طلب وليس امر ... محتاجتكم

[yasmeen_q8]

السلام عليكم شلونكم كروشات
بنات انا ودي اولد اليوم قبل باجر
انا مابي اتشكى واقول فيني وما فيني بس ثقل .. وتعب غير النطره
كل يوم اقوم مادري شنو بيكون مصيري
ابي اوولد بشوف هالكائن اللي فبطني
وخااايفه حييل من الولاده
تييلي مرات افكار سوداويه مابي اقولها
اخاف يصير شي
احيانا اقعد اطالع ريلي وابجي واقوله يا ترا بشوف ولدي ؟! :eh_s(11): :eh_s(16):
مو متخيله مادري مو مستوعبه مادري
بنات ابيكم تدعونلي بولاده سهله ميسره واقوم بالسلامه واولد بسرعه
ابي اوووووووولد خلااااص مليييت :yaaaaaarb: :yaaaaaarb:

 

[Loloki]

يااارب تولدين وتشوفين بيبج بصحه وسلامه

يارب يهون عليج الولاده وتتسهل من رب العالمين يارب


الله يسهل عليج ويقومج بالسلامه

 

[زين ودلال]

يسهل عليج ان شاء الله

 

[زين ودلال]

الله يسهل عليج ان شاء الله

 

[حرم_الغلا]

يــااارب تـولدين بالســلامه وتقـر عيــنج بشــووفة ولـدج......عــاااااااااادي هالاشعــوور تحسين بخــووف وبــوناسه ,بضــيييقه..يــووووه ذكــرتيني يـوم كنت حـاامل مثــل هالاياام وزوجي موديني البر عشاان أمشــي لان الرحم مفتوح 2 سانتي وكنت تعبااانه جااان أبجــي وأقــول مــاله داعي أمــشي أصــلا أنــا أحســاسي بـــولدي بقيــصريه جــان يقـوول الحمدالله تعــوذي من الشيطـان وفـعلا بعـدها بيــومين دشيت الوضع ولدت قصــريه << أدري خــوفتج... بس والله والله والله راااااح تنسين كل شي لماا تشووفين عيوووونه والله يهوون عبيييج ياااااااارب

 

[om 7sony]

اله يسهل عليج ويهون ولادتج وتشوفون ولدج بين ايدج
اللهم امين

 

[إم بــــرٍآك]

الله يعينج ويقومج بالسلامه يارب وتفرحين فيه وتقر عينج بشوفته ويتربى بعزكم يآآآرب وتكون ولآدتج طبيعيه
اقري آيه الكرسي وسورة الزلزله وشربي خروع والله يسهل عليج وطمنينا عليج اذا ولدتي

 

[ام نواف العجمي]

1. يارب يسهل عليج الولاده يارب ويتمم على كل حامل يارب لاخر شهر

 

[La t7atini]

انزين انا مثلج كنت متشفقه ع الولادة ومافب شي ماسويته

وحزت الولادة تمنيت اظل طول عمري حامل ولا اشوف الي شفته

سبحاان الله

واذا ع الافكار انا ام الافكار لدرجة مره تحلمت اني والده
بيبي له راسيين ؟!

تعوذي من بليس ووكلي امرج لله
والله كاتبلج موعد ماتعدينه

الله الله بالدعاا لانه هو بس الي يرد القضاا

ادعي ربج بالسهالة والعافية وحسن الخلق وهوون الطلق
وربج كريم بعباادة *

 

[ام نواف العجمي]

يارب تولدين بسلامه وتحبينه وهو بحضنج ويتمم عليج فرحتج ويتمم على كل حامل لين تولد يارب

 

[سنو - وايت]

الله يسهل عليج وتولدين بالسلامة

 

[ام الحوراء زينب]

الله يسهل عليج ويقومج بالسلامه ياااارب

 

[غرور الريم]

انا كنت مثلج ابجي واصيح واقوول حق امي اذا صارلي شي ترى البيبي اماإاإانه في رقبتج
هههههاي والله أياإام ماتنسي بس الحمدالله عندي طفلين ولله الحمد لااتتوسوسين واذكر الله
وبشرينا حبيبتي والله يسهل علييج

 

[الكادي 1981]

الله يهون علييج ويقومج بالسلامه لالالا توسوسييين

 

[بيبي سبايس]

الله يسهل عليج ويرزقج الذرية الصالحة

 

[yasmeen_q8]

والله انكم تنحطون عالجرح يبرى

ما تقصرون حبايبي عالدعاء والحجي اللي يريح

غرور الريم هذي بالضبط طريقي بالتفكير يبتيها عدددل

 

[*دنــيـQ8 ــا الوله*]

الله يهون عليج انشالله ..

 

[اميرة الورد $]

الله يسهل لج ويهون عليج وتقومين بالسلامه
هذي هواجيس كلنا مرينا فيها وسوينا افلام اللهم ياكافي.
اذكري ربج وطولي بالج انا كان ودي اعصر نفسي عشان اولد
بس نصيحه نصيحه نصيحه كثري من اكل التمر والمشي هالأثنين تراهم يسهلون الولاده
سبحان الله لاحظت هالشي بولاداتي اللي كليت فيهم التمر ومشيت كانوا اسسسسهل من ولاداتي الثانيه ..

 

[yasmeen_q8]

ان شاء الله يا رب
ما تقصرووووووون

 

[تبطي عظم!]

الله يسهل عليج

نفس افكاري واي احسج تتكلمين عني والحمد لله هذا انا ولدت بالسلامه

استهدي بالله كثري قراية سوورة الزلزله وسوره مريم وكثري دعاء ادعي ادعي

واحسني الظن بالله والله مايخلي عباده ماجابنا للدنيا وينسانا سبحانه معانا بكل لحظه

الله يسهل ولادتج يارب ويرزقج الولاده الطبيعيه السهله ياااااااارب ~