طلقني وللحين مو مصدقه

[زوووز77]

السلام عليكم

بصراحه ماتوقعت ابدا اني اتطلق مع اني قلتله اذا ماانحل مموضوعي طلقني لاني الموضوع سهل ويقدر عليه كنت ابي
شقه وانا كنت بغرفه مع اهله وهم عندهم شقق وماجرينها وحالتهم الماديه زينه من غير الاجار
وانا عمدي عيال ماتكفينا الغرفه معقوله يفرط بعياله عشان اجار شقه مو محتاجه لايسمن ولايغني من جوع

 

[مصممهــ]

يمكن يبي يدور عليج الزله <<

ع العموم تراا خيره سبحانه ربج يمكن كتب هل شي تلاقين فيه خيره

المهم انسي اهم شي صحتج ونفسيتج

بس في سؤال؟

عيالج عنده ولا عندج؟

اذا عندج خليهم عنده ليش تبتلشين فيهم <<

ربي يهدي ويطمن قلبج وينسيج كل همومج ويفرج كربتج قلبي

 

[mahawe]

اصلا من حقج تطلبين مكان ترتاحين فية أنتي وعيالج وبدام طلق تقدرين ترفعين قضية واطالبينة بالسكن ونفقة بس أذا في مجال للصلح يكون أفضل لأن عندج عيال ,أنا موو مع الي تقولج قطي العيال علية هذول سندج بالحياة وأذا ربيتيهم صح راح يبرونج لأذا كبرتي .

 

[دلقينيوم]

لا حول ولا قوه الا بالله
ليش مااحد من اهلج تدخل كل هاذا عشان شقه يطلق
اذا طلقه وحده اعتقد عشان يخرعج او تأديب هاذي سوالف الرياييل
الله يفرجها عليج

 

[زوجة عزيز]

معاج حق اهم شي بالزواج سكن خاص غرفة ماتكفي جربت هالشي حتى لو ماعندكم اعيال تحتاجون شقه الله يعينج اذا حاول يردج لا اتردين الا باهالشرط سكن خااااااااااص وحتى لو طلقج لج نفقه وسكن خاص انتي وعيالج يعني جذي جذي لازم بيدفع لا تسكتين عن حقج لو شيصير اهو طلقج عشان يبي يردج وانتي مكسوره وماتطالبينه بشقه بس انتي تمسكي برايج ولا اتنازلين عنه

 

[شطانه طفله]

لاحول ولا قوه الا بالله العلي العظيم الله يصبر قلبج والله يعينج يارب والله يسهل امورج انشالله وتلقين الاحسن منه واللي يعرف قيمتج ويستر عليج

 

[غآب نورك ~]

الله يعوضج باللي أحسن منه

لا تضايقين نفسج مايستاهل دام هانت عليه العشره وطلقج

فكري بحياتج ومستقبلج وفكري بجدام


الله يكون بعوونج

 

[Pinky -cat]

بعرف شنو هالرياييل الي تدور الذله كل من يدور وراحته والمرا مو مشكلة شنو هالانانية ، حبيبتي وربي احسن وحمدي ربج
وباذن الله خير شكله بخيل او سكانه اهله ماكلين راسه ، واذا على سالفه عيالج شوفي شنو اريح تخلينهم عندج او عنده، وادعي
وعيشي حياتج الدنيا ما توقف على ريل.

 

[Artq8]

شوفي حبيبتي الي صار صار و ربي يعطيج الي احسن منه الحين بيحطلج شفه انتي ما طلبتي الا حقج الشرعي الزواج مرتبط بالاقتدار و الحين راح يدفع الي ما ادفعه. اهوا متزوج

 

[طيبة83]

ان شاء الله يرجعج

خل كبير العايله يتدخل ويحاول يصلح بينكم

وشنو تخلين عيالج عنده؟!

هذول قطه منج خلهم معاج احسن

 

[انا لحبيبي .]

لا حول ولا قوة الا بالله ،

الله يهون عليكي حبيبتي ،

 

[قاهره عذالي]

مثل ما قالوا البنات

ارفعي قضيه نفقه وسكن

بس صبري شهرين او 3 ما جا رجعج رفعي القضيه

 

[شادن33]

الله يعوضج خير
ماتدرين يمكن هذا خير لج وراح يرجعج ويحطلج شقه غصبن عليه

 

[كستنائيـة ع ـسل]

الله يعوضج حبيبتي

بس انا مو مع اللےْي تقول قطي عيالج عليه حراااام

وبكرا بتتحسفين لو حذفتيهم عليه الضنئ غالي

 

[اذوب بكلامه]

يا قلبي لا تندمين ولا شي انتي ماطلبتي إلا حقك
بس الغلط انك جبتي طاري الطلاق بس الي صار صار
الحين لا تسوين اي شي ممكن تندمين عليه بكره
وأنا متأكده انه ندمان الحين لأنه طلقك على سبب تافه
بس مايقدر يبين عشان هيبته قدامك
اصبري ولا تستعجلين يمكن يحس بغلطه ويرجعك
وإذا طولت السالفة خلي أبوك يناديه عندكم البيت ويكلمه
وربي يكتبلك الخير

 

[miamasa]

الله يعينك و يفرج همك

 

[امـ خــزامـى]

لاحول ولا قوة الا بالله

هزلت

عشان شقه يشتت عياله !!!!!!!

 

[برد ابو الذهب]

سوا جذي عشان يخوفج وتتنازلين عن طلبج ؟! خلج قويه لا يهزج اصلا الغبي بعد الطلاق بيدفع اكثر من اجار الشقه ؟! صدقيني بس يخليج تتنازلين عن اللي براسج ؟!

 

[M!$_ $heme]

قولي الحمدلله هذا شكله يبي الزله وماصدق على الله وبالنسبه للي تقولج خلي عياله عنده انا اقول ماعليج منهم والياهال مالهم ذنب

اهو ماقدر وجودج بيقدر عياله لاتغربلين عيالج والي عنده كلمه حلوه يقولها شنو لاتبتلشين فيهم هذول نعمه من رب العالمين مو عشان

ريال اضيع عيالي ولا عشان الوناسه وانتي جذي ماتحرقين الا قلب الياهال ولا اهو ماهمه يا بيقطهم على اهله او عالخادمه ومحد بيحن عليهم غيرج

والله يثبتج بعقلج وايمانج ويعوضج خير اللهم امين ..

 

[PuPa^^SWeeT]

والله عاد

يحطلج سكن مستقل غصبن عليييه


الله يهداااه بس


يبيها بالعناد



من حقج السكن اما غرفة وحدة حتي ماتكفيكم انتو الاثنين بس


همن وياكم عيال