طلع اسمي للتوظيف بوزاره التربيه .. ساااعدوني يا احلى ابلات

[اندرويديه]

السلام عليكم جميعا وصبحكم الله بالخير والكرامه...


موضوعي باين من عنواونه والله يعلم اني ما ييت اسالكم الا لانكم حسبت خواتي وابيكم تفيدوني
انا قدمت ضمن رغباتي على الوظيفه بوزاره التربيه والحمد لله ..
ابي اسالكم الحين المراجعه الاولى الي بروح اشبيصير حدي ضااااايعه
وثانيا شنو اهي المقابله وعقب اشكثر تتحدد
واذا تم قبولي متى يكون تعييني عقبها بفتره اشهر ولا متى
والمقابله شنو وضعها فيدووووووني الله يسهل اموركم ويفتح كل الابواب بوييهكم
وانا تخصصي تاريخ يعني في امتحان لي وجذي ولا شلون ابي اعرف تفاصيل اللي بتتوظف بالتربيه يديده واكيد غيري من الدفعه اليديده بيستفيدون..



وشااااكره لكم مروركم الي ما تبي ترد بس تذكرني بدعوه بظهر الغيب ومشكورين :eh_s(7):

 

[أروى المطيري]

وعليكم السلام اولا تروحين وزارة التربية اذا انت مو خريجة تربية تعطيج اوراق وبيانات تكتبينها وتقول لج نتصل عليج نحدد المقابله يعني شهر تقريبا المقابله عباره عن امتحان مدته ربع ساعه بعدين تدخلين للمقابله يسألون أسأله عامه عن التخصص النتيجه اخر الدوام تعرفينها ويقلون نتصل عليج بعد اسبوع تقريبا تستلمين اوراق الفحص الطبي تسوين الفحوصات وتودينها لهم تعطيج اوراق توقعين عليها وتكتبين بياناتج وتراجعينهم بعد اسبوع تستلمين كتاب التعيين بعده بيوم تباشرين العمل

 

[jen2n]

نفس ما قالت اروى

بس انتي بأي منطقة تعليمية

سمعت من موجهتنا ان منطقة حولي التعليمية فيها نقص مرحلة الثانوي تخصص تاريخ

 

[اندرويديه]

مشكورين الي ردوا علي. وعسى الله يوفقكم والامتحان والمقابله شلون ألطريقه خايفه. يعني عباره عن شنو بالضبط. وانا تابعه. العاصمه

 

[أروى المطيري]

تدخلين تعرفين بنفسج بعدين يسألون اسأله بتخصصج اللي هو تاريخ وكم سؤال تربوي يعني شلون توصلين المعلومه للطالبات وهل تستخدمين وسائل حديثه في الشرح سهله المقابله

 

[mainadi]

شكراااااااااا

 

[mainadi]

شكراااااااااااااا

 

[*مطبخ الذواقة*]

رفع ................


والله يوفقج

 

[اندرويديه]

يعني طبيعه الاسئله بتخصصي تحتاج اني اراجع وادرس قبل المقابله؟؟