طليقة زوجي والمسجات

[##سبحان الله##]

السلام عليكم خواتي اليوم استغربت من طليقة زوجي ( طلاقهم بائن )

بعد ما كلمته بنته عن الالف ( 1000 المنحة )

طبعا ما بينهم قضايا ف المنحة تنزل بحسابه

كلم بنته وقالها ان بيحول منحتهم بحسابهم

بعدين ياه مسج من طليقته

تسلم يا الغالي وماتقصر

وللعلم هذي مو اول مرة تطرش من هالمسجات

يوم ردت من العمرة دازتله اشدعوة اعتمر حتى ما تقولي تقبل الله منج ؟؟!!!!

والله انا مصدومة من جرأتها < حتى اهو قال ماعليج ماعليج منها

كل ما اغير رقمي تاخذه من بنتي

شورو علي خواتي اطنش والا اخذ موقف ( مع اني مو عارفة شالموقف المناسب )اللي باخذه

 

[ام يارا القمره]

رد : طليقة زوجي والمسجات

يااختي هذه لئيمه الظاهر ترسم على زوجك وتحنن قلبه عليها خليه يعطي رقمك لبنته اي شي تبيه تتصل 7عليكي انتبهي

 

[ابدا يالغالي مانساك]

رد : طليقة زوجي والمسجات

مدري شقوووووولج لوووووووووووووول
انتي زين فيه يقوووولج كل شي وانتي لاتقعدين تلومين وتحنين عليه وطفشينه
ويقعد يقارن بينج وبينها خللج عااااديه نفسج
وهو ماراح يصير شي الا بعلمج
وماراح يصير الا الخير ان شالله والله يسخره لج يااااااارب

 

[قلبي عبدالله]

الله يعينك حبيبتي ويسخره لك ان شاء الله

 

[أبله جهراويه]

رد : طليقة زوجي والمسجات

تصدقين اكسرت خاطري طليقته .............

يمكن للحين تحبه
لا تنسين انها كانت زوجته بيوم من الايام وهو ابو بنتها ومافيها شي لو تشكرتله

امممممم مادري اذا رايي صح ولال لا؟

 

[ضايعة بدنيتي]

رد : طليقة زوجي والمسجات

لاحول ولا قوة الا بالله

مدري ليش الحريم يسوون ببعض كذا !!

والله ما تنلامين لا انقهرتي . هذي شتبي فيه االحين ؟

عموما .. انتي خلك دااايما عند حسن ظن زوجك لانك ما راح تقدرين تتحكمين في تصرفات غيرك وخلك واثقة من زوجك دامه عارفها ومتعمدة تسوي هالحركات ودامه يخبرك وكل شي عالمكشوف ف لا تحاتين وخلك متأكدة 100% من نفسك ومن زوجك ولا تقصرين معاه بشي اابد .. بس بعد حطي في بالك انها بيوم كانت زوجته وام بنته .. وبينهم عشرة . ولكن كل شي له حدود

ربي يهون عليك ويحفظ لك زوجك ويبعد عنكم عيال الحرام وخرابات البيوت .

 

[نشيج الروح]

أنا أقول لو يعطي طليقته كلمة صاروخية تهزها وتخليها تحترم نفسها أحسن ....
وخليج مرتاحة لأن ما يقدر يرد لها...

 

[##سبحان الله##]

رد: رد : طليقة زوجي والمسجات

يااختي هذه لئيمه الظاهر ترسم على زوجك وتحنن قلبه عليها خليه يعطي رقمك لبنته اي شي تبيه تتصل 7عليكي انتبهي

تسلمين ام يارا

بس ما اقدر انا استقبل مسجات من بنته << مادري مو حلوة انا مالي علاقة باللي يدور بينهم وفعلا الله يستر منها

 

[دنيتى زوجي M]

لو زوجج محمر العين عليها ماتجراءت ودزت هالمسج

الله يعينج عليها بصراحه شي يقهر ولا ماحست بقيمته الا يوم تزوج !!

