اليده: ادريبه شفته....يمكن شرد ولا شي حطي حطي بنشوف
امنه: اللي يطيح في حلج امريكا ما يظهر....بس حليله شكله يكسر الخاطر
اليده: حله حلوووول.....مجتل العالم
امنه: المهم يدووه انا بسير عند ميثاني
اليده: برايج بس اتخبري ميثووه جان عطن عنودي دواها و قوليلها تراه الاثنين الياي موعدها
امنه: ما عليه...شي في خاطرج؟
اليده: لا سلامتج
امنه: ميثاني ميثاني وينج؟
ميثا: انا هنيه فالبلكووونه
امنه: غربلج الله فالبرد شووووه اتسوين
ميثا: أي برد... يالسه أرقم هالحمر...الله يسقمهم شوفيهم سكارى..تعالي سمعي هالغنيه محلاها
ياي سحر عيونو و نظراتو ...أول ما اتلاقينا عين بعين
ياي شوه مهضوومه كلماتو...دبت فكلمه كيف لو كانو تنين
امنه: يعينا الله .....ميثوووه شكلك ...و بعدين أيه دخلي داخل ما فينا يحطون العين عليج
ميثا: شوه شكلي....أعرفه شكلي...
امنه: أقول ميثوه....موعد عنودي الاثنين الياي
ميثا: هيه قالي سعيد...امنه يختي متلومه
امنه: من شووه؟
ميثا: من اللي سويته اليوم ... بس و الله و الله اني مب قاصده بس من الخوف و الربشه اتسرعت
امنه: خلاص ميثوه انسي السالفه و احمدي ربج انها عدت على خير
ميثا: بس حليله
امنه: لا تيلسين اتبسبسيلي...شوه ما تبين عشا
ميثا: لا منسده نفسي...كل شوي يتراوالي
امنه: منوووه السكران؟
ميثا: جيـــــــتك بقلبي و عدت بلاه يا قلبي..قلبي نسيته في عينك فاحسب حسابه..من يعشقك ما يفرط فيك يا حبي شخصيتك بالحلا و اللطف جذابه
امنه: عاااااااااااش الحب عاااااش....لا تقوليلي طيحج ...ميثوه انتي مب راعيت هالسوالف ...و ابعد عن الشر يا عمري و غنيله
ميثا: هوه بكيفي..امنه و الله و الله ما دري شوه اللي استوا ....و تبدا ميثا بالصياح( تعرفون دلع البنات و بزاهن..عاد كيف ميثا )...و تنش امنه و تلوي عليها
امنه: ميثا عيني خير...مايرزا هالصياح بس انتي متأثره باللي استوا و الصدعه.. و خلاص اللي استوا استوا و انتي ما بتشوفينه مره ثانيه
ميثا في خاطرها....ان شا الله اني ما اشوفه مره ثانيه...لا لا لا ابا اشوفه و لو مره اخيره ..يا ربي شوه اللي يستوي بي .... معقوله هاذا اللي يسمونه الحب ... ميثاني انتي بنت عاقله و شوه حب من اول صدمه...هاذا خرابيط و كلام افلام ..انتي ما بتشوفينه مره ثانيه و اللي استوا استوا على قولت امنه
لقيـــــت روحـــــي بعد ما أنا لقـــــيتك...بعد اللقا أرجوك لا لا تغـــــيبي
صــــــعب علي أبقا و انا ما نســــيتك ..إحساسي كني بين ربعي غريبي
في هاجسي و حلمي و وهمي لقيتك..حتى الأماني لك و الامل لك تطيبي
و هاذي مناتـــــــي بعد ما نا لقيتك..أبي حياتي تحتويني حبيـــــــــــــــبي

هل بتشوف ميثا عبدالله مره ثانيه؟؟؟
>>>>>>>>>>>>>>>>>>>>>>>>> انتظروا الجزء الثالث

 

[ضوى العيون]

بسم الله الرحمن الرحيم ...
طمـــــــــــــّمني بس.....الجزء الثالث
امنه: هاه ميثا بشري شوه قالولكم الدخاتر؟
ميثا: كالمعتاد ما يبشرون...بس الله كريم
امنه: كيف يعني ؟
ميثا: شوه كيف يعني امنه.... اللوكيميا(سرطان الدم) مب هينه و بس عليها انها متحمله و هيه عمرها 11 بس
امنه: هيه و الله ... بس الله كريم
ميثا: و نعم بالله
امنه: لا يكون يدووه سمعت
ميثا: لا لا غبوووووش الله يسلمج أصرت انها تدش بس انا قلتلها هاذيلا انجليز و ان دخلتي بيروغونج ما عندهم تفاهم
امنه: هههههههه... أدريبها بتعاند
ميثا: لا لا قلتلها ما فينا انخوف العنود أكثر عن جيه و بعدين يدتيه تعرف كل شي شوه بنغبي عنها يعني
امنه: عيل أكيد ما بتطلعون اليوم
ميثا : لا انا مالي نفس ... شلو العيال و سيرو ماكدونالد؟
امنه: لا سعيد بيي و بيطلعني نتعشا و العيال بتشلهم عمتيه موزه
ميثا: خلاص عيل بس لا تخلون غبوش هنيه ما فيني على الصدعه
امنه: ههههههههه... بروحها حليلها ما فيها هبه شكلها مستهمه
ميثا: هاذا حال الدنيا .... أتصدقين انا لو الله يرزقي ريل بييب عيال مزر الدنيا ... ما اريد يعيشون اللي عشته ...
امنه: يا ميثا هاذا مقدر ومكتوب و صدقيني الا بيي يوم و بتستانسين فيه
ميثا: الله يسمع منج
~~~~~~~~~~~~~~~~~~~~~~~~~~~~~~~~~~~~~
بطي: اقول عبدالله شوه ما بتطلعون اليوم؟
عبدالله: ما شاااا الله عليكم مره ما تعيزون من الهوامه انتو صبح و ليل صبح و ليل مب كفايه البارحه سهرانين ألين الصبح
بطي: أوووهوووو ترانا لاحقين على الكراف
عبدالله: وين بتسيرون اليوم؟
بطي : السينما
عبدالله : ماااااااااااااافيني أروحي عيزان
بطي: شوووه عيزاااان عنبوك شاب بو 21سنه و تقول عيزان ....انته خواااار
عبدالله: انزين شل بن صووغان غانم وياك
بطي: هاذا غاااانم لو بطيح العماره ما بيحس .... بتخبرك هذا ما يشبع من الرقاد
عبدالله : ههههههههههههه...غانم يشبع من كل شي الا الرقاد تقول ذبابه تسي تسي لادغتنه...سر الله يخليك وعـــّه و سيرو
بطي: خيبه شووووف الوالده منقعه التيلفون من يومين مارمستها.... مطرشه الله يهديها رووووشن بالارامكس شوه بمووت يوع انا... إلا بزار و زنزبيل و بلاليط و الله شي من الاغراض ما عرفه...أقول برمسها و برد عليك
عبدالله : انا بطلب غدا ما تبا؟
بطي: شووووه اكيد اطلبلي بس على حسابك
عبدالله : ادريبه انه على حسابي ..... و يغرق عبدالله في عالم ثاني ... عالم ميثا.. شوه فيها هالبنت..راكزه في بالي مب طايعه اتخوز .. السالفه الحين من 3 أيام و انا الين الحين اشوفها جدامي في كل لحظه...هالبنت مب طبيعيه ... خذت عقلي .. شوه اباها .. ناقص اتعلق انا بها و ألحين انا راد الدوره ... يا عبدالله اللي خالقنها خالق اللي أحلا عنها... بس السالفه مب سالفت حلاه .. السالفه انه شي في قلبي يفز كل من دارت على بالي ....آآآآآآه ناقص انا بعد
بطي: عباااادي الحبيب وينك انته وين وصلت من ساااعه و انا ازقرك؟
عبدالله: خير خير خير ....بطي تراااك صدعتنيه تبا اتسير السينما سر عااد و فكنا
بطي: خيبه خيبه خيبه .... ايه يا بابا مالك منته كنت زي العسل رايق و لزيز ..مالك حصل ايه ... اشكي يا حبيبي دنا بابا و ماما و دنيتك كلها
بطي أيحب عبدالله واااايد و متعلق به لانهم ربع من ايام المدارس .. الله يرحم أيام الشرده من المدارس و هزبه المدرسين ... ويوم يزخونه و هوه يرقا على اليدار يبا يشرد ... ولا الكيما و البراتا .. و دووم اذا طاح بطي في مصيبه يتبرع عبدالله و ايقول انه هوه الغلطان... و ينفصلون ثنينتهم…بطي كانو يزقرونه التنكر لانه يوم كان صغير كان وايد دب و عبدالله ايسمونه ولد الاستاد لان لون عيونه بني فاتح زياده عن اللزوم.. بس هالشي يخليهن جذابات أكثر لانه روموشه غلاظ و سود .. بطي ما يتحمل ايشوف عبدالله جيه مهموم.عمره عبدالله ما همه شي من الدنيا .... و هنيه اتلوم عبدالله في بطي كيف ايرد عليه هالرد .. اذا هوه متضايق بسبت ميثا شوه ذنبه بطوووي... بعد فتره صمت... بدا عبدالله يغني
عبدالله: من بشاكي من بالهمومي في مصابي شكوتي لله للذي عمري له أسومي يوم قفا و العقل شله….عبدالله صوته كان حلو مب صوت فنان بس حلو فيه رنت حزن و خاصه اذا غنى اغاني ميحد
بطي: و شوه هن همومك بوحميد؟
عبدالله: عن وصاله قلت اعزومي صد بي خلـّي بلا زله وا عذابي مطوله يومي ساعته مثل الدهر كله
بطي: و بشوه اتحس ألحينه؟( عاد بطي غلس و بيموت على عبدالله يوم بيغني فحب ايطول السالفه)
عبدالله: وين فني وين مرسومي وين راحت قلبي و خلـّه عفت عقبه قوتي ونومي و كل وقتي صار في ممله
بطي: و منوه السبب ممكن أعرف يالعقيلي؟
عبدالله: ياهل الشيمات مظلومي و السبب بو عين مشهله ذا نصيبي فالهوا دومي معادلاته دوم مختله
بطي: لا حووووووول بت نار الشوق تلعبك يا عبادي..ساهر والناس هيعيه بان ما بك لو بها تخبي بينت عيونك ما بك...عبدالله هيه ما غيرها راعيت سلفردج؟
عبدالله : هيه
بطي: فااااااالك طيب يا بو حميد .... تبا اتشوفها؟
عبدالله: كيف؟
بطي: انا اول ما شفتها شفتها في الهايد بارك الساعه اربع و سرنا انا و غانم أول أمس و شفناها ويا يدتها في نفس الوقت
عبدالله : و راس الغالي عندك؟
بطي: انته الغالي اللي عندي...
عبدالله: قم قم قم ...انسير
بطي: أييييييييييييييييييييييه شوووه انتريا الغدا نحن مب تقول طاالب
عبدالله : الله يهديك بسرعه شووف الساعه الحين اربع الين مانوصل بيروحن
بطي: انزين تبا اتسير بوزار و فانيله بتفضحنا.... سر اتسبح و اتكشخ
عبدالله : انزين نش يالله انقفض.... بتخبرك شوه ألبس البدله السودا ولا الكحليه
بطي: خيبه شوه ساير انته مقابلت عمل.... انا ما بسير بوعــّي غنووووم و بنسير السينمه ..و بعدين لبس كندووره الكويتيه الحليبيه و سفره حمرا أحلا عليك خصوصا ما شا الله نقضت اللحيه) يرفع معنوياته)
عبدالله : يالله عيل فارج فارج بسير اتسبح
بطي: شووووه اتروغنيه اوكي اوكي بتردك الحايه ... ســـّر حووط فالهايد بارك كلها الين ما تلقاهن
عبدالله : بطوووووي بطوووي و رفجت بوخليفه وين بلقاهن
بطي: دامنك ارفقت ببو خليفه .... دش من البوابه اللي عدال بحيره القوارب...بتشوووفهن ميلسات على حصير و دلال القهوه جدامهن ما بتضيعهن… تقول مشهد تراثي مسااااااابقااات في حيات الامس
عبدالله : جااان غبيشه عندها بميزهن... خلاص يالله فارج
بطي: شووووووه
عبدالله: شوه شوه… اقوولك فااارج
بطي: الله ياخذج يالدنيا من شوي تترشاني و ألحين فااارج... المهم اباك اتقولي شوه بيصير عقب ما ترد
عبدالله : يستوي خير
في الهايد بارك...عبدالله متكشخ مثل ما وصاه بطي…و ماشا الله عليه كان صدق صدق يلفت النظر خاصه انه اللحيه نقضت و لون الكندوره كان مناسب لون عيونه اللي كانن يدوّرن بلا حاسيه على شوقه…وينها وينها لا يكون سارت…لا يمكن اليوم ما يت…لا لا عندي احساس اني بشووفها..انزين يا عبدالله لو شفتها شوه بتسوي يعني ..هاه؟؟ صح هاي ما فكرت فيها..و شوه افكر فيها ألحين خلني اشوفهن قبل ابا اترس عيني منها بعدين يستوي خير…

 

[ضوى العيون]

و في هاي اللحظه بالذات لمحته ميثا …. منوه هاذا … معقوووله!!!! مستحيل مستحيل مستحيل..بس هوه مستحيل اغلط في عيونه.. يالــــــــــــــــــــــــــــــــــــــله…شوه هاذا ميثا ليش اتسوين بعمرج جيه …ليش متعلقه به لهدرجه.. تلقينه ألحين ياي يواعد وحده اهنيه ما تشوفينه متكشخ على سنجه عشره…انزين انتي شوه قاهرنج؟!! شوه حارنج؟ كيف شوه حارني و انا من يومين ما بت ألا افكر فيه..المهم انه مايشوفني لا ايي يفضحني جدام يدووه….أحسن شي أوخي عن لايلمحني..بس انا اريد اشوفه وين بيسير ..جنه يدور شي..
و فجأه لمحهن…طـــــــــــــــــــــــــــــــــــاحت عينه في عين ميثا…شفتها و الله اني شفتها هيه و هاكيه غبيشه عدالها انا متأكد أنهن هن انزين كيف أكلمها ؟؟ انا بسلم عليهن و اللي فيها فيها
عبدالله و بصوت شوي عالي لانه غبيشه ما تسمع الصوت الواطي : سلام عليهم
اليده غبيشه: و عليكم السلام
ميثا في خاطرها يالفضيحه انا اليوم مب متعدله ابد مب حاطه الا جحال شوي من داخل و المصيبه لابسه عربي و عليه خوار شوه هاذا مالقا ايشووفنا الا اليوم و انا بعد خبله شوه اباه المخور في لندن ..و بعدين هالسكارف ما يكفي اتشغا المهم اني اتلثم أحسن عن لا شي المهم انه ما يتذكرني..( تحاتيه يحليلها!!)
عبدالله : شحالج غبيشه؟
غبيشه: بخير الله يسلمك يا ولديه … وين مالك شوف مره
عبدالله: و الله يا خالتيه اتعرفين اني عندي دوره و عاطينا اجازه كمن يوم
غبيشه: الله يوفقك يا بويه بس عاد متا بتخلص من عرفتك و انته تكرف فيها هالكليه..تولهت عليك ألحينه مره محد يوايج عليه … الا الموت ايسلم عليه و ايرد ..
عبدالله : هههههههههه.. ينساج الموت يا خالتيه
غبيشه: و العزبه الحينه مره ما طيحها ولا دريبه دبشيه(الغنم) شوه سوا .. ماداني اسير ويا الصمامه أمين…يا بوي هاذا بدله ايحطلي شريط قوم كريجا طول الدرب ويوم اقوله حط برووغه ايقول شوه هاذا ماماه شوه فهم انتي هاذا ريال سيم سيم واحد صيح …. يعني بلاك يا أمينوه الطفس
عبدالله+ ميثا: ههههههههههههههههههه…بس عبدالله صخ من سمع صوت الضحكه..ضحتكها رنت في فوداه...اه غربلات بليس حشا ماروم امسك عمريه...ميثا كانت تحاول تنخش ورا يدتها
عبدالله : أكيد ما بتصبرين عني منوه بيوديج فالكروزر الاسود غيري و ايشللج شلات بعد
ميثا…شوه السالفه؟؟؟…هاذا يعرف يدتيه قلنا ما عليه لانه غبووش ما تخلي حد ما تعرفت عليه حتا الزلمات اللي في حارتهم متعرفه عليهم…بس هاذا ايقول انه ايوديها العزبه ليش هوه وين ساكن؟؟
غبيشه: ميثاني بنتيه هاتي الدله و قربي مله البلاليط ...( طبعا العيوز عادي عندها ميثا تطلع جدام عبدالله ... شعليهن عيايز....و بعدين عبدالله ما شالله جثه فعبالها انه عبدالله اكبر عن ميثا و ما بتيي في باله )
ميثا: ان شا الله يدتيه…و اضطرت ميثا انها اتنش و اتقرب الدله و المله صوب عبدالله …عبدالله و عينه عليها: سلمتي
عبدالله : علومهم الاهل مناك خالتيه ....و علومها البلاد؟
غبيشه: يا بويه البلاد عقبك مره ماتسر…واهلك بخيرو نعمه و حرمت اخوك حمد ربت ويابت ولد و عايشه ختك عرست
عبدالله : هيه قالولي و سموه عبدالله …. ياحليلها عويش تترشاني ايي العرس ما تدري انه هب بكيفي
غبيشه: عنبوه جان قلتلهم عرس اختيه ما يوز تعرس و انته ما شوفها
عبدالله: ثرج شوه تحرينها انتي الكليه خالتيه فندق متا ما ابا اظهر ظهرت…المهم هانت الحينه بفتك
غبيشه: الله يوفقك يا بويه … رد البلاد و بخطبلك هاذيج البنت السنعه و الزهاب مره عليه انا
ميثابصوت واطي: الله يعينها اللي بتاخذك … والله يعينها جان يدوه بتتزهبلها …الله يرحمها..( شوفو الغيره....بتقطعها)عبدالله سمعها و حب انه يطنش و ايزيد العيار دام هيه اللي بدت
عبدالله: خالتيه جان البنت من صوووبج انا مره ما عندي مانع اول ما رد بنعرس بس هاه ما وصيج اباها مملوحه
ميثا بصوت واطي: ليش هيه جاشع يملحوونها …وع( لا تلومونها تربيت بوظبي)
غبيشه: عبدالله شل شويه تولهت على البلاد
عبدالله : بشل خالتيه بس ما وصيج حرمتيه ما باها من هالقوايا اباها رقيقه ناااااااعمه..( حسبي الله على بليسج يا ميثا تغايضيني بعد ولا تبين اتشوفين غلاتج عندي..فخاطريه اذبحها)سمعي هاي غنيت ميحد...و بصوت واطي: اهداء لكم
اعمل المعروف في عيني في محب منك شاغبها حث في وصلك و داويني و انته خلك من مصايبها
هايــــــــــم ببلوى المحبيني في ظلام الليل غايبها بوصلك لولا المواشيني يا هنا روحي و مطلــبها
غير شوفك ما يسليني لو ترا عيني حبايبها انت من كل المزايني من جفاك النوم حـــــــــــــاربـها
يا ظبي يرعي البساتيني معك روحي لاتعذبها في هواك اتعبت انا سنيني اطلبك بالله ترووف بها
ميثا انصدمت بالصوت … رهيب ما شا الله عليه … بس شوه يقصد بالكلام..هل هوه يحس بشي تجاهي..ميثا لا تكبرين الموضوع و هوه ما يرزا هوه مب قاصد..مجرد أغنيه
عبدالله: هاه خالتيه عيبتج…تراه الصوت شوي تعبان هاللوز لعوزني
غبيشه: ما تخرب بو حميد بس ما نباه هالغنا اليديد هات شي جديم
عبدالله : فالج طيب.. عيل هاي اكيد بتعيبج … بشلها من الخاطر
بايت على جمر الغضا ساهرو تشهدلي النجوم..ما زال لي جفن و غضا و ما ذقت لحظه ذوق نوم
فاض الشعر مني و فضا و بيّن بمخفي العلوم..يا خلي لك قلبي ارتضا ومطبوع لك فيه الرسوم
قلبي بحبك ينبضه و ذكرك على اللسان دوم……..عنك فلا اتعوضا شرواك فالحور معدوم
أتوسل اطلبك الرضا ماشي عليك و باللزوم ..تسمح على كل ما مضا و تعطف و تغدي لي رحوم
غبيشه: هيه توك … يالله ذكرتني بالبر و المهيبه البارده
عبدالله: هههههههههههههه
ميثا ما قدرت تتحمل الوضع..عبدالله مستانس و ايسولف و ايغني على يدتها و هيه مطنيشها جنها مب موجوده..ولا و فوق هاذا ألين ألحين ما رمس و ما لمح للي استوا .. على شوه ناوي بس اريد اعرف..آآآآه يا عبدالله بس لا تلعبي..
ميثا: يدتيه انا بسير اشتري شويت أكل ما تبين شي
غبيشه: لا بس لا تبطين
عبدالله: اقول جان في خاطركن شي انا بنش ايبلكن اياه مب زين خالتيه تمشن هنيه رواحكن المكان مب امان
ميثا: الحمدلله حريم انروم انسير و انيي شوه مستوي علينا
غبيشه: سيري بس لا تبطين...بنسير تأخرنا اليوم
سارت ميثا و هيه معصبه ..هاذا بعد شوه يخصه.. بس محلاها و هيه ضاهره من ثمه ..يونه خايف علينا من شووه ؟؟؟ خاف علينا قبل من عمرك مب انته اللي مرقمنا من كمن يوم..بس سبحان الله يالدنيا كيف صغيره .. نفسه نفسه اللي اتمشكلت وياه يطلع يعرف يدتيه .... لا و شكلهم يعرفون بعض واااااايد...
عبدالله ايقول في خاطره معقوله بعدها زعلانه من ذاك اليوم...بس خلاص انا فهمتها شوه اللي في خاطريه من صوبها كيف يعني ألمحلها أكثر من جذيه.. خلاص عبدالله شكلها البنت مقفيه و مب حاطتنك في بالها ..هيه بس انا كيف اشلها من بالي ...شوه سويتيبي يا ميثاني !! ميثا تعمدت تبطي على أساس انها تفتك من شيفته .. ما تبا اترد و اتجابله..انزين ليش...لاني ما بروم احط عيني في عينه..ما بروم اتحمل يسمعون نبض قلبي و انا يالسه بينهم لانه بيفضحني...آآآآه آآآآه شوه هالمصايب ان ناقصه بعد همك يا عبدالله...عبدالله و هوه يالس ايسولف مع غبيشه حس بالخوف على ميثا ... ليش بطت...لا يكون استوالها شي.. لا يكون واحد من هالخياس رقمها..بجتله و بجتلها لو حطت عينها في عين غيري..عبدالله أيه شوه فيك على أي أساس اتقول هالكلام .. على أساس انها ملكت قلبي...شت شت شت من هالحاله.
ميثاو هيه رااده يالله شوه ايسوي هاذا بعده متفيزر هنيه لا و بعد ايصاقعون من الضحك .. حشايدتيه اللي هيه يدتيه ما قدرت اخليها تضحك هالكثر ايي هاذا الغريب و ايسوي فيها جيهّّّ!!!! أٌفففففففف....
ميثا: يدتيه سعيد سوالي على تيلفونج و ايقول لا تأخرن يبانا انرد ألحين( طبعا سعيد مشتغل رادار عليهن)
غبيشه: انزين بنتيه سوي حق الدريول ايشل الاغراض
ميثا: سويتله....و بصوت واطي : أبا الفكــــــــــــــــــــــــــــه فارجو عاد...عبدالله ماقدر يمسك عمره و حس انه اذا سمع أكثر من كلام ميثا بينش و بيعطيها طراق ..معقوله..هيه معقوله ..لانها من غلاها ما تحمل اي كلمه منها
عبدالله : انزين عيل خالتيه ... شي في خاطركن بسير مواعد الشباب؟
غبيشه: لا يا بويه موافج خير و شد حيلك ... عن اللعب و الهوامه وين ساكنين انتو بنطرشلكم غدا انته و ربعك
عبدالله : طوّل عمرج خالتيه ...ما يحتاي الحمدلله المطاعم متروسه
غبيشه: لا لا يا بويه أخ شوه تبونه أكلهم.. بقرهم الله ياخذهن ضاربنهم الينان ما يزدادون رواحهم يتناعشون بلا مداخن ...كتبلنا العنوان على ورقه و الدريول بييبه لكم باجر ان شا الله
عبدالله: ههههههه... ما عليه بس انا ما عندي لا ورقه ولا قلم
غبيشه: ميثا بنتيه عطينا ورقه
ميثا: ما عندي
غبيشه: وااااااااابويه و هالشنطه هالكبر تقول سحااااااااره شوه حاطه فيها دوري دوري
طلعت ميثا ورقه و قلم و عطتنهن اليده و خذن العنوان و سارن
~~~~~~~~~~~~~~~~~~~~~~~~~~~~~~~

