طلق كاذب من نهاية شهر السابع خايفه ساعدوني

[qazlaan]

بنات انا حامل في نهاية شهر السابع بدأ علي عوار الظهر ومغص في بطني وثقل حتى اشوف صعوبة في النوم اتقلب يمين ويسار لحد ما يطلع الفجر المهم قالولي صديقاتي انه هذا طلق كاذب هل هذا صحيح وهل معناته اني راح اولد اي وقت

 

[الأميرة جوري]

رد : طلق كاذب من نهاية شهر السابع خايفه ساعدوني

روحي لدكتوره شيكي سوي سونار بس اعتقد عادي باخر السابع الي التاسع يكون الاكثر طلق كاذب ...

 

[qazlaan]

ليش محد رد علي وانا في اشد الخوف والحاجه لكم

 

[MissChoco]

حبيبتي ماتشوفين شر

ومالج شغل بكلام البنات لانه احنا مو متخصصين!!!!

روحي حق دكتورتج احسن واطمن وتطمني انه مافيج شي
لانه صراحه انا ماعرف وهالشي تعرفه د. النساء والولاده

 

[om al ghaleen]

.., روحي لدكتوٌرتج آحسن
انا من السابع بلش معاي الطلق والحين بخلص شهري وماولدت !

\\

 

[نوناتي حياتي]

انا بالسابع وفيني عوار بظهري ذبحني رحت للطبيب سوالي تخطيط طلع صج فيني طلق وعطوني علاجات والحمدلله الحين احسن
نصيحه اذا حسيتي بشي بألم روحي الطبيب لاتهاونين لا يكون الله لايقوله صج طلق ويزيد وانتي مادريتي
انا كنت رايحه الم عادي عبالي برد او التهابات وانصدمت يوم قال طلق مت بجي وقتها

 

[كويتيه مذهله 87]

ان شالله موطلق
لأن الطلق ماتقعدين علي حيلج من العوار

سوي سونار وتطمني

 

[qazlaan]

مشكورين حبيباتي على الرد بالنسبة حبيبتي نوناتي انا رحت طبيب قبل اسبوعين وقالي كل شئ اوكي سوالي تخطيط وقلت له عن عوار ظهري والامساك في بطني المهم قالي كل شئ اوكي علشان نتطمن اكثر اسويلك فحص من تحت رفضت منهم وقالي دكتور على مسؤوليتك وقعت ورديت البيت وانا مت خوف فخايفه اذا رديت لهم يقولولي نسويلك فحص من تحت مره ثانية انا في حيره وخوف