طلع عندي كيس على المبيض الأيمن تكفون ساعدوني

[ورود الودود]

السلام عليكم ...:blueSmCLR:



أمس رحت سويت سونار على المبايض ...

قالت عندج كيس كبير على المبيض اليمين وحجمه 7 سم .. :eh_s(11):


وصرفت لي حبوب لمدة 10 أيام أبدأ فيهم يوم الخميس ..

وقالت أروح لها 3 يوم الدوره وإذا ماراح يمكن نسوي جراحه ... :eh_s(16):

الله يوفقكم منو صار معاها جذي ؟؟

شنو سوت ووين راحت ؟؟

وهل الكيس يأخر الحمل ؟؟

وربي حدي تعبانه ومتضايقه ..

الله يوفق كل وحده ترد علي ويصلح لها زوجها ويرزقها من حيث لا تحتسب .. آآآآآآآآمين

 

[SOoOSA]

أي حبيبتي يأثر لان كبير يكون حاجز مايخلي البويضة تتلقح عدل
امشي عالعلاج وانشالله يصغر وماتحتاجين جراحه
واخذي مع العلاج عشبة البردقوش ترى زينه انا صغر الجيس معاي منها وبالتدريج راح
بس الحين رد بس صغير ما وصل سم وقاعد آخذ البردقوش علطول :0bee2e8d89:
اخذي قفشه كبيره منه ونقعيها بماي مغلي ربع ساعه وشربيه
وقت الدورة 3 مرات باليوم وبالايام العاديه شربيه مرة ولا مرتين كيفج اهم شي بوقت الدوره عشان ينزل الجيس مع الدورة
وانشالله الله يشافيج وماتحتاجين جراحه

 

[ورود الودود]

مشكوره ياعمري ماقصرتي ..

طيب كم كان حجم الكيس عندج بالأول ؟؟

 

[SOoOSA]

كان قريب ال 6 سم

 

[دنياالوله]

وانا نفس كلام اختي سوسا
انا اخت مرت اخوي سوت منظار وشالته وماشاء الله حملت على طول
مايتها الدوره
وعلى فكره كان الكيس مو قفها عن الحمل 6 سنوات
ومن شالته حملت على طول الله يتمم عليها

 

[غصون الورد]

والله با اختي انا اللي اعرفه ان مغلي البردقوش و الميريميه يعالجو التكيس
وكمان اكل كل يوم علي الريق العسل وغذاء ملكات مع مسحوق طلع النخيل مع شرب مغلي اليانسون والحلبه والشمر
في كتير جربوها والحمدالله صاروا زينين

الله يرزقج بالذيه الصالحه ويشفيك ان شاء الله

 

[ورود الودود]

رفع

 

[cute_batoota]

حبيبتي انا كان فيني تكيسات وسويت عمليه المنظار وشلتهم وحمدالله اول مرة تييني الدورة من غير علاج بوقتها اللهم لك الحمدوالشكروالله كريم انشالله الله سبحانه وتعالى يكتبلي ويكتب لكل محرومة الحمل القريب العاجل يااارب اللهم آميييييييييييييين
اللهم صلي وسلم على سيدنا محمدوعلى آله وصحبه أجمعييييين

 

[أحلى بسكونة]

الله يسافيج يارب ويرزقج الذرية الصالحه

 

[يطة لابسة شنطة]

عادي صديقتي فيها تكيس وشالتة والحين حامل

 

[zalabia84]

حبيبتي لا تحاتين انا قبل شهر سويت العملية كان فيني كيس ماي تقريبا 5 ونص سم والدكتور من اول ما شافه قال لازم اشيله وفعلا خلال اسبوع شاله لي على اساس انه بيسويلي انابيب وهذا الجيس يأثر عالعلاج بس انا قتله بنطر جم شهر يمكن احمل طبيعي ( يااااااااااارب ) وما احتاج انابيب.. فلاتحاتين حبيبتي توكلي على الله في كل شي وو اذا في حكمة من انه الجيس ينشال خل ينشال وانشاله ما تحتاجين عمليه وعالادوية يروح

 

[نــعــوومــه]

أي حبيبتي يأثر لان كبير يكون حاجز مايخلي البويضة تتلقح عدل
امشي عالعلاج وانشالله يصغر وماتحتاجين جراحه
واخذي مع العلاج عشبة البردقوش ترى زينه انا صغر الجيس معاي منها وبالتدريج راح
بس الحين رد بس صغير ما وصل سم وقاعد آخذ البردقوش علطول :0bee2e8d89:
اخذي قفشه كبيره منه ونقعيها بماي مغلي ربع ساعه وشربيه
وقت الدورة 3 مرات باليوم وبالايام العاديه شربيه مرة ولا مرتين كيفج اهم شي بوقت الدوره عشان ينزل الجيس مع الدورة
وانشالله الله يشافيج وماتحتاجين جراحه

ماشالله الأخت سوسا ماقصرت..........​

 

[ورود الودود]

الله يوفقكم يارب ويرزق كل محرومه ..

 

[mosta7eel]

حبيبتي لا تحاتين رفيجتي كان فيها تكيس وعطوها حبوب منع حمل وحملت
على طوول حاولي لم تشرف الدورة من 5 يوم لي ايام التبويض تمشين
ترا المشي زين ينشط المبايض وويوخر التكيسات
والله يشافيج ويرزقج الذرية اللهم آآميين

 

[ورود الودود]

مشكووووووره حبيبتي ماقصرتي ..

 

[الوردة الوردية]

اختي انا كان عندي كيس على المبيض الايمن حجمه 12سم وحملت بدون علاج ماغير حبوب الهرمون كان معي سنة كاملة لما بغيت اصلح العملية حملت استغربوا الدكاترة كثير اني حملت لما وصلت الشهر الرابع بدا يكبر الكيس مع الجنين لما وصل حجمه 18 في 23سم يقولي الدكتور كبر حجم كرة القدم كذا كان يقولي الدكتور ووصنفو حملي على انه حرج لمم وصلت السابع قررو عمليه يشيلو الكيس والطفل ويحطوه بالحاضنة انا رفضت لما وصلت التاسع وجبت الحمد لله طبيعي لكن في فترة النفاس كبر الكيس بشكل كاني حامل بالتاسع فقالوا من الحليب فاعطوني حبوب من شان تقطع الحليب وبدا يخف شوي الكيس بعدين صرت اخذ حبوب منع الحمل دياني وحبوب الجلوكفاج وبدا يصغر لما اختفا نهائي بعد ثلاث شهور والحين لي سنة ونص مافيني الا العافية وراح اكتب قصتي كامله لافضيت ان شاء الله

 

[ورود الودود]

الله يعافيج ياقلبي ...

فديتج على الكلام اللي يطمن القلب الله يوفقج وين ماتوجهتي يالورده الورديه ...

ياعمري قولي لي القصه لو على الخاص وربي محتاجه أي كلمه تطمني ..

 

[غيـ الناس ـر]

سوي عملية منظار والله ترتاحين منه ما يرد


الله يرزقج يارب


وترى العمليه سهله وبسيييييييييطه

 

[ورود الودود]

دعواتكم ومشكوره عالمرور غير الناس ..

 

[Fiorenza]

بنات التكيس يبين بالسونار الداخلي ولا الخارجي؟

وعملية المنظار شلون طريقتها تعور؟