طليقة زوجي وحركاتها السخيفه.....

[شالعه ضرس العقل]

السلام عليكم
انا وحده متزوجه واحد مطلق قبلي وحده وهالوحده للحين تبيه على حسب ماجاني من كذا شخص انها تمنى ترجع له منوه ومتحسفه على طلاقها

المهم

زوجي عنده منها بنت واذا يبي بنته يدق على خوالها يعني مايحتك فيها كلش ولا يبي احتكاك وياها

ذا اليوم زوجي جاب بنته وليلحين الامر عادي

قومي ياطليقته طرشي له مسج (( البنت لاتبرد انتبه عليها لاتقط جاكيتها ))

انتي على اي اساس تطرشين له شكو قطة الويه هاذي

تبين شي سوي مثل مايسوي عندج اخوانج يكلمونه مو انتي تطرشين له مسج حتى لو كان بينكم بنت الريال متبع سياسة انه اذا يبي بنته او بيعطيها فلوس يكلم اخوانها مايكلمها اهي

بنات احنا حريم وعارفين حركات التحرش من بعيد لبعيد وانا فاهمه حركاتها
والمصيبه الثانيه ان زوجي ماقالي عن هالمسج انا دريت عنه وهو مايدري اني عارفه <<< بنفجر يابنات قااااااااااهرتني هالمره
والقهر الثاني سكوت زوجي ليش مايقول لها اذا تبوون شي خلوا الرياييل يكلموني ؟؟؟
بنات توني دريت بالسالفه ومنقهره شسوي؟!!!!:eh_s(14)::eh_s(14)::eh_s(14)::eh_s(14)::eh_s(14):

 

[Miss-LuLu]

رد : طليقة زوجي وحركاتها السخيفه.....

؟؟


شدعوه مسج - اتصال كله نفس الشي

 

[دنيتى زوجي M]

يمكن ماقالج ماحب يضايقج

وعلى حركتها مابي احط بذمتى يمكن موقاصده شي

مادري والله الله يعينج حبيبتي ويبعدها عنكم

 

[شالعه ضرس العقل]

انا ماقلت ليش تتصل انا اقول ماابيها تحتك فيه خير شر لامسج ولا اتصاااااااااااال

 

[al-musk]

رد : طليقة زوجي وحركاتها السخيفه.....


اي قاعده تتحرش فيه اشكره عاد انتي قوليله انج دريتي وانه مفروض يكون حازم معاها واعتقد هو طنش ومابغا يضايقج وماظنتي رد عليها فانتي هم طوفي

 

[G!RLooNa]

زوجج شكت مايبي يسوي مشكله لان يدري انج بتتحسسين من السالفه

 

[ام شووووق]

رد : طليقة زوجي وحركاتها السخيفه.....

ريلج شكله عارفج غيورة واختصر الكلام وخش المسج

خلج عادي ولاتينينله انه زعلانه لاتفتحي عيونه على طليقته بصدق نفسه ويصير يحرج فيها حتى لو مافي شي

ترى احنا احيانا نفتح رياييلنا على سوالف ونخليهم ينتبهون

 

[روحي زوجي]

رد : طليقة زوجي وحركاتها السخيفه.....

ادعي هذا الدعاء

اللهم اكفينيها بماشئت وكيفما شئت

 

[الأميرة الحزينة]

مادري لاتزعلين بس جنج مكبرة الموضوع .. ليش حاطتها براسج:080402ask_prv: اهو لو يبيها ماهدها وحتى المسج اللي دازته عادي مافيه شي.. وماقالج عنه لأن الرياال يعرف زوجته حساسه من بعض الأمور يخشها عنها عشان لايعور راسه موشرط ان في شي غلط .. تعوذي من ابليس حبيبتي وخليها عنج :hjy5jewf:

 

[غــلآ]

رد : طليقة زوجي وحركاتها السخيفه.....

ما اشوف فيها شي

اهي صح كانت تبي تجس نبضه يمكن

بس احس ان ريلج ماعطاها ويه واندقرت يمكن قال ان الكلام مايسوى تروح تقوله حق اخوانها واخوانها يوصلونه له كلها جاكيته

انتي شوفي اذا دزت له بعد مسج كلميه
عشان لاتطلعين انتي بالشينه

الحين اذا قلتيله ليش وما ليش

بيقولج مثلا انتي شدراج او ماصار شي تبي توصيني على بنتها

خلي ممسكج اقوى عشان يوقف بصفج

 

[aldanaha]

رد : طليقة زوجي وحركاتها السخيفه.....

لا حبيبتي هذي اتحرش اشكره ومالها عذر غير البنت
ديري بالج
انا نفس وضعج
يالله شنو حرقه دم

 

[ريماس77]

رد : طليقة زوجي وحركاتها السخيفه.....

