طلق ولا شنو ؟؟؟؟؟

[النورة]

مساء وصباح الخير حبوبات

أنا داخلة بالشهر التاسع هذا الاسبوع

وأحس الجم يوم انقباضات قوية من وقت لي وقت
حركة البيبي قوية وتعورني

وأحس بضعط من تحت

بس اشوف رطوبة تكرمون في ملابسي الداخليه بس مو موايد

هل هذا طبيعي في هذه الفترة؟

 

[كميثره]

حبوبه ليش ما تروحين الطبيب ؟؟؟؟

الله يسهل علييج يارب

 

[للحين ناطره]

حبيبتي
روحي الطبيب
مهما كانت خبره البنات اهني
لاااااااااااااااااااازم طبيب

 

[قنــــــــــوت]

رد : طلق ولا شنو ؟؟؟؟؟

الشي هذا طبيعي ... وهو بشارة طيبه لقرب الولاده ...
ولا ازيد على كلام اخواتي ..لاااابد تروحين الطبيب ... وتتطمنين ...

وان شالله تولدين بالسلامه

 

[sharoo_e5]

طبا فى التاسع تزيد الافرازات

والطلق يجي كل 5 دقايق والم قوى ما تقدرين توقفينة بالحركة او تغير وضع الجلوس

وان شاء الله تولدين على خير وبسهولة

 

[LiL MaMa]

رد : طلق ولا شنو ؟؟؟؟؟

الله يسهل عليج ولادتج و يرزقج بالذريه الصالحه
انا من راي الخوات روحي الطبيب

 

[انوار المحبه]

الله يسهل عليج روحي المستشفى

 

[Om 3zo0oz_2011]

رد : طلق ولا شنو ؟؟؟؟؟

يمكن تجاديم الولاده

 

[&جالكسي&]

والله حتصدقين انا نفسج وذبحتني الافرازات مادري عادي ولالا؟
الله يسهل عليج يارب

 

[عاشقه الاسمرانى27]

هدا يسمونه بدايه طلق وعسا الله يتمملج على خير يارب
الله يسهل عليج ولادتج و يرزقج بالذريه الصالحه

 

[الباسمه]

الله يسهل عليج وعلينا
انا من رأيي لا تبتعدين عن البيت بعيد الا اذا جمعيه او اهلج ابتعدي عن الزوارات
واذا عندج فرصه روحي الطبيب اذا طلعت طلوق على الاقل امشي عشان تسهل ولادتج

 

[مشموشته]

طبيعي هالاعراض اعراض قرب الولاده

الله يقومج بالسلامه يارب

 

[ryoonah]

ـ نبي شي يزيد الطلق يالله ساعدونا

 

[^ام جاسم^]

شوفي روحي الدكتور يمكن جيس الماي شوي مفتوح عشان جذي فيه افرازات لانه كذا مره اسمع من اهلي انه يايلها طلع بس ماكو ماي الله لا يقول احسن شي تروحين الدكتور عشان تطمنين

 

[Miss-_-Fl0wer]

حبيبتي يمكن تجاديم ولادة
ربي اسهل عليج وعلى كل حامل :eh_s(7):