 

[ضوى العيون]

ميثا أول ما ردت بدلت علا طوول و ركضت عند آمنه لازم تخبرها لانه الموضوع مش طبيعي ..!!!
ميثا : مسا الخير عموه؟
موزه: مرحبا مرحبا بالميث شحالج بنتيه؟
ميثا: بخير الله يسلمج عموه ... وينها عيل ام منصور مالها شوف؟
موزه: امنه عند العيال تسبحهم ... عيل وينها أمايه
ميثا: الله يسلمج الحجه غبيشه لاويه على عنوودي ويالسه اتصيح
موزه: لا اله الا الله من هالعيوز محد بيخبل بهالبنت غيرها
ميثا: يا عمتيه كل شي بإيد الله ... بس هيه جيه اتخوف عنودي أكثر
موزه: بسير اشوفها
ميثا: ما عليه انا بسير اشوف امنه
ميثا: هلا هلا بحمدااااااني فديت هالضحكه انا .... بتخبرج انتي متأكده انه هاذا ولدج؟؟
امنه: هلا ميثاني .. هيه متأكدة ما تشوفينه يشابهني
ميثا: لا حشااااا .... انتي صرصور ولدج هااذا الشيخ يوم بيكبر بيخبل بالبنات
امنه: ههههههههه .... من شابه اباه فما ظلم
ميثا : يا سلااااام يا سلااااام على الحب
امنه: هيه الله يعطيج ...
ميثا: والله .... عاد هالشي الوحيد اللي فالدنيا ما باه
امنه: و ليش يعني؟ هي الحياه من دون حب ما تسواش ولا مليم
ميثا: و الله....آآآه من الحب يا امنه صدق اللي يحب مستعد ايسوي المستحيل
امنه: ميثوووووه الغاليه شوه بلاج؟
ميثا: اتصدقين انه عبدالله اليوم شافنا فالحديقه و يا ايسلم على يدتيه و طلع يعرفها
امنه: منوووه عبدالله
ميثا: عبااادي ما غيره اللي شفناه في سلفردج
امنه و هيه فاااجه عيووونها و الله ؟؟؟ حلفي
ميثا: و راس عنووودي ... يا ربي يا امنه شووووه اسوي ما صدقت انساه..لا و لو شفتيه اليوم بتخبلين عليه
امنه: اكيد كاااشخ و عاد مب عيون عليه...بس ميثاني انا بديت اشك
ميثا: بشوووه..؟؟؟ امنه انا مب من هالنوووع شوه يعني ما تعرفيني ..بس مب منج من اللي ياي يشكيلج
امنه: اييييييييييييييييه...شوه هاذا انا اقصد بديت اشك انه في شي بيستوي بينكم... يعني مب معقوله اللي يستوي
ميثا: شووه بيستوي يعني
امنه: يعني لو هوه ناوي نيه مب زينه جان يا و فضحج عند يدتج...ولا بيطنش الموضوع بس انه ييلس وياكم و يسولف هاذي مب معقوله
مييثا: لا و ازيدج يلس ايشل حق يدتيه بهاذاك الصوووت ... يا ربي يا امنه انا بتخبل خلاص
امنه: بسم الله عليج من الخبال ... انتي الحين جيه ارووحج ما نتحمل خبالج عيل كيف يوم تعشقين
ميثا: آآآآآه ... القلب شال الحب و الحب شاله... بسير ايلس عند عمووه ابركلي لا ايلس افكر
امنه: زين اتسوين ..ميثا
ميثا: هلا
امنه: الله يوفقج
ميثا: ههههههههه ... و تطلع ميثا... شوه الي قالته حق امنه...هل انا اعترفت بالحب.. بس انا عمري ما جربته شعرفني انه هاذا الحب..اذا الحب أنه الانسان يتعلق بشخص من اول مره و يخاف عليه حتا من نسمه الهوا..و اذا الحب انته الانسان يزيد نبض قلبه كل ما تذكر عيون محبوبه ... فأنا للاسف أحــــــــــــــــــــــــــــــــــــــــــــــــ ب
بعد مرور ثلاثت أيام
بطي: هاه عبدالله متا الموعد؟
عبدالله: ورا باجر بس انا افكر اني اطنشه
بطي: شووووووه اتطنشه يا ريال اتوكل على الله الا لوز شو لهدرجه ايخوفن
عبدالله: لا ما يخوفن بس انا اعرف انه ما فيني شي و هالمواعيد الا خرابيط
بطي: خرابيط ولا بلاليط تباني اخاويك بخاويك
عبدالله: تسلم و الله ,,,, على طاري البلاليط...قم شرايك انسوي( عبدالله ايموت على شي اسمه بلاليط)
بطي: و الله مافي مانع بس بسير ازقر غنووم شاطر في هالسوالف
عبدالله: الا تعال غانم متابيرد البلاد؟
بطي: ما دريبه و الله .... تعال هاذيلا مب موااعين العرب .. شله ما رديتهن؟
عبدالله : ما عليه بردهن زين اني خذت العنوان من الدريول.. شرايك العصر بنخطفهن و بنسير السينمه
بطي: يعني معقووله عندك العنوان والين الحينه ماطبيت عليهم
عبدالله : شوه ابا العرب
بطي: لا و واللله ... عبادي ماقلتليه شوه استوا قلنا ما عليه ... بس انك اتم مستهم و مشغوب من دون لا تقولنا ما يصير
عبدالله: شوه تباني اقووولك يعني ... احبها ... ما بقول
بطي: ليش يعني؟؟ مب حاااق.. عادي عادي عبدالله إلا حب كم يوم و بتنساها و يغني بطي
إن هويتو لي هواكم انعتوني وين اييكم...قبل أولي في هواكم ما خطا قلبي رميكم
عبدالله: هزرك؟؟ و اذا اقوولك متخبل ابا اشووووفها ... يا خي من 3 ايام ما شفتها...سرت الحديقه الا قول مداوم فيها بس ما ينّ ياخي ما دري شوه فيها...ما عرف علووومها حيه ولا ميته
بطي: لا تخاااف عليها قطوه بسبعت ارواح .. بس بسألك انته صدق اتحبها اتحراك ...
عبدالله : لا تتحرا ولا شي انسا الموضوع...
بطي: عكيفك... بس لا تيلس الفليل اتصدعني
عبدالله : انا صدعتك؟
بطي: عبدالله تراك وايد اتهاذي فليل بس ما بقولك شوه سمعت( عاد بدا بطي بالخريط...بيموت و يغايض عبدالله)
عبدالله: و الله و الله يا تقول
بطي: لا لا يا حبيبي خل الفلم المكسيكي ... عنبوه اليخاندرو و راكيل
عبدالله يفلع بطي بكيس البلاليط و يتناثر البلاليط على راس بطي
بطي: غربلات بليسك يالهرم
عبدالله: هههههههههههههههههههههههههاي
العصر و جدام شقه غبيشه... عبدالله كاشخ...ما شالله عليه شوه اقول و الا شوه اوصف..هالمره لابس لبس كحلي عادي يعني مب كندوره..و مكشكش و ردا الشعر كله على ورا و ما شالله على الطول و العرض ما تقولون بو 21 ( تراهم يكبرون بسرعه هالايام من اكل المطاعم)ولا كله كوم و العطر كوم عنبوه متسبح الا يقطر من الدهن العود... و شال المواعين فالكيس ويالس ايدق الباب..غبيشه و ميثا فالحجره غبيشه يالسه اتسحي ميثا و مشغله على عبدالله الرويشد فالتلفزيون
حبيبي انا بانتظار حبيبي..حبيبي انا باختصار خايف حبيبي
خايف غدر الزمان يطوي الحب اللي كان و اسمع انك نسيت من عمري انتهيت
ايه خايف من الزمان ياخذ مني الامان و اعيش بعدك غريب في هالحياه....

