طمعان والا لا؟؟؟

[بزه المرتزه]

السلام عليكم
شلونكم خواتي
بقولكم سالفتي الي قلبي وعقلي لهم رايين فيها
انا زوجي يحب الهدايا
وااايد مو شويه
والاشهر الي طافت اختلت ميزانيتي فما قمت اهاديه شي صراحه
هالايايم ضاغط علي
انتي من زمان مايبتيلي هديه وانتي متغيره وانتي وانتي
فهمته وقتله اني مريت بظروف وماقدرت
جان يقولي يله عيد زواجنا ياي بشوف شنو بتيبين
وانا داشه جمعيه جان يقولي لما تستلمين جمعيتج اشتريلي هديه!!!

الحين خلو الحوار الي دار بيننا
انا مضايقني شي وانتو قولو اذا صح تفكيري او لا
يمكن اكون غلطانه
المفروض ان مايشرط علي اييبله هديه لان هالشي ايي من نفسي مو من طلباته اهو
وبعدين المفروض ان مايتدخل بفلوسي وبجمعيتي ولايتشرط علي جذي!!!
صح والا انا غلطانه!!
عقلي يقولي لا تشترينله لاني صراحه حاسه ان يطمع فيني
وقلبي يقولي تهادو تحابو وهاديه وخلي الامور تمشي على خير
مع العلم ان مو اول مره يتشره اني ماهاديته من زمان
وهالايايم نفسيته بخشمه مادري اذا من هالشي او لا

من جذي اقول ودي اشتريله وافتك عشان ارتاح وتمشي حياتي طبيعيه
واالا شرايكم

 

[بزه المرتزه]

up up

 

[حشمه]

زوجج كريم معاج يهاديج مثل ماتهادينه

يصرف عليج مو مقصر ولا شنو طريقتكم

وجربتي تكون هداياج مو ماديه يعني طلعه مع بعض

تمشي تغيير جو مو الا شي تعطينه اياه شنو ردته فعله

يمكن عودتيه على الهدايا لي خففتي هالشي يرد عادي

 

[بزه المرتزه]

زوجج كريم معاج يهاديج مثل ماتهادينه

يصرف عليج مو مقصر ولا شنو طريقتكم

وجربتي تكون هداياج مو ماديه يعني طلعه مع بعض

تمشي تغيير جو مو الا شي تعطينه اياه شنو ردته فعله

يمكن عودتيه على الهدايا لي خففتي هالشي يرد عادي

اي والله صراحه اهو مو مقصر يهاديني بس الي بوصله ان مايقدر يجبرني اني اييبله لاني ما اجبره واذا بيهاديني منه ومن نفسه بدون ما اقوله

 

[الهما]

امورك المالية سواء جمعيه او اي شي ماله شغل يعرف عنهم
الشي المهم بالموضوع هل اهو يهديلج اشياء قيمه؟؟؟
ثاني شي
على حسب نوع ريلج
اذا يفهم بالكلام قوليله ان الهدايا شي حلو و ان انت تحبين تهدين و تحبين ان احد يهديج بعد
لكن في اشياء تطلب و في اشياءتجي من النفس و الخاطر عشان نقدر تنحس بقيمتها المعنوية و تصير حلوه
اذا جت بالطلب و التكرار تصير بايخه ...مثل موضوع الهدية .... تخيل انا احن عليك يالله هات هديه ليش ما شريتلي
و صارحيه قوليله احس ان نفسك بخشمك هل لاني ما شريت لك هديه!!! و قوليله ان هالشي مزعجج بكل هدوء و ادب
اما اذا ما يفهم
فاشتريله هديه و خليها تكون بسيطة مو غاليه
وشوفي ردة فعله
اذا ما يعجبه الا الغالي قوليله ماقدر و تنازلي عن الهدايا الغاليه منه
انا براي جمعيتج انت اولى فيها

 

[الأميرة جوري]

اذا حبوب ويهدي لج ومايقصر معاج بكل وقفاته وامورج يستاهل اما عطيني وما اعطيج يبيلها وقفه بصراحه وتفكير وانتي بيني له ليش تنضايقت لمن ما اهديت لك عندي ظروف المفروض تقدر مو تطلب تعويض بالمرات الياييه وريلج انتي اكيد تعرفينه عددددل

