طلعتي من الاربعين،،، جم كيلو نزلتي؟؟

[ام أحمدووه]

السلام عليكم بنات الوالدات والحوامل بس مو البجريات :eh_s(8):

طبعا موضوع الوزن الزائد اثناء الحمل نعاني منه أغلبنا اذا مو كلنا :eh_s(2):
وبس نولد يبدأ هاجس الوزن يرعبنا
ويصير تفكيرنا كله بالجسم والرشاقة وشلون نضعف وبأسرع وقت


أنا وزنت رابع يوم من ولادتي ونازلة بس 8 كيلو :eh_s(2):
وطبعا الطريج طوييييييل لأني زدت واااااايد استحي اقول جم :eh_s(22):

والحين صارلي 11 يوم نفاس
ومخففة حييييييل بالإكل ولا رادة على أمي تقولي اكلي مايصير حراااام صحتج!! بس أنا موقادرة خلااااص وقاعدة احاتي وزني ابي اضعف


شاركوني وطمنوني كل وحدة تقول تجربتها
شكثر نزل وزنج بعد الاربعين؟؟ برجييم ولا بدون رجييم؟؟
ناطرتكم

 

[souhaila]

حبيبتي انا نزلت ١٤ كيلو
بعد ما زاد وزني ٢٠
باقيلي ٦ كيلو انزلهم

 

[فجر الجنوب]

الله يعين انا توني ما ولدت بس باذن الله اني انحف والله خراب استغفر الله
الله يخارجنااا

 

[ام خدود ورديه]

خوش مووضوع يعطيج العافيه
انزين بنات واللي بطنها صغير هم تنزل 8 ؟؟

 

[عالمي المجنون]

لي ولدت اقولج

بس انا بجر

 

[مواصله]

انا مع الحمال ازيد 10 كيلو بعد الاربعين يروح 5 والخمسه الثانيه مع الوقت بالرااحه

 

[ام أحمدووه]

حبايبي مشكورين عالمرور

ام خدود حبيبتي أنا بطني مو وايد كبير بس جسمي متفوخ وكان كله ماي وطبعا الزيادة بأماكن ثانية
ونزلت بعد الولادة ب ٤ ايام ٨ كيلو

الله يعين باقيلي واااااايد

 

[دمثة]

لا ما ازيد الا الا خمس كيلو

وبالنفاس انزل 10 واصير عجيييبة كاني خدامة مرتجعة من الضعف

واطلع من النفاس مالي زهوة

 

[kanoosha]

ام احمدوه اصلا راح تنزلين وايد معروف المره بالنفاس اتصير دق العود من الله وعاد انتي وارادتج بعد الاربعين

 

[ام أحمدووه]

ام احمدوه اصلا راح تنزلين وايد معروف المره بالنفاس اتصير دق العود من الله وعاد انتي وارادتج بعد الاربعين

الله يسمع منج ياااااااارب
ماتدرين شكثر احاتي الوزن
أنام واقعد بس احاتي هالشي

 

[ساااارونه]

انا زدت في حمالي اكثر من 20 كيلو لاني كنت حامل بتوم وولدت وزني 67ومه الرجيم الحين صار 63 صار لي شهرين ونص من ولدت

 

[عبير الكويت%%]

انا زدت 20 كيلو بالاربعين نزل 11 والحين نزل 9 الباقيه الحمدالله ورديت وزني القديم

 

[ام أحمدووه]

اب اب اب

 

[لمسة انثي]

انا ازيد اكثر من ٢٥كيلو بسبب زولال والحمدالله بعد الاربعين اضعف علي خفيف

 

[tho tho]

انا بعد الولاده نزلت 10 و باقيلي بعد تونا بداية الطريج

 

[shbq8]

الله اعينج انا بعد الولاده و بالاربعين نزلت ١٠ بس كنت حيل محافظه ما اكل خبز و لا قبوط بس لحم و دياي مشوي،،

 

[وآحشنــي زمآنـك]

ان شااء الله تنزلوون بصحه وعاافيه وتصيروون سمبتيكاات ..



بس اناا خالتي قبل ضعفت حييل بالأربعين ماا كانت تكثر من الأكل يعني سوالف جريش ومفروكه ومشتقااته ماا كانت تاكل منهم الاا قلييل ..

وأتبعت نصييحه جدتي أهم شي الخضراا وأكلي مرق دجااج مع شويه خبز وتحطين معاه شويه حلبه عشاان تقوويج ..

والريوووق بيض مفيوح وكثري منه لأنه يقووي الرحم وشربي حليييب ..


هذي نصايح جدتي لأمي وخالااتي وإن شااء الله أناا بتبعهاا ..


والوحيده اللي التزمت فيها خالتي وماشاء الله ضعفت ..

 

[فجوره]

بالاربعين نزلت 11 كيلوو وللاسف بعد شهرين رديتهم ما التزمت

بأكلي وألحين سويت رجيم ورديت نزلت 10 كيلووو


وباقي لي 5 كيلوووو ان شاءالله أنزلهم بصحه وعافيه




​

 

[Mednight Rain]

انا بجريه وهالموضوع شاغل بالي والله يستر
وينزل وزني

 

[ام أحمدووه]

بنات أنا واااايد قاعدة احاااتي
أنا زدت اكثر من عشرين
وأبي اضعف بسرررررعة
والحين حارمة نفسي من الاكل
بس حاسة بالذنب صدري مافي حليب خفييييييف كلش