 

[ضوى العيون]

غبيشه: بتخبرج ميثووه قومي بنديه شوه يقول هاذا انا ما فهمله
ميثا: هههههههههه... يدتيه هاذا واحد ايرمس اللي يحبها
غبيشه: امممممممممممف عليهم ...مضيعين المذهب هاذيلا
ميثا: يدتيه شرايج اقص شعريه شرات شعرها طاالعي يهبل
غبيشه: منقوود البنت اتقص شعرها ... شوفي شعرج ما شالله الين الركب و غاوي
ميثا: بس يا يدتيه تعبت منه ... ابا اقصه شرات هاي اللي فالغنيه شوفي شقايل اتسحيه بسرعه
غبيشه: جانج بطالعين عليهن هاذيلا الطفسات وايد الخراب ...اسمع حد يدق الجرس سيري فجي انا ما روم انش
ميثا: هاي الطفسه جيني دوووم ناسيه مفتاحها كم مره قلتلها يوم اتسيرين السوبرماركت شلي المفتاح وياج..ما بسير افجه عنادن فيها هالفلبينيه..
غبيشه: نشي لا اصمج بالعجويه على راسج
ميثا: برايه عنوودي بتفج
غبيشه: العنود عند عيال امنه
ميثا: اوووهووو ما فيني روحهن عظامي يعورني ....ميثا تبا تغايض يدتها
غبيشه: انتي يبالج وسم... مره مافيج حياه غاديه شرات الشيله ... بخلي سهيله بنت سالم اتوسمج زين الوسم
ميثا: لالا يدتيه شوووفيني شرات الحصان أناقز على ريل وحده... شوفي شوفي .. هاي جيني دواها عندي
سارت ميثا اتفج الباب و هيه اتقول بصوووت عالي...
ميثا: اللـــــــــــــــــــــــــــــه ياخذج يالطفسه ستين أأأأأأأأأأأأأأأأأأأأأأأأأأأأأأأأأألــــــ........و ما قدرت اتكمل
عبدالله.... من الصدمه انربط لسانه.... بس ما قدر ايشل عيونه عنها...ميثا بالعكس حست انه ويها غدا طمامه و ركضت ميثا داااخل عند يدتها..( صدق الحب يصنع المعجزات...ولا ميثا تشرد من المستحا@@!!)
ميثا: يد.....يدتت... غبوووش سيري ريال يباج
غبيشه: منووووه
ميثا: واحد شعرفني منو....
سلم عبدالله على غبيشه و عطاها الاغراض بس غبيشه اصرت انه يقرب عندهم على قولتها يشرب فنيان قهوه و ياكل حبه رطيبه من البلاد... عبدالله العيوز ترمسه و هوه مب قادر ايركز وياها.. باله هناك .. باله عند اللي خذ قلبي ولا رده... يا ربي عليها محلاها ... خلاااااص خلااااص....ملكتي القلب و العقل يا ميثا..
يلست ميثا تتسمع شوه ايقول عبدالله وغبيشه...و اول ما سمعت انه يالس يترخص يبا ايسير قامت ركضت حجرتها و شلت الورده اللي على صينيه الروم سيرفس و اتريته الين ما يطلع من المبنا .... ميثا كانت تتصرف من دون وعي ... كله بسبه ولها عليه ... أول ما طلع عبدالله قامت و عقت الورده عليه طبعا هم ساكنين فالدور الخامس يعني ما بيلمح منوه اللي فرها ...
خذ ورده العمر من فضلك …خذها من ايدين مهديها..ما زفت لحد من قبلك ..يا نهر جاري يغذيها
حاول عبدالله يلمح ميثا لانه متأكد متأكد انها من عندها....آآآه فديتج يالغاليه معقوله معقوله اللي احسبه صوبج اتحسيبه صوبي؟؟؟!!!!!!!
شفت فيه الغلا و شاف فيّه لهفتي لي سرت من الاعماقي...و جمحت بي شعورن قويه لين ما تم بالحال باقي
بهجت العمر و العين ضيّه فك وده غلايق وثاقي ... و رحت لسيوف عينه ضحيه لاهب الشوق نازل و راقي

 

[ضوى العيون]

>>>>>>>>>>>>>>>>>>>>>>>>> انتظروا الجزء الرابع
الله الرحمن الرحيم ...
طمـــــــــــــّمني بس.....الجزء الرابع


ميثا بعد اللي سوته يلست اتفكر و اتقووول شوه اللي سويته انا... شوه بيقول الحينه .... اخ اخ يا ميثا ... بس و الله و الله اني كنت بلا حاسيه....برايه ايقول اللي ايقووله شوه هيه الا ورده... و بعدين ألحين السالفه من حول أربعت أيام ... من متا ما شافته...أكيد أنه نساها ...ولا مستحيل دووم هيه و يدتها منقعات فالهايد بارك بس تبا تلمح زووله ولا شافته...بسج بسج يا ميثا.. يعني ألحين انتي حاطه في بالج انه يالس يحاتيج..ولا يحس صوبج بشي..امحق..مالت عليج يالبقره..شدراني هوه ذنبي انه دش قلبي من دوون لا يستأذن ..وينك يا عبدالله...
يا ويل يا من زاد بالهم ايبات ليله بحسراتي...بايت سهير و الليل خيم و العين تذرف بعبراتي
انا في حبه صرت ملزم و اون ونات المماتي ..وين اللذي بيثيب مغرم يشفي جروحن دامياتي
ياللي بحالي ما ترحم ظالم و يسعى في شتاتي.. ياليت معه الشمل يلتم و اهنا بقربه في حياتي
امنه: ميثاني...ميثااااني
ميثا: لبـــــــــــــــــــــــــــــــــــــــــــيه... .و تمسح ميثا دموعها بسرعه
امنه: لبيتي حااايه ان شا الله ..... الميث طالبينج طلبه
ميثا: عيووووني لج ....شوه في خاطرج بنت علي
امنه: يسلملي عيونج...العيال من 3 ايام ما ظهرو وحاشريني حشره
ميثا: ووووووو....
امنه: هيه نباج اتودينهم الحديقه
ميثا: و ليش ما تشلونهم انتو ولا يطلعون ويا يدتيه؟
امنه: شوووه نسيتي اليوم فحوصات يدتج و عموه موزه وانا بسير وياهن و بشل حمداني ... وانتي شلي منصور و التوم و بعدين اليوم مراجعه عنوووودي
ميثا: خيبه اتخيب العدو نسيت
امنه: لالا يدتيه قالت ما فيها ميثا على وقفت المستشفا دامنا نحن سايرين نحن بنسدها عنودي
ميثا: خلاص بشلهم الريجنت بارك أأمن
امنه: خلاص عيل .... شلي سينتي و ساره وياكن
ميثا: لا لا ما يحتاي بنشل سينتي بس عشان التوم و منيصير ما عليج منه
امنه: خلاص شلن تيلفون يدتج عشان نتواصل وياكن
ميثا: خلاص عقب الغدا بنظهر..
===============================================
بطي: عبــــــــــــــــــــــــــــــــــــدالله ... عبدالله شوه بلاك؟......عبدالله فج الباب شي بلاك؟
عبدالله كان في الحمام...
عبدالله: بسم الله بسم الله شوه بلاك كسرت الدنيا
بطي: ماشي شوه بلاك يا ريال حمامه فوادي طارت تحريتك شي استوابك( حرام على نياته)
عبدالله: شوه بيستويبي يعني فال الله ولا فالك
بطي: عبدالله الموووعد اليوم
عبدالله: انزين شوه اسويبه
بطي: شوه شوه سويبه يعني....ما شي بتسير يعني بتسير عباادي و الله اني مب مطمن على حالتك كل يوم اشوفك ما تسير بزياده
عبدالله: شوه ما سير بزياده بتسويلي بلا و انا ما فيني شي هاذا زجام قوي
بطي: خلاص يوم انه زجام ... بنسير اليوم و بيطمنا الدكتور و بنرد ...شوه قلت؟
عبدالله: ما قلت شي...خلاص انا بسير ما يحتاي تخاويني
بطي: اكيد بتسير.....بسير وياك
عبدالله : لا حوووووول يا بطي قلتلك خلاص بسير بسير سر انته و غنووم ما تقولون ولد خاله عازمنكم
بطي: اللي يريحك...و يطلع بطي و هوه حاط في خاطره على عبدالله...شوه هالحاله ...كل ما يتجدم هالموعد احس بخووف..تراك اتقول انه زجام بس ليش الخوف عيل...لاني اعرف انه مب زجام اعرف انه شي جايد...من شوي طالع من الحمام و كان يزووع دم!!!!
قام عبدالله و بدل ثيابه و اتزهب خلاص عزم انه ايسير الموعد و ان اشا الله ما بيصير الا الخير و احسن انه يواجه المرض قبل لا يطلع شي خطير و يفوت الفوت...
فالحديقه ...يالسه ميثا و العيال حواليها و مشغله ميحد طال ليلي ...و منصور يالس ايوول و عليا و نوره يالسات ينعشن...و اليهال مستانسين( طبعا طبع البداوه يسري في دمهم..ولا عليهم من حد)
ميثا: عاااش عااااش منصووووور...يا بس يا بس.....تحت تحت علايه عاشن عاشن بنات زايد
منصور: بث خالووووه تعبت ابا مااااي
ميثا: فديتك الغالي تعبت ... انسير بنشتري ماي و فراااااخ.... سينتي يبتي خبز؟
سينتي: يس مدام... في داخل كيس
ميثا: يالله نوووره بنسير نأكل البط
منصور: لالا انا اخاف
ميثا: اخ عليك انته ريال ما شا الله بتسير صف ثاني اتقول جيه ... ما تشوف علايه و نوره مايقولن شي
منصور: اخاف تعضني
ميثا: لا لا شوه اتعضك .... شوه هيه جلب اتعض... يالله يالله انسير
و ما حست ميثا الا بحد يالس يزقرها....ميثاااااني ميثااااني....
ميثا: منوه يزقرني؟
شما: انا انا شما
ميثا: وااااااي شموووه شحالج
شما:مرحبا مرحبا... بخير الله يعافيج
ميثا: مرحب بااااااجي...وين اشوفج اتهومين في لندن شوه اتسوين
شما: الله يسلمج أخويه خلوود انجلب بالدراجه و تعبان شوي و سفروه هنيه... شحالج انتي ما شا الله على الكتاكيت؟
ميثا: بخير الله يعافيج.....تعال منصور سلم على خالوه شما..
منصور: شوه هاذااا كل الناس اثمهم خالوووه
شما: هههههه فديتك انته الشيخ .... يا ربي هاذيلا تووووم
ميثا: هيه ...عليا و نوره..ما تذكرين اللي رويتج صورهن
شما : ما شاا الله كيف يتشابهن
ميثا : هيه هاذيلا عيال سعيد ولد عمتيه موزه اللي فالعين
شما: هيه اعرفها عمتج اشووفها فمسيد .......يوم ايسون محاضرات
ميثا: الا شحاله اخوج خالد ...ربه بخير...
شما: بخير الله يعافيج ما يشكي باس..شويت كسور
ميثا: الحمدلله على كل حال ياختي شوه هاذا الشباب ينفدون عمارهم بالسيارات و الحينه بالدراجات
شما: يا ختي شوه انسوي .... عيل انتي لو اتشووفين فالبديع شوه يسووون بتخبلين يطيح قلبي
ميثا: الله يهديهم....وين سكنتو شما
شما : في الرويال لانكستر
ميثا: يا حيكم
شما: شوووه يا حينا الله يخليج كل الامارات ساكنه فيه
ميثا: هههه انزين احسن عشان لا تحسون بالغربه
شما: و منوه يقولج لندن غربه انا انجليزي واحد ما شفته الا نادرا
ميثا: ههههههههه...صدقج و الله
شما: ما بتسيرون البوابه اشوف العرب كلها قامت اتفل
ميثا: خيبه ذكرتيني ما سويت حق مايك ايي يشلنا......شت
شما: شوه بلاج ميثا؟
ميثا: الموبايل مفضي
شما: ولا يهمج دوووج سوي
ميثا: تسلمين....اتصلت ميثا .... بس تأخروا ...
شما: اقول ميثا تعالي بنسير في تكسي و بنخطفج
ميثا: لا لا الله يخليج سعيد ولد عمتيه ما يبانا نركب تكاسي
شما: هيه بس هاذا الليل شوه بتسون الين الحين محد ياكم؟ دووج دقيله مره ثانيه
دقت حق مايك مره ثانيه و هوه يقولها انه واصل ...
ميثا: خلاص وصل برايج شما جان بتسيرين اشوف خواتج يالسات يزقرنج
شما: ما عليج منهن ما بسير و انتي هنيه اروحج ويا العيال
ميثا: لا و الله لا تحاتين هالدريول يقول انه واصل سيري الله يحفظج و سلمي على الاهل
شما: اكيد ....يختي مب هاين عليه اسير و اخليج
ميثا: عنبوه ماشي شر ان شا لله العيال عندي و الخدامه....و بعدين هاتي رقمج اللي هنيه بنسولف وياج من متا عدي بج من ايام الكليه
شما :هههههه الا من شهرين باديه الاجازه بس ادريبج ما تصبرين عن سوالفيه....( و تبادلن الارقام) برايج عيل فداعت الله و سلمي على عمتج
ميثا: سلامن يبلغ ان شا لله موافجه خير
شما : فداعت الله
ميثا : الله يحفظج

 

[ضوى العيون]