 

[M!SS.LOBY]

الله يكون بعونج

بس ما يصير حاط عينه على جمعيتج ما يبيج تحوشين او تجمعين مبلغ مالي لليوم الاسود الله لا يجيبه

معروف في خصلة بكل الرياييل ما يبون المرأة يكون عنده مبلغ مالي عشان تكون تحت رحمتهم ومذلتهم اشفيج اهو قاعد يفكر جذي يبي يخلص فلوسج بأي طريقة

بس خلج حريصة ويمعي لج كم دينار الرياييل ما عليهم معتمد ولا نحطهم راس مال لنا ومالهم ضمان الضمان رب العالمين فقط

 

[مذهلة2013]

موحلوه انه يتشرط

اهيي هديه يعني انتي الي تقررين وتفكرين اذا بتييبين له شيء مو اهو يتامر وييبيلي جذي موحلوه حسيتها

ربي يسخره لج

 

[طيبة83]

اتوقع انه يتغشمر

 

[كليـ دلعـ]

بزه المرتززه وااااايد احب نكج ودي ابوقه>>> ههههه

غلط يشرط عليج

وغلط يحن ويزن

هذي ماصارت هديه اللي فيها غصيبه

لا لاتهدينه خليه

جيسي نبضه !

اي جيسيه شوفي اذا ماهديتيه بيتغير عليج وبيطلع معدنه

والابيتم ريلج فلان!

اي والله شكله طمعان قطع ماحب اللي جذيً نفسه دنعه

الهديه اتتيي مفاجاه وبدون علم

مويالله اشتريلي

بزززه لاتشتريله لان اذا تعوود باجر متى مانسيتي

والا صار ماعندج بيعفسج!

وهذااا غلللطططططط!

روحي معاه مطعم وتعشو ع حسابج بعشرين دينار بسسسس


مواكثر وليقالج شالمناسبه قولي هذي هديتك

وطنشيييه يزعل لين يرضااا

انقلبت الايه خبري الريال اهو اللي يفاجا مرته

ويهاديهاا ويدللها صار اللعكس وبغصيبه

خخخخخخخخ

كككككككللللله منكم انتوساس الخراب

واالا اقولج مطعم هندي جباتي وسمبوسه

وخ يسد بوزه

جبح*

 

[منال $]

هوا ماشترط هدية معينة ولا غالية عشان نقول انة طمعان فيكي
وبما انة انتي بتقولي انة مو مقصر معك بشي لاهدايا ولا غيرة
يستاهل زوجك والله تهدية يمكن يحب انة يلبس من زوقك مثلا او لو احد من اصحابة سالة من وين جايب هالقطعة الفلانية يقولة زوجتي اهدتني اياها فشوف نفسة عليهم
هدا تحليلي

 

[بزه المرتزه]

امورك المالية سواء جمعيه او اي شي ماله شغل يعرف عنهم
الشي المهم بالموضوع هل اهو يهديلج اشياء قيمه؟؟؟
ثاني شي
على حسب نوع ريلج
اذا يفهم بالكلام قوليله ان الهدايا شي حلو و ان انت تحبين تهدين و تحبين ان احد يهديج بعد
لكن في اشياء تطلب و في اشياءتجي من النفس و الخاطر عشان نقدر تنحس بقيمتها المعنوية و تصير حلوه
اذا جت بالطلب و التكرار تصير بايخه ...مثل موضوع الهدية .... تخيل انا احن عليك يالله هات هديه ليش ما شريتلي
و صارحيه قوليله احس ان نفسك بخشمك هل لاني ما شريت لك هديه!!! و قوليله ان هالشي مزعجج بكل هدوء و ادب
اما اذا ما يفهم
فاشتريله هديه و خليها تكون بسيطة مو غاليه
وشوفي ردة فعله
اذا ما يعجبه الا الغالي قوليله ماقدر و تنازلي عن الهدايا الغاليه منه
انا براي جمعيتج انت اولى فيها