اهي ماتستحي يوم انها تبيه ليش ماردتله قبل اقول هذي يبيلج تكلمينها بهدوء وقولي لها الي بخاطرج او قولي حق ريلج ترا غلط انا اخوي ماله شغل فيها زوجته الاوليه يبي بنته يدق على زوجها

 

[انا لحبيبي .]

رد : طليقة زوجي وحركاتها السخيفه.....

الله يعينك .. بس كبري عقلك ولا تخربي بيتك عليها

 

[ابدا يالغالي مانساك]

رد : طليقة زوجي وحركاتها السخيفه.....

الشكلها حنت لووووووووول وتبي تتقرب وخليه ولا تتدخلين اهم شي حياتج وزوجج وربي يؤفقكم ويبعدكم

 

[om deaj]

حبيبتي انتي لازم تدرين انه بيصير بينهم اتصال ومسجات وماله داعي يقولج النه هالشي بديهي

البنت بنته وبنتها ولا تنسين انه بيوم من الايام كانت مرته مثل مانتي الحين مرته

لا تعورين قلبج وتتضايقين على هالشي ومو معقولة تقول لاخوها دق على ريلي عشان يدير باله على البنت

واذا انتي ام اعتقد بتحسين بخوف الام على عيالها

الله يهديج كبري راسج ولا تدورين المشاكل وتنكدين عليج وعليه دام انه مايبيها خلاص جابلي ريلج واحسني معاملة بنته ومالج شغل شيصير بينهم مسجات ولا اتصالات لانه امر عاديييييييييييييييييييييييييي

هالكلام مو فلسفة من واقع تجربة

 

[BroKeN GiRL]

يويلي لايحن الرجال بس تدزله مسج مني ولا مني وكثر الدق ..... محد بياكلها غيرج ..


صجججججج تحرر وانا من النوع الغيوره حيييل لو انا جان استخفيت

 

[دلــــع البنــــات]

رد : طليقة زوجي وحركاتها السخيفه.....

ريلج شكله عارفج غيورة واختصر الكلام وخش المسج

خلج عادي ولاتينينله انه زعلانه لاتفتحي عيونه على طليقته بصدق نفسه ويصير يحرج فيها حتى لو مافي شي

ترى احنا احيانا نفتح رياييلنا على سوالف ونخليهم ينتبهون

صح كلامها من رايي لا تفتحين الموضوع الا اذا زاد ناقشه بود ومحبة

.... رفيجتي و طليقي والله زوجته دقت عليها تهددها تدرين شنو سوي ... بلغت حماتها وعطتهم رقم تلفونها وقالت ما ابي فضايح وعيب هالكلام بأي وجه حق تتهمني ... تكفخت الزوجة وانضربت وتطلقت لانها بأي حق تجي تهددها وبنتها الله يحفظها ... وهي ما سوت شي

والله والله اني احبج ... تر هالموضوع حساس ... لا تناقشينه وتفتحين عينه ...

 

[اسواريه]

صلوووووا على النبي يا بنات وانتي اذكري الله لا تكبرين السالفه مافيهاا شي بس مسج طنشيه هالسالفه ولا جنج تدرين اسكتي واذا شفتي منهاا شي مسج مره ثانية كلميه بس الحين لا تكلمينه اسكتي بس دزت مسج قالت عن بنتهااا لا تقط جاكيتهااا كبرتي السالفه المره حريصة على بنتهاا مو عشان زوجج قولي لا اله الا الله

 

[منيرة خالد]

ما طلقها الا واهو عايفها خير شر >> يعني مسجها لا راح يحنن قلبه عليها ولاشي


طنشي واهم شي زوجج وقلبه لمنو يميل

 

[السهل الممتنع]

الله يعييينج وصراحه ما الووومج .. بس تأكدي أنها بيوم من الاياام كاانت زوجته .. وترا انتى بنظرها اللي خذيتي زوجها وابعدتيه عنها وعن بنتهااا ... وطبعاا بقووولج شي ووالله هالشي شفته بعيني .. اعرف شخص كاان متزوووج وحده ملكة جمال والله ملكة جمال وحملت منه وجابت ولد وطلقها لان لاعت جبده منها ومن تصرفاتهاا .. واخذ وحده عاديه .. بس والله اللحين يحلف براسها حتى امه تقول عنهم نور ومهند ههههههه بس الثانيه بشطارتها نسته الاولى وامه تقول انهاا عمرها ما سالتنا عن زوجته الاولى وحتى اهو بنفسه يقول والله عمرها ما سالتنى عن زوجتى الاولى كلششش ولا تجيب طاريها جنها اهي زوجته وبسسس .. وبخصووص الولد يجيهم يوم الخميس زياره والله تعامله احسن معامله بس تحسييين الابوو يميل حق بناته من الثانيه اكثر من ولده من المره الاولى ..
وابيج تكثرين هالدعااء ( اللهم لا تجعل له نصيبا مع النساءء سواي ) كثري منه .