طال الوقت و مايك ما وصل.. و الليل بدا يخيم ...و لندن فالليل تخوف أكثر...ميثا بدت تحس بالخوف..
سينتي: شوه هادا مدام ليش ما في حد يجي؟؟
ميثا: ألحين بيــــــــــيون لا تيلسين جيه اتقولين بتخوفين العيال؟
منصور: خاااااالوه مييثا ابا ماماه
ميثا: انزين حبيبي الحين بيووون
و بدن البنات الصغار ايصيحن و هاذا الشي اللي خلا ميثا تتوتر اكثر....
ميثا: سينتي هاتي علايه .....بس بس حبيبي الحين بنسير البيت..و تلوي ميثا على عليا على اساس البنت ما تخاف...و في هاي اللحظه مر واحد خليجي عدالهم...بس ميثا ما انتبهتله...بس سيراته و رداته خلا الخوف يدش قلب ميثا...يالله يالله وينه هالدريول الثووووور من متا يونه واااااصل....يمكن جيني البقره ما يت وياه يعني اكيد الدريول ما عرف من اي بوابه هم داشين أكيد على باله من البوابه الرئيسيه...انزين كيف اقوله..ما روم اسير ادق من هاتف عمومي و اخلي اليهال ارووحهم ويا هالبدله...ولا اقدر اشلهم و نمشي الين البوابه الرئيسيه بعيد وااايد...يا ربي كيف اتصرف كيف؟؟؟؟ و هاذا العله شووووووه يالس رايح راد على شوووه ناوي و المشكله شكله مب طبيعي...آآآه يا ربي سترك سترك
الريال: السلام عليكم ..كيفكم؟
ميثا طنشته ما تريد اتسوي مشاكل خاصه انه مزاااجها ما يتحمل...اصلا كيف فالبدايه طعت انا اشل العيال كيف ماحسيت بهالمسؤووليه!!!!
الريال: ما شا الله ما شالله على الجمال
ميثا : لو سمحت اخويه .... خلنا في حالنا ما تشووووف عندي عيال
و قعد الريال ايزودها وياهم و ميثا مب عارفه تتصرف ..والعيال ايصيحون ..حبت تطلب منه الموبايل عشان اتدق بس خافت انه يلصق و ما يفج منهم
في نفس اللحظات....كان عبدالله يمشي من نفس الدرب لانه فيه مسيد عدال هالحديقه و حب انه يصلي فيه ركعتين .. لانه بعد ما طلع عبدالله من المستشفا حس انه مضايج ..الدكتووور كان مصر انه عبدالله ايسوي فحوصات اكثر رغم انه النتايج الاوليه اتقول انه ما فيه شي ...عبدالله كان حااس انه الدنيا تدوور به..ِشوه بيكون مصيره...معقوله انا فيني شي و مب حاااس..لا لا ان شا الله ..عشان جيه طلع عبدالله يتمشا حس انه الدنيا ضايقه به و هوه ماشي لمح ميثا؟؟؟ لا يا عبدالله مب ميثا مب معقووله ..بس انته جنك وايد اتفكر فيها و لانك ما شفتها فالفتره الاخيره يالسه تتراوالك بعدين هاذي حد واقف عدالها..بس العيال و الولد منصور...شوه فيهم...اسير اشووفهم..لا لا يا عبدالله يعني انته ما فهمت شوه تقصد هيه؟؟؟ ما فهمت ردت فعلها كل ما شافتك مب كفايه المره الاخيره فالحديقه...كله عشان ما تشوفك!!!! بس شوه سالفت الورده...شوه هالحيره اللي احسبها..عالعموم انا كنت خاطف خاطف منيه بسير و بخلي عمري ما شفتهم ..المهم اني المح زولها...المهم اني اجحل عيني بشوووفتها...أول ما بدا يقترب عبدالله منهم ...لمحته ميثا ...و حست ميثا انه الله مطرشنه حقهم ايفكهم من هالبلوه ...حست ميثا عمرها بتصيح من الفرح..منوه بيفكها من البلوه ...منوه..عبدالله ...فديتك و فديت ربي اللي طرشك...يالله يعني ما اخلا من هالشيفه وينك انته من زمان وينك؟؟!!! أول ما مر عبدالله
ميثا: أٌقولك اخويه انته ما تستحي .... على الاقل حشمنا..ما تشوف اخووويه ياي ..يالله عاد فارج
الريال: وينه اخووكي ..وين هاذا السبال اللي مخلنكم لوحدكم لنص الليل ملطوعين فالشارع
ميثا: عبدالله عبدالله
عبدالله اول ما سمع منطووقها حس انه الدنيا تدووور به .... من متا ما سمع هالصوووت ..يعني ما اخلا منه
عبدالله وهو يحك شعره( الريال مب متعود ايطول شعره ..لازم فالكليه..بس شعر اسود حالك على عيون عسليه..و الله يا ناس يخبل ): هلا شووه صاير؟
ميثا: شووف هاذا الطفس من الصبح مب طايع ايفارج قوووله ايزووول .... يقوم عبدالله و دزه على صدره
عبدالله: ايه ايه انته شووووه فيك ...شوه يخصك فالناس
الريال : ليش و انته شوه خصك؟
ميثا بسرعه و عشان تتدارك الموقف: هاذاااا اخوويه شوه انته ما تفهم
عبدالله : لا لا انا مب اخوووها و في هاللحظه دق موبايل عبدالله و يوم جيك على الرقم انصدم ..سار عبدالله عنهم .... و ميثا و هيه فاااجه عيونها من ردت فعل عبدالله...ليش ايسوي جيه...ليش ايقفي و ايسير عني و انا محتاجتنه فهاللحظه...تمت عينها على عبدالله لا لا مب معقووله...و الله انه سار كيف كيف ايخلينا!!!! كيف ايخليناو هوه ايشووف شوه يالس ايصيرلنا و ما يشووف العيال كيف يتباغمون اذا ما راف على حالي ليش ما يرووف على هالصغاريه!!!!!! أأأأأأأأأأأأأأأأأأأأأه يا عبدالله معقووله بتردها فيني بهالطريقه .... جذيه بتتنقم مني...خلاص ميثا انهارت حست بعمرها انها بطيح علا ارض و بتصيح... قامت ميثا و لوت على منصووور بقو حست الدنيا تدور بها اتشووف الشوارع تلمع بدموع عيونها....ياربي ياربي اني راده الشان فيك لا تخيب ظني و اول ما شلت عينها لمحت عبدالله يالس ايرمسها....
عبدالله : سمحيلي ميثا سرت ارد على الموبايل واحد من المسؤولين فالكليه داق...وانا ما قدرت اسمع من صياح اليهال..خير انتو شوه فيكم يالسين اهنيه ارووحكم؟؟
ميثا..مارامت اترد لانها لو ردت ولا بتصيح ولا بتسبه و هيه مب ناااقصه
سينتي: هادا درايفر ما يجي نحن من سبووح( من الصبح..تعرفون الفلبينيات يتفلسفن) جالسين مني .....و تفاهم عبدالله ويا الخدامه بالانجليزي و فهم الموضوع كله و ميثا طول الوقت لاويه على عليا و صاااخه خانقتنها العبره....عبدالله فديتج يالغاليه و الله انج ما تستاهلين ولاانا شوووه هالحركه اللي سويتها بها .....قمت بجحلها عورتها ....
عبدالله: خلاص ميثا انا وقفت تكسي قوموا بوصلكم الين الشقه و انا بتفاهم ويا سعيد و بفهمه الموقف
على طووول دشو التكسي و طبعا عبدالله يعرف العنوان طول الدرب السياره هدوووء الا صووت البنات راقدات وحده جدام ميثا و الثانيه جدام البشكاره ..و منصور يالس جدام عبدالله...عبدالله مارام يتحمل يوم تذكر الموقف
عبدالله: الله ياخذه السبال بس انتو يا ميثا غلطانين حد ييلس الين الساعه سبع فالشارع
ميثا حطت عينها في عين عبدالله
ميثا: شوووه يعني انا للي يلست ارمسه.؟؟؟؟ انا من الصبح يالسه اقوله ايفارج...
و بعد فترت صمت طويله و تردد ...
ميثا: و انته الشيخ شوه قلتله مب انته اللي اتحريتك بتوقف ويانا سرت و قلتله انك مب اخوويه تعرف انه يلس يضحك عليه لاني جذبت عليه ..ميثا كانت ترمس و هيه معصبه....و بالعكس في هاذيج اللحظه كانت طالعه حلووه لان ملامحها كلها كانت مشدوده
عبدالله: ميثا ميثا انا قلتلج سرت ارد على مكالمه ضروريه و انا بصراحه يوم رديت قلتله انج خطيبتيه ...و فارج
ميثا من شدت صدمتها بللي قاله عبدالله ما قدرت اترد عليه و على طوول حطت عيونها فالاررض
منصور: عبااااادي ابا ماماه
عبدالله: انزين خلاص حبيبي الحين بنووصل...انتو ليش مب شالين موبايل وياكم....ولا جان اتصرفتو و ركبتو تكسي ولا سويتي اي شي الله يهديج هاذيلا يهال ما يرومون ايتمون برا جيه وايد شوووفي حالت البنات؟؟؟؟
ميثا و صوتها يرتجف و مخنوق: الموبايل فضا و مالقيت فلوووس لاني نسيت المحفظه...شوه تباني اسوي يعني
و انفجرت ميثا من الصياح...كل ضغط اليوم طلع في هاللحظه...من الصبح ناااشه اتحاتي عنوودي و بعدين يـتأخر الدريول عليهن....و المويبايل ايفضي...و واحد يتحرش فيهم ...و العيال ايصيحون ..خلاص خلاص ما رامت تتحمل....
منصور: خالوووه ميثا ليش اثيحين؟
عبدالله: سمحيلي يا ميثا سمحيلي و الله و الله اني ما قصدت ...و يتلوم عبدالله و هوه ايشوووف دمووع ميثا.. ويقول عبدالله في خاطره يعني هيه ناقصتنك انته بعد.,...و انا شوه اسوي بعد هموم الدنيا كلهن عليه و فجيت غيضي فيها..ياحليلها البنت و الله يحليلها ....و بعدين انا شوه لي ايلس الومها...بس و الله و الله اني كنت خايف عليها انا خاف عليها من نسمه الهوا كيف تباني اشوووفها برووحها و ماتم حد ما ضايجها و اسكت..و الله اني بغيت اجتله هاذاك الخايس يوم شفته ايرمسج.....و الله و الله يوم باخذج بحبسج ولا بخلي الهوا ايوايق عليج...اخذج؟؟!!! اخذج...تمت هالفكره اترن في راسه اصلا كيف دشت بالي ...و فجأه ايوقف التكسي و يطلب فلوسه ..حاسبه عبدالله و نزل منصور وياه و وصل ميثا و العيال الين الشقه...وما قدر ايفج حلجه بكلمه مارام ايرمسها حالت ميثا كانت والله حاله ترتجف...و مب طايعه اتفج من علايه ...على الباب
عبدالله: ميثا الغاليه لا تحطين في خاطرج عليه ...ما دري كيف ظهرت مني بليس الله يغربله.. ميثا ما وصيج حطي بالج على عمرج تسمعيني بيي يوم و بتفهمين شوه احس صوبج..و نزل عبدالله من دون لا يسمع ميثا شوه قالت........
و كــــــــــــــــــــــــــــــــــــان هذا اخر يوم تسمع فيه ميثا صووت عبدالله ، اخر يوم اتشووف فيه صوره ويه اللي انحفرت في عقلها وسويدا قلبها....وينك يا عبدالله وينك وينك!!!؟؟؟؟ خلصت اجازه عبدالله و رد للدوره و ميثا مرت عليها الايام حزينه من دون لا تشوووف زول الغالي....آآآآه يا عبدالله يا عبدالله تسمعني ولا لا ... خلصت اجازه الصيف وردت ميثا للبلاد من دون لا تدري شوه مصير حبها لعبدالله....أكيد نهايته أليمه ليش انا متا ابتسم لي الحظ في حياتي......
ميثا في مطار هيثرو تطالع من دريشه الطياره عبدالله ......عبادي الغالي قلبي عندك أمانه ما وصيك عليه
أسافــــر عنك و اتسافر معايا...ترافقني فحلي و ارتحالي ... اسافر لكن فوادك معايا امانه غاليه من شخص غالي

 

[ضوى العيون]

انتظروا الجزء الخامس☻
طمـــــــــــــّمني بس.....الجزء الخامس

في الكانتين ....كليه التقنيه
شما: السلام عليكم
ميثا: و عليكم السلام و الرحمه...مرحبا مرحبا ببنت سالم قربي قربي
شما: الله يرحبج على فضله....خيبه شووه هالبرد حشا عظامي ذابن
ميثا: ههههههههههههه...ياربي منج انتي يالعيوز ماشي لحم ايدفيج...بتخبرج ما يأكلونج هلج
شما: فدددييييييييييييييت امايه اللي ما تخلي شي .... بس ياختي شووه اسوي سويت المستحيل عشان امتن ما شي حيله
ميثا: هههههههه...فقدتج يالعصقوووول العالم كلها بتمتن الا انتي بتخبرج اتقولين مستوردينج من الصومال
شما: لا شوووه الصومال ... يوم شافووني قالولي يا بوي انتي غلطانه فالعنوان
ميثا:هههههه.... غربلاتج ما احلا سوالفج يالعيناويه....شوه سوا اخووج خلود
شما: يسرج حاله يرقص بلا حاسيه...شسوي عيناويه الدم و المولد ولكن ظبيانيه المنشأ..ياويل حالي على العين و الغراشيب اللي فيها ما فيني صبر متا بتيي اجازه نص السنه و بنسير عند خالي فالعين
و بعد فترت صمت و تردد
شما:..ميثاني ما شي اخبار عن هاذاك اللي شفتيه في لندن(شما تعرف بالسالفه كلها لان ميثا مب مرابعه بنات وايد في حياتها غير امنه حرمت سعيد و شما)