صج حريم

الله يسخره ويهديه لج ان شاءالله

 

[دلوعه ناعمه]

والله مادري بس البنات فاااااااادوج

 

[RoWaIsHeDyA]

مااشوف فيها شئ يمكن تتشره غلط بس مافيه مانع انها تتصل علشان بنتها وبس

 

[##سبحان الله##]

رد: رد : طليقة زوجي والمسجات

مدري شقوووووولج لوووووووووووووول
انتي زين فيه يقوووولج كل شي وانتي لاتقعدين تلومين وتحنين عليه وطفشينه
ويقعد يقارن بينج وبينها خللج عااااديه نفسج
وهو ماراح يصير شي الا بعلمج
وماراح يصير الا الخير ان شالله والله يسخره لج يااااااارب

والله انا لا ألوم ولا احن بس ساعات الشي يزيد عن حده و مشكووورة عالدعاء قلبي

 

[##سبحان الله##]

الله يعينك حبيبتي ويسخره لك ان شاء الله

مشكووووووووورة احلى دعاء والله

الله يرزقنا الرضى والعافية

 

[$ fancy fit $]

رد : رد: طليقة زوجي والمسجات

ما اعرف حبيبتي ان شاء الله البنات يفيدونج
الله يريح بالج و يسعدج

 

[eman12]

الله يعينج ياقلبي

 

[ناتشوو]

ريحي بالج دام طلاق بائن
ماكو امل ترجع لو تدز له الف مسج

وهو شرعا غلط اللي سوته
بس فكري فيها من ناحية ثانية
زوجته لفترة طويلة
وجاب منها نص درزن عيال الله يخليهم لهم
وعارفين بعض عدل وبينهم اشياء واشياء
فجأة يلقون نفسهم محرومين حتى من اصوات بعض

بالنسبة شنو تسوين بيني غيرتج بالمعقول لزوجج
علشان يستانس ان مرته تغار عليه
بس بالنسبة لها مثل ماقلت مافي خطر منها لو شنو سوت دام طلاق بائن
ويمكن هي ماتقصد اثارة اي عواطف بس محتاجة تشجعه علشان يكون بينهم حوار وتواصل لصالح العيال اللي بينهم؟

 

[الأميرة جوري]

انا اقولج اذا طحتى عالمسج واهو ما فتحه ريلج ولا عرف عنه شيء زفيها يعني كانج طلقيها قولي لها لو سمحتى ما بيني وبينج الا هالبنت ماله داعيهالمسجات ...خليها تستحى وتتركه ...يمكن تنجح هالفكره وعلي طول مسحى المسج

 

[kAmMoOnH]

رد : رد: طليقة زوجي والمسجات

شوفي يالغلا
اول شي خخليك قويه

ثاني شي اعرفي شلون تحلين المشكله من اساسها

مشكلتك الأساسيه معها هي

ثالث شي كلما ارسلت لجوال زوجك خلي بنته من جوال زوجك تكلم امها تقول لها يمه انتي ارسلت لجوال ابوي تبين شي ؟

كذا بتحس طليقته بالرفض وانو طريق الرسايل مسدود


حافظي عل هدوؤك ولا تحسسينه باي شي

المره الذكيه هي اللي تحافظ على مملكتها

وكرري هالطريقه عشان تفهم غلطها
انا لو منك يوم ارسلت رساله اللي كتبت فيها الغالي كان ارسلتي من نفس رقم زوجك رساله فاضيه
ويوم انها ارسلت رساله العمره كان ارسلتيلها علامة تعجب
عشان تفهم

انا اقولك هالكلام مو عشان ترجعين ترسلين لها لا لا

انا ابيك تفهمين الطريقه

وارجع اقولك خليك قويه

الله يسعدكم ببعض

 

[سارة ة]

الله يعينج حبوبة

 

[[[ عيون جابر ]]]

شتسوين بعد حقريها وطولي بالج يمكن بس تبي يكون في تواصل بين البنت وبين ابوها وبتعدل علاقتها على هالااساس بس انتي معاج حق اهي الي سوته غلط