طلعت حامل ومنهاره من البجي ساعدوني

[سكرة هانم]

بنات الحمدلله أنا حامل وانتو خواتي هذا اول بيبي وأحس أني ضايعه أمي حبيبتي فديت ترابها مو يمي أنا بغربه بلندن وماراح ارجع الا اخر 4 يلون أتصرف شسوي ما اعرف احد هني والله أكلمكم وعيوني غرقانه

 

[honey lust]

مبرووك حبيبتي هاذي نعمه من الله صدقيني الله بيسهلها

بطلي النت دشي قوقل و كتبي عن اي موضوع مو عارفتله و بتعرفين كل شي

 

[" ام حمود "]

الله يعينج والله الغربه صعبه ..
انزين ماتقدرين تردين ديرتج .. لو تقدرين ردي

 

[ام خدود ورديه]

وليش تبجين بالعكس استانسي
اخذي فوليد اسيد ضروري اول 3 اشهر ولاتمشين وايد اكثر شي انسدحي والجماع خففوه لي 3 اشهر احسن
وعلى ماتردين الكويت ان شاءالله ابدي راجعي
والله يتمم عليج ويسهل عليج يارب

 

[الأميرة جوري]

الف مبروك بالعكس حمدي ربج عليه النعمه وايد يتمنونها ....انتى ليش متضايقه من اي ناحيه علشان نساعدج ...؟؟

 

[ام دليار]

أهم شي خذي فوليك أسيد
وأهتمي بأكلك أشربي حليب وأكلي بيض
وريحي جسمك لا تمشي كتير
خففي جماع لأنو الأشهر الاولى صعبة
الله يتمم حملك

 

[MF!!!]

حامل ومنهارة ..!! ليش يعني ؟؟:eh_s(10):

هذا بدال ماتصلين ركعتين شكر لله .. وتتصلين في أمج تبشرينها

يمه بكرة بتصيرين أم ومسئولة عن ياهل وزوج في غربة ..

هذي مسئولية يبيلها أم وزجه قوية


الله يرزقج بالطفل السليم المعافى يارب :eh_s(17):

 

[ToOoT"Q8]

لا تحاتين سهالات أن أشاء الله
وأي شي ماتعرفينه سألي البنات
مايقصرون

 

[Diva-Q8]

حياتي لاتظايقين حتى لو الوالده الله يطول بعمرها يمج بشنو بتفيدج اصلن انتي مافيج شي الحامل ماتحتاج غير الراحه اول 3 شهور وسلامتج ..

انتي ماعليج غير ترتاحين ولاتشيلين شي ثقيل,وباقي الاشياء مارسي حياتج طبيعي
كثري من الحليب كوب باليوم على الاقل وكثري فواكة

بالشهر الثالث او الثاني يمكن يبلش الوحام اول ماتقومين من النوم اكلي جبنه او بسكوته على الريج عشان تروح اللوعه واذا ماقدرتي تصيطرين عليها عادي فتره واتعدي انا قعدت معاي لي الرابع

وراجعي عياده عندكم يعطونج فيتامينات للحامل واذا بلش الوحام يظايقج بلغي الطبيب يعطيج شي عشان ماتستفرغين وانشالله تقومين بالسلامه واي شي تحتاجينا كلنا خواتج واللي نعرفه بنفيدج في انشالله

 

[كميثره]

سهالات ان شاءالله
ومبرووووك

 

[مندوبة ام بندر]

ماله داعي الضيقة يالغاليه بالعكس استانسي

الله يتمم عليج

 

[عنودهـ ~]

مبرووووك حبيبتي
ربي يسهل عليج وتقومين بالسلامة يالغلا
ماقصروا البنات
عليج
بالراحة والتغذية
واهم شيئ اهم شيئ اهم شيئ
حاولي تتجنبين الجماع
لان مو كل وحدة تستحمل
نصيحة مجربة
والف مبرووك
معليش هذي اشياء يمكن تكون صعبة عليج
خاصة انج بغربة لكن مع الأيام تتعودين ان شاءالله

 

[عروسه النهر]

سهالات ان شالله
وربي ماينسى عبيده بتلاقين هناك عرب يقومون فيج لاتحاتين
وربي يقومج بالسلامه
دعواتج قرب زواجي وابي احمل بسرعه ههههههه يقولون دعوه الحوامل مستجابه امانه امانه طلبتج ادعيلي

 

[المكسيكيه]

مبروك الف مبروك
قولي الحمدالله على كل حال هذي رزقه
وان شاء الله ربج ما يتخلى عنج
اي شي تبين تعرفينه سالينه
والبنات اشوفهم ما قصروا كفوا ووفوا
الله يسهل عليج ولادتج

 

[بخـــارى]

الف الف الف مبروك
روحي راجعي الدكتور بلندن
والبنات كفوو ووفوا بالردود
وان شاءالله تلحقين تعرفين جنس المولود وتتشرين له من هناك

 

[om 7moood85]

الله يتمم عليج ان شالله
ويرزقج بالذريه الصالحه

 

[حرمه المصون]

مبروووك حبيبتي سهالات لاتحاتين

 

[جبنة بيضة]

مبروك بالعكس فرحي و ارتاحي و اكلي فوليك أسيد و ماكو الا العافيه

 

[دآنة آلرشآيده]

الف الف مبروك
الله يتمم عليج ويثبتلج حملج
خذي فوليك اسد​

 

[الينبوعة]

لا تخافين ربج يسهلها ان شاء الله مثل ما قالو لج البنات اخذي حامض الفوليك وفيتامنيات واهتمي بنفسج والله يتمم حملج احلى بشارة في الدنيا ان تكونين ام وتعرفين انج حامل احلى خبر افرحي ​