ميثا: ههههههه...ست حشووووره الين الحين انتي عندج امل
شما: ميثاني معقوله لا سأل ولا شي ...شوه هاذا ما عنده احساس
ميثا: حالي من الفرقا نضا تصلاه نيران السموم... من الجفا متمرضه هيمان في رؤيا و حلوم
شما: واااااايه لا تحاتينه ما يستاااااهل...عيل ايخطفن 5 شهور ولا تشوووفينه..ياختي هالشباب مستحيل ايحبون الحب عندهم شرات اللبان يعلجوونه شويه و يوم يخوز الشكر فلحوووه.....انسيه انسيه
ميثا: ودعتهم يا ليت ما كان يوم الوداع القلب ممحون ..تسالني وش اللذي كان لي مفارج احبابه وش يكون
عسا انهم في طول الازمان يحفظهم الله خالج الكون
شما: فديتج يا ميثووه لا تحاتينه خلاص عاد طبيه الين الحينه اتفكرين فيه
ميثا: لحظه وداعي كان لي كان ..جني طعين بحد مسنون
شما: بتخبرج ميثووه علومها اختج عنودي سمعت سلامه ربيعتج اتقول انها مرقده؟؟ ( شما شافت انه مافيه فايده ... ميثا ما بترمس عن اي شي ... و حالت الحزن ما فارقتها من يوم ما ردت من السفر)
ميثا: و الله يا شما شوه اقولج هالبنت بتجتلني من الهم
شما: فديتج يالغاليه اشووفج ضعفتي
ميثا: حالتها متدهوره ... بنسفرها لندن الدكتور اللي معالجنها و يعرف حالتها هناك
شما: يعني بلا هالطاري....لهدرجه حالتها...و الدراسه؟
ميثا : ما بكمل هالكورس...اذا لحقت على الفاينل اوكي اذا ما لحقت شوه اسوي ..شوه اقولج يا شما ..خلاص و الله بمووووت بمووت من هالهموم
شما: لا تقولين جيه يا ميثا...قولي لا اله الا الله
ميثا: لااله الا الله محمد رسول الله
شما: و الله يا ميثا انه خويه خالد شالينه ميت...بس ربج اللي يرحم و ان شا الله الله بيرحمها و بيخفف عليها خصوصا انه هاي ياهل
ميثا: الله يسمع منج
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~
محمد: شحالج ميثا؟
ميثا: شوه اتشوفه حالي يعني ..... عنبوه العنود بين الحياه و الموت و ما فكرت اتوايج عليها ؟؟
محمد: ميثا بس عاد من هالرمسه اللي مالها داعي...المهم انا رمست سعيد و قالي انه سفركم باجر
ميثا: زين يوم دريت ..ولا امبونا بنسافر وما بتشوووفنا
محمد: منوه بيسير وياكم؟
ميثا : يدتيه و عمي علي....و بيلحقنا عقب عمي سلطان
محمد: مالقيتن الا علوووه ايوديكن؟!
ميثا: و الله هاذا اللي اسمه علووه هوه الوحيد اللي عطانا ويه و تلاحق اختيه...و بعدين هوه بيلس ويانا اربعت ايام و بيرد
محمد: خلاص قالي سعيد... انا بلحقكن عقب بسبوعين هاذا اذا ما خلصتو و رديتو قبل
ميثا: لا لا لا بوجسيم لا تعب عمرك ...فطيم ما تصبر عنك ..و بعدين يدتيه فديتها ساده كل شي بنسير ان شا لله و بنرد بأسرع وقت
محمد: و الله انتي الرمسه وياج ضايعه ...بس مب منج من اللي عطاكن ويه ويا ايشوووف شوه حالكن
ميثا: طول عمرك و ما قصرت اخويه العود على راسي من فوق..
محمد: اذا احتجتن شي اسحبي كم ما تبين من حسابح انا نزلت فيه...و انا بتواصل ويا الدكتور و بطمئن على حالت عنودي
نش محمد من على الكرسي يبا يظهر..حاس بيضجه..متلوم...اول شي امه....ابووووه...و الحين يمكن عنوودي..هاذيلا البنات شوه ذنبهن جيه متلتهات فالدنيا...صدق ما عليهن قصور درسن في احسن المدراس ..يلبسن اكشخ لبس كله ماركات...كل سنه مسافرات ...بس وينه الحنان؟؟ و شوه ذنبهن اعاقبهن باللي سواه ابويه فينا
ركضت ميثا ورا محمد الين ما وصلت عند باب البيت
ميثا : محمد....فديتك لا تحط في خاطرك و الله والله اني ارمس من القهر والخووف
محمد و هو واقف عدال السياره : ما عليه... شي في خاطرج قبل لا اسير
ميثا...و هيه اتصيح: مممم....محمد...و الله اني خايفه على عنوودي حالتها ما تبشر انا اول مره اشووفها جيه اتغـيـّب( تدش في غيبوبه)
محمد أول مره ايشوف ميثا القويه اتصيح جدامه...اصلا في كل مره تبا اتصيح من يوم هيه صغيره كانت تنخش تحت الدري..ما تحب اتبين ضعيفه جدام حد من يوم هيه ياهل..حس انه هالمره ميثا منهاره سار عدال اخته.
و هوه يلوي على اخته: بس بس يا ميثا يونج انتي حرمه و اتصيحين عيل شوه خليتي حق العنود..بس ان شاالله ما عليكن شر الدكتور ايقول انه اللوكيما مب مسيطره على كل الجسم و بعدها هيه ياهل يوم بتكبر شوي بنسويلها زراعه نخاع في احسن دوله و بتصح ان شا الله
ميثا: ان شا لله
محمد و هوه يمسح بايده على شعر ميثا: يالله شي في خاطرج؟
ميثا: سلامتك
محمد: يالله عيل فداعت الله انا ما بشوفكن فالمطار
ميثا: الله يحفظك
~~~~~~~~~~~~~~~~~~~~~~~~~~~~~~~~~~

 

[ضوى العيون]

في لندن و بعد مرور اسبوعين
غبيشه: هاه ميثا بنتيه شوه ايقول الدختور؟
ميثا: يدتيه انا ما بغبي عليج...محد فالغربه غيري و غيرج و جيني هالفلبينيه اللي رايفه بحالنا ( جيني عندهم من يوم ما كانت ميثا ام سنتين كانت تشتغل عند اليده غبيشه و بعدين اشتغلت عند عبيد عشان اتربي البنات)..عنودي من يومين مب الين هناك وايد تتعب
غبيشه: فديتهاااااا...آآآآآه يابنتيه ...شوه هالحياه....لا ام ولا ابووو و حيات غربه الله يساعدج بس
ميثا: عنبوووووه يا يدتيه اذا انتي بتقولين جيه انا شوه بقوول امبوني انا متصبره الا بج... و بعدين طول عمرج و عمار عمي سلطان و علي ما قصرتو ترا الا واحد ساير و واحد راد ما خلونا مره ... انا و عنودي بدوونكم شوه بنسوي
غبيشه و هيه تلوي على ميثا: فدددددددددديتج يا بنتيه... يعلني ما خلا منكن بنات عبيد....عبيد اللي شله الموت منيه و انا بعدني ما شبعت من ريحته... بس هاذا ما قدره الله و نحن راضين
ميثا و هيه خانقتنها العبره: بس يدتييييييييييييييييه لا تصيحين بيخيسني المغر ( اثر البرقع) انا ناااااااقصه
غبيشه: سود الله ويهج ......
ميثا: ههههههه...هيه هاي غبوووش اللي اعرفها ماباج اتصيحين .... عيل وين )يااااااي هاااا (من زمان ما سمعتها؟
غبيشه: تولهتي عليها ما تولهتي على ضربت العجويه
ميثا: لالا عجويتج اتقولين قب .... اتعور ضربتها ...خليها حق ولدج عليوي
غبيشه: واااابوووويه عليج انتي ... سيري سيري ارقدي جان باجر وراج مسراح...
ميثا: بسير بس يدتيه سمعي هالاغنيه محلاها ( تبا اتغير الجو على يدتها....و اذا اليده ما قدرت تتحمل كيف البنت)
غبيشه : قولي
ميثا: يا هبوب المطلعي ودّي من صويب الحب مكتوبي .. من غريم ماله مجّدي أو رسيل عنه اينوبي
وصليه و بالنبا ردي تحملين أخبار محبوبي..من وداده قلبي منهّدي عايفن قوتي ومشروبي
و ان قلتله ماليه بّدي عن وصولك قال انا عزوبي..من يعاند شخص متحدي من يعاتب واحد عتوبي
غبيشه و هيه تطالع ميثا بنص عين: الميث غناتيه....تعشقين انتي ؟؟
ميثا: هيه اعشق واحد .... ولد عرب و كل يوم اشوفه و ما اصبر عن ريحتيه غالي و يسوا عيوني
غبيشه: سود الله ويهج ......منوه قولي بتفضحينا انتي بعد..اشوفج و الله انج
ميثا: كم صبرت استعمل مهّدي الا ما فادتني حبوبي....توبه ولا مردّي و القدر صوبك بيحدوبي
غبيشه: و الخيبه ... يعطيج حبوب بعد و اااااااعثرتيه ....
ميثا : ههههههههههههههههههههه.....هيه اعشقج انتي يا غبووووووووش الا امووووت على ريحتج و الارض اللي تمشين عليها....يدتيه هاي الا قصيده صدقتي انتي..
غبيشه: اشوووووا اعرفج بنتيه ما تزلين انا مربيتنج
من وصلت ميثا لندن صارلهم اسبوعين العنود على طوول دخلوها المستشفا لانه حالتها موصله...ميثا كل يوم تسرح من الصبح الساعه 8 الين العصر و ترد الشقه ترقد و فتره العصر اتسير مرات العيوز عند عنودي و فليل اتبات جيني عندها و هاذا الحال...
يوم الاثنين سارت ميثا الظهر عند عنودي....و هيه سايره كانت اتفكر شوه بيستوي لو عنودي خلتني...لا لا يا ميثا لا تقولين جيه فال الله ولا فالج ...و الله والله اني احبها و ما صبر عنها كفايه انها اتشابه اماااايه و كل ما شوووفها اتذكرني بها ...ما تمــّلي حد فالدنيا غيرج يا عنوودي انتي و يدتيه لا تخلني و من كثر ما ندمجت ميثا فالتفكير دشت غرفه غلط ... و ما حست قامت و حطت الدله على الرف و يوم توها بتفج عباتها ...
ميثا!!!!!!!!!
ميثا.....منوه يزقرني؟؟؟ّّّّ!!!!!!!!......مستحيل هاذا مب صوت عنودي....أول ما التفت ميثا
ميثا : ععععع....عب..شوووووه اتسوي هنيه
عبدالله : هههههههههه... جنج شااااايفه ينـــــــّي....هيه عبدالله بشحميه ولحميه...ولا اقولج ما تم فيني لحم
ميثا.....و الحيره في عيووونها انربط لسانها ...شوه اتقول ...شوه اتسوي...شوه شوه شوه
عبدالله: شوه ما شي سلام ....و بعدين هاذا مستشفا يعني شوه بسوي فيه؟؟
ميثا: السموووووحه و شلت ميثا الاغراض و قفت تبا تظهر
عبدالله: ميثا ميثا تعالي شوي ؟
ميثا: خير اخويه شي تبا شي مضيع؟؟
عبدالله: هههههههه..بعده لسانج طويل... بس بعده اينقط عسل
ميثا,,,,,,,آآآآآآآه يا عبدالله يا مشينها من صدفه ..ما صدقت انساك...جذابه ما نسيته كل يوم تشتاقيله اكثر عن اللي قبله....
ميثا: شحالك عبدالله؟
عبدالله: الحمدلله على كل حال...عايش الين الحين...علومها البلاد؟
ميثا: دار بوخليفه في خير و نعمه طول عمره بلادنا ما تسير الا في زياده
عبدالله: صدقتي والله .... اسميني تولهت عليها ... الا اقول ميثا شوه فيج خير اشوفج فالمستشفا؟؟
ميثا: ماشي اختيه مريضه و اســــّير عليها .. و انته شوه اتسوي
عبدالله : شحالها يدتج....و علوم عزبتها؟
ميثا: عبدالله اظني سألتك
عبدالله : مستشفا شوه يسون فيه يعني ؟؟اتصور ويا الدختور .... يعالجوني
ميثا: بس...
عبدالله : شوه....و عينه في عيون ميثا
ميثا: ما شي ما شي خلاص عيل اسمحليه اخويه
عبدالله: ميثا...شوه في خاطرج؟
ميثا: مب جنه هاذا قسم السرطا...
عبدالله و بصوت شوي عالي: لا تبين هالطااااااااااري على لسانج
ميثا حست بالخوووف...و شافته في عيون عبدالله
ميثا: عبدالله شوه فيك؟و الله تقول و رااااس الغالي عندك اتقول
عبدالله: اقول ميثا اذا ما فيه ازعاج لج سيري شوي لانه الدكتور اشوووفه واقف على الباب يبا يكشف عليه و الا انتي عادي عندج اتشووووفيني من دون ثياب....ميثا حست بالاحراج و على طووول ظهرت ... سارت عند العنود اختها ولقتها رااقده ما حبت اتوعيها....حطت مله المرقوقه على الرف اتحيد عنوودي اتموت على المرقوقه....يلست ميثا على الكرسي ..اتفكر في عبدالله ...يا ربي شوه هالحاله خمس شهور خمس شهور ما اشوفه فيهن ولا اسمع حسه .... والحينه يطلعلي فجأه لا و بعد فالمستشفا ,,,,,ِشوه يعورك يالغالي شوه يعورك يا ناظر عيني
جيتني يا ناظر عيوني..جيتني من بعد غيباتك ....آآآه يا عبدالله آآآه يالغالي...تمت ميثا تتحرقص تبا تعرف شوه فيه عبدالله ....يا ربي ماتكون فيه الا العافيه...قعدت ميثا عند العنود الين المغرب عقب ما شافت الدكتور و اطمءنت على عنودي سبحتها و اكلتها مرقوقه و يت جيني عشان اتبات عندها ...شلت ميثا الاغراض و طلعت .... و جدام حجرت عبدالله خففت المشي حاولت انها اتشووفه ما قدرت كان باب الغرفه مسّكر..ما قدرت ميثا تتحمل ...دشت ميثا شوي شوي...لقت الليت مسكر و عبدالله راقد...ما قدرت ميثا اتسوي شي اتشوفه جدامها طايح و مب عارفه شوه فيه ...سكرت الغرفه و طلعت و هي تدعي في سرها ياربي تشفيه..اليوم الثاني ما رامت ميثا اتسير لانها ما قدرت تتحمل تيلس فالمستشفا وما تعرف عبدالله شوه فيه فسارت غبيشه بدالها...و فاليوم اللي عقبه مارامت ميثا تتحمل الا اتسير و تسأله و اللي فيها فيها لازم تعرف شوه فيه....أول ما مرت ميثا جدام غرفت عبدالله ....
عبدالله : ميثا ميثا صبري شوي
ميثا : السلام عليكم ...شووه الدكتور مب عندك يكشف عليك
عبدالله : لا الدكتور ايمر عليه القايله...شحالج ميثا؟
ميثا: و الله شوه اتشوفني جدامك ....انته اللي فالمستشفا مب انا
عبدالله : ميثا ميثا لا تمين اترمسيني بهاي الطريقه انا شوه سويتبج مب كفايه اني اهويسبج الشهور اللي فاتن
ميثا......معقووووووله
عبدالله : و الله و الله اللي في سماه اني مانسيتج..مييثا ليش ما ييتي البارحه تعرفين اني يلست اترياج
ميثا: لاو الله و ليش حضرتك تترياني شوه الممرضه انا ....
عبدالله : ههههههههههه.....تعالي يلسي عندي فالحجره
ميثا و هيه فاااجه عيونها: لا والللله ...شوه شوه....وين عايشين نحن
عبدالله : هههههه..نحن في لندن كل شي فرييي...لالا بس انا من الصبح اخطف عدال غرفت اختج ابا اشوووفج والين الحين هيه راقده و بعدين بنخلي الباب مفتوووح يعني مب رواحنا
ميثا : ولو....
عبدالله: ميثا هاي اخر ايام حياتي لا تمين اتسوين بي جيه
ميثا : شش..ششوووه
عبدالله : تعالي داخل بنتفاهم ..بعدين اشووف دله وياج ..شوه فيها
ميثا: قهوه
عبدالله : الله اسميني تولهت على القهوه ..خست انا في لندن
بعد ما دشت ميثا و يلست على كرسي بس بعيد عن عبدالله ..عبدالله شل الكرسي الثاني و يلس عدال الدريشه
ميثا: عبدالله
عبدالله : ادري ....لا تقولين و يدندن عبدالله
كم تذكرت السنين الماضيات لي تلاقينا في ساعات الاصيل..كم على ذكراك هليت اعبراتي و انته يا منى عيني بعيد
ميثا و هيه خانقتنها العبره: و رفجت بوخليفه ترمس يا عبدالله تراني بمووت سجاجين تطعني في صدري
عبدالله نش وسار صوب الدريشه و فجها و يلس ايطالع اللي ساير و اللي ياي و بعد طول فترت صمت: الخبيث ..... الله يغربله السرطان يا ميثا ...انا انا اللي اطير طيارات انا اللي يوني في عز شبابي ... يلعبي السرطان
ميثا و هيه تشهق: شوووووووووه
عبدالله : الحنجره ...سرطان الحنجره..اخر حياتي مرقد في مستشفا ما اعرف متا الموت بيشرف وانا اللي اقول بمووت شهيد في سبيل بلاادي...انهارت ميثا و حطت ايدها على ويها .....
ميثا: ليش ليش يا ربي ... حتا انته ...آآآآآآآه و تصيح ميثا .. اينش عبدالله و يوقف عدال ميثا
عبدالله : لا تصيحين يا ميثا ...هاي الدنيا واحد ساير و واحد ياي... انا ادري انه اختج فيها اللوكيما..بس هاذا اللي الله كاتبنه و كفايه اني انا و اختج عندنا وحده شراتج قلبها حنون ....تمت ميثا اتصيح و اتصيح و عبدالله واقف عدالها كان يتمنا انه ما يخبرها بس مصيرها بتعرف ...خلاها عبدالله اتصيح الين مابدت شهقاتها اتخف...
عبدالله: ميثا
ميثا ترفع عيونها اللي خيسهن الدمع
عبدالله: ميثا سيري عند اختج اكيد هيه محتايتنج اكثر عني ....
ميثا: عب...عبدالله ....و هيه اتصيح...عبدالله
عبدالله: لبيه...
ميثا: لا تخليني ....لا تخلوووووووني
عبدالله: انا ما روم اوعدج...الا هالشي ... بس اباج انتي توعديني...انج ما تخليني..و ييلس عبدالله عند ركب ميثا بس بعيد...تعرفون مهما كانت الظروف ايتم هوه غريب بالنسبه لها
عبدالله : ميثا ميثا.....اوعدينيه انج ما تخلين عني ..اوعدينيه توقفين ويايه
ميثا.... لا جواااااب
عبدالله : اسمحيليه يا ميثا ادري اني اضغط عليج...اصلا انا مالي حق اني اطلب منج هالطلب ..السمووحه
ميثا : اوعدك يا عبدالله ..اذا الله قدرني اني بوقف وياك
عبدالله : هههههههه...لا تحلفين تراه عقب شكلي بيخرعج ...بتقولين شوه هالبلوه اللي ابتليت به
ميثا: لا يا عبدالله لا تقول هالكلام مب عقب اللي صار بينا
عبدالله : شوه تقصدين
ميثا: اذا انته ما عرفت فانا ما روم اقولك...المهم اني بوفي بميعادي

 

[ضوى العيون]

و مرت الايام بسرعه...مرن اسبوعين ميثا كانت دووم اتسير على عبدالله ساعه الصبح على السريع اتشوف شوه حاله و اذا يلست وياه تيلس بعيد و هيه متحجبه و الباب مفتوح( و انتو اتعرفون مستشفا يعني ممرضه طالعه و وحده هابطه ...يعني ما شي خلوه بينهم) عقب اتسير عند العنود و تيلس عندها الين المغرب لان حالتها بدت اتسوء و قبل لا اتسير الشقه كانت اتخطف على عبدالله تطمئن عليه و اتروح و اذا لقته راقد تيلس عنده شوي تقرا عليه قران و تروح...حالت عبدالله كانت من سئ الى اسوأ بس هوه كان يوم يشوف ميثا كانت تشرق الدنيا في عينه..و ينسا همومه...بدا الضعف يظهر عليه ..و جسمه بدا ينهار شوي شوي... بس عشان خاطر ميثا كان ايخلي عمره عادي و انه ما يحس بشي
ميثا : هاه عبدالله شوه سويت الحينه؟
عبدالله : اكيد بشوفتج احسن
ميثا : الحمدلله ...شي في خاطرك انا مروحه...
عبدالله : هيه في خاطريه بلاليط حاااار و عليه قرص بيض
ميثا: فالك طيب ما طلبت بوحميد
عبدالله: ههههههههههه..فالج ما يخيب...لا تعبلين بعمرج اسولف وياج
ميثا : لا و الله ...باجر مله البلاليط بتصبح عندك شوه في خاطرك بعد
عبدالله: خاطريه انج تيلسين ويايه و اتقصرين الدوب عليه شوي
ميثا : عبدالله ما شبعت منيه اليوم الصبح ساعتين و انا يالسه عندك ...لا و يالسين انسولف و انصاقع من الضحك..شوه اتولهت على هزبه الممرضه
عبدالله : هبي هباها الله العبده.....اسميني تروعت منها
ميثا: هههههههه...زين حصلت حد اهددك به
عبدالله: ههههههههههههه...تعالي تعالي شوي بنسولف...
ميثا: ما شا لله عندك سوالف؟
عبدالله: هيه عندي سوالف ما تبين تسمعين
ميثا: يالله قووول بس بسرعه تراها العيوز بتحتشر ليش تأخرت
عبدالله و هو يدندن: تسال الروح فجأه عنك وينك،و اجاوبها بدمع من عيوني، لان الحب لي بيني و بينك تنامى من وجد عاشق يصوني..
ميثا: اممممممممم.....عبدالله محد من هلك يدري؟ ( ميثا من المستحا حاولت اتغير الموضوع)
عبدالله: لا بعدهم...انا من شهر و نص هنيه بس الحاله مب مستقره يعني ما اكتشفو المرض الا متأخر...على الاسبوع الياي يمكن حد من هليه ايني
ميثا: خلاص عيل انا بسير..
عبدالله : ميثا ..صار عمري حزن و أيامي حسراتي، و الفرح من دنيتي شد الرحيل ، أنته محبوبي و أغلى ذكرياتي، و صرت فجأه يالغلا عني دخيل
ميثا...في خاطرها شوه تقصد...كل شوي اتلمحلي ببيت شعر..يا عبدالله لا تعلقني بك..مب كفايه روحي متعلقه بك
عبدالله: حسبي الله على اللذي سبب شقاتي، لي سقاني المر عقب السلسبيل، لي بعد مجراك عن مجرى حياتي، و افرقك عني بعد عمرن طويل
ميثا: أنته عمري و انتي أغلى ذكرياتي، و أنت في قلبي ولا غيرك خليل، و أنت عيني لي بها شفت البهاتي، و أنت لي في مقلت عيوني.... و ما قدرت ميثا اتكمل لانه دمعتها نزلت على خدهاو قامت ميثا و شلت اغراضها تبا تطلع
عبدالله: يا حبيب الروح بكتبلك وصاتي،إن غديت اليوم في حبك قتيل، أنشدك بالله لي طفت برفاتي ، لا تخلي دمعت عيونك تسيل...
ميثا: عبدالله عبدالله الله يخليك لا تبيبه طاري المووت مره ثانيه...بس يا عبدالله انا تعبت و الله اني تعبت
عبدالله : ميثا...يعني ما فهمتي انا من الصبح شوه ألمحلج؟
ميثا...أعرف يا عبدالله أعرف بس مب مصدقه....مب مصدقه انه اللي حبيته و ملك قلبي و روحي يبادلني نفس الشعور..لا يا ميثا صدقي مب هاذا قدرج فالدنيا يوم حبيتي و انحبيتي يبا الموت ايشله عنج...
عبدالله : ميثا .... في القلب قدرج عالي...و اسمحيلي على هالكلام بس تراه الانسان يوم يحب ما يروم يمسك عمره و انا يا ميثا من 6 شهور وانا مصبر عمري....و بعدين ما على المريض من حرج
ميثا اول ما سمعت كلام عبدالله حست بالموت .....آآآآآآه يا قلبي...آآآآآه يا حزن يقطعني...آآآآه يا دنيا
ميثا: ليش اتقول هالكلام
عبدالله : الدكتور اليوم مر عليه...ايقولي حالتيه مب مستقره و نصخيه كل ما اييله يتعب و انا اخاف يا ميثا ما اشوفج عقب هالمره
ميثا و هيه خانقتنها العبره....: عبدالله و راااس الغالي عندك ما تعيدها هالرمسه مره ثانيه
عبدالله: ميثا هذا نصيبي من الدنيا ..... أخرتج سيري لا تسويلج غبيشه سالفه ادريبها ما تتفج
ميثا: عبدالله
عبدالله: عيونه
ميثا: اباك توعدني انك ما تعيدها هالرمسه ان شا الله ان اشا الله انك بتغدي بخيرو بترد البلاد و بتوديني انا و يدتيه فالكروزر الاسود العزبه.....و ماعليه من حد