عجبني كلامج صراحه وبقوله وبشوف رده لاني فعلا احس نفسه بخشمه والسبه هالسالفه
والجمعيخ مثل ما قلتي انا اولى فيها
وحتى لو بشتريله هديه من الجمعيه فالمفروض من نفسي مو اهو الي يقولي

 

[sh_mashael]

دام يشتريلج

اشتريله اللي يبي

يستاهل

 

[بزه المرتزه]

الله يكون بعونج

بس ما يصير حاط عينه على جمعيتج ما يبيج تحوشين او تجمعين مبلغ مالي لليوم الاسود الله لا يجيبه

معروف في خصلة بكل الرياييل ما يبون المرأة يكون عنده مبلغ مالي عشان تكون تحت رحمتهم ومذلتهم اشفيج اهو قاعد يفكر جذي يبي يخلص فلوسج بأي طريقة

بس خلج حريصة ويمعي لج كم دينار الرياييل ما عليهم معتمد ولا نحطهم راس مال لنا ومالهم ضمان الضمان رب العالمين فقط

اي والله صح كلامج مو مضمونين

 

[بزه المرتزه]

موحلوه انه يتشرط

اهيي هديه يعني انتي الي تقررين وتفكرين اذا بتييبين له شيء مو اهو يتامر وييبيلي جذي موحلوه حسيتها

ربي يسخره لج

اي مو هذا الي باط جبدي
امييين يارب

 

[بزه المرتزه]

بزه المرتززه وااااايد احب نكج ودي ابوقه>>> ههههه

غلط يشرط عليج

وغلط يحن ويزن

هذي ماصارت هديه اللي فيها غصيبه

لا لاتهدينه خليه

جيسي نبضه !

اي جيسيه شوفي اذا ماهديتيه بيتغير عليج وبيطلع معدنه

والابيتم ريلج فلان!

اي والله شكله طمعان قطع ماحب اللي جذيً نفسه دنعه

الهديه اتتيي مفاجاه وبدون علم

مويالله اشتريلي

بزززه لاتشتريله لان اذا تعوود باجر متى مانسيتي

والا صار ماعندج بيعفسج!

وهذااا غلللطططططط!

روحي معاه مطعم وتعشو ع حسابج بعشرين دينار بسسسس


مواكثر وليقالج شالمناسبه قولي هذي هديتك

وطنشيييه يزعل لين يرضااا

انقلبت الايه خبري الريال اهو اللي يفاجا مرته

ويهاديهاا ويدللها صار اللعكس وبغصيبه

خخخخخخخخ

كككككككللللله منكم انتوساس الخراب

واالا اقولج مطعم هندي جباتي وسمبوسه

وخ يسد بوزه

جبح*

هههه حلالج بوقيه
لوول شكلي بعزمه بمطعم هندي مثل ماقلتي وبقوله هذي هديتك :eh_s(15):

 

[كليـ دلعـ]

هههه حلالج بوقيه
لوول شكلي بعزمه بمطعم هندي مثل ماقلتي وبقوله هذي هديتك :eh_s(15):

هههههههه عفيه عليج

لاتخلينه يستغلج

انتي اللي استغليه

واللي يحبك ع شي يكرههك بفقدانه

فلاتخلين حبه لج مرتبط ياتيبين يابنقلب عليج

 

[عـيّــآره]

سوي مثله لوعي جبده تشرطي لين تبطين مرارته عاد عقب قوليله شفت اشكثر هالحركه بايخه

المفروض اذا سويت لك مفاجاه ماتعرف شنو ومتى وليش

ذكرتيني بوحده سويت لها مفاجئه بعيد ميلادها قرفتني تبيني احتفل فيها حتى باسبوع الشجره

​

 

[ReD&FoSHia]

دام طيب و مو مقصر و يهاديج
يعني اهوو عزت عليه نفسه ماتهادينه
ترا زعلان الظاهر مو انه يجبرج تشترينله
بس يفكر انج هاملته ولا شلتييه من التزاماتج
اشتريله هدية عيد زواجه و وراها هدية بسيطة لو قرشة عطر من الشايع
دام رضا ريلج بهدية لاتفوتين الفرصة

 

[ReD&FoSHia]

بس لا يتشرط بنوع الهدية بعد