طلع فيني تكيسات ....

[n-h-m]

السلام عليكم

لوتذكرون موضوعي قبل فترة عن اجهاضي
(اصلا اشكثر مواضيعي)
من الاشيا الي تصير فيني كله ورا بعض
الحمدلله على كل حال

لوتذكرون موضوعي (سوتلي سونار وتقولي موحامل وطلعت حامل)

المهم امس دشيت على الدكتورة ماجدة اليتامى على موعدي
حيل مريحة هالدكتورة
سوتلي سونار داخلي قالت ماكو حمل والرحم نظيف
واصلا نسبة الهرمون حيل قليلة 19
الحمدلله على كل حال

بس قالتلي معاج تكيسات

من شنو يابنات هذي تجي؟
واهيه عطتني حبوب
مع الفطور ومع السحور

منو صار معاها وعالجت ؟
وهل احملت؟
وجم اخذ العلاج ؟

علما بأني كنت اخذ حبوب منع الحمل:0bee2e8d89:



وشاكرة لكم يالغاليات

 

[فراشة الكويت25]

والله ماعندي اي علم
بس الي اعرفه التكيسات اتيي يمكن من الكلوميد لان مره الدكتور قال حق رفيجتي لاتاكلين كلوميد بدون استشاره الدكتور يصير فيج تكيسات على المبيض
وبعدين كثره المنشطات هم اتصير فيج تكيسات
وعلى حسب حجم التكيس
ويروح مع المانع
انا كان فيني جيس دم بس اصغير وطاح مع الدوره
لان قالي هذا بقايا من الدوره القديمه

 

[n-h-m]

تسلمين
وجزاج الله خير

بس انا لا اسنخدم كلوميد او منشطات

ياريت الي الخوات الي عندهم علم يفيدوني

 

[Australia girl]

حبيبتي انا فيني تكيسات من قبل لا اتعالج من كنت بنت..هالتكيسات على كلام الدكتوره من الله وفي سبب احتمال يكون جذي اهوه ارتفاع هرمون الانسولين وهالشي يأدي انه عملية الأيض بالجسم يصير فيها خلل وهالشي بدوره ياثر عالتبويض فا لما تتكون البويضه تكون صغيره ماتنزل ومره على مره تتراكم هالبويضات على جدار المبيض وتكون مثل عش النمل وايد بويضات متلزقه ماتروح وهالشي طبعا معناته انه البويضه ماتنزل الرحم عشان يصير التلقيح ...وعلاجها شيئين باذن الله (الكي) او(حبوب الميتافورمين =الجلوفكاج)

الكي يحرقون البويضات المتجمعه ..والحبوب عشان تنزل هرمون الانسولين ..انا عن نفسي اخذ الحبوب ومن اخذتها الدوره منتظمه عندي ..

ومادري هذا اللي اعرفه والله يشفيج ويشفينا يارب ويرزقج بالذريه الصالحه يارب..ويرزقنا امين وكل البنات

 

[أنوار البحرين]

هلا اختي
ماعليج من الكلوميد وغيره وترا افضل علاج للتكيس الحجامة
الله يسلمج اخت رفيجتي حالتها متاخرة وعيزت من الحبوب اللي تاخذها وآلام الحبوب وعدم انتظام الهرمونات المهم
إنها راحت لدكتورة بس فاتحة عيادة للحجامة فقط
أخذت تحتاليلها وراحت ابتدت وياهه علاج بالحجامة فقط
والحمد لله الله كرمها ببنت مثل القمر من بعد ولدين
الله يرزقج ويرزقني وياج ويرزق بنات المنتدى بالذرية الصالحة ويتمم حمل بنات المنتدى

 

[n-h-m]

صاجه انا صرفتلي الحلوفكاج

وعطتني موعد بعد شهر اشوف اذا ماراخو بجرب الحجامه

ليش لأ احس انها زينة وماتضر بعد الله

جزاكم الله الف خير

 

[مهرا احلى مهرا]

الله يرزقج ويشفيج الله كريم

 

[mosta7eel]

الله يشافيج ان شاءالله ويرزقج الذرية الصالحه بهالشهر الفضيل
لاتحاتين حبوبة نص البنات فيهم تكيسات اذا قدرتي تمشين ترا
المشي وايد زين يوخر التكيسات وانا مجربة

 

[miss_lymoona]

انا كان فيني تكيس تمت معاه شهور
سويت رجيم وضعفت 9 كيلوات الحمدالله راح مني التكيس كنت اشرب مرميه

 

[n-h-m]

جزاكم الله خير الف خير

 

[رووح حبيبي]

الله يشفيج ويرزقج
ويرزقنا بهالشهر الفضيل