عبدالله: هههههههههههه..... خلاص دام جيه بغدي حصان ..بس شوه المناسبه اوديج ويانا هاي سيرات خاصه الا اذا كنتي حرمي المصون ( حب عبدالله انه ايغير الاجواء و ايعيد البسمه على ثغر ميثا ...صح انها مزحه ثجيله ضحكت ميثا...بس هاذي امنتيه اللي ما بيقدر انه يحققها)
ميثا...استحت و ما توقعت رد عبدالله رفعت عينها في عين عبدالله ....الله يا الغالي محلا عيونك ..محلاهن و هن ينطقن بهالكلمات....اول ما شاف عبدالله المستحا في عيون ميثا ركضت ميثا برا و شلت اغراضها...تم عبدالله ايشوف من الدريشه يترياها تركب السياره...و الله يعلم شوه في خاطر عبدالله اللي خلاه ايقول هالكلام !!!!

بي ظيجه ودعت انا اليوم غالي..و اسهر من فراقه ايام و ليالي..ودعني و ادموعه على الخد سالن..و قاللي منساك لو طال المطالي
بس كيف اصبر على اشواقي و بصبر..و الحب في عروقي و روحي و حالي..كم قلتله يا الظنا لابد نصبر..محال نتباعد و نتفارق محالي
حرام لا تدمع عيونك حبيبي..ولا يضيق بالك و ان هوه ضاق بالي..كل دمعه كنها طعنه بقلبي..تنزف جروحي لي اسمك طرالي
ياليت الاقدار تجمعني بخلي و نجدد الفرحه و انعيد الوصالي

ردت ميثا الشقه و هيه اطير من الفرح و في نفس الوقت الحزن يقطعلها قلبها...يا ربي شوه اخرت هالعذاب.. يا ربي تشفيهم و تخليهم ليه ....
ميثا: جيني جيني...
غبيشه: هاه بنتيه متا رديتي
ميثا : من شوي دشيت اتسبح...وين جيني
غبيشه: يمكن اتغسل الثياب.....شوه تبينها؟
ميثا : اباها اتوعيني باجر من الصبح ابا اسوي بلاليط و بشله المستشفا
غبيشه: يا بنتي انتي ماترومين توج يايه عيزانه ارقدي الين الضحا و بخليها اتسويه و بتشله هيه
ميثا : لالا يدتيه هناك عرب من البلاد و انا قلت بطرشلهم قهوه .... وانا بروحي بسويها
غبيشه: و الله يا بنتي عكيفج ... شوه سوت العنود اليوم
ميثا: الحمدلله احسن بدت تتجاوب ويا العلاج اليديد... الله كريم ان شا لله
غبيشه: و نعم بالله يا بنتيه ... تعالي اشوف ما فيج هبه ..تعالي بنتعشا
ميثا: ما عليه بسير اشوف المطبخ قبل جان فيه الاغراض
غبيشه: كل شي موجود سرنا اليوم انا و جيني السبرماركر( السوبرماركت) واتشرينا كل شي
ميثا : االسبرماركر؟؟؟؟؟ هههههههههه....... المهم شي بيض؟؟
غبيشه: شي
ميثا: اشوووا ..موصايه عليه
غبيشه: تراج اتقولين قهوه .... شقايل بعد موصايه عليه!!؟؟
ميثا: هههههههههه...يدتيه احلا البلاليط ببيض
غبيشه : عكيفج
و من الصبح نشت ميثا و سارت المطبخ و طبخت و سوت البلاليط و العصيد .... و دلة قهوه تراه ايموت على القهوه....فديته ....و شوه بعد شوه اشل...بس يا ميثا وين سايره انتي عزيمه...ما بيخلونج ادخلين كل شي ..هيه و لله ....المهم الحينه بسير اتسبح و اتجحل ما باه ايشوفني جيه تقولين ام دويس...و شوه البس..تراني ما بفج العباه...ولا اقول لبسي مخور احسن ما يحدد الجسم....خلاص ما عليه المهم اني اخلص و ما اتأخر عليه ...اكيد يالس يتريا...سارت ميثا المستشفا و خطواتها كل وحده تسبق الثانيه...و شوقها على شوفت عيون عبدالله بيجتلها...آآآه يا عبدالله مكبر غلاك في قلبي...شوه اخطف على عنودي قبل ..لأ لا عنودي اكيد راقده ...بخطف عليه و بصبح عليه.. و بغرفله الريوق و بخليه يتريق على راحته و انا بسير عند عنودي....جدام اللفت...شوه هاذا مب جنه اللفت بطا...لا لا ما بطا بس يا ميثا شوي شوي على عمرج ...يالله بسرعه يالله الدور الاول الثاني الثالث و اخيرا الرابع...لحظه بشم ريحت الشيله...زينه زينه و الله انج متعطره...انزين لحظه بشوف عمري في المنظره...ِ يونج ما تعرفين عمرج الزين ما خلا مكان في ويهج و من الصبح و انتي مجابله المنظره ..ٍسيري يالله قبل لا ايلف الدكتور عليهم ...دقت ميثا باب غرفت عبدالله ... يونا عاد نستأذن ..لوّل سيده داشين لا احم ولا دستور...لا لا عقب اللي قاله البارحه استوينا نستحي....دشت ميثا و حطت الملال على الرف و توها تطلع الدله حست بشي غريب...اكيد عبدالله فالحمام..عيل لازم اظهر مب حلوه يطلع و يلقاني...بس غريبه الدريشه مسكره و الشبريه مرتبه و اول مره ادش و ايكون الليت مسكر.....لفت ميثا تبا اتشوف اغراض عبدالله...ما شي ...بدت ميثا اتحس انه الدنيا اتدور بها .... لا لا يا ميثا هوه هنيه ما تعرفينه تلقينه عند هاذاك الريال العامري اللي في نفس القسم..بس جهاز التنفس وينه؟؟؟ّّّ!!!!!....شِوه اللي مستوي شووووه ... يا ربي سترك.... ميثا ميثا .....بدت ميثا اتصيح بدون صوووووت عرفت شوه اللي صااااااير......لاااااااااااااااااااااااااااااااااا اا يا ربي لا لا ...مب اليوم مب الحينه ...مب وقته ..و انا اقول ليش كانت البارحه رمسته غريبه..ليش يطري الموت..ليش ليش ليش!!!!.....و الله اني ما شبعت من شوفته....آآآآآآه يا عبدالله آآآآآآآآآآآه على حب في قلبي لو يوزعونه على العالم ما يخلص.....دنيا بلاك يا عبدالله ماباها...يلست ميثا اتصيح و عينها على المكان اللي كان عبدالله يرقد عليه...و الكرسي اللي كان دوووم ييلس عليه و يسولف عليها .... ولا الدريشه اللي دووم فاجنها و يقرا الجريده عليها.....كان ايمووت على المنتخب كل سوالفه عن نادي العين و البطوله الاسيويه اللي كل ما يوصلون يطلعون منها و ايخبرها كيف يموتون قهر و ايقولون خلاص ما بنتابع كوره مره ثانيه بس حبهم و انتمائهم لهالنادي ايردهم غصب. و ما خلى مباراه ما قالها عنها..ميثا اللي ماتحب الكوره استوت اتحبها عشان خاطر عيونه خلاص يا دنيا خلاص ماباج دام عبدالله مب حي ولا اروم اسمع نصخه فيها ...تعبت ميثا من كثر الصياح و سارت عند اختها العنود و يلست اتصيح و اتصيح الين ما رقدت على الكرسي
لـــــــــــــــــــــــــــيت ربي ما كتب لحظه وداع ...ولا فراق ولا دموع ولا ضياع..و ليت كل الناس خلن مع خليله
و كل ما قيل النهايه بين الاحباب الرحيل قلت:
أحبــــــــــــــــــــــــــــــــــــــــ حيل ـــــــــــه

 

[ضوى العيون]

بعد مرور 3 ايام
غبيشه: ميثا يا بنتيه شوه فيج.....من 3 ايام مب طايعه ترمسينا...شوه بلاج
ميثا: ماشي يدتيه ما شي
غبيشه: كيف ما شي و انتي مب طايعه اتذوقين العيشه...يا بنتي مب زين االي اتسوينه..حد قالج شي...ولا انا قلت شي ...يمكن عقيت رمسه جيه ولا جيه
نشت ميثا اتصيح و سكرت على عمرها الغرفه
غبيشه: و الله انه هلبنت بتيبليه الينان....
الظهر....
غبيشه: ميثا بنتيه ...نشي امايه نشي كليلج لقمت عيش
ميثا: مابا يدتيه
غبيشه: يا بنتيه شوه حلبـــــّج...خبريني انا يدتج.....ما بتسيرين العصر عن العنود
ميثا : لا المستشفا ما بطيحه
غبيشه: ليش عاد.. العنود من يومين اتصيح تباج ...ما تخلي حد يسبحها غيرج.... يابنتي لا تسوين بعمرج جيه
نشت ميثا و حطت راسها في ثبان يدتها و يلست اتصيح و اتصيح ..... غبيشه ما قدرت اتقول شي لانه صياح ميثا صياح يقطع القلب....صياح على موضوع جايد..مارامت غبيشه تضغط على ميثا لانها تعرف ميثا عنيده و ما تقول... اكيد يوم بتهدا بتيي و بتقول حق يدتها لانها ما تغبي شي على عيوزها ...تمت غبيشه تمسح على راس ميثا الين ما تعبت ميثا من الصياح و رقدت...تمت حالت ميثا جيه اسبوع و نص ما ترمس حد و ما تاكل شي ..حست بعمرها روح ميته في جسد حي...روحها ميته دام روح الغالي فارقت الدنيا....آآآه يا عبدالله ...آآآآآه منج يالدنيا..
اخر الاسبوع تمت ميثا اتسير عند عنودي المغرب ربع ساعه و اترد و كانت اتمر فالممر بسرعه متغشيه ...و موخيه ....عمرها ماتمنت العما مثل ما تمنته في هاذيج اللحظه...عما عينها عن لا تشوف حجرت الغالي..و عمي روحها عن لا تشووف غلات الغالي و حبه في قلبي....يوم اليمعه سارن غبيشه و ميثا رباعه عند العنود لانه العنود كانت وايد تعبانه و يوم دشت الممرضه طلعت ميثا ما رامت تطالع ويها كل شي ايذكرني بك يا عبدالله ..حتا الممرضه...طلعت ميثا تتمشا فالحديقه اللي تحت...و يلست على الكرسي اللي جدام المستشفا و اتشوف اللي ساير و اللي ياي...ودها اتصااااارخ و واتقوووووول يا نااااس لحقو عليه تراني ما رووم اصبر على فراقه اكثر ...ردوووووه خلوني اشوووف نظرت عينه ..خلوني اشوووف البسمه في عينه ...خلوني اسمع حسّه...حسه اللي ما شبعت منه فالدنيا.... في هاي اللحظه لمحت ميثا طيف....منوه منوووووووه....لا لا بسم الله عليج يا ميثا ....
عبدالله : ميــــــــــــــــــــــــــــــثا......وينج انتي؟؟؟
ميثا: لا لا لا يا ميثا ..نشي نشي سيري داااخل خلاص انا تخبلت
عبدالله : ميثا ليش ما تردين عليه
ميثا: منوووه انته
عبدالله : شووووه منوه انا ؟
ميثا ....حطت راسها بين ايدينها .....خلاص خلاص بيــــّن
عبدالله:ميثا شي يعورج....وينج انتي من سبوعين ..كيف اتغيبين جيه و اتخليني ادورج شرات المينون ..حتا الممرضه ما تعرف ليش انتي ما كنتي تيين
عبدالله : ميثا شوووه فيج؟؟؟؟.........نقعت ميثا من الصياح....و بدت اتصيح و اتصيح
عبدالله : ميثا الغاليه لاتصيحين .... شوفي كل العالم يالسين يطالعونا بس بس خلاص تعالي انسير الكوفي مال المستشفا بشتريلج عصير...سارت ميثا من دون وعي ماتحس اتشوووف الدنيا تلمع بدمووعها ....اتشوف العالم سايره راده..بس ما تدري هل الطيف اللي جدامها..حي و يتنفس...هل هوه نفسه الطيف اللي قالها احبج !!!!!
عبدالله : يلسي ....يلسي لا اطيحين عليه....شي فيها اختج ؟
ميثا هزت راسها بالنفي
عبدالله : و يدتج غبيشه
ميثا نفس ردت الفعل
عبدالله : عيل شوه فيج؟
بعد طول فترت صمت....
عبدالله : ميثا بترمسين ولا انش اصفعج
ميثا: عب...عبدالله
عبدالله: عيونه ...روووحه...قلبه ...ِشوه تبيني اقول بعد....بس عاد انفضحنا جدام الناس الحمدلله انه محد الا الممرضين
ميثا: وين انته؟
عبدالله: انا اللي وين ...ولا انتي ...بتخبرج انتي وين اختفيتي؟؟؟
ميثا: فالشقه
عبدالله : و ليش ما ييتي ما تعرفين اني اترياج
ميثا: انته اللي وين ....وين اختفيت انته...
عبدالله : ميثا دار راسي و الله العظيم ....داااااار راسي شوه اتقولين انتي
ميثا: تذكر سالفت البلاليط...
عبدالله: هيه ما انساه ذاك اليوم شوه بلاه
ميثا : اليوم اللي عقبه وين سرت؟
عبدالله : هيه .......صح انا ما قلتلج
ميثا : اتقولي شووه
عبدالله : كان عندي موعد عند اخصائي العلا ج الكيماوي
ميثا: انزين ليش شليت اغراضك كلهن؟؟
عبدالله: لانه الدكتور كان بيشوف نتايج الفحص ... و هم كانو شبه متأكدين اني باخذ كيماوي..و حولوني قسم العلاج الكيميائي
ميثا..التفتت ميثا في الصوب الثاني
عبدالله : ميثا ادري انج زعلانه لاني ما قلتلج.... بس و الله و الله اني ما كنت اباج تستهمين
ميثا: يا سلاااااااااااااااام ..... اتغيب جيه اتخليني لا حيه ولا ميته...ما عرف شوه استوالك...ما شفت الحاله اللي انا فيها
عبدالله: لهدرجه..
قامت ميثا و من القهر و قرصت عبدالله في إيده اللي كانت محطوطه على الطاوله...( لا تلومونها من القهر )
ميثا و هيه واقفه تبا اترووح : ليش عندك شك يعني....اذا مب مصدق ما لها لزوم يلستنا مع بعض..و تنش ميثا معصبه
عبدالله :أأأأأأأأأأأأأي..حشا يا قرصتج اتقول قرصت دبي( دبور) ميثا ميثا ...خلاص خلاص عاد فهمي موقفيه.....عندي لج بشاره ما بتسمعينها
عبدالله : شوووه ما عندج فضوووول..ميثا الله كتبلي عمر ثاني؟؟
ميثا : عبدالله تراه مب ناقص الا الخبال ما ياني
عبدالله: قلتلج من سبوعين سرت عند اخصائي علاج الكيميائي....ايقول انه السرطان متركز فللوز بس بعدده ما انتشر...و بسوي عمليت اشـــل اللوز بس و ان شا الله ان شا الله اني بفتك من هالمصيبه
ميثا : و الله ...حلف يا عبدالله احلف انك اتقول الصدق
عبدالله و الدموع في عيونه: و الله و الله يا ميثا آآآه يا ميثا ما تدرين بشوه حسيت يوم قالولي جيه..جني مولود من يديد
ساروا ميثا و عبدالله عند عنودي و سلم عبدالله على غبيشه ...و خبرها بسالفت مرضه و انه العمليه عقب يومين....و قبل لا يطلع عبدالله و يترخص منهن ...ميثا ميثا بصوت واااطي
ميثا و هيه فاااجه عيووونها: شوووووو
عبدالله و هو ايسوي حركات بإيده: باجر باجر ابا اشوووفج لانه العمليه ورا باجر
ميثا: ووووووين
عبدالله : تحت فالكووفي
غبيشه: ايــــــــــــــــــــــــه ميثا شعندج ترمسين عمرج
ميثا و هيه اتأشر حق عبدالله انه يروح
ميثا : لالا ما شي يدتيه اتثاااوب بس
غبيشه: انزين حطي ايدج على ثمج عنبوووه فاجتنه هالكبر
ميثا: ههههههههههههههههههههه... اصلا انا ثميه كبر الربــّــــيه ما روووم افجه هالكثر
ردن العيوز و ميثا الشقه ..و ميثا بطير من الفرح..اللهم لك الحمد و الشكر...الف حمد لك يا ربي ما خيبت ظني فيك....أأأه يا قلبي الله يعيني بس .... الله يشفيك يا عبدالله و تظهر من العمليه بخير و سهاله ...تراني و الله لو يستويله شي تراني بيـــــــّـــن.
بالباجر ....
عبدالله يالس يتريا فالكوفي في نفس الطاوله اللي كانو يالسين عليها البارحه...بس ميثا بطت وايد الحينه هوه من ساعه و نص وهوه يتريا ليش تأخرت ....ما عليه هاذيلا البنات لازم يبالغن..ما عليه بتريا..شوه هاذا مستحيل مستحيل هيه اكيد قالتلي بتيي..شوه هاذا الحينه ساعتين و نص حتا الكوفي بيبند و مواعيد الزياره خلصن... بسير اترياها فالحديقه....حل الليل و عبدالله بعده يتريا شكلها خلاص ما بتيي...أكيد شي استوا مستحيل ميثا انها ما تييي..بس هيه تعرف اني باجر داااش على عمليه ..ما قدرت حتا اتخطف شويه ... لا يكون استوابها شي ..لا ما استوا انا شايفنها انها بخير و عافيه عيل شوووه شووووووه اللي صار...و الله اني احس بنار تصلاني أخ أخ يا ميثاني وينج؟؟؟؟
مرت الايام من دون لا يشوف عبدالله ميثا ولا حتا يسمع خبر عنها....عبدالله حب انه ينساها أكيد هيه كانت متعمده انها ما تيي..شوه الموضوع شوه السالفه.....شوه تبا اتقولي بغيابها هاذا لشوه اتلمح؟؟؟؟
مرت الشهور على عبدالله ...شهور سودا ...شهور غابت فيها ميثا عن ناظر عيونه..لا حس ولا خبر..و اللي بعيد عن العين بعيد عن القلب..اكيد انها نستني..حب عابر في حياتها...بس ميثا مب لعـــّأبه...و انته شدراك ..البنات كلهن جيه عقب ما عرفت انك تحبها قالت خلاص ..طيحته...و الله و لعبتيها صح يا ميثا ...خلاص يا ميثا ..خلاص اللي بينا انتهى و انتي للاسف نهيتيه بإيدج..شوه يعني ماتعرف اني داش على عمليه خطيره؟...تعرف بس انا اخر مره شفتها فيها كانت مب طبيعيه يمكن كانت تبا اتفهمني انها خلاص..اصلا انا شوه بالنسبه لها هم و غم...دموع و فراق عذبتج يا ميثا معايه..ما شفتي غير الشقا و الخوف و العثره معايه..الحل الوحيد اني ابتعد عنج..كيف ما حسبتها فالبدايه..كيف ؟؟ اختياري كان غلط..اصلا هيه ماتستاهل كل العذاب اللي سببته لها..ببتعد عنها و بريحها من المشاكل ..ميثا انسانه حساسه و قليبها طيب حرام اللي اسويه فيها و الله حرام ...كل شي انتها يا ميثا.....
اللي قاعد ايصير واحد من الاثنين بس انا متأكد انه الثاني.... ميثا بنت لعابه و بغت تفتك منيه عقب ما حست اني متعلق بها ...بس مب انا اللي ينلعب عليه...مب عبدالله اللي تقص عليه بنت مراهقه..اذا هيه ما تباني مره فأنا ماباها ألف...... بس الحب اللي في قلبك صوبها؟؟!!! طز فيه من حب ....حبي لها سحابه عابره في حياتي مرت سمايه و انقضى الغيم و انزاح!!!!!!!

 

[ضوى العيون]

خلنا نبعد و نتفارق عخير ما قدرت اسعدك و اتفاهم معك..لو انا بحبك و بإحساسك جدير ما جعلت الدمع يجرح مدمعك
و ماجعلت الوهم في عيونك أسير ولا جعلت الناس عني تبعدك..أنته لي الاول و الغلا و انته الاخير بس حبي ما يحقق مطمعك
خلنا نبعد و نتفارق عخير.......للأسف ما دام قلبي ضيعك
~~~~~~~~~~~~~~~~~~~~~~~~~~~~~~~~~~~~~~
بعد مرور سته اشهر.....
امنه: ألووووو ميثوووووه...عندج الجريده؟
ميثا: ليش
امنه: شوووه ليش اول قولي عندج ولا لا
ميثا: امنه تراني مالي بارض على هالسوالف
امنه: ايه و رفجت منيصير اتسيرين و تشوفين صفحه سته جريده الاتحاد سيري و اباج اتردين عليه بتيلفون
نزلت ميثا تحت و طرشت الدريول ايبلها الجريده من الشيشه
غبيشه: هلا هلا بشيخت المزاييين هلا بميثاني شيخت العرباني
يت ميثا و حبت راس يدتها و يلست عدالها و حطت راسها على ريل يدتها و يلست اتطالع برا
غبيشه: ميثا بنتيه ما بتقدمين اوراقج هنيه
ميثا : وين ؟
غبيشه: هنيه تراها بنت صالحه يراتنا اتقول انه نفس الكليه اللي تسيريلها في بوظبي شي وحده هنيه في فلي هزاع و انتي هنيه عندي فالعين ما فيج اتردين بوظبي
ميثا : مابا يدتيه مابا.....برايني هنيه عندج
غبيشه: عنبوه يا ميثا لا تسوين بعمرج جيه ...الحينه ست شهور خطفن من توفت العنود لين متا بتمين جيه حابسه عمرج لا تسيرين ولا تيين حتا الحووش ما تظهرين فيه هاي اختج اللي ماتت هب ريلج اتقولين جاعد
ميثا : يدووووه فديت رووحج الغاليه لا تطرين هالسالفه جدامي مره ثانيه ...ولا تبين الفكه مني
غبيشه: وينها العجويه ما شووووفها ....يبالج صنـــــّه على راسج شوه هالرمسه تعرفين اني ما صبر عنج
ميثا: يوزيني ولد يابر بن سعيد و افتكي مني
غبيشه: بنتيه فديت روحج لا تقولين جيه لا تقطعين فوادي .... هاذيه يابوها الجريده شوه بلاها محتشره امنه عليها
ميثا: ما تعرفينها امنه انتي تلقين شايفه صورت واحد من عيالها مظهرينهم فالمدرسه
غبيشه : برايج عيل بنتي قومي و صبي كوب حليب وشربيه خلي الروح اترد فيج غديتي شرات الخلجه ميته لا حياه ولا شي بتموتين علينا انتي بعد ....انا بسير اشوف التيوس مطرشه امين اييبهن من العزبه بطرشهن حق قوم ثاني يايين من الحي ...
و سارت غبيشه تتمشا فالحوش ...يلست ميثا تقرا الجريــده .....يالله من زمان ما طلعت ولا سرت ولا ييت ولا تدري بشوه يستوي حواليها..الاخبار فالجريده اخبار يديده ما تعرف شي عنها لان ميثا عزلت نفسها عن العالم و اي حد بيي عند يدتها اتسير داخل عنه ما تبا اتشوف اي شيفه...فديتج يالعنووود....خليتيني ...فارقتي الحياه و خليتيني اجابلها برووحي...وين الحينه هاذيج الضحكه ...
فجت ميثا على صفحه سته مثل ما طلبت منها امنه ...بس شوه فيها ..ما شي .. تمت اتدور واتجلب و في هاذيج اللحظه زاد نبض قلبها...حست بالدنيا اسودت جدامها دزت الجريده بعيد عنها و حطت راسها ورا على مسند الكرسي و غمضت على عيونها ...شوه شافت ميثا...شوه اللي كدر خاطرها...شوه اللي خلاها اتحس عقب ما فقدت الاحساس باللي حولها من 6 شهور....
كل هاذا لانها شافت صوره عبدالله فالجريده .... ما شا الله عليه كانت صووورته وايد حلوه ردت الصحه في ويه و جسمه كان لابس البدله وحاطيله اخوانه تهنئه فالجريده بمناسبه تخرجه من الكليه.....آآآه يا زماني...آآآه من هم في قلبي... بس يا ربي بس ....ايسدني اللي فيني ....وينك يا عبدالله ..و شوه مسوي ...وشوه هيه حياتك..و تضحك ميثا على سالفت عبدالله يوم اتقولها يدتها انه اذا تخرج بتخطبله هيه و تتذكر يوم قالها انه يبا وحده من صوب غبيشه..معقوله من هاذيج الايام و انته تلمح...وينك يا عبدالله ..و بشوه اتحس صوبي الحينه...اكيد مات الحب اللي بينا...اي حب لي ما تمت ضربه من ضربات الدنيا ما صابته..حب مكتوب عليه تاريخ موته قبل حتا لا ينولد...الدنيا اتدور و تاخذ حد و ترد حد ..واحد ساير و واحد ياي ...آآه متا الدور عليه و افتك من مصايبج ..بس عاد عفتج من دنيا....و تهل دموع ميثا اللي عمرهن ما نسن عيونها هلن بصمت على خدودها .خدودها اللي يشكتن من كثر ما تصيح .......أحبك يا عبدالله ,,,,,,,أحبك و الله يشهد ..حب ما طاع يموت ولا يندفن ....



برق لمع في مقلتي و الحشا نار و اشوف من بين المقادير حتفي ...جاني رسول اخبار من وادع و سار قاسي حروفه ضاقت احزان وصفي
يا خلي دمعي هّل مع كل تذكار ايزيد جرحي و جرحي الامس يكفي... منك الجفا جاني و حكم الزمن جار صابر و انادي يا هوى ليش تجفي
اشوق فيني والعنا صمت و اسرار و الوصل عن موت المحبين يشفي... و دي بشوفك و الزمن يهلك اعمار و اخاف عمري ينتهي قبل تلفي
تمت ميثا على هالحاله و ما حسّت انه في حد يالس ايهّود...الين ما سمعت الدق اللي على الباب..اول ما شلت ميثا عينها طاحت فهاذيج العيون العسليه اللي ذوبنها مره... خلااااااص يا ميثا أكيد أكيد اني مب طبيعيه..الحين توني اشوفه فالجريده شووووه يابه الحين هنيه بيت يدتيه....لا بعد لابس نفس اللبس...نفس الدريس اللي فالجريده ...انا خلاص انتهيت ...ما تملي شي فهالدنيا حتا مخي فقدته
عبدالله : شحالج ميثا....
ميثا : لا جواب...
عبدالله و هو يلعب بالسويج بين صبوعه : غبيشه وين مالها شووووف ...؟؟
ميثا : يدتيه فالحوووش...قرب بسير ازقرها
عبدالله: لالا ما يحتاي بسير و بعدين بييها
غبيشه كانت توها داشه من الباب يعني كانت واقفه ورا عبدالله: مرحبا مرحبا ...السااااااع...مبروووك مبرووك
عبدالله : الله يبارج فيج يا خالتيه
قامت ميثا و سارت داخل يلست على الدري...مب معقوله اللي ايصير....قعد عبدالله مكان ميثا و شاف الصفحه اللي فاتحتنها و شاف صورته...معقوله معقوله انها اتصيح يوم شافت الصوووره!!!!!!
غبيشه: شحالك ابويه ؟
عبدالله: بخير الله يعافيج...يايين انا وربيعي بطي من الاستوديو مصورين بالدريس و قلت عاد ما ببدله الين ما اسلم عليج و اتشوفيني لابسنه...هاه شوه رايج؟
غبيشه: ما شا الله غااااوي ...ان شا الله نفرحلك في عرسك
أول ما سمعت ميثا طاري العرس شلت عمرها و رقت فوووق ...هاذا اللي ناقص بعد اسمع انه عرس عشان تنتهي حياتي ... الله يوفقه يا ميثا ..خليه ايعيش و ايشوف حياته...يلس عبدالله مع غبيشه بس ما طول و فتح موضوع من زمان كان يبا ايقوله حق غبيشه لانه شوفت ميثا صدمته بعد كل هالمده...انصدم انه حبها بعده ينبض في عروقه..انصدم انه رغم كل المحاولات بعدها عايشه في فكره و هوجاسه....بعد ما روح عبدالله
غبيشه: هاه بنتيه شوه تانسين عمرج اليوم ... ما تبينا انسير صوب عمتج موزه
ميثا: لا مابا جان بتسيرين انتي برايج
غبيشه: لا بنتيه انا ما بظهر الا عشانج
ميثا: يدتيه هاذا عبدالله اللي شفناه في لندن صح؟
غبيشه: هيه
ميثا : ما شالله عليه خلص و تخرج
غبيشه: هيه ما شاالله عليه...ريال و نعم ما بقى الا يعرس
ميثا: هيه الله يوفقه ...شوه هوه مب خاطب
غبيشه: لا مب خاطب بس محييرله بنت عمته مريم
ميثا: و الله؟
غبيشه: هيه بس هيه حليلها بعدها الا فالثنويه بيتريونها الين ما تخلص
ميثا: هيه حليلهم الله يوفقهم
طبعا اكيد كل الناس تستانس الا انا ...عبدالله تخرج و بيعرس..و ربيعتيه شما بتعرس فالصيف..بياخذها ولد خالها اللي بيموت فيها..الا انا ...الا انا ...لا حب لا عرس لا مستقبل ولا دراسه ...لا اهل ولا قريب ...لا اخت اشكيلها همومي ولا ام امسح دمعتيه على جتوفها..لا ابو يشد من حيلي ولا اخو يساندي على هموم دنياي..بس
بس ..يدتيه امل حياتي كلها... فنر هالبيت..و الشمعه اللي تضوي حياتي..ياربي اتخليهاو اتطول في عمرها..يدتيه اللي ما نستني لحظه وحده..فرحها من فرحيه و دمعتها من دمعتيه..يدتيه هيه هلي و ناسي...و الله يعوضني خير فهالدنيا...
انتظروا النهايه في اخر جزء بيكون المره اليايه...............

------------------------------------------------------

 

[ضوى العيون]

و بعد خمست ايام يوم اليمعه الساعه9
غبيشه: ميثا بنتيه دخني الصاله قبل لا حد ايي و اذا ين حريم قربيهن ... انا بسير اوايج على صالحه بسلم عليها و برد
ميثا : ان شا الله يدتيه
ميثا بعد ما شافت عبدالله و عرفت انه خلاص خطب و يمكن بيعرس جريب لانه طبعا خلاص اتخرج و ماشالله سيده اشتغل...اتجدد الامل في حياتها...خلاص عبدالله من نصيب حد ثاني و شوفيه صارع المرض و انكتب له عمر يديد..ليش انا اشوف الدنيا سودا..ان شا الله السنه اليايه بكمل فالتقنيه اهنيه فالعين عند يدتيه و ان شاالله بتخرج و اذا ياني نصيبي مابرده ..ابا ابرد فواد يدتيه اللي شاله همي..
ميثا و هيه اتحط العود فالمدخن...و حاطه الشيله على جتوفها تبا اتدخن شعرها لانها توها متسبحه
عبدالله : السلام عليكم
عبدالله من عرف انه ميثا فالعين و بالتحديد في بيت غبيشه ما رام يمسك عمره...حياته كلها انجلبت..صبــّر عمره بس مارام اكثر عن جيه...كيف بيصبر و الباب بالباب..و بعدين اليوم اليمعه لازم اسلم على غبيشه...غبيشه ولا حجه عشان اتشووفها؟؟!!
ميثا : و عليكم السلام ...قرب
عبدالله : قريب...شحالج ميثا ؟
ميثا : بخير الله يسلمك ...شحالك عبدالله
عبدالله: بخير الله يعافيج..شوه وينها العيوز
رغم كل الوله ...رغم كل الشوق..عبدالله حب انه يطلع من البيت .. يا ناس و الله ماروم و الله ماروم اشوفهاجيه جدامي عقب كل اللي استوا..و الله اني احبها ..
ميثا : يدتيه سارت اتسلم على صالحه
عبدالله : هيه عيل تخالفنا ..خلاص عيل بشوفها مره ثانيه
ميثا: انزين الفواله ...قرب
عبدالله : لا بس تسلمين و الله .....تم عبدالله واقف ما تحرك و ميثا مستغربه من حركته شوه فيه !!!!
عبدالله و ميثا مع بعض كل واحد زقر اسم الثاني في نفس الوقت ....ضحك عبدالله بس ميثا ما ضحكت بالعكس بان الحزن على ويها ووخت تحت
عبدالله عرف انها هاي فرصته الوحيده..عبدالله لا تتهاون تراك فرطت فيها من قبل لكن الحينه لا ....
عبدالله : قولي شوه في خاطرج؟
ميثا : ما شي و الله........... انته شي بلاك؟
عبدالله: هيه....ميثا...أنا بخطبج عندج مانع
عبدالله ما حب انه اييب اي مقدمات ...حبهم واضح ما يحتاي اي تفسير..و اللي بينهم اقوى من انه ييلس ايفسرلها شعوره ..عبدالله توقع انه ميثا
تتفاجئ
او تنصدم
او تفرح
او حتا يحمر ويها...بس كل هاذا ما بين في ويها الحزن بس اللي بين في عيونها...
ميثا و بكل برود: بس انته خاطب عبدالله
مثل ما هوه خذ قلبها و شغل حياتها بحبه و هو محير بنت عمته...لازم تكويه بنفس النار...تشربه كاس المر نفسه اللي شربت منه...يعني هو كان ملتزم ببنت عمته في نفس الوقت اللي كان ايقولها انه يحبها؟؟؟؟ بذمتكم ايصير!!!!!!
عبدالله : منوه يقولج؟؟؟
ميثا: و مريم بنت عمتك
عبدالله و هو منصدم ...من وين طلعتلي هاي مريم بعد: انا محيرنها بس
ميثا : و يعني؟؟!!!
عبدالله : انا اصلا ما كنت باخذها....لانها اصغر عني بوايد..بعدين اخويه الصغير متعلق بها وايد وانا مب مستعد اخذ وحده اخويه الصغير نفسه فيها
ميثا: حتا انا محيره
عبدالله و بعصبيه: منوه و متا؟
ميثا : ولد يابر بن سعيد....
صخ عبدالله مارام يرمس...شوه ايقول ولا شوه ايسوي وده انه يجتل عمره ..
عبدالله يرمس و هو شال الدنيا بحسه: اصلا انتي ما بتاخذين غيري طعتي ولا لا ...غصب طيب باخذج...و خلي عنج هالخراطه...و ان شا الله لو باخذ الف مريم باخذج تسمعينها هالرمسه ولا لا ؟؟؟
عبدالله يرمس من خاطر معذب ... رمس و الشرار بيظهر من عيونه..
عبدالله و هو يأشر بالسويج صوب ميثا: شوه هيه الدنيا فوظا...والله ياخذج و لو هليه ما طاعو...باخذج ان شا الله و لو عديله على مريم
ميثا و بكل برود ( و الله يعذبه مثل ما حط الضو في فوادي امحير يا عبدالله ؟؟!!! امحير بنت عمتك و انته اتقولي انك تحبني على منوه تلعبها!!!؟؟)
ميثا: و الله انا شوري في راسي...و ما ظني انك و لد عمي عشان يلزموني هليه بك
آآه يا ميثاني طرتي من بين ايديه...بس انا لمّحت ليدتها غبيشه و هيه ما بينت اي شي بالعكس حسيت انها مستانسه..ما قدر عبدالله يتكلم طلع شغل السياره و سار ....
ميثا....خلاص يا عبدالله اخر امل بيني و بينك جتلته بإيدي..ليش يا ميثا سويتي جيه ...ليش ..ليش..مب هاذا اللي كنتي تبينه مب هاذا اللي حبيتيه و حبج ....خلاص اللي صار صار و الله ما كتب!!!!!!!
بالباجر....
غبيشه: ميثا ميثا بنتيه....فجي شوي اباج
ميثا: هلا هلا بالكووونجرس كله ...ليش راكبه ألين فوق جان طرشتيلي البشكاره و بحولج
غبيشه: لالا الماضوووع حساس على قولتهم فالاخبار....و يت غبيشه و يلست عدال ميثا على الشبريه اللي كانت يالسه تتصفح مجله
ميثا : هههههه و شوه هوه المااااااااضوع( تتطنز على يدتها)
غبيشه: يا بنتي في ناس مطرشين عليج
ميثا : ادري و انا رديت عليج و قلتلج موافجه
غبيشه: يااااااااي هااااااا...زين واحيليه ارمس... مب قوم يابر بن سعيد...
ميثا و هيه فاااجه عيونها ...منوه عيل؟؟؟
غبيشه و هيه تسحب المجله من ايد ميثا و طالعها بالمجلوب: قوووم يابر رديناهم مب انتي قلتي ولدهم ما دري شوه بلاه ماتبينه!!!
ميثا: بس انا غيرت رايي
غبيشه: لا لا نحن من زمان رادين عليهم و خبرناهم انج ماتبين .. هالمره ولد ثاني ال....... خاطبينج..هاذا عبدالله اللي اتشووفينه دووم هنيه ايي ايسلم عل....
ميثا : بس بس يدتيه عرفته...لا انا مااااباااه
غبيشه: وااابوووويه عليج...شوه بلاه الريال توه متخرج و مزيووون و بطران ..
ميثا: يدتيه لا تعبـــــين عمرج انا قلت لا يعني لا
غبيشه: انزين فكري يا بنتيه الولد ما يتفرط... و انا اعرفه من زمان و هوه كم مره رمسني عنج..حليله جنه يعيــــّب الريال
ميثا : يعيب ولا لا.... انا قلت لا و ما بغير كلمتيه
غبيشه: ما بتشاورين عمرج؟
ميثا : لا خلاص شاورتها
غبيشه: على راحتج....بتخبرج شوه هالصنع ( الشيف) اللي تشوفينهن...سمالله اسميهن ما يعرفنه الصراي و المحلب
ميثا: عنبوه يا يدتيه محلب!!! منوه يحطه المحلب ألحينه؟....... يدتيه وين بتسيرين؟
غبيشه: حليله عبدالله بيخطف عليه و بنسير العزبه
ميثا: يا يدتيه عيب شوه هوه دريولج اتهيبنه و اتسندينه
غبيشه: و الله هوه من خاطره اللي يعزم انا ما جبرته
ميثا : انزين يمكن هوه يستحي ايقولج لا
غبيشه: وااابويه عليج ...فكيني من الصدعه

عقب ما سارت غبيشه يلست ميثا اتفكر ليش هيه رافضه عبدالله ... ليش ردت فعلها سلبيه..هوه شوه سوابج..اعرف اني انا الغلطانه...اعرف اني انا اللي خسرته ...لا ميثا لا تغلطين هالغلطه ..انزين شوه اسوي؟؟!!
شوه شوه اتسوين؟؟؟ ..كل شي واضح...يعني هوه اتحدا هله عشانج..سوي شي...اتحدي الظروف...شوه تبينه ايسوي اكثر عن جيه...هوه ماله ذنب فالظروف اللي يتج...مب ذنبه انه ابوج و امج اتوفو..مب ذنبه ان اخوج محمد ساهي لاهي عنج..مب ذنبه انه عنودي اختج فارقت الدنيا...كل ذنبه انه حبج..كل ذنبه انه صبر و كان مخلص في حبه لج...ليش اتعاندين ...ولا انتي خلاص اتعودتي على الشقا..مب يمكن هوه الفرح اللي بيجدد لج حياتج؟..لامب يمكن انا متأكده انه هوووو...ياربي انا شوه سويت..لازم اتصرف..و هنيه ردت الروح في ميثا..بدت اتحس انه الحياه و اخيرا اتقولها يالله....لازم اتصرف
تمت ميثا أتريا يدتها اترد من العزبه و اول ما ردت يلست اتوايج عليها من دريشت الصاله و بندت الليت على اساس عبدالله ما يلمحها...يحليلها مودنها فالاستيشن...حتا ايام الكروزر الاسود راحت ..لا لا ما بخليها اتروح..فديتك يا عبدالله و محلى هالنظره لا بعد نظاره طــبــيه فديتهن هالعيون اكيد حسدوهن ما يشوف الا بنظاره و رافع السفره شوي عن راسه من جدام وشوي من شعر راسه ياي على يبهته ..يالله عليه و هوه ايحول الاغراض ..ما شالله سبحان اللي خلق و كمل ..اول ما دشت العيوز
ميثا : مرحبا بالطش و الرش و الماي المرشش
غبيشه : الله يرحبج على فضله ..ازقري على البشكاره اتشل الدلال من برا( العيوووووز زعلانه)
ميثا : ان شا الله يدتيه بس ابا افاااااتحج في ماااااااااضوع
غبيشه: شوه
ميثا : يدتيه ولد ثاني اللي اتقدملي ..
غبيشه: شوه بلاه توه يايبنيه
ميثا : ادري خلاص انا غيرت رايي و باخذه
غبيشه: شوه هيه لعبه شوي هيه و شوي لا
ميثا : لا و الله اني خلاص ما بغير رايي
غبيشه : بتلعبــيــبي قبل العرس بيومين بتقولين لا ماباه و بتم فضايحنا جدام العرب .( العيوز بعد مب هينه تبا اتغايض...يابوي سوالف الحب ما تنخش عن غبووووش...بس الا تحرقلها اعصابها)
ميثا : يدتيه بس عاااااد تراني استحي كم مره بقولج خلاص اباه يعني اباه
غبيشه: هيه بس هوه ما يباج
ميثا : مب انتي اليوم الظهر اتقوليلي انهم يايين ايخطبوني!!!!!!
غبيشه: هيه
ميثا: عيل؟؟
غبيشه: عيل شوووه؟؟ لا تمين اتصدعيلي راسي ...الحينه عبدالكريم مصدعلي راسي ويا هالهوش
ميثا......
غبيشه و هي بدش الغرفه : تراه هوه ما يباج ... الا حاشر الدنيا عليج و انا خلاص اليوم داار راسي من كثر مايرمسني عنج... و انا بيوزج اياه حتا لو ما تبين يا بوي شوفي مستقبلج و ابذري منه وبشوفج عيالج قبل لا مووت ان شا الله بخبر اخوج محمد ايرد عليهم ....طعتي لو لا ما عندي بنات يتنقن الرياييل

( و الله عيايز اخر زمن يوم شافت الروح بتظهر من البنت ...رمست )

~~~~~~~~~~~~~~~~~~~~~~~~~~~~~~~~~~~~

 

[ضوى العيون]

ميثا : عبدالله دق هررررن خل يدتيه تطلع من متا و نحن انتريا ما تشووووفهم ايصيحون
عبدالله : انتي الله يهديج معزره انسير فالكرووووزن وين بيكفي الحينه وين بنحط يدتج؟؟
ميثا: عنبووه يدتيه بتنعفص بينا
عبدالله : و الله اني احاتيها بتنخض جبدها فهالسياره.....انتي لله يهديج قلتلج خلينا انييب اللكزس
ميثا : عاد انا في خاطريه سيرت البر و المطر و نحن فلكروزن
عبدالله : من عيوووووووني انتي بس طلبي....بس العيال وين بتحطينهم
ميثا : ثاني جدامي و عبيد جدام يدتيه ..... و الله يخليك شغل على ميييحد خل عبيد ايووول حق يدتيه
عبدالله : ان شاااااااا اللله يا ام عبيد و ثاني...
عبدالله: ميثا...
ميثا: هلا الغالي شوه بلاك؟
عبدالله و هو يميل براسه صوب ميثا......همس: أحـــــــــــــــــــــــــــــــــــــبج
ميثا: جديمه
عبدالله: لا و الله .....جديمه يون... انتي اللي موديل جديم ما عرف كيف حبيتج...اصلا انا حبيتج حب تايواني مب اصلي
ميثا : لا و الله .....حبك تايواني و لا انته بكبرك تايواني خربان
عبدالله : لا و الله لا تلومين الا عمرج اوكيه......ألا أعض ذنج عقاب لج .......و بالفعل صدق عمره الريال يونه بينتقم
ميثا: اااااااااااااااااااااااااااااايه عبدالله ما تستحي انته ....غربلات بليسك ما تشوف امين الدريول كل شوي متخطف يالس ايشوفنا
عبدالله : ياااااااااااااااخي كيفي حرمتيه .....
ميثا: ما قلنا شي...... اتقول فلم مكسيكي على الال بي سي...
عبدالله: غربلات هالسوده له ..... يعني ما اعرفها حركاته ويا بشكاره ييرانا.. شوه يعني حلال عليه و حرام علينا
ميثا: عباادي حبيبي حط ميحد " أحب البر و المزيون"
عبدالله: من عيونيه يا ام ثاني
ميثا: ام عبيد لو سمحت
عبدالله : لا و الله ؟؟؟ اص اص لا افرج الحينه من الدريشه و انروح عنج انا و غبووش
ميثا: و الله ما تروم ....بعدين عبيد طايح قبل ثاني بعشر دقايق يعني ام عبيد
عبدالله: ميثووووه لا تغايضيني تراني و الله يسويبج شي يخلي عيوووون امين يلصقن فالجامه
ميثا: ههههههههههه.....كل شي في وقته حلو
شغل عبدالله الشريط....و هو يحرك شفايفه ايغني لميثا و ايأشر لها

أحبـــــــــــــــــك لو تجافيني على كل الخطا مسامح احبك يا نظر عيني و رضاك ألزم ولكني فقير الحظ
انا لك اكثري تجريح تراه حبك بيشفعلك أحبك
ذوب خفوووق الشوق و انتي معي يا شوق يحلا الحياه بذوق طعم السعاده بك
لك خفوقي يشتقا ثم اهتنا بك و في عروقي دمي الجاري اغتذابك
ولاح شوفي في سما كل البشر غير زولك ماملا احد النظرجددي فيني حياتي باللقلا


ميثا: عباااااادي فديت روووحك مالقيت الا خالد عبد الرحمن
عبدالله : يوني اسويلج جو رومانسي ....خالد عبدالرحمن و الطشاش ايصب و الجو غيم شوه تبين بعد؟
ميثا: يابوي ما يهيج مشاعريه غير ميحد
عبدالله : حاضرين يا ام عبيد و ثاني
ميثا: لا خليت منك ان شا الله



مرت ثلاث سنين و نص على عرس ميثا و عبدالله..كانو احلا ثنينه .... ما شا لله عليهم كل واحد احلا عن الثاني..استقرت ميثا في بيت بو عبدالله علي شان اتكون عدال يدتها.. ميثا حملت و يابت تووم ولدين سموهم عبيد و ثاني على ابوها و ابوه ...و الحين ميثا حامل في شهرها الثاني بعد اصرار عبدالله لانه يتمنا الله يرزقه بعد تووم بنات و ايسميهن غبيشه و العنووود......







أدعوووووووووولهم الله يوفقهم و يجمع كل اثنينه حبو بعض